炳記茶檔

营业中

休息中

@kan.teen相信中意飲港式奶茶嘅你一定聽過炳記茶檔～有睇開我都知我係超愛奶茶的><!!!無論係台式珍珠奶茶奶茶🧋定港式茶餐廳奶茶☕️我全都要❤️炳記係足足有70幾年歷史，呢一種用傳統茶檔鐵皮屋風味嘅門店設計係依家已經係碩果僅存。係呢度食野無冷氣，食自然風，同人搭枱，好懷舊嘅港式風味。🤎佢哋嘅招牌奶茶更被CNN評為香港四大奶茶王🌞基本上每一枱都會叫翻杯。去嘅當日天氣好熱 先叫左杯凍奶茶！結果飲過返尋味 忍唔住要試多杯熱奶茶 睇吓係咪一樣咁好飲...飲落口茶香奶滑 呢四隻字講就簡單但要真係做到並唔係咁容易～飲落去唔會覺得條脷”鞋口”，茶味香濃而唔澀 奶茶質地厚身。即使係熱奶茶嘅話一樣咁滑 唔似得其他茶餐廳嘅熱奶茶飲落會有少少酸酸地。凍同熱都好飲，悉隨尊便😆另外食左豬排米，醃得夠味 唔係用鬆肉粉醃到啲肉爛晒嗰種 咬落仲有豬排一絲絲嘅肉質。調味就好重黑椒味 仲帶點蜜糖味甜甜地。食港式野當然唔少得西多士 奶醬多呢啲😌多士薄身非厚切 花生醬塗滿滿 食落啖啖醬 邪惡啊！！如果再烘脆啲更佳👐🏻整體來講我覺得佢哋嘅奶茶係必飲 鍾情飲奶茶嘅大家 不坊整翻杯試下✌🏻但食物方面就唔需要話特登

今次介紹係一間位於大坑嘅露天鐵皮茶檔，雖然露天但係人流不絕，而且仲係好多明星鍾意黎既茶檔，連EASON都話無食過等如無黎過大坑。茶檔野食種類唔多，淨係賣麵、三文治/多士同野食，但淨係專心做好一兩樣野食已經客似雲來。-排隊🧍🧍‍♀️🧍‍♂️當日係星期六，大概一點鐘，排隊前面大概有10個人，不過人流去得快，大概等咗10分鐘就可以坐低。-環境🪑鐵皮屋大牌檔，姐係要坐係街邊度食，所以夏天黎食可能係一個考驗，每張枱有3/4個位，目測大概開左6張枱，基本上唔係3/4個人去食都需要搭枱。-1️⃣ 豬扒麵💰25（👅: 7.5/10）豬扒用黑椒醬汁醃制，入味但唔會好重味，會食到黑椒同蜜糖既甜味，相當惹味，不失肉香，肉質鬆軟，保持到彈性。豬扒切成小件，方便進食，份量非常多，呢個價錢來講非常抵食。麵就係普通公仔麵，湯係用豬骨湯熬制，因為無人工鮮味調料，淨係靠食材，所以味首有啲淡。所以枱面有自家製辣椒魚露、日本麻油，可以自己按喜好添加。-2️⃣ 奶醬多💰11（👅: 8/10）質素絕對完勝大部份嘅茶餐廳。烘得金黃色，非常脆，咬落去會聽到聲，溫度非常夠。醬非常之飽滿，絕對唔會馬虎，牛油基本上已經溶哂落多士入面，唔會食到特別一

每次見到這間茶檔都總是沒開。因為它每天3:30pm 就關門了終於有一天下定決心在三點半之前去試一下一來到張望了一陣子都見不到餐牌， 然後就跟著別人吃的來叫有誠意的豬排麵，無骨豬排切成一塊塊很方便。味道入味但不會太鹹煎蛋有一點點燶邊， 不錯麵的份量挺多，吃完挺飽的還附上幾條生菜感覺健康熱奶茶很滑，就算冷了都不會難喝另外值得一提的是這間茶檔在沒什麼車沒什麼人的街上，比其他有名又多遊客的茶檔更休閒，吃得也比較舒服

這天遊走公展會後，天后方向出，想到很久沒有到大坑，便四處逛一下。看到有名的炳記，未見長龍，立即排隊試試。坐下才發現這裡的熱奶茶是全港四大金茶王之一，一定要試吧！鐡片檔來說這裡環境算可以接受，起碼乾淨企理，而且招呼亦不錯，落單快手，上菜亦快。這裡清一色提供丁麵或米粉，我今次不介意氣熱食丁麵。我點了蛋肉紅腸丁麵，老婆叫了五香肉丁蛋肉丁麵。丁麵煮得不錯，上枱時煮得半熟，因此不會在吃時太'林'。最愛枱上的麻油，是日清，我下了好多，完全將丁麵味道提升。餸方面不過不失，蛋肉切得算厚身而且有二至三片，紅腸像悍'窿'過所以皮帶點脆，食下去很有咬感。五香肉丁是鑵頭貨，下時不多汁因此不會使湯底有大陣五香肉丁味，讚。熱奶茶則有點失望了。茶味是香，有立體感覺，應該是起碼用了三種不同茶葉沖成，但奶下得不夠，奶不足，因此有香但不滑，可惜可惜。

位於大坑的炳記茶檔是「檸茶」最愛來喝奶茶的地方之一, 卻礙於其營業時間 (每天營業至下午四時半), 能夠到訪的機會並不多。是日再次來到這個熟悉的位置。喜歡這裡的奶茶, 原因很簡單, 就是茶味濃﹑ 夠滑溜。難得來到, 很多時也會「打孖上」, 分別來一杯熱奶茶和茶走。不加糖的熱奶茶, 能夠品嚐其原味, 至於茶走, 這裡下煉奶的份量非常充足, 絕不吝嗇, 是個加分的地方, 由奶茶的上層一直喝下去, 期間只作輕輕攪拌, 可以細嚐每一種甜度的層次感, 感覺一流。能夠入選 CNN 四大奶茶王, 絕非浪得虛名。這裡的豬扒是另一「名物」, 不想吃太多東西下, 只選擇了單點, 肉質雖然鬆化, 但調味實在過重了, 令味道變得過鹹, 從相片也看得到這份豬扒是相當油膩, 極不健康, 整體來說是非常「重口味」, 還是配以湯粉麵來吃比較好。