坤記牛腩 (已結業)

有日開完工後, 係九龍城附近... 因為都夜又攰.唔想食得咁豐富..就揀左簡單D食粉麵~原本諗住食聯發, 朋友提議呢間~好.反正我未食過就試下啦~好似話都幾出名既~入到黎..望一望餐牌..都幾貴喎.同我印象中既魚旦粉唔同價既?!最平既都48蚊起...重要係我中意既牛筋..哈哈~所以我就叫左呢個.XDD牛筋份量好多, 好大條..好林好入味家~~~ 正呀! 湯底唔算好濃.但好飲既~ 炸魚皮$26.朋友叫既牛腩米$50. 我平時唔係好中意食牛腩, 因為我會覺得乾身同會UN,.. 所以有得揀我都係揀牛筋呀.墨丸,牛丸咁~佢畀左塊我試.. 喂!! 好味喎, 好厚身, 但唔會UN. 好似食緊牛扒咁~ 我講完呢句.畀我FD 話誇張TIM!!!朋友再叫多個水餃. $42....喂呀!!係韮菜黎家...... 胃氣人士食左一粒..我成晚都係韮菜味呀!!! ><冇左我唔食得既韮菜既話..係會好D既...北京STYLE 既餃黎~岩我口味家...只係韮菜唔岩者.哈哈~~~

乜都貴，胃的福利很受影響。火鍋店，雖說用「倫哥公式」(任食加送靚海鮮盤、靚牛肉等，每位收費三百多元的 business model) 做出些成績，但食材價格影響了水準：銅鑼灣皇室堡的一家酒樓，供應這種火鍋放題，但吃了三次，一次比一次叫我失望。而百多元預算的，我近期的體驗是無法入口 (鵝頸橋附近的一家，未換招牌前是我的心水之一，後來名稱改了，試一次可謂冇下次)。一百元以下的呢？連快餐店的火鍋餐都上見七十多元，所以看見這火鍋老區的新丁牛腩店，在這時節提供88元的選擇，沒有不試的道理。店主是相對年輕、優皮模樣的一個人，看外表無法想像他經營的「落地」。這店已是他在這區的第二個嘗試。來歷說來有趣，他另外的店僱了一位員工，以前有這方面的經驗，他便打本開了此店，讓員工再展才能。成人之美，本來就是件美事；大家有心機做，會差得到哪裡嗎？ 不單套餐設計和用料值得俾like，「架生」的來歷同樣有段故：原來是店主早前去日本旅行，發現這種瓦煲和爐具，地點是100円店，於是逐間店掃，搵都幾多買幾多，然後托番香港！這壓根兒是小店的出汗細活，得來的就是品質的保證、和自己的滿足感。 牛頸脊的咬口和濃香，那「標誌」和質

九龍城出名泰國菜館多，成條美食街咁！假日逛逛九龍城市場，行到累想坐下偈偈腳？當然不會選擇泰國菜啦！晏晝唔想食得太heavy，食碗魚蛋粉，飲杯凍檸茶或者冰凍可樂。我地去咗坤記牛腩，叫咗碗浄雙丸（牛丸，魚蛋）。坤記除左牛腩，坑腩出名之外，牛丸都好正！好彈牙👍嚟到坤記，當然唔少得叫佢地招牌菜「上湯坑腩河粉」。坑腩肉質好淋，好入味。切到一條條，容易入口，唔會剔牙。一定要加蔥，因為蔥能夠帶起成碗粉既精髓。食坑腩河，一定要試吓佢地個湯底，因為哩間鋪頭既湯底全部以「牛骨秘製」，煲超過16小時。食魚蛋粉既小食，又點少得炸魚皮呢？在粉麵鋪食炸魚皮，小店通常會附上一碗鮮美的清湯，食法：夾起一片炸魚皮沾點湯汁。沾湯食既另一個好處就係「無咁熱氣喇！」

小時候曾經在九龍城區生活一段時間，長大後不時會再訪九龍城區，緬懷昔日時光。這天又到九龍城區走走，經過候王道聞到陣陣食物香氣，饞嘴的我當然立即尋找這香氣來源，最後發現香氣從「坤記牛腩」傳出。 愛牛的我立馬上前準備到「坤記牛腩」用餐，當到達門口原來有數名客人在輪候，在候位期間我從牆壁上的剪報發現，原來「坤記牛腩」是間相當馳名的牛腩專門店，單是牛腩已分成不同部位出售，吃得刁鑽。來到「坤記牛腩」當然要點淨食上湯爽牛腩，價錢雖然較貴需$140元，但物有所值。爽腩層次分明，牛質幼細，肥膏部分為少，口感鮮嫩不粗糙，咬下口更帶有淡淡牛油香味，再配上軟度適中的牛筋，口感非常豐富，絕非平日所食的普通牛腩可比。只吃一碗牛腩當然滿足不了愛吃的我，所以我們加點了數樣食物。這份是牛坑腩筋撈伊麵，這可算是隱藏菜單，因為在餐牌上沒有顯示出來，大多只有老顧客知道有這個配搭。如果大家也想點一份牛坑腩筋撈伊麵，記得需要額外加錢喔。說回食物質素，坑腩口感與爽腩各具特色，坑腩口感厚實，肉量為多，牛筋軟稔非常入味。為了延續這頓牛腩盛會，我再點了一份手打淨牛丸。牛丸一碗有七粒，每粒爽口彈牙，既有牛肉味，咬下去更流出淡淡牛的油份。來

雖然九龍城無地鐵到, 但對九龍東既我黎講, 都算方便九龍城實在有好多好野食, 所以忍唔住經常都黎搵食坤記牛腩, 以前已經係門口經過好多次, 今晚終於有機會食下佢既牛腩了一心決定好要食坑腩, 但老細話坑腩賣哂, 佢地仲煮緊, 要等左成粒鐘先有, 食唔到真係覺得有D 可惜不過實在太餓, 得牛筋腩都照叫啦叫左碗牛筋腩 加$2轉伊麵牛腩牛筋份量都幾多, 牛腩睇落偏瘦, 但食落幾軟淋, 而且牛味幾重而牛筋都唔錯, 淋淋地都幾有彈性, 幾有硬口至於湯底係牛骨湯, 帶點陣陣清甜既牛味但湯麵無配白蘿蔔, 感覺少少可惜另外朋友叫左個咖喱牛筋腩飯咖哩汁帶點辣, 非常惹味, 不過咸左D, 用黎撈飯就啱啱好而且個咖哩汁仲愈食愈辣牛腩牛筋份量比湯麵既多, 不過又係缺少左薯仔, 有D遺憾不過整體都唔錯, 牛腩牛筋先係重點另外叫左碟魚皮, 魚皮大大塊, 唔係碎濕濕咁上我諗住浸落個牛筋腩湯到, 但佢好細心另外俾多碗湯用黎浸魚皮食將魚皮浸落個湯到, 魚皮好脆, 浸落湯到會聽 到”JA JA” 聲每人叫左支汽水, $12, 係細支裝, 有少少貴, 如果有鑵裝平d就好