壹級日本料理 (已結業)

呢間壹級日本料理已經開了一年多，得知星期六、日夜晚好爆場，所以都係閒日下晝一點半點後去食(因為一點半前好多學生)，又坐得舒服啲，點了最貴嘅壹級丼飯($88跟味噌湯)。壹級丼飯，見到有三文魚、海膽、三文魚籽、蟹籽同蟹膏，配上青瓜絲、酸薑，當然有日本芥辣響碗內，先將芥辣放上豉油碟，加入豉油後撈勻後再倒入丼飯中，三文魚夠肥美；海膽質感細膩，味香甘甜，入口即溶；三文魚籽爆脆又夠鹹香；蟹籽不過不失；蟹膏鹹香嫩滑；壽司飯微暖，不錯。再點了一客火炙極上三文魚腩壽司($38，要加一)，見到壽司吧師傅磨咗啲相信係海鹽嘅物體響件壽司上面，上枱時見賣相已不錯，師傅話豉油都唔駛點，將壽司放入口，極上三文魚腩入口即溶，油脂佈滿口腔，反而酸酸的壽司飯是用來中和返肥美的三文魚腩，師傅，麻煩再來一客！

一年多前曾光顧的壹級，現再度光顧，發現環境沒有什麼大變化，但餐牌卻是煥然一新的(聽店員道聽途說的)。之前的餐牌是怎樣我沒細心記下來，但一些西式的午餐、焦糖菠蘿就肯定是新加的。店員又打趣說因為要顧及午市前來的學生，又想到就算一群人來吃午餐也未必人人也要吃日式的，因此有此改變。雖然我也很好奇日式餐廳的西餐，不過兩個人吃得不多，所以只可以點幾道愛吃的了。忌廉蟹肉薯餅的忌廉蟹肉蓉又滑又香的，炸得酥鬆，讚火炙極上三文魚腩壽司很肥美啊，而且入口即溶，除非是不好三文魚的，否則這肯定是必點之選啊刺身拼盤是自選的刺身，其中海膽會另跟紫菜和壽司飯，果然海膽是要配紫菜和壽司飯的。真不明白為何一些人可以空口吃多多的海膽...黑豚腩、牛脷，我不吃牛，所以不點評，豚肉嘛.... 可能吃的時候已涼了，所以也不是特別出眾的。在家炮製燒菠蘿，通常會加冧酒、黃糖之類的做焦糖漿，又因為如果一旦煮過火燒焦糖漿，便會留有苦味，所以即使有多喜歡也嫌其工程繁複的... 而這焦糖菠蘿是真的很好吃，焦香而菠蘿又甘甜oiishi

大排檔一向給人親民感覺，而香港人一向都好鐘意食日本料理，其中呢間「壹級日本料理」價錢親民且質素不錯，亦深受街坊歡迎，我亦幫襯咗數次。聽侍應講平日Lunch時間十分滿座，反而星期六下午卻不用等候，直接進入。火炙極上三文魚腩壽司，將三文魚腩輕輕火炙，徘徊在生與熟之間，油甘香味充斥整個口腔，一口滿足！近睇火炙極上三文魚腩，仲有Washiba與蔥花，新鮮足料。温泉玉子蒜香和牛粒飯，係今日餐牌嘅「自選配搭午餐」，$88 跟麵豉湯，入面除咗蒜香和牛，仲有木耳絲，紫菜絲同溫泉蛋，撈埋一齊食頗惹味 。芝士年糕，記得要趁熱食，年糕燒至外脆內軟，中間仲有流心芝士咇出嚟，連埋啲年糕食落煙煙韌韌，好有口感！最後一款我每次必點嘅就係焦糖菠蘿，聽侍應講係時令菜單，以新鮮菠蘿加上焦糖輕燒，酸酸甜甜好開胃，忍唔住食唔停！食飽後最好就係散吓步，沿路行大約20分鐘，就可以去到沙田文化博物館，繼續欣賞精彩嘅展覽啦 ：）