Foxglove

营业中

休息中

如果大家會去呢間餐廳，請大家留意一下佢開門嘅方法🤩🤩有驚喜之餘仲大開眼界！好似進入另一個世界咁想highlight一下餐廳入邊嘅裝修，非常之有情調，喺呢個氛圍之下食傳統中式嘅點心，完全係中西合璧嘅體驗個人最喜歡係佢嘅上海小籠包，一啖咬落去真係會有湯流同肉汁爆出來個皮真係做得好薄，特別欣賞佢個接口位唔會做到好厚，蒸出來唔會好硬實呢個係龍蝦燒賣，冇錯佢上面咁大舊嘅就係龍蝦，分量落得非常之慷慨，龍蝦肉爽口彈牙，完全係大滿足嘅口感！去食點心一定要食腸粉，覺得佢個皮整得好滑同埋唔會好油，叉燒選用得肥瘦適中，唔會好似喺出邊酒樓咁唉落係肥膏，同埋嗰豉油係熱上，欣賞，西式風格但都跟到啲中式傳統小習慣意外嘅好味！冇諗過海膽同蝦餃可以咁夾！有啲人會覺得海膽好腥，但係對於我來講係鮮味！呢個海膽係真係新鮮，仲有濃濃嘅海水味，同爽口彈牙嘅蝦餃一齊食，口感又軟又彈出奇地夾，同埋你睇相都見到海膽份量一啲都唔少！蝦多士上到枱有啲凍咗，呢個位有少少失望，但係都冇咗我對蝦多士嘅喜愛炸得好鬆軟，完全冇蝦同包分離嘅情況都想寫幾隻字讚下依杯茶，呢個碧螺春真係好香口感飲落好舒服！

😌四川擔擔麵😌$90 上之前好貼心問洗唔洗分兩份，咁梗係好喇佢個芝麻醬好濃郁，麵條掛湯，中意食擔擔麵濃香既口味必試丫 😋炸蝦多士😋$65 呢個蝦多士有四份，炸得金黃香脆，勁滋味🥰🥰🥰 🥰上海小籠包🥰 $55 不嬲都好中意食小籠包，所以黎親食點心都會叫，呢個小籠包勁足料，大大個，咬開仲有鮮味湯汁，好好味😍😍😍 😛安格斯牛肉包😛$50 個包都整得好比心機，食落好鬆軟餡料夠飽滿，除左牛肉仲有d菇，勁香口 😚朱古力流沙煎堆😚$50 朱古力煎堆第一次見，試完覺得都幾match,個餡係用nutella 做，唔係真係朱古力新鮮熱辣炸好，所以食個陣要小心辣口，放一陣先食就最好😉😉 個日去咁啱有band表演，氣氛好好，好多人會企埋起身跳舞，好正🙆🏻‍♀️🙆🏻‍♀️🙆🏻‍♀️ 

倘若今日你問我食特色點心和中菜的地方，我會馬上想到這裏，中西合璧的裝修和菜式，實在是和三五知己到來相聚的好地方。首先，一入門口已經要經過一個神秘通道，進內就是酒吧的設計，暗暗的燈光無論情侶談情或者好友聊天也合適不過點了三個點心，一個炒河，二人的份量也足夠。海膽蝦餃，聽名字也覺得吸引，蝦餃皮薄餡靚，細細件的方便女士們可以一口食完一整件，海膽新鮮無腥味，想不到兩者融合成了絕配接着是黑椒和牛酥，酥皮鬆脆，黑椒味香濃，配上和牛肉碎和和洋蔥碎，醬汁味道剛剛好炸蝦多士，配上甜辣醬，新鮮熱辣炸出，吃多兩舊也不夠，很美味安格斯牛肉炒河，顧名思義即時乾炒牛河，牛肉分量超多，炒河粉夠鑊氣，光是安格斯牛肉已經是值回票價，喜歡吃炒牛河的朋友可以一試外籍侍應的服務也很到位，不忘介紹餐單，整晚也很滿場，想去體驗一下記得要訂位，決定下次再約閨蜜一同到訪

在中環忙完一整日，身心俱疲，同事話想輕鬆下，但又想吃中國菜，聽聞附近有一間很特別的中菜館，我們就走去試試，原來這裡是一間西式中菜館，入到去，彷似入了一間會所似的，裡面有很多雨傘，不知何解，還有一度門，後來有個接待員接待我們，我見侍應動一動傘架的雨傘，神奇的事就發生了，居然，度門就自動開了，很神奇呀！門開了就見到另一個世界了，整個環境很像一間酒吧，裡面燈光昏音，有很多洋人在這裡飲酒，我們坐下後，侍應給我們餐牌，除了酒外，全部都是中國點心，酒吧環境，但吃中國點心，有點奇怪，但又好像很特別的。我們看完餐牌就點了幾個點心，看看這間西式的中菜館的點心合不合格先！第一個是海膽蝦餃，蝦餃比平時的中菜館的蝦餃為別緻，蝦餃上鋪滿滿滿的海膽，海膽上還加上一點金泊，別緻得來份外高貴似的，味道都不錯，一客兩件，啱晒我們兩個人份量。第二個是炸蝦多士，多士上塗上薄薄一層蝦膠，多士炸得很香脆，加上甜酸醬吃梗加惹味。第三個是上海小籠包，小籠包比起平時食的略為大粒，皮雖然不是很薄，但勝左裡面多汁，加上鎮江醋和薑絲，點都會無得輸。第四個是四川擔擔麵，麵質用上粗條麵條，不似平時吃的幼麵，花生醬汁很濃郁，麵條份量也很多，侍應

XO仔晚餐早已慣性地十點前散band，為與收遲嘅OT友一聚就要揀間C類食肆，幸好於中環區離其公司不遠已經有間「Foxglove」。通往店子有兩扇厚厚嘅玻璃門。門柄嘅設計尊貴獨特。襯返接待處陳列出嘅靚遮。小肥初次到訪，即被妹妹仔測試有否做特務嘅潛質，入座前先要找出開門機關！嘻嘻，好在抵步時忙於影相都有留意比二人早到嘅外籍客人如何進場，喺遮桶郁兩郁即順利過關。自動門一開，即進入第二個領域。最右方位置為酒吧區，共有九個高櫈吧位。室內嘅太空艙設計令本身樓底矮矮嘅用餐大堂更為寬闊型格，間開散座嘅透明抗疫膠板望落同個主題仲好夾添。中央個舞台擺出樂隊陣，相信不時都會有表演睇。洗手間旁嘅暗角位有個「Frank的圖書館」，細問下得知原來真係貴賓密室廳！眼見獨立洗手間內嘅洗手液樽玩傾斜喎，就估會係啲小玩意，點知郁極佢都冇反應，明顯係自己玩間諜玩上癮，過份敏感咗。酒吧餐廳柔和嘅光線令場內氣氛輕鬆，選用雲石餐桌好有氣派，配上厚墊皮櫈舒適大方。由於店子以酒客為主，服務生會等待食客點好菜方才呈上餐具。西式環境提供嘅係中式點心項目。餐牌共有三頁之多。上海小籠包（$55/三件）：或許係因為冇期待下先會有驚喜，大大隻嘅

好姊妹喜歡找尋打卡好去處, 今日就黎到中環, 誤打誤撞地發現左間餐廳, 門外展示了好幾把英式古董傘, 看看Menu先知道係一間酒吧點心餐廳, 好姊妹當然心思思入去試啦!門外receptionist帶位, 原來進入餐廳都有一個機關, 但這裡就賣個關子吧。哈哈...餐廳內燈光極為昏暗 (相機調色下tune光了), 暗得連睇menu都要開手機屏幕照著, 相信是餐廳所營造的酒吧氣氛。同時亦播放著很rock的music, 再加上食客們再加大聲音說笑, 整個氣氛極之熱鬧。什有酒吧感覺。主打點心, 【原隻蝦餃皇】HK$65蝦餃賣相飽滿, 正好用“皮薄餡料”黎形容, 蝦肉鮮甜彈牙, 令人回味。【海膽芝士蝦春卷】HK$90春卷on top放了少少海膽, 有海水味, 春卷香脆, 入口食到鮮甜碎蝦肉+陣陣芝士香。【炸蝦多士】HK$65多士不油膩, 極之香脆鬆化, 配上面層蝦嘅鮮香, 超正! 推介!價錢比起傳統酒樓貴, 但食物質素、味道相比下確實高質有水準, 間中豪一次亦不過份。

總要吃好西的朋友帶領我到「Foxglove」午膳，我們由通道到餐廳我都有郵輪裏船艙的感覺，加上餐廳正中位置置有樂器設備，旁邊是一列長長吧枱，未看餐牌還以為是餐館&酒吧，細閱餐牌原來是主打傳統中菜與點心，也為喜歡品酒客人提供多款特色調酒，配以中菜，創造嶄新的中西融會體驗，現在限聚令下晚市暫停，我相信回復晚市，在這裏一邊用膳、一邊欣賞樂隊、歌手表演，一定開心又熱鬧，我們十分期待晚市的來臨。                            我與朋友午膳，選擇湯麵與點心，摸著酒杯底的聊天的情趣，要再約了！普洱茶色紅濃明亮，香氣獨特，滋味醇厚回甘。炸蝦多士~~滿滿的爽滑可口蝦膠與香脆多士，是很受歡迎的海鮮小食！兩份湯麵都是豬骨湯底，一定要先嘗嘗淆成奶白色的豬骨湯，湯汁濃香，味道鮮甜，軟綿麵條掛滿香濃湯汁，十分滋味。紅燒牛腱豬骨湯麵~~牛腱口感柔嫩，肉中帶筋，非常好吃。雲吞豬骨湯麵~~雲吞是八二比例的原隻鮮蝦、豬肉與木耳絲組合，鮮蝦的爽甜、肉鮮與清爽有嚼勁的木耳絲，是味道、口感完美演繹。精緻的甜品：朱古力流沙煎堆~~侍應送上温馨提示：小心熨熱！我小心將香脆的小煎堆分開，熱烘烘的朱古力醬徐徐而