HeSheEat (白布街) (已結業)

放半日假帶親戚旺角shopping， 買咗好多嘢， 行到又攰又肚餓， 親戚話唔想食中菜， 見到呢間 He She Eat 仲有位即刻入去坐， 侍應話樓上都有位，實在太攰，唔想上樓梯， 選擇坐樓下。開放式設計， open kitchen, 全部透明，清清楚楚樓下只有10幾個坐位，唔算大梯間牆壁畫滿食物甜品最窩心係一坐低，已經比一瓶清水我們， 飲咗幾杯才開始點餐個名咁長想試下， 製造時間要等20分鐘， 看似普通漢堡包， 冇乜特別咬了第一口，就覺得滋味無窮， 厚厚大蘑菇鮮甜幽香， 配上半溶化芝士+新鮮牛肉+蘑菇醬， 意外地好食， 菇類減低咗肉嘅肥膩， 美味又健康見到這版海膽已經覺得值回票價， 西式意粉配搭日式材料，創新口味， 海膽新鮮， 溫泉蛋滑溜， 意粉硬度適中， 配上creamy醬汁， 兩個食到不停口， 嫌意粉份量太小了這個炸雞翼跟以上兩個菜式比較， 珠玉在前，顯得效為普通買相一般，入口方知美味， 雞肉釀在炸蘑菇內， 清香帶有肉味，用濃濃黑松露蛋黃醬，滿口芳香爆放窩夫新鮮烘焙， 要提早十分鐘落order， 蛋醬粉加綠茶粉做成窩夫， 脆香熱騰騰， 綠茶雪糕、紅豆、糖漿填滿格仔食，甜+熱+

朋友知道He She Eat二而加做緊+50蚊甜品放題，就即刻約我去食He She Eat。去到餐廳大概6.45，我地Book左位所以唔使等！！但原來+50蚊甜品放題只限walk in！！！大家想食甜品放題就唔好book位了直接去門店。記得早D去，因爲7點開始已經見到外面有長長的人龍！座地無耐，店員就為我們端上水，我飲左一啖，唔係水喉水！！Good。我地分別叫左2個小食同主食，價錢都好親民。炸蘑菇釀雞肉：上枱的時候應該剛剛炸好！熱辣辣咬開之後肉汁不段湧出，裏面有原粒的蘑菇！配搭黑松露醬十分滋味。炸雞翼韓式辛辣醬：雞翼都好大隻，面上鋪了少許辣椒粉，但食落去就唔係好辣的，配上韓式醬汁（酸酸甜甜）頗開胃。海鮮意大利飯：友人很喜歡呢個意大利飯，材料有大蝦，魷魚，帶子及青口，海鮮都好鮮甜！意大利飯嘅乾濕恰到好處，飯粒軟熟分明充滿海鮮的香味。海鮮夠多都夠同大，無偷工減料！飯中加左番茄，友人很喜歡！差不多自己食曬一碟。墨魚汁魷魚扁意粉：我自己很喜歡！！意粉用左辣椒炒辣味微微滲入，加上檸檬汁感覺係又惹味有清新。魷魚有先炒過！很香口。最後唔少得甜品la~我地分別叫左士多啤梨窩夫和雜果乳酪奶凍。士多啤梨窩

朋友生日，跟她補吃生日飯。她說想試這家店，因為每次經過門口都有很多人在等。之前以為這裏只有甜品，原來還有其他頭盤小食正餐的😜店內設有兩層，我們坐在樓上的位置，沿樓梯上，牆上貼有可愛的貼紙和掛了幾幅畫。打開餐牌，很多東西都想吃，最後點了幾個。《炸磨菇釀雞肉》炸蘑菇我未食過， 原來都幾特別的， 外面脆入面軟，磨菇入面仲釀了雞肉，配黑松露蛋黃醬，唔錯。《燒美國牛肉胡麻醬沙律》沙律配胡麻醬已經冇得輸，燒牛肉先係主角，肉質好腍夠juicy。《HeSheEat漢堡》呢個即係招牌漢堡啦😄餡料有三重芝士，大蘑菇，當然不少得厚厚又juicy的牛肉啦! 以女生來說，一口真的咬不到所以食材😅除了漢堡還有香脆薯條配茄汁，很快就給朋友吃完。《墨魚汁魷魚扁意粉》呢個墨魚汁意粉有少少辣，好蒜香味，魷魚好爽口，意粉煙靭，食完成個口都黑晒，我取笑朋友話好啱halloween食，妝都唔洗化🤣🤣《雲呢拿士多啤梨奶凍》又到甜品時間，我們最期待的🤗最先看到的是士多啤梨雪糕，好香好滑，周邊圍住新鮮的士多啤梨，下面一粒粒的像是叮叮糖，入口即溶，最底的是雲呢拿奶凍，好軟滑，一口試齊所有，口感豐富。《芒果熱情果沙冰》朋友點了這杯沙冰，

今晚同好朋友黎左呢間人氣高既餐廳食飯，冇諗過除左甜品好食，佢既主菜同小食都一樣好食!我同朋友大概7點左右到餐廳，餐廳分左兩層，我地安排係樓上既座位，環境都算寬敞，不會太迫!座低後侍應為我地準備了一樽水，非常貼心!同朋友好多野想食，於是就叫左2個小食、1個飯1個意粉同埋2個甜品....飽到傻左!蟹肉蕃茄牛油果沙律，賣相非常靚，十分似係高級餐廳食既前菜!面層係蕃茄、中間係有黑松露既蟹肉，而最底層係牛油果醬，碟中還有沙律菜同有少少辣粉既多士，將蕃茄蟹肉牛油果配埋脆卜卜的多士一齊食，口感非常好!絕配!而沙律菜亦有黑醋醬點綴，感覺清新開胃!炸蘑菇釀雞肉，蘑菇本身好清新，而雞肉亦不會很肥，將兩樣食材變成一個炸物，夠創新!配埋餐廳提供既沙律醬，感覺很清新，不會太油膩!墨魚汁魷魚扁意粉，原來呢個意粉係有少少辣的，不過幾惹味，配上餐廳附送既檸檬汁，酸酸辣辣夠醒胃。另外D魷魚都好彈牙!春雞黑松露意大利飯，賣相已經好靚，雞腿肉質嫩滑，好juicy，外皮脆卜卜，好好味!而意大利飯唔會太"傑"或者太稀，剛剛好，黑松露味都好出!鮮果乳酪奶凍配有幾款不同的生果，而雪糕用上乳酪雪糕，酸酸甜甜十分解膩，而最底有牛奶味奶

約左朋友出黎訴下苦傾心事，HeSheEat係我第三次黎，喜歡佢食物種類多，有主食又有甜品，可以直落，服務好又唔會貴，朋友第一次黎都好喜歡。餐廳有兩層，環境都幾舒服同寬敞。內裏裝潢有心思，氣氛環境都幾好。呢個炸蘑菇釀雞肉小食好特別，由於我地都幾鍾意食蘑菇，所以好喜歡。原隻蘑菇被一層脆卜卜嘅吉列脆皮包住，中間釀左雞肉，咬落好juicy，一d都唔乾。雞肉嘅味道唔太濃，但配上黑松露沙律醬，非常match,而且食到黑松露嘅味道。呢個炸雞翼脆身而不油， 肉多厚身，就咁食都已經覺得味道好，有少少孜然嘅香，好惹味。雞翼炸到外脆內嫩，配埋呢個韓式嘅酸辣醬汁就更加好味，甜甜嘅柚子香仲帶有柚子肉，後勁是辣味，完全變成韓式感覺。海鮮意大利飯看似普普通通，但做法正宗，意大利米有嚼勁，番茄汁醬令飯粒更加濕潤，而且分量適宜，酸酸地，好開胃。海鮮用料方面好豐富，有帶子，大蝦,，魷魚，青口...等，全部材料都非常新鮮。燒豬肋排，肉質煮至離骨，輕輕一切已經可以，肉質相當鮮嫩而且非常腍。味道方面，搭配嘅特製醬汁好香好好味，甜甜的，輕微辣，單吃唔會過鹹，好夠味。一塊有大概8至9件骨，有薯條配菜，2個人share岩岩好。特別一

落雨揾嘢食一定要就腳，又想食意粉同甜品，又要坐得舒服，所以諗起HeSheEat ,地點非常方便喺旺角火車站附近，行五分鐘就到達，環境非常cafe feel,可以慢慢坐低傾計，服務又好，成日幫我地換碟，墨魚汁魷魚扁意粉$108，份量都算幾多，墨魚汁🦑掛住每條扁意粉，味道濃郁，仲有少少辣味，配合魷魚鮮味，正海鮮意大利飯$140，意大利飯口感適中唔會太硬，配上少少南瓜汁好清新吾會太留，仲有兩隻大蝦，蝦肉彈牙，正炸雞翼韓式辛辣醬$52有4隻，隻隻個size都好大，炸得香脆，仲有七味辣椒粉調味，配合好似柚子香桃果醬，非常開胃炸蘑菇釀雞肉$68有5⃣️粒，意想不到將原個磨姑釀雞肉用麵包糠去炸，外脆內仲有计，再配合黑松露蛋黃醬非常好味，到重點甜品芒果忌廉班㦸卷$58,班㦸皮薄身，班蘭味班㦸皮配上芒果果粒，非常香甜再加上雲呢拿雪糕配搭一流，拖肥果仁心太軟冧洒提子雪糕$62，如果鍾意食冧酒提子雪糕🍦就非常一流，非常大粒提子配合微微嘅酒香嘅雪糕，但係今日嘅心太軟可能過火左少少，唔係太流心，但係個朱古力味道非常香濃，再配合周邊嘅焦糖醬甜到入心，依間甜品真係做得好好味

經常去旺角都未行過白布街果邊，原來果頭附近都有幾多美食，見到HeSheEat 呢間餐廳幾特別，睇下餐牌都有幾多美食，甜品種類又多啱晒我呢個甜品迷。炸蘑菇釀雞肉，蘑菇被一層粉包住中間又釀左雞肉，一咬落口又有肉汁，沾上黑松露蛋黃醬又幾香口，又可以食到黑松露的味道。燒美國牛肉胡麻醬沙律，牛味濃厚又不會韌，底下放上蘿蔔中間蘑菇上面舖上牛肉在淋上芝麻醬，好香好美味。海鮮意大利飯有大蝦🍤大大隻好爽口，又有青口，魷魚🦑和帶子，飯又粒粒分明又有咬口又夠入味墨魚汁魷魚扁意粉，幾香意粉又有咬口又夠味道。雜莓厚局鬆餅，鬆餅熱辣辣又軟熟，沾上野莓醬又幾香又甜甜地，又有雲尼拿雪糕👍

話明係Girl talk，緊係搵一間旺中帶靜，坐得舒服又唔限時的食肆，HeSheEat正正合晒我哋心意。店舖頗大，內有不同組合的枱椅，可以少少哋兩個人食，亦都可以一大班十幾個人去食，唔錯唔錯。頭盤叫了炸蘑菇釀雞肉，估唔到蘑菇都可以炸，炸過的蘑菇非常香脆而且唔油膩，出面脆入面就依然Juicy，配上黑松露蛋黃醬，唔錯唔錯；而且還配有少量沙律菜，感覺平衡。燒美國牛肉胡麻醬沙律，燒過的牛肉軟綿綿，又滑又有牛味；而且還配有少量沙律菜，是不錯的頭盤。主菜叫了海鮮意大利飯，海鮮有青口、大蝦、帶子及魷魚，海鮮火候煮得剛剛好，令海鮮又滑又Juicy；意大利飯粒粒分明，軟堅適中，而且粒粒掛上番茄湯，推介。春雞黑松露意大利飯，雞有兩大件，雞醃得入味，雞脾肉嫩滑；意大利飯粒粒分明，軟堅適中，黑松露醬分量很多，粒粒飯都充滿黑松露醬，正。依度最好的就係頭盤主菜出品唔錯，而且甜品都出名，咁就唔駛食到一半轉場。藍苺芝士蛋糕的芝士鬆軟濃郁，配上滑滑的藍苺泡抹，唔錯。雲尼拿士多啤梨奶凍，士多啤梨雪糕該是雪芭，好fresh；奶凍滿滿雲尼拿籽，滑滑的，亦都唔會太甜，正。

春雞黑松露意大利飯 $128春雞意大利飯令人難以忘懷，2隻肥美的雞腿疊在飯上，外皮油潤金黃，大啖咬下去，肉汁香嫰。煎封後雞油被迫出，與黑松露醬匯合，變奏成細膩精華 ，份外滋味。意大利飯中央微硬，口感煙韌、濃稠，每啖都能品嚐到牛油、芝士、磨菇粒的香氣，舔舔脷指數爆燈! 香煎比目魚伴檸檬茴香沙律 $148香煎比目魚是新添的Special Menu，比目魚新鮮煎起，魚油四溢。入口脆皮酥化，魚肉輕輕一叉便散開，味道鮮而軟嫰，著實不錯。伴碟有雜菜沙律，配上檸檬茴香汁，清新解膩，只是伴菜略嫌未夠豐富。炸雞翼配韓式辛辣醬 $52炸雞翼香炸至酥脆可口，內裡肉質仍然濕潤，加上辣粉的點綴，微辣而過癮! 炸蘑菇釀雞肉 $68炸蘑菇釀雞肉誘人的小食，炸彈球包裹著原粒蘑菇，脆中帶香滑，並釀入雞肉，口感十分飽滿。沾上惹味的黑松露蛋黃醬，令人滋味停不了。士多啤梨撻配法式芝士及草莓雪葩 $68士多啤梨撻的賣相粉色夢幻，滿滿的士多啤梨圍著草莓雪葩，令人食指大動。撻皮十分清脆，入口沁出濃郁牛油香，法式芝士柔滑、淡雅，碰上香甜的草莓雪葩，結合成黏密的奶酪般，啖啖窩心! 綠茶紅豆厚焗鬆餅 $62綠茶紅豆厚焗鬆餅是即叫即製，店

位於銅鑼灣地帶嘅HeSheEat, 是在商場嘅近窗大街位置, 隔離就係商店小鋪。枱面用雲石,高雅時尚, 台式menu，夜晚都幾旺場㗎。 炸蘑菇釀雞肉， 雞肉加磨菇，唔太多肉。帶子青蘋果焦糖合桃蜜糖芥末醬沙律， 爽口宜人， 如果青蘋果分量再多啲會好啲。海鮮意大利飯,  海鮮足料。燒豬肋排，有沙律及薯條， 都幾大份， 三至四個人share都得。綠茶紅豆厚焗鬆餅， 比想像中大份， 以dessert來講係more than enough, 下午茶可以當晚餐食。另有原粒紅豆醬及綠茶雪糕畀你點, 就算唔點本身綠茶鬆餅已有味。有機排毒茶有啲料到, 飲完第二日個肚有反應.店員仲會不停咁幫你斟水，服務細心。

放工收到電話訊息問出唔出街食，辛苦搵來志在食自然秒回。 跟手收到訊息係到HeSheEat 見；當下反應係小食、甜品當正餐？去到見到餐牌先醒起有正餐主食，誤解源於過去幫襯都食甜點，而且製作出色。餐店分兩層，樓上座位明顯較為舒適，坐落後點了 燒美國牛肉胡麻醬沙律 及小食 炸蘑菇釀雞肉；主菜 香煎紐西蘭羊扒配蘋果紅酒汁 及 墨魚汁魷魚扁意粉； 走唔甩嘅甜品就 朱古力窩夫 同 綠茶紅豆厚熱鬆餅；飲嘢 牛油果乳酪沙冰、士多啤梨玫瑰茶。燒牛肉胡麻醬沙律，牛肉充滿炭燒香味，薄片肥牛香又嫩，沙律菜配胡麻醬夾晒燒牛肉；特別一讚幾塊湯醃蘿蔔，雖然係托底菜但處理得異常入味鮮甜，味美非常。炸蘑菇釀雞肉大大粒，一咬即標出磨菇肉汁，伴飲品一流。羊扒配蘋果紅酒汁 要讚讚廚師調味魔術手，蘋果紅酒汁果味醒胃清新加入石榴籽食肉類都變得唔膩，羊扒厚肉酥香佐細細粒嘅中東米充滿特色。墨魚汁魷魚扁意粉上檯熱辣辣，陣陣橄欖油香徐徐奪入鼻腔，扁意粉加入墨魚汁特別彈口，小量辣椒乾調味，慢慢咀嚼時香辣味緩緩釋出十分惹味。飲料同樣各具特色，牛油果乳酪沙冰，因加入乳酪香滑倍增，牛油果 fans 一定走唔甩。士多啤梨玫瑰茶內嘅紅莓雪糕同樣十分

位於旺角白布街的HeSheEat，走年輕人路線，除了主菜外，以甜品為主。菜式有小食、沙律、主菜、甜品及飲品，款式很多。炸雞翼韓式酸辣醬雞翼有四隻而且幾大隻，外層粉漿不厚且炸得香脆，雞肉嫩滑有肉汁，醮上酸辣醬味道帶點甜酸味，辣味就唔多覺。炸蘑菇釀雞肉蘑菇共有五粒，表面沾上炸漿，菇上釀入雞肉，外層炸得香脆，裏面有肉汁，不會太乾，醮上特製黑松露忌廉汁，口感不錯。墨魚汁魷魚扁意粉扁意粉軟硬適中，意粉比較幼細，每條都沾上了墨魚汁，非常煙韌彈牙，另外表面有點辣椒碎，所以整體帶點辣味，而魷魚爽口彈牙，加上點檸檬汁去油膩感，味道更佳。海鮮意大利飯意大利飯飯粒分明，軟硬適中而且很煙韌，飯面有大量的芝士及醬，creamy中又有芝士香味，海鮮分別有青口、蝦、魷魚及帶子，其中蝦肉新鮮爽口彈牙，帶子煎得剛好，肉質軟滑。綠茶柚子沙冰普通的綠茶雪糕，帶點綠茶的苦澀味，反而柚子沙冰有驚喜，有粒粒的柚子皮在沙冰內，有口感之餘亦不會太甜。藍莓芝士蛋糕泡抹芝士蛋糕細細件，反而旁邊的泡沫非常巨型，泡抹的外觀就麻麻，但味道卻不錯，有淡淡的藍莓忌廉味但不會太甜，口感鬆軟，芝士蛋糕餅底很薄不會太硬，芝士味濃郁幼滑，不會太飽滯。總括

自從上次食完銅鑼灣HeSheEat之後, 一直回味當中的味道， 至今非常念念不忘 ，他們無論是主菜 、甜品和飲品都很想再食多次， 以找尋這美味的感覺。今晚趁平日沒有咁多人外出吃晚飯的時候 ，一於去旺角這間超多人排隊的 HeSheEat碰碰運氣,看看有沒有位或需否等很長時間,再品嚐一次這人氣的餐廳食物。今晚果真有運有食神，由於星期二晚上，餐廳雖然是多人，但不致全場爆滿，我們很快被安排坐在樓上， 檯與檯之間擺放得非常寬敞闊落，坐得舒服，食得開心，超正的感覺。 翻開餐牌，雖然上次已食過一次， 但一看見各種美食圖片，幾乎款款都想試食一d。 所以今日要盡情地食個夠，想了一陣，决定先選兩款小食，分別炸雞翼韓式辛辣醬$52和炸蘑菇釀雞肉$68。食後， 兩款小食果然夠特別，並不是普通小食，味道零舍特別，口感新鮮。先說炸雞翼韓式辛辣醬，本地炸雞方式配上 韓式辛辣醬料，大大隻的雞翼，外面炸得金黄香脆，而雞翼面因滲透了韓式辛辣醬粉，食落有種香辣味，不至於麻痺感覺,難得肉質香滑，熱辣辣特別好食。值得一讚是炸雞翼雖滿是辛辣醬粉，但不是很辣，味道做到又香又小辣的，相信適合大小朋友口味。正！而炸蘑菇釀雞肉，很特別的