古今二 (觀塘工業中心)

营业中

休息中

呢間位於官塘工業中心嘅日本菜都好多人推薦，地理位置非常方便。佢嘅菜式全部都非常打卡able，又真係整得幾靚。🔸 龍卷風沙律(💰76)(7.5/10)有蔬菜、中華沙律、蟹柳、蟹籽、脆片。賣相吸引，啲蟹柳堆到一座山咁高，醬汁份量適中，唔會太多沙律醬👍🏻仲有好多菜，食咁多嘢真係可以消下滯。🔸火山(💰128)(7.5/10)呢個火山上枱真係不得了！有火燒壽司表演😅又幾靚喎！啲蟹柳又堆到一座山咁高。山入面仲有帶子、蟹籽。山下面就有青瓜牛油果壽司飯。🔸煙花(💰79)(7/10)呢朵煙花砌到一朵花咁，顏色就單調一啲。辣味吞拿魚同辣味三文魚堆到滿滿。🔸櫻花蝦茄子燒(💰68)(8.5/10)原條茄子燒得好香！櫻花蝦連埋佢嘅日式甜辣醬真係幾惹味！不過我覺得可以再燒多一陣就perfect，同埋可以落少啲油。兩個人食咁多嘢真係超飽😂不過有兩款菜式都有成座山咁高嘅蟹柳，味道好似差不多，下次要睇清楚先點餐😂Overall評分: 7.5/10

疫情下食一般外賣食到悶悶地，今日決定試下居酒屋外賣😁呢度最出名既，一定係款式多到令人花多眼亂既創作卷物～d卷物既名都改得好有心思，好似呢個叫蜘蛛既，其實係軟殼蟹牛油果卷，d蟹爪扮成蜘蛛腳咁，難怪叫佢做蜘蛛😆另外一款叫煙花，卷物上面舖左辣味三文魚同辣味吞拿魚蓉。色彩好靚仲幾好食，又唔會好辣。仲有蟹籽同脆片撒係面增加口感，呢款卷物既配搭好有心思～叫左個日式麻醬秋葵豆腐沙律，估唔到份量咁大碗，幾鍾意佢上面既秋葵粒，豆腐同佢原來都幾夾。去得居酒屋都一定要試燒物，有原條燒茄子好吸引。同一般bbq燒茄子唔同，佢加左櫻花蝦，食落更加惹味😋雖然係工廈入面，但係黎到既佈置同氣氛，都好有隱世居酒屋感覺。仲有好多款卷物未試到，疫情過後希望可以約多幾個朋友一齊開心share✨

晚市無得堂食，總要食下comfort food😋😋😋古今二一向出名食卷物，外賣仲有9折添！👍🏻今晚食左3種卷物，味道各有不同，但同樣地好味，食材新鮮！1. 煙花(辣味三文魚、辣味吞拿魚、脆片) 味道好夾。2. 忘不了您(芒果、炸牛肉、芝士) 飯團係炸過既，好香脆。😋3. 午夜牛郎(牛油果、芝士、三文魚) 仲有wasabi 醬，口感刺激。雜錦天婦羅: 有蝦、蕃薯、秋葵，炸皮不厚粉😋😋柚想蝦你沙律：好大碗、有好多料：柚子、蘋果、中華沙律、蝦、生果、沙律菜etc.，好開胃😋總結: 外賣都一樣好味，可以encore!😋

呢間日本餐廳位於觀塘D出口一行出去就搵到好方便呀♡估唔到工廈中都有間咁好食既餐廳😍卷物真係好出色!!🤩選擇困難症既我揀左以下呢兩款♡♡♡♡♡♡♡♡♡♡🌟超級龍卷風（$88）入面有鰻魚、海老，芝士加上青瓜既組合，係估唔到咁好食，芝士正常會漏啲，但佢又加上少少青瓜中和返陣味，連我朋友唔中意食青瓜都覺得好正。仲有脆片on top鋪係面，好有咬口呀！🌟煙花（$95）入面有辣味三文魚、辣味吞拿魚，又係一食好有驚喜！！我覺得唔辣既其實，口感同味道都好好味，下次一定要encore！🌟柚想蝦你沙律（$78）呢個好大碗，入面有甜蝦，牛油果，生菜，車厘茄，中華沙律加上麻醬同蟹籽溝埋，做前菜一流，真係唔覺意食下食下就食左好多菜，好健康👍🏻🌟迷你甜薯天婦羅（$39）甜薯好甜好好味，炸得好脆口，點埋個天婦羅汁就岩岩好🌟三文魚頭湯鍋（$88）成鍋湯有大半個魚頭，奶白色的湯底配上大量蔬菜同豆腐，個湯好清甜呀好正呀😋天氣咁凍食熱辣辣既野好正呀📍 觀塘觀塘道436-446號官塘工業中心4期1樓B室

月前和太太在荃灣試過主打特式卷物的古今二後，覺很不錯想再光顧。這次換成太太接我收工，來到觀塘她們的第一間舖，沒想到人比想像中的多，等了30分鐘才能入座位置：設於官塘工業中心四期一樓。大廈正好在觀塘港鐵站D4出口，交通便利。進入大廈後只需用右手邊的樓梯上一層樓，再轉彎便可到達，絕對不是「隱世」環境：餐廳裝修簡約，用上灰色牆身配木製枱櫈，整體感覺有點暗，而且周圍食客坐得很近，比較嘈吵，但亦因此很多客人都能盡情談天，食完也不願離開服務：由於店內顧客有點多而人手略為不足，比較難找到侍應幫忙，但侍應亦不時主動加茶，而上菜亦算快，服務中規中矩食物：跟荃灣店一樣，餐廳同樣注重食物外觀及擺碟，喜歡把幾款食物整齊排列在同一碟上煙三文魚沙律（$75）由於上次試過龍卷風沙律，對她們的沙律很有興趣這次選了煙三文魚沙律，同樣很大盤，內有大量的沙律菜、幾大片的煙三文魚、三文魚籽、蟹子及車厘茄，混入千島醬，沙律本身清甜加上香濃的煙三文魚，味道豐富滿足古今日式餃子（$40）日式餃子皮薄饀足，煎得香又不算油膩，醬汁不會鹹，味道剛好蜘蛛（$85）其實是軟殼蟹紫菜卷，配上青瓜、蟹柳及牛油果。軟殼蟹炸的香脆，加上青瓜、鮮甜的

疫情關係，都令我地嘅外賣選擇都有所製肘，但好食嘅又點會受到影響呀！今日就來到朋友所介紹的「古今二」，未食已令我驚喜十足。首先地點非常接近地鐵站，相當很容易找到，而且店內有幅大壁畫更是洋溢著日本風味，但又有著懷舊的輕工業風，可見佈置上都落足心機。「古今二」最特別的就在其卷物的新鮮感，我都忍不住下了數款卷物、沙律、前菜。龍捲風沙律 / 八爪魚丸 / 黑豚荔枝卷串燒蜘蛛 / 金龍卷 /煙花真係外賣都不失其霸氣。龍捲風沙律龍捲風沙律中有鮮甜蟹柳絲、爽口中華沙律、新鮮沙律菜外，還加上蟹籽、沙律醬、秘制醬汁，令味道酸酸甜甜，口感豐富，絕對是非食不可的前菜小吃。八爪魚丸八爪魚丸外脆內軟，麵糰口感軟彈、食起來佈滿了彈牙多汁的八爪魚粒，配上燒汁、木魚碎，更覺惹味。黑豚荔枝卷串燒這特別的做法，以黑豚肉卷上香甜的荔枝肉，火炙後油脂滲入荔枝內，咬起來多汁Juicy，無得頂。當然還有令人最期待的卷物。蜘蛛 以青瓜、牛油果、蟹柳、軟殼蟹捲成的卷物，賣相已經相當吸引，軟殼蟹就如蜘蛛🕷️腳般走了出來，但配上味道清新的青瓜、牛油果、蟹柳，令口感香脆之餘更帶點清新的感覺。金龍卷以三文魚、炸蝦、芝士捲成，先有芝士的咸香感，再

位於工廈內，一出地鐵站行幾分鐘就到，好方便! 呢間店最出名係卷物，款式選擇多，配搭同造型都有心思，值得一試! #東京爆脆 $88中間係炸過既蟹柳，再包一層吞拿魚，入口脆卜卜。#煙花 $95名字好有詩意，由辣味三文魚同辣味吞拿魚混合組成，但食落唔係好辣，口感軟綿綿，唔多筋。面頭灑滿脆片，食落似碎左既薯片，又綿又脆，口感豐富。#龍捲風沙律 $68份量十足，幾抵食! 面頭有絲絲蟹柳、中華沙律同蟹子，底下係生菜。沙律落左超多蛋黃醬，好滿足!#自家玉子燒 $48擺碟好靚!食落有蛋味，配以沙律醬，入口嫩滑。#豚肉泡菜鍋 $78岩晒冬天食，熱辣辣超暖身! 豚肉爽口，泡菜味道偏酸，但律白吸晒湯汁 食落清甜。

Tucked away in an industrial building in Kwun Tong, Kokon2 is a casual Japanese eatery serves an impressive range of Japanese food at a fairly affordable prices. Alongside with a series of classic izakaya food, Kokon2 offers an array of spectacular “Maki Rolls” in a creative way. Special rolls include the Dragon Rolls (Golden Dragon, Black Dragon, Green Dragon, Red Dragon), crazy rolls, sushi pizza ... these are some of the most popular items.日本溫室南瓜沙律（HK$55)👍👍👍👍If Japanese pumpkin is what you

一般日本餐廳未必有咁多唔同種類卷物。古今二主打唔同種類卷物，選擇多達45種！所有卷物皆為即點即做！淨係睇餐牌都睇到花多眼亂！食物名好特別，十分有創意！價錢中等，食物質素唔錯，賣相唔差！＊－。－。－。－。－。－。－。－。－。－＊🔸彩虹卷$98卷物上層鋪滿三文魚、吞拿魚、牛油果，顏色鮮艷似彩虹咁，中層捲着青瓜，非常爽口。🔸煙花 $95卷物上層係辣味吞拿魚，加上脆片好香口。中間係辣味三文魚，微辣唔會蓋過魚的鮮味。🔸綠野仙蹤 $98滿滿的水蜜桃粒同飛魚子鋪滿卷物上層，中層包裹着牛油果、八爪魚、蘋果粒同蟹柳，除咗食到有果香味，口感亦非常豐富。🔸龍捲風沙律 $68沙律新鮮，份量多。蟹柳絲同飛魚子堆砌成一座小山丘。中下層係中華沙律，帶微辣，開胃一流。🔸黑豚荔枝卷串燒 $38將荔枝肉卷在黑豚肉入面燒，配搭新穎，不會太乾。荔枝味道清甜，肉質帶爽脆，與黑豚肉味道好夾。串燒上加了少量芝麻，香氣洋溢。🔸日式炒烏冬 $78如果食完卷物都未夠飽，可以叫一份炒烏冬填飽個胃。烏冬彈度適中，加入三色椒、雜菇、木魚碎，熱辣辣炒起好夠鑊氣！＊－。－。－。－。－。－。－。－。－。－＊

今日去咗官塘工業中心四期，入面一間都幾出名嘅日式餐廳「古今二」食飯。之前見好多人都食佢哋擺得她精美嘅卷物，所以我都朋友都點咗三款卷物：煙花、青龍卷、超級龍卷風，再加多一客日式麻醬豆腐沙律、同埋三文魚頭湯鍋。日式麻醬豆腐沙律：沙律菜以生菜同蕃茄仔為主，加上豆腐、蟹籽、三文魚籽，再配上日式麻醬。簡簡單單嘅沙律，入口清爽。嫩滑豆腐配返蟹籽同三文魚籽，增加返個咬口，整體來講都唔錯。卷物上枱時真係覺得好震撼同興奮。三款卷物排得靚靚，中間係嘅超級龍卷風，而側面就有煙花同青龍卷。煙花：依款係辣味三文魚、辣味吞拿魚、再加上肥片嘅卷物。賣相都真係幾似燒緊嘅煙花仔。三文魚同吞拿魚都好新鮮，而且大小剛好可以一口食哂，三文魚同吞拿魚係哂口腔內、超級滿足感。青龍卷：依款係牛油果、蟹棒同鰻魚組合嘅卷物。因為牛油果包係卷物嘅面頭，而又一條長條咁擺盤，叫做青龍都幾合襯。牛油果令口感變得軟棉，蟹棒同鰻魚放埋一齊都幾夾。超級龍卷風：依款卷物就勁喇，因為材料超級之多，有芝士、青瓜、炸蝦、鰻魚同脆片。豐富嘅食材材料令依件超級龍卷風嘅size比起煙花同青龍卷大一倍有多，攪到我都無辦法一口食哂完整一件。青瓜嘅清新、抵消返芝士、鰻

放工嚟到觀塘工業中心食日本嘢，好彩我哋早嚟，如果遲多少少就要等位啦。呢度嘅餐牌上面都有好多唔同選擇，前菜我哋叫咗日本南瓜溫室沙律，南瓜甜甜哋，好好味，仲有蟹子、生菜同車厘茄！之後再叫咗卷物，餐牌上卷物嘅名全部都好特別，好有特色呢~我哋仲揀咗午夜牛郎同煙花。煙花其實喺辣味三文魚、辣味吞拿魚同埋脆片，喺我最鍾意嘅辣味三文魚呀！！而另一款就喺午夜牛郎就有牛油果、芝士同埋三文魚，卷物出邊脆卜卜，加埋芝士同三文魚，一次過有哂唔同嘅口感。

近排心情都好差，約埋家姐出嚟食日本嘢散下心，呢間古今二喺APM附近嘅工廈，上層樓梯就到，好易搵。呢間係一間新派日本菜，無論一家大細定拍拖都一樣啱食！#日本溫室南瓜沙律 $50前菜嗌咗南瓜沙律，好清甜！好似一大球雪糕一樣，Topping仲有少少蟹籽，加埋中間嘅洋蔥，唔會太搶味，反而食落口感再豐富啲。#煙花 $95三款手卷當中，豬太郎就最鐘意呢款啦！有辣味三文魚，辣味吞拿魚同脆片，少少辣、唔會太嗆口加埋醬汁蟹籽等配料，好開胃呀！#相撲力士 $88有少少似彩虹卷，幾款刺身加埋芝士蟹柳，口感好豐富，鐘意食芝士嘅就一定要試下！#午夜牛郎 $85聽到個夠名都忍唔住望咗一陣，食落有啲似炸壽司，但又唔係成舊都硬晒㗎，中間有creamy嘅牛油果同芝士，仲有三文魚𠻹！成個組合都好吸引。#自家製香菇雞肉丸串燒 $30好大粒肉丸！平時麻麻哋食菇嘅豬太郎，家姐見到又想試下。估唔到同雞肉一齊整成肉丸之後又幾好味！表面燒過睇落有啲乾，不過食落就唔會啦，如果鐘意濕潤啲都可以落少少沙律醬㗎。

呢間野其實我食過好多次，亦推薦過俾好多朋友食，個個都讚好，每隔一段時間就會掛住佢啲卷物，就會想返嚟食。今晚就帶左個女友人泥食。- 煙花 $95 大推卷物入面係辣三文魚餡，上面鋪滿辣吞拿魚碎再加一啲薯片碎。 好好食！用料新鮮，呢個配搭出奇地超好食。大推- 金龍卷 $88 呢個係幾乎每次泥古今我都會叫嘅一個卷物，佢入邊係炸蝦加芝士，上面鋪左三文魚再加啲沙律醬。配搭好好食今次試咗煙花之後改變左我對金龍卷嘅排名，依家第一名係煙花，第二名係金龍卷。佢太多卷物根本就食唔晒，下次要再試吓其他先得- 牛肉壽喜燒 $138 大推初頭對呢個冇抱好大期望，賣相一般，但佢牛肉出奇非常之滑又有牛肉味，壽喜燒過湯汁做得啱啱好唔會太甜，湯底亦非常多配料，有豆腐、？菠菜、白菜、芋絲、蛋。淨係食呢個都食到我哋兩個好飽雖然佢價錢唔平，但佢比返靚嘅牛肉你，又咁多配料，我覺得值得食，大家可以一試下佢！- 吉列廣島蠔 $52呢個就正正常常冇特別，純粹係我個人好鍾意食蠔所以先叫。- 牛舌串燒佢其實一串有三塊 ，我唔記得咗影就食所以你哋睇得兩境。嘩！我未食過咁un嘅牛舌！史上最un嘅牛舌！仲要呢兩串野唔平，完全係揼心口，完全唔需要

八月第三個星期三晚上，觀塘。跟好友有一段時間沒見面，今天晚上終於能見面，事前她已經訂好了這家觀塘工業區的日式小店，聽說餐廳主打自家創意特色卷物，在區內薄有名氣，專門吃卷物的餐廳不多，帶著期待的心情跟她來探店。餐廳位於觀塘工業中心四期裡面，小心在入口右手邊的樓梯有牌子指示，走上去就行，不必經過工業大廈裡面坐電梯。宏觀門面日系，裝飾卻滲透工業風，旁邊放了一台上世紀八九十年代的DREAM 7角子機，裡面裝潢分開兩部分，一進門的區域光線明亮，中間有一大幅色彩繽紛，以現代風格繪畫出各種日本標誌的璧畫，整體很有學生飯堂的感覺，充滿活力。只是一塊鐵絲網跟古典石牆之隔，故意調低的光度，半開放式的吧台位置，各種清酒瓶跟壺子排列整齊，簡直就是進了居酒屋一樣，而且發現了美國有名的復古餐桌點唱機JUKEBOX，這種融合古與今，日與美的巧思做得沒有遺和感。我們都有點餓了，先點一份龍卷風沙律，足料的生菜、海藻、蟹棒、三文魚子跟脆脆，色彩很吸睛，拌勻以後除了沙律汁跟燒汁帶出的清新鮮味，還加入了自家調配的微辣沙律汁，辣味意外地跟所有配料都很搭又起醒胃作用，從俯瞰角度還真像龍卷風的。菜單看到除了卷物還真有串燒，就要了一

一向鍾情日本菜，但其實觀塘工廈內都有不少出色日本菜。古今二—-光看名字未必猜到是什麼類型的餐廳。實情是主打創意特色卷物，但偏偏裝修用上工業風，可見老闆什有創意！是日假期到來，餐廳盡是人潮，古今二果然人氣十足！卷物各自都有一個特別的名稱，餐牌有介紹餡是什麼，但目測每樣各有特色，而且款式繁多，難以一一試盡。價錢尚算中上，但勝在份量十足，餡比飯多，其實頗抵食！先來一個煙花卷物，內容有辣味三文魚、辣味吞拿魚及脆片，加上醬汁蟹籽等配料，好開胃！這個新鮮配搭太合香港人口味！東京爆脆則是吞拿魚及蟹柳的組合，裹上紫菜再用火槍輕炙燒，少許飯焦令整體更香口，很配合地淋上燒汁，加上每一口都滿滿吞拿魚，好足料又好好味鹽燒活鰻肉質鮮嫩，用鹽輕調味已足夠突出魚的美味，下酒必點！另外黃花一夜干同樣出色，一夜干的做法有效地保留肉汁，保持魚肉鮮嫩！同樣是必點的一項！自家製雞肉冬菇誠意十足，免治雞肉配冬菇，一個字—香，炭火燒保留肉汁，大大粒食得滋味！