炑八韓烤 (黃大仙中心南館)

营业中

休息中

🐽炑八厚切五花腩韓燒點少得邪惡五花腩，肥肉燒到”滋滋”聲勁香口，加上豬皮彈牙，肉腩多汁，包菜食加添爽口，減少油膩感！🐮蔥蒜牛五花牛五花望落肥瘦均勻，燒烤完肉質飽滿彈牙，有蔥蒜醃製過且入口充滿醬油味，部分牛五花有肉筋，但入口依然易咬開。🐙大八爪魚大過我手掌嘅八爪魚，要較花時間燒，本身有醃製過，所以已經好有味，外脆口，肉彈牙。要掌握燒烤時間，否則八爪魚腳好易燒到燶。🦐韓式紅蝦肉厚爽口又彈牙，燒烤後外殼散發香噴噴嘅鮮蝦味，蝦頭有濃郁蝦膏，非常滋味脆口。🥢泡菜煎餅好多泡菜，食落又唔會太辣太濃味，泡菜爽口，煎餅軟糯，所以口感特別，配有甜味燒汁，富有韓式甜辣特色。🥣韓國水冷麵夏天特別鍾意食冷麵！冰凍清新，而且酸醋及芥末都令我越食越開胃，同熱辣辣嘅燒肉成強烈對比，一口燒肉，又一口冷麵，可以清新味蕾！🩵藍天使梳打~藍色波子汽水口味💚冰涼薄荷乳酸梳打~ 清新薄荷配上乳酸兩杯梳打特飲顏色都非常夏日，解渴清涼！！🫶🏻餐廳位置多，非常有空間感，前菜，爐邊蛋及芝士都可以😌無限添加！

這間人氣連鎖韓國餐廳，其中一間分店位於黃大仙中心南館，主打大眾化價錢的韓式燒烤，店內環境寬敞舒適，裝潢還原韓國當地燒烤店，抽風系統完善不沾油煙味。韓式前菜除了芝麻醬沙律外，泡菜、醃蘿蔔及韓式涼拌芽菜等均可無限添加，新鮮翠綠的生菜亦可夾著肉類。爐邊蛋同樣可無限添加。一邊是半溶化的芝士粟米，拉絲富奶香，另一邊是泡菜爐邊蛋，滑溜帶爽脆。韓式肉肉蛋糕生日月份免費贈送禮遇。晚市時段最低消費兩碟燒烤產品或一個套餐，並最少提前一天訂座說明享用此優惠。分別以牛肉和豬頸肉卷成玫瑰花，再鋪滿肥瘦相間的牛五花油花豐富細緻，份量好豐富！韓國醬油蝦配紫菜飯 - $138四大隻鮮蝦肥美飽滿，以正宗的韓國醬油生醃，不死鹹反倒帶點甜味，蝦肉更加爽彈，與醬油蟹軟糯的感覺截然不同。炑八厚切五花腩 - $138肥瘦夾層的五花腩，軟嫩多汁又油潤，肥而不膩瘦而不柴，鮮甜的豬肉味好濃郁，豬皮煙煙韌韌富膠質。蒜油蜜糖雞腿肉 - $98大大塊雪白的雞腿肉嫩滑多汁，濃烈的蒜油蜜糖好入味。夾心棉花糖配朱古力威化餅 - $68燒至金黃的棉花糖外脆內流心，夾著酥脆的威化餅，連朱古力醬亦溶化。薄荷荔枝梳打 - $38菠蘿梳打 - $38梳打富

放工想食燒肉，記得上次係炑八食過魷魚遊戲套餐，好想再encore, 點知今次去到出左新品，所以決定試下，一坐低就有5個前菜、沙律及生菜盤，前菜仲可以任添韓牛貝身肉就係望到呢個貝身肉，見到都好想試。油花分布細密，見到都肥美，果然不負眾望，滿滿嘅油脂已經令到火爐火花四起。燒幾下就已經食得，筷子一夾，油脂隨即滴下，放入口簡直就好似會融化一樣，內質軟绵，咀嚼時滿口油香衝擊味蕾。一份有六塊，都幾大塊同有少少厚度，店員幫我地燒緊肉嘅時候，我問佢其實係牛肉嘅咩部位，原來喺背脊肉呀，一隻牛只係得好少，所以哩個部位都唔係成日食到。$158我覺得物超所值啊! 特級牛肋骨一大條連骨上，又長又重，好彩有專人幫忙燒肉，輕鬆好多。牛肋骨稍有調味，醬料比較鮮甜，燒完之後更加能夠突出牛肋骨嘅鮮甜味，比起貝身肉不同之處，牛肋骨肉質比較香甜，牛肉味也比較突出，而貝身肉係感受油脂獨特的風味，完全兩種唔同既享受。 炑八厚切五花腩又厚又肥美,五層嘅豬腩層次分明，特別頂層豬皮，充滿膠質又有彈性，燒到焦脆香氣彌漫，食落去口感無得彈，彈牙又脆卜卜，口感超豐富，五花腩肉味香濃，而且好juicy不過燒得好食都好緊要，豬腩肉有厚度需時間燒

炑八是一間連鎖韓式燒烤餐廳，在尖沙咀、太子、銅鑼灣等各有分店，而黃大仙這家店很寬敞，有卡座又有長枱，適合三五知己或大夥兒聚會，今天我們就約了十二人到來跟兩位壽星女慶祝生日。打開餐牌，豬肉、牛肉、雞肉各部位單點，也有拼盤選擇，朋友是熟客，由她們發辦吧。朋友已儲了一些印花卡，部分食物有優惠，紫菜包飯、甜辣炸雞、醬油蟹、韓牛拼盤，再點一些皇牌推介，非常豐富。先來沙律新鮮爽脆，加了點橘子提味更清爽，令比較油膩的烤肉來得舒適。除韓式前菜外，店員亦立刻放上芝士粟米及泡菜蛋，都是無限添加的。飲品選了柚子冰茶，壽星女則贈送了草莓飲品。醬油蟹，由韓國直送的藍蟹，到港後再加醬油醃製，蟹肉吸收了醬油的香氣，連蟹黃一起吃，味道甘香，因為是全生的，口感軟黏，不喜歡吃生的朋友要留意。店子提供有骨及無骨炸雞，要啖啖肉則選了原味無骨炸雞，韓式炸雞的確優勝，脆口無多餘油份，甜辣炸雞加了醬汁，味道更豐富。紫菜包飯也不欺場，材料豐富，味道鮮美。店員端上烤肉食材，韓牛拼盤、霜降牛小排、韓式梨汁雞肉、蔥蒜雞肉、炑八特製護心肉等，韓牛有牛味，梨汁已軟化雞肉纖維，肉質軟嫩，燒蔥蒜雞要留意，比較搶火容易燶。如果想效果比較理想，可以請