窩子

营业中

休息中

在啟德站下車過天橋好快到小街看見這間小店，店內沒有花巧裝修，簡簡單單，以木為主，以食物質素味道取勝。有特別的「手撕豬肉三文治」。三文治是窩夫做底層，上面放上好多手撕豬肉蕃茄及生菜豬肉全部滿上店內自家製肉汁，相當juicy。是一個主盤。「牛油果沙律配虎蝦」份量都幾足，蝦彈牙爽口，牛油果中間放上外國醋汁，碟子中間位是凹，可以再放好多菜。把全部攪勻，好fresh又開胃。「焦糖香蕉千層酥」我最喜愛的甜品，吃完才叫做完滿，千層酥一層層疊起好鬆化，香蕉每粒有千層味道和朱古力味，香蕉切開了易入口。夾雪糕一起入口，好正😊焦糖鮮奶咖啡（熱）和 榛子鮮奶凍咖啡咖啡上拉花我沒有把它弄走直至喝完全杯咖啡，花紋奶調教得好好，而且好香焦糖味。榛子混入鮮奶以凍飲來講相當不錯。到我們走的時候，人流都幾多，這間小店相信應該頗有名氣。

Bookmark咗窩子一段時間，今次等咗廿分鐘先入到去。一於試吓佢哋嘅窩夫三文治先🤤🧇慢煮手撕豬腩窩夫三文治 $99｜手撕豬呢款菜式嘅重點當然係個汁，不過今次就期待豬肉同窩夫夾唔夾啦～豬肉份量唔輸蝕，醬汁酸酸甜甜，開胃。連同即整嘅窩夫一齊食，比起平時食漢堡包更易入口👍🏻（最近避免堂食，仲買咗外賣返屋企😎雖然窩夫拎到返去會腍咗啲，但會分開手撕豬、窩夫同沙律裝，唔會整到濕笠笠）▪️焦糖香蕉配雲呢拿雪糕法式千層酥 $69｜（甜品可以叫後上）雖然大家過嚟都係食梳乎厘，但今次想食千層酥多啲🤤一嚟到賣相就好吸引啦！大概用咗一條香蕉，切開6粒，🍌面頭都有焦糖脆片。千層酥之間夾有滿滿吉士醬，切落去唔會整到成枱都係👍🏻一啖連香蕉、吉士醬同酥皮食，同時感受軟腍、酥脆同香甜口感🤩去cafe都會期待拉花圖案：☕️焦糖鮮奶咖啡 $40，☕️榛子鮮奶咖啡 $40-整體嚟講，食物上無失望。只不過今次個位咁啱暗咗少少同埋要等位。另外入到去要連Wi-Fi先connect到，不過亦可以專心食飯～最後，記得等位唔係跟門口條隊排🤣係要入去問店員拎飛仔㗎。-