大飯糖甜品小食屋 (已搬遷) 新店位置

舊時係洪水橋返左幾年中學，對洪水橋區內發展都比較了解，食甜品既地方係幾乎沒有選擇，依家有呢間大飯糖甜品店相信係區內市民既喜訊！留意返綠色牌面先係現址～唔好去錯過幾間既舊址，以為佢無開就唔好啦～名字都起得好有心思，而且星期一至五有特別優惠推介～最重要係有腸粉同咖哩魚蛋、豬皮、腸仔食，唔係一個齋賣甜品既店，咖哩汁幾香，唔算辣，受眾程度高～雜果楊枝甘露有菠蘿同袖子肉食落好fresh碗紫霞仙子配紫米同白色小丸子好煙un~店員好可愛丫，係碗灰姑娘既曲奇雪糕上畫小丸子，好驚喜！值得一讚係雪糕好實唔易化，證明足料！

今晚，同女友係沙田食完飯揸車返去元朗屋企啦，女友話口淡想食糖水，咁我就問下佢意見啦，佢就建議我去洪水橋食糖水，佢話出面又泊到車又好食wor,咁就去試下啦！去到洪水橋大街，泊左車後，冷清嘅大街轉入去竟然有另一番景象，就係好多人係度等緊位，有d係一家大細，有d係十幾個後生仔係度等大枱，正當想放棄之際多口過去問有無二人枱，竟然有張單丁二人枱，重要即刻入，咁就當然懷著勝利嘅姿態入去食啦!睇完個餐牌都真係好多花款，有綿綿冰，爺皇為主嘅甜心爺爺，有中式甜品，布甸，心太軟，有左配右搭，款式多到我睇到眼花，我女友就選擇左個心太軟再加個扭紋雪糕，而我就選擇左個精選甜品嘅灰姑娘啦！落左單無耐就上菜啦，首先就係灰姑娘，灰姑娘裏面有曲奇雪糕，小丸子，西米露同埋芝麻糊，小丸子再加西米露原來口感都非常特別，有時候食到小丸子就好有咬口，食到西米露就較為林d，溝埋一齊就好特別，係口裏面一大一細咁樣，而曲奇味雪糕都好標準，好有味，跟住到芝麻糊果part啦，我稍為覺得芝麻糊份量係少左d，溝埋d西米露之後俾d椰汁溝淡晒，如果你只係食芝麻糊其實都好香口呀！唔錯!跟住到心太軟啦，賣相就絕對無問題，而食落去都好濃朱古力味，個皮都

大飯糖真係不得不贊，令到我差唔多每個禮拜都會黎食糖水，因為有中式同中西式甜品，又可以加好多配料，上菜快，份量適中，價錢合理今次就同大家介紹下我比較中意食嘅幾款糖水。灰姑娘，有芝麻糊、西米露、小丸子、芝麻雪糕，特別要提小丸子，因為煙煙韌韌好有好感，芝麻糊同西米露撈埋真係好似灰姑娘咁XD紫霞仙子，有紫米露、西米露、小丸子、香芋雪糕，真係好香~芒果河粉，依度嘅芒果又多又大舊又甜，河粉又厚又長又重椰子味，兩個夾埋就係絕配。朱古力天堂，上面係朱古力軟雪糕，下面有紅豆粒、小丸子、朱古力脆卜卜，最底係超濃嘅朱古力奶凍，溶咗嘅雪糕同下面一齊食就係好正~聽聞會係沙田開分店，大家一定要試下。