雲壽司 (聯成商業中心)

营业中

休息中

自從加入OL一族，每逢週五都習慣推卻一切交際，獨身一人去飽餐一頓，犒賞自己呢星期嘅努力同時享受真正屬於自己嘅時間。有去過公司附近嘅中環分店食晏，雖然間隔同樣密集，但可見銅鑼灣食客都有講有笑，走著慢活嘅節奏，少咗果份趕急感。未到七點，已經有唔少人喺門口等位，等位期間都有聽到路人言談間嘅好評。雖然唔係真正OMAKASE嘅環境格調，更似係間民營壽司店。但食物質素絕對對得上價錢，晚市幾舊水去邊搵🤷‍♀️今日做孤獨的美食家，幾經掙扎下決定點壽司拼盤，下次再同同事嚟試廚師發板慢慢嘆。先由淡味魚類食起，牡丹蝦肉質爽脆，正常發揮；吞拿魚腩偏薄味淡，勝在無腥味。左口魚經火灸後逼出魚脂，入口即化，豐盈嘅油脂充斥整個口腔，絕對係今餐嘅MVP。滿滿海膽比飯更多，非常足料，味道鮮甜不苦。深海池魚同為白身魚，味淡肉厚，帶獨特口感，爽脆中又有幾分柔嫩，同樣令人一試難忘。赤貝又爽又彈，比其他貝類食起嚟更清爽。三文魚籽圓潤汁多，一咬開，內裡嘅汁液傾瀉而出，甘甜鮮美，絲毫不腥。蔥同吞拿魚腩呢個perfect match絕對唔差✨先讚揚師傅刀工，剁得極之細膩，令魚肉更嫩滑，亦令魚香擴散得更佳更濃厚👍🏻比較少食魴鮄刺身，魚肉偏

為何深宵總是餓？明明食完晚飯，行一陣街又覺得有少少餓，於是就買個外賣壽司返屋企做宵夜。老公鍾意食赤貝，所以揀咗特上壽司拼盤。雖然係外賣壽司，但包裝得非常好，所以拎到返屋企仍然能保持最佳狀態。吞拿魚腩🍣屬於「赤身」一類，油脂不太多，肉質實，有咬口。深海池魚🍣肉質紮實而爽口，微微帶點油香，非常鮮甜。牡丹蝦🍣蝦肉呈半透明狀態，蝦肉帶鮮且香甜。赤貝🍣肉質爽口，甘甜美味。海膽🍣外觀已經覺得非常飽滿，充滿光澤，新鮮香甜沒半點腥味。三文魚籽🍣粒粒晶瑩剔透，放入口中卜卜脆，每粒都帶有魚油嘅香味。火炙左口魚邊🍣帶有微微嘅焦香，左口魚邊肉質嫩滑。葱吞拿魚腩🍣將幼細嘅蔥花放在吞拿魚腩蓉之上，混入一齊食非常香口。鯖魚🍣第一次生食鯖魚，肉質彈牙，與熟食比較另有一番風味。我都係第一次食咁高質嘅外賣壽司，下次要來試吓堂食，享受一下正宗嘅日式服務。

嗚嗚呢排返工返到好夜，放工超攰😐，本身約咗朋友去激安買嘢食開餐，但太多人、唔想迫就放棄咗。我哋行咗去總統戲院嗰邊，嗰到有間「雲壽司」我想試好耐，呢日唯有食住佢嘅外賣先啦。喺門口睇緊餐牌之際，店員同我哋講外賣自取有九折啊，試下啦～。咁我哋就直頭入舖坐低睇😝。雖然只能夠做外賣，但師傅們都著晒整齊廚師服預備食物，夠專業，抵讚👍。餐廳環境好細，但氣氛好好，而且佢能確保一位師傅對一枱食客嘅比例。餐廳有得食廚師發板，比出面平好多，而且仲有得單點壽司！選擇超多、花多眼亂🙈。我哋有諗過散叫，但又唔想諗，店員話咁不如試下個特上壽司拼盤🍣($250)，有十件精選壽司，件件都咁好食咁話喎。十件壽司包括吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鮄同蔥呑拿魚蓉壽司。認真無呃你，我敢講全部都好食😋，仲要外賣已經無可避免地會將味道大打折扣。當中有三款我特別推介：三文魚籽，我未食過咁好食嘅三文魚籽㗎，每粒都爆曬漿，超級甜😍。佢同連鎖壽司舖嘅出品完全係兩種唔同層次，好正。火炙左口魚邊，🔥火炙系列一向都係賣飛佛，因為輕輕炙燒完更能帶出魚生份油香；左口魚肉燒完，肉質仍然爽口。呑拿魚腩，魚身粉紅

呢排成日留係屋企好悶，今日頂唔順要出下街。首先解決左午餐先。我黎到銅鑼灣雲壽司，揀左特上壽司拼盤。午市包麵豉湯同沙律，枱面有抹茶粉俾你沖熱水飲。10件壽司分別係吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鮄、蔥吞拿魚腩。壽司基本上都搽左薄薄一層wasabi，全部食落都冇筋，幾新鮮。牡丹蝦鮮甜。火炙左口魚邊口感肥美，油脂豐富。三文魚籽、海膽、蔥吞拿魚腩都係用紫菜包住既，冇wasabi。吞拿魚腩鮮甜肥美。鯖魚正常。魴鮄同深海池魚都唔錯。赤貝入口爽甜，有驚喜。