Day and Nite by Master Kama (已結業)

今晚同朋友去左波鞋街Shopping, 順道去左呢一間好多朋友推薦既主題龍蝦餐廳食晚飯，叫左一份龍蝦滙兩個人食，份量非常充足，套餐包括有龍蝦什錦海洋石鍋湯烏冬、半隻烤蒜蓉牛油焗龍蝦及一條龍蝦包。石鍋烏冬個龍蝦湯底非常濃郁，我們連湯也飲埋！材料隨半隻龍蝦外，亦有青囗、魷魚圈等海鮮。雖然只是半隻烤龍蝦，但份量亦很大，肉質鮮甜彈牙、亦有很多蝦膏。龍蝦包唔好輕看細細份，裏面全部都係啖啖肉既龍蝦肉，貨真價實。龍蝦滙三寶套餐$468另叫了兩杯特飲：Pineapple Mint Tea ($48) 茶味香，配波蘿，非常消暑Lychee Cheers Sode ($55) 個雪糕有d溶，味道可以。另店內環境以龍蝦作佈置，有很多龍蝦公仔俾你影相打卡！服務員態度亦很主動有禮！👍🏻👍🏻👍🏻

之前去完英國，好掛住Burger & Lobster 嘅龍蝦包，之後朋友極力推介呢間餐廳，果然冇令我失望😍Late dinner 時間去到，唔使等位就入得顧客都唔係好多，嘢食好快就上我哋三個女仔一共叫咗兩個前菜，三個main course 兩杯野飲非常大食🙈😂前菜叫咗芝士雞肉烤餅同芝士肉醬薯條烤餅內餡比想像中足料同大份撈烏冬個醬非常濃吉列牛肉都炸得外脆內軟👍🏻烤蒜蓉牛油龍蝦呢度個size係半份如果肚餓嘅話真係唔會夠飽😁不過好彩我哋係三個人當小食share龍蝦本身已經敲開左個殼，一抆就得非常易處理👍🏻龍蝦燒得啱啱好，好香蒜蓉味當然我哋最期待嘅嘢食就係龍蝦包🤤個包食落去似係烘左嘅排包好香奶味，而啲龍蝦肉都比想像中多，唔係剩係得面嗰啲食到底都仲有的👍🏻👍🏻👍🏻以$188嘅價錢味道真係可以媲美英國嘅burger & Lobster另外仲叫咗兩杯野飲本來只係諗住用嚟打卡用的不過飲落又幾好飲😍綠色嗰杯Cookie & Mint 好重薄荷味，啱晒鍾意薄荷朱古力嘅朋友彩色嗰杯Unicorn Dream 飲落就似棉花糖味👍🏻我哋三個人計埋+1最後食咗九百幾蚊😂以食物質素來講話貴又唔係好貴我哋一致認同係值

第一次黎加慶祝朋友生日，滿心期待。頭盤叫左個沙律，無乜話好特別。不過注意，佢有好多脆片，口感好好，不過如果為健康而叫就可以免了。頭盤仲有Nachos。佢同calimex呀南華會呀果啲焗出黎既水準仲有好遠，不過勝在個芝士醬唔錯，脆片都有兩款口味搭救，都幾好食。龍蝦湯無乜太特別，係龍蝦味濃既，不過唔會特別回味。主菜有龍蝦Mac n Cheese。少少失望，本身expect係傳統充滿芝士鋪面焗果種，同埋會用傳統彎既通粉。最尾同想像有出入。味道ok，勝在個底有龍蝦汁，不過芝士略嫌太少了。烤龍蝦既蒜蓉同牛油味唔夠，不過份量係ok既，都幾大幾多膏。佢有普通薯條同蕃薯條，叫做有誠意！朱古力心太軟。最失望。只不過係一舊熟哂既朱古力蛋糕，仲要朱古力味唔香，等佢仲話要等耐啲先有。全晚最驚艷竟然係apple crumble！！！朋友生日所以加左爉燭。個apple crumble好脆，下面啲醬好香蘋果同肉桂味。不過要提一提，佢係好甜的。如果唔鍾意太甜既人千奇唔好叫！

與男朋友放工後相約在旺角地鐵站，他說要帶我食龍蝦，便到了一間以龍蝦為主要食材的餐廳晚餐。以前一直在openrice 看到此店都已有興趣，難得男朋友記得並訂了座位，一於體驗龍蝦之夜吧！田進餐廳後，我們也再三確認是否找對地方，因為少有西餐廳以黑、白與天藍色作主色調，顏色配搭較似咖啡店。內裡面積不算大，大約可容納30多人，而鋪位呈長方形，所以檯與檯之間不會覺得擠迫，地方亦乾淨企理，檯面及地面沒有食物殘渣亦沒有黏感每次外出用膳我必會留意不同餐廳的餐牌設計，亦會拍照留念，因為不論餐牌色調、設計、字體和鋪排等都會影響到客人對餐廳印象與感覺、點選食物甚至食慾。餐牌選用木板底、深藍與白色有海洋感覺之餘有外國風情，而每頁過膠亦非常乾淨衛生，但餐牌似乎與餐廳裝潢有少許不符番開餐牌一看到龍蝦匯便雙眼發亮，可以一次過品嚐到3種龍蝦的製作方法，套餐包括龍蝦包、烤蒜蓉牛油龍蝦及龍蝦雜錦海鮮石鍋烏冬/飯看到石鍋呈上時龍蝦湯滾燙卟起感到既期待同時又好奇，因為套餐內沒包含湯類，其後詢問服務員才知道寶物要尋歸底！撈起後發現飯及配料埋藏在湯下，配料豐富包含粟米、蜆肉、青口、魷魚、蝦及蟹柳等吃前撈勻後糯米飯吸收龍蝦湯後變成燉

朋友推介黎食龍蝦盛宴😋餐廳近波鞋街既樓上店裡面好多地方都係打卡位仲有龍蝦頭飾同公仔可以影相由龍蝦做主題既3款菜式『龍蝦匯』$468🌟龍蝦什棉海鮮石鍋湯烏冬；用新鮮龍蝦湯配烏冬再加埋青口、蟹柳、粟米🌽認真足料，上台既時候熱辣辣好滾動，用石鍋盛載可以令溫度保持，唔怕野食好快凍左，烏冬煙韌爽口🌟烤蒜蓉牛油龍蝦＋龍蝦包配薯條淨係睇個賣相已經好誘人，大大隻龍蝦鉗，入口蝦肉鮮甜，蒜蓉香浸透令其鮮味更香濃，讓我胃口大開，這個分量也剛剛好2個人，最終心滿意足，美食也會讓人幸福感滿滿！難怪好評如潮，親自品嚐過後的確大贊！🦄 Unicorn Dream$58好夢幻既顏色即時少女心湧出黎💞一層層既粉紅色同粉紫色上面仲加左幾粒棉花糖🍹Sunset Chubby$58酸酸地好開胃旁邊仲有片菠蘿可以飲一啖食一口好清新既口感😋

龍蝦匯呢個set就好似食咗龍蝦一家人咁，一蝦 有三種食法，包括有烤蒜蓉牛油龍蝦、龍蝦飽同埋龍蝦什錦海鮮石窩湯烏冬。一上枱視覺上最震撼，份量算多，沙律新鮮，豐富大份。第一食首先有我最愛嘅龍蝦飽😋😋龍蝦肉彈牙多到滿瀉，醬汁亦成功令鮮味提升，麵包烤得微脆帶有少少甜味，食到上癮同男朋友爭住食😂第二食就有烤蒜蓉牛油龍蝦，配菜仲有薯條、蕃薯條、沙律菜跟埋🥗 龍蝦依然鮮味彈牙且爽口，每一啖龍蝦肉嘅鮮美都令人越食越停唔到口，如果可以大隻d就好喇 (貪心仔😻)最後一食就輪到龍蝦什錦海鮮石窩湯烏冬喇🍲用料非常豐富，雖然得個龍蝦頭，但湯底應該落足料煲，所以同高級餐廳飲到嘅沒兩樣。個烏冬仲有木耳絲、青口、蜆肉等等雜錦海鮮， 上檯熱辣辣，見到都已經令人食指大動🥰飲品方面亦都有驚喜，尤其我點嗰杯茶，淡淡嘅蝶豆花茶味，加入青蘋果粒同檸檬汁，酸甜配搭岀奇地夾，有解膩抒壓嘅幫助🥰整體黎講價錢睇落有d貴，但觀乎環境、食物質素等黎計，其實都算幾值得再黎食，成set拼好曬晤洗我煩食d乜，兩個人一個龍蝦餐啱啱好！我Like呀👍🏻👍🏻👍🏻

這是小編第二次造訪「Day and Nite by Master Kama」。上回到此享用晚膳，今回則與友在此飯聚享用午餐。 要數餐廳的招牌菜，一定是龍蝦菜餚。翻看餐牌，這個名為「龍蝦匯」的餐單一拼送上三款龍蝦美食，是個不錯的選擇。「龍蝦包」以牛油弄香表面，外香內軟。中間部份充滿了粒粒龍蝦肉，份量豐足，肉彈味甜。 當然，要集中細味龍蝦真味，「烤蒜蓉牛油龍蝦」是更理想的菜式。原隻龍蝦開邊烤煮，一口吃罷半只龍蝦，滿足感十足。龍蝦以蒜蓉牛油調味，配搭蝦頭的蝦羔，惹味度也有所提升。雙薯薯條是隨餐附送的主食，番薯條口味較甜，安排予食客新鮮感，同時與沙律菜相伴，亦是平衡的做法。「龍蝦什錦海鮮石鍋湯飯」以燒熱了的石鍋盛載，熱力澎湃。濃郁的龍蝦汁是這飯品的重點，反而其他海鮮碎粒如蜆肉、魷魚、海蝦等等只作點綴及豐富了飯品的口感。 此套餐不連飲品是不足之處。小編追加了一杯「Cookie & Mint」，清涼口味甚合小編心意。配撘熱辣石鍋飯或炸薯條也十分合適。今次重臨「Day and Nite by Master Kama」品嚐了招牌龍蝦盛宴，雖然貴了一點點點，但能帶著滿足滋味離開都 OK 喇！

旺角呢間龍蝦主題專門店，由一開張到以家就已經好想食，但一直都記唔起。因為之前食過荃灣嘅同集團另外分店GIRLBOSS好唔錯，所以今晚就決定返黎旺角食呢間Day and Nite 啦!店舖位置並不難找，樓下有店員安排好座位後再叫客人上去就坐。店鋪空間共不算大，只係7點鐘左右，餐廳就已經接近客滿啦。所以建議預先BOOK 定位，而且經過網站預定仲有5折至7折優惠。餐牌選擇都幾多，睇到眼花。最後我地就簡單揀左 龍蝦匯 KAMA SIGNATURE LOBSTER SETSET入面主要由3款食物所組成(可散叫)，分別係以下:1.龍蝦包2.烤蒜蓉牛油龍蝦3.龍蝦什錦海鮮石鍋烏冬/飯款款都係以龍蝦作為菜式。龍蝦什錦海鮮石鍋烏冬龍蝦湯底好夠熱，而且色澤同賣相就已經好吸睛。湯底味道同顏色一樣非常濃郁，啖啖都有鮮甜龍蝦味，入面仲有青口，魷魚等等配料昇華整個層次。值得注意嘅係選烏冬可以更加能夠將湯中龍蝦精華帶入口中，不過非常容易貼住石鍋，要不時搞動。龍蝦包龍蝦包包身選用排包並再用牛油蒜蓉配合，帶有陣陣蒜香味。包內就夾住就快滿瀉GE龍蝦肉，蝦肉份量唔少，而經特製醬汁調味後，食過口不停烤蒜蓉牛油龍蝦可惜係龍蝦只

以前經過旺角嘅時候會見到呢間嘢排哂隊咁，入面以龍蝦做主打🦞 個入口係一棟大廈嘅入口，有人企出面安排客人入去或者睇住啲booking，如果入去食嘢就要上一樓晚飯時間上到去好熱鬧（上面張相食完差不多關門先影有落差🤣），見到最多就係一大班frd食，可以試多啲嘢食！我地兩個人叫咗個龍蝦匯，入面包咗龍蝦包、烤蒜蓉牛油龍蝦、龍蝦雜錦海鮮石鍋湯烏冬，之後我地再叫咗兩杯飲品龍蝦包第一樣上菜嘅食物，order個陣佢會問你想切做幾多份，方便你同人share。旁邊有薯條同蕃薯條同沙律做配菜，同埋淡味同稀啲嘅檸檬牛油醬。不過啲薯條上個陣唔夠熱，變凍咗同埋唔係好脆嘅見到佢突起咗個龍蝦尾，就知道入面真係好足料，全部都係龍蝦肉😛 啖啖都食到，配合埋佢嘅醬汁，成個飽惹味同鮮味都夠哂！烤蒜蓉牛油龍蝦同龍蝦包一樣有薯條同沙律做配菜，唯一唔同就係呢個獨呑成半隻龍蝦🤤 未拆殼啲汁已經漏哂出嚟，緊係即刻把握機會啜哂啲汁先！龍蝦尾嘅肉好易拆，而蝦鉗啲殼已經稍稍整開咗，所以都好容易拆到。佢每一啖都入哂蒜蓉牛油味，其中個牛油特別出，蒜蓉味係慢慢滲出嚟，食完完全無口臭龍蝦雜錦海鮮石鍋湯烏冬第三道上嘅菜，個石鍋令到個湯可以長期keep住

近排呢間野因為有買一送一嘅優惠而突然被瘋傳 咁我地行開旺角都特登黎試吓 平日晚上七點左右 等位既人唔多 我地都好快被安排入座我哋本身就係想試龍蝦包 然後發現個KAMA signature lobster set有包埋龍蝦包就叫左個龍蝦什錦海鮮石鍋湯烏冬上枱既時候 個湯底都仲係處於沸騰既狀態 好多泡泡係度翻騰 但係唔知係咪滾過龍既關係 d烏冬淋晒 而且唔太入味之後就要介紹木板上既主角龍蝦包龍蝦包用左排包做包皮 睇落就無乜特別 點知咬落外脆內軟 超鬆化 食落仲有陣陣牛油香 內裏仲包住啖啖鮮甜既龍蝦肉 超有驚喜 不過食個時要小心滿到瀉既龍蝦肉會隨時跌岀黎烤蒜蓉牛油龍蝦呢半隻龍蝦用左蒜蓉同牛油去烤 蝦肉爽口 不過味道就偏淡呢個set我地2個人食就岩岩好 而龍蝦包確實令人難忘

重來此餐廳吃它的龍蝦包。先前曾經和朋友來過這間餐廳吃他們出名的龍蝦包, 我認為非常好吃, 所以今次又再來吃了!我點了一個龍蝦包, 我朋友則點了半份烤蒜蓉牛油龍蝦來吃。龍蝦包旁邊會配上炸薯條和沙律菜。我要求了沙律菜的醬汁另上, 店員也很熱情, 服務態度也不錯, 接受了我的要求。龍蝦包用上厚身的麵包, 烘過的麵包充滿牛油味, 咬落外脆內軟熟, 裡面夾住鮮甜多汁的龍蝦肉和醬汁, 很有口感, 食完好滿足~薯條很香脆, 吃下吃下會不知不覺食哂所有薯條。

呢間餐廳人流都幾多。好彩我book定位先如果唔係就要等。餐廳環境闊落，氣氛好，佈置都幾靚，瓷磚牆。好多情侶拍拖呀生日呀黎食黎打卡。見到隔離檯個女仔生日，個雪糕盤有寫happy birthday xxx，好貼心女仔一定中意。我不嬲都好中意食章魚燒，而真正好食既，我食過兩間，呢間係其中之一。個醬汁同個粒丸好配，就連佢入面粒章魚都鮮甜爽口呢個蒸蛋賣相好吸引，岩哂中意打卡既我個蛋整得好香滑重點來了果然係拿手龍蝦盤最好食！龍蝦肉質鮮甜爽口，一d都唔「鞋」，而且冇渣！超好食另外要大讚既就係薯條。雖然佢係配菜，但廚師都好有心機咁炸左蕃薯同馬鈴薯。蕃薯條真係好少機會食到。今次食到好驚喜最後以龍蝦湯作結尾！last but not least個湯裝飾得好靚都係果句，適合打卡！

很少到旺角用餐，但聽朋友說有間日式西餐廳的食物很不錯，所以就同朋友決定去試下啦！沒想到7點到達餐廳已經有很多人，而且訂座人數也不少呢⋯⋯幸好有預先訂位呢！佈置以藍色海洋風為主、環境舒適，適合跟好朋友相聚呢～餐廳的食物選擇也滿多的！The  Holy  Crab·Two Set $588 @六小缽很精緻，有蝦、蜆肉、枝豆、蛋等...The  Holy  Crab·Two Set $588 @芝士蟹肉釀蟹蓋好好味、啖啖蟹肉配上味道較淡的芝士更能突顯蟹肉鮮味！The  Holy  Crab·Two Set $588 @王樣·鱈場蟹海鮮紙火鍋第一次用紙火鍋，既擔心之餘也覺得好新奇先將鱈場蟹放到火鍋，等蟹味出來之後...湯底會變得很鮮甜～而且蟹肉超級多又甜～除了有蟹之外，火鍋料還有蔬菜、魚糕、蝦、蜆等等的～份量足夠3人食呢！The  Holy  Crab·Two Set $588 @蟹の雑炊我最喜歡這個飯了，很日式好像飯仔一樣軟綿～味道有好濃郁的蟹肉鮮味！食到停唔到口！The  Holy  Crab·Two 還有甜品呢！馬糞海膽茶漬飯 $158朋友最喜歡的海膽飯烤蒜蓉牛油龍蝦 $228呃Like

如果要喺香港地要食一間好味又抵食嘅龍蝦餐真係非Master Kama莫屬今次點餐真係完全唔使諗，同男朋友一致叫左龍蝦匯$428！同兩杯野飲兩杯野飲都係沙冰，天氣熱時飲，非常降溫龍蝦匯中3種食物都係以龍蝦為主，包括龍蝦包，烤蒜蓉牛油龍蝦，龍蝦什錦海鮮石鍋烏冬，剛剛好的二人份量叫咗無耐龍蝦包期同烤蒜蓉牛油龍蝦就到，餐廳上菜速度好快！食物擺設得好有美國特式係視覺上已經係一個享受啦！半隻嘅牛油蒜蓉龍蝦，龍蝦肉非常肥美，龍蝦鉗都超級大！拆開食入面既龍蝦肉非常鮮甜呀。食完個龍蝦之後就係要試過龍蝦包喇。龍蝦包比想像中細，但係龍蝦份量就比想像中多，成大大隻嘅龍蝦鉗夾住係中間呀！而且麵包非常軟，帶有少少甜味，有點像丹麥包，同龍蝦非常之夾非常好食必食之選！到最後成餐我最鍾意嘅係依一個龍蝦雜錦海鮮石鍋烏冬個龍蝦湯非常之濃郁及鮮味，喝了一口就停不了口，好想將所有湯飲晒！而且烏冬很有彈性和咬口，配合龍蝦湯底是一個非常創新的配搭。總結來講今餐非常之滿足，個龍蝦湯烏冬令我對依餐念念不忘係香港我都係第一次遇到龍蝦做主打的餐廳，這個主打非常特式，希望餐廳將來可在係新界區開分店，等我有機會食多d

嚟到旺角山東街嘅Day and Nite by Master Kama。稍早前捲起一股龍蝦包熱潮，有關食店相繼開業，呢間就係其中一員。店入面嘅色調係淺藍同白色為主，牆上仲畫咗龍蝦圖案，不過距離太遠，加上當日餐廳食客幾多，走來走去嘅話好似唔太恰當，所以只係由遠處影下相咋。卡位旁邊係一列玻璃窗，向出面望係波鞋街街景。餐牌封面用咗多個唔同設計嘅logo合併而成，玩味十足。翻一翻內頁，原來除咗西式菜式外，餐廳亦有串燒、烏冬等等日式食物供選擇，呢個真係有啲意想不到。然而呢次我哋係為龍蝦而嚟，所以主力試相關菜式，另加兩杯飲品。隻碟印咗唔同圖案，簡單但幾靚。想試Unicorn Dream，淺藍同粉紅色咁睇落好夢幻，不過應該係杯色素為主嘅飲品，啱啱好見附近有檯叫咗Cookie & Mint，個樣望落都幾靚，配搭亦好似比較啱口味同穩陣，於是就試咗佢。淺綠色嘅薄荷沙冰打得細碎，入面仲有幾多曲奇碎，甜度恰好，最頂層仲用咗oreo夾心曲奇同薄荷朱古力點綴。眾多款飲品好似係為咗女仔而設，好多都係以外觀為先，就試咗已經算係冇咁花巧嘅Mint Lemonade，沙冰夾雜咗打碎嘅薄荷葉，檸檬味稍淡，但薄荷味濃郁，既提