金鶴拉麵 (閩街)

营业中

休息中

呢排返工辛苦，喺佐敦見完客收工都成七點半，返屋企食飯太夜，同老婆講聲就自己一個喺佐敦搵食，係app睇吓啦嘅呢間金鶴拉麵以前有留意過多好評，雖然平時自己少食碳水，但見心情唔靚就放肆下，就睇吓網上啲評價堅定流🤔拉麵店開喺離彌敦道都有一段距離嘅細街仔，一個人嘅關係，Walk in 坐bar枱有位， 之後見有人入嚟無book位都冇得食，生意都幾好咁，我坐個位前面有嗰疑似虹吸既擺設未點野就嗌左支手工白啤鬆下先，d花香果香味幾清爽，幾夾我之後食嗰個濃湯拉麵中式啲雞湯我好鍾意飲，但其實拉麵我不嬲麻麻地鍾意雞白湯底，因為唔鍾意日本做雞白湯有種特別嘅so味，但見呢度好似出名雞白湯，就想睇吓會唔會令我改觀，我就嗌咗嗰極濃雞白湯拉麵嗰拉麵比我想像中好，湯底始終有少少我唔鍾意嗰鍾味道但唔強，食落慢慢都係覺得好味嘅，個濃湯底夠濃夠杰，面嘅texture又唔錯（唔識形容唔算彈牙但又唔係好諗）好match佢個湯底，麵同嗰湯算真係做得好好，但碗麵嘅料就麻麻哋啦，碗麵有叉燒同雞胸做料，瘦叉燒似火腿食落似有輕醃制過，雞胸就冇咩味道有啲鞋口，兩味餸唔係難食但真係普通，好彩個湯同嗰面夠好味，咁我都覺得冇咩所謂最緊要其實我嗌多

一日最煩係諗食咩!問女友小熊晚餐想食咩，佢話減肥喎，玩咩咩 168 喎! 所以唔洗幫佢買晚飯...... 算數! 我自己買外賣!心血來潮晚飯想話食金鶴拉麵，於是打算收工後落佐敦店叫外賣，途中小熊打嚟問我身在何處...."我咪坐緊車落佐敦買外賣囉!""...... 不如去金鶴堂食啦! 因為.... 其實我今日落咗油麻地見客....""你又話減肥?""我玩168，都無食早餐，中午先食飯...."其實我都唔係好明佢講咩，咩叫168，總之.... 最後由外賣變堂食.一踏入店舗，日劇"深夜食堂"嘅氣氛又出現，再加上播放日文歌曲令氣氛更濃，好似身在日本D後巷小店!小熊點咗極濃雞白湯拉麵，而極濃蟹湯拉麵仍然係我至愛!極濃雞白湯拉麵上有塊炸牛蒡，炸得香脆之餘視覺上都好正，炸到好似一件藝術品.極濃蟹湯拉麵蟹肉份量不少無偷工減料，有D拉麵店嘅拉麵分軟，中，硬. 金鶴拉麵嘅麵質屬於硬，當然唔係硬到咬唔到嘅硬啦! 而口感夾自己口味，因為我唔中意食軟質拉麵.由於中午已經想話放工後落金鶴買外賣，所以 Lunch 唔食太多留定肚飲佢地嘅濃湯!其實濃湯先係主角，美味之餘濃郁得不得了，白雞湯已經超濃，但蟹湯更濃郁，小

因為壽星仔中意食拉麵，所以上OpenRice 搵，睇到呢間好多好評就揀左佢，果然無令我失望，樣樣都好味，而且份量都唔少，lunch套餐呢個價錢掋食，員工既服務態度亦好好

食過另一間都好出名既雞白湯拉麵，見呢個十分之相似，但價錢平咁多，所以就黎左一試喇！有食過另一間既都應該知道賣相真係一模一樣，但一喝啖湯，咦⋯⋯有啲差距喎肉、麵、炸牛蒡都差唔多，但個湯明顯無咁濃郁。但老實講，價錢真係平好多嘅。另外都點咗另一個招牌，鰻魚飯。鰻魚係即燒嘅，同埋都厚身。但個人覺得有點兒普通，同埋都幾貴。加咗一份炸雞，熱辣辣，新鮮炸總括嚟講，真係有少少失望，因為好多人都話到好好食咁。可能係期望太高，同埋有比較嘅關係，黎試吓都可以嘅，再幫襯就應該唔會啦～

收到友人情報話呢度有高質即燒鰻魚（最痛恨係翻熱雪藏鰻魚）對於熱愛萬裕嘅我當然要即刻來試一試 由於個鰻魚係限量即燒所以係預約嘅時候已經要預訂 去到店舖當然急不及待就叫過鰻魚啦坐低見到我哋落單之後先開始燒鰻魚 鰻魚飯一定黎到香味撲鼻鰻魚相當有厚度而且脂肪封存得好好每一啖都充滿豐富嘅魚鮨魚肉彈牙又不失柔軟另外鰻魚去骨做得相當之好因為我最憎一啖咬落去好多骨嘅鰻魚再好食嘅都會因為呢個口感而有好大影響呢間真係香港少有嘅一間高質鰻魚 至於飯方面我落單時要求返嘅厚度同鰻魚一樣我認為呢個1:1真係一個黃金比例唔會因為太多飯而影響到鰻魚嘅香味而鰻魚嘅油鮨都可以均勻咁樣滲透喺飯粒間 至於汁醬方面個人覺得會比較有啲濃有少少蓋過鰻魚嘅鮮味我食嘅時候會將汁醬撥開有味道得來又唔會影響到鰻魚本身因為優質嘅燒鰻魚 從來汁醬只係輔助薄薄一層已經好足夠了 雖然即燒會需要啲時間不過等待是值得的 雖然呢間係一間拉麵店但係其實我從來都冇試過佢嘅拉麵我哋仲叫咗雞泡魚干同埋炸雞呢類小食都係質素穩定至於清酒方面就不太多選擇最後值得一提嘅係佢個廁所真係好靚有機會去食嘢嘅人真係要參觀一下

請問佐敦開咗間隱世拉麵咁啱我又住佐敦 就決定試試佢🤪🤪🤪晚上嚟到出邊排咗10個人職員就出嚟講話要等一小時🤨🤨🤨🤨不過既然決定咗要試 就一於等到底好彩嘅係都只係等左半個鐘就可以食啦！一入門口 職員用非常唔正宗嘅日文同你打招呼🙋🏻亦都冇一個店員係日本人🙃🙃不過又唔一定要係日本人先整得好食嘅帶結果都係非常之令我唔滿意！即燒鰻魚飯 $198但食落同普通吉之島買嘅冇分別又唔熱又特別除咗價錢特別貴之外實在諗唔到任何優勝之處主打菜式雞白湯拉麵🍜呢碗麵就比較正常一啲 湯底有雞味但弊在啲炸牛旁苦左啲 真係敗筆難怪隔離枱會叫走牛旁🙁🙁🙁最好食係呢個炸雞但$33得3件！！！貴左一點！！總括而言，如果唔使排隊都可以一試要排隊就米制啦！