十和田總本店

营业中

休息中

火炙左口魚邊丼 ($148)左口魚經過火炙處理，令魚肉外層口感緊緻而內𥚃則保持香嫩，同時帶有丁點炙燒的焦香味。海膽，味道頗為濃郁、口感奶滑、入口即溶，鮮味繼而充斥著整個口腔。丼飯採用珍珠米，加入醬油處理，飯的乾濕、咸淡程度都恰到好處，為整體味道帶來多一重層次之餘，卻又不會奪走食材原有的鮮味。沖繩黑豚腩肉 ($42)脂肪和肉的比例恰當，同時帶有香濃的豚肉和飽滿的油脂感。燒明太子雞翼 ($48)香脆的雞翼包裹著飽滿的明太子肉餡料，充滿兩款食材獨有的油香，非常惹味。

年幾前朋友介紹下曾經去過Mikiki果間分店（好可惜現在已結業），印象中佢嘅丼飯係好好味。今日去開尖沙咀又遇番佢（原來係總店），就recall下回憶啦～結果三個字作總結：鮮、味、香，樣樣俱全，佢嘅赤醋飯真係食過番尋味。1）🍚火炙左口魚邊丼 $138 👍🏻👍🏻👍🏻👍🏻👍🏻佢嘅飯係用左酒粕發酵嘅「赤醋」來調味，味道比一般壽司飯更濃郁更有層次感，飯粒分明煙靭有彈性，絕對非一般嘅質素。至於佢個左口魚裙邊，不得了，一入口就散發著陣陣嘅油香，再配搭埋赤醋飯，味吉陽一都話「好美味啊！」另外佢仲有份量唔少嘅海膽，雖然唔係馬冀海膽，但都非常新鮮冇臭味，唔係下價嘅貨色（聽講佢啲食材係由日本空運到港，果然係唔同啲）。咁嘅價錢，有赤醋飯，有超好味嘅左口魚裙邊又有海膽，應該好難搵到第二間可以有同樣嘅質素而平過佢，唔怪得個個食評都話要來試佢嘅丼飯。2）🍣火炙三味壽司 $78 + 🍣醬油吞拿魚 $22👍🏻👍🏻👍🏻👍🏻👍🏻老實講，佢嘅壽司都真係幾貴，就咁4件都已經要成舊水，可能因為係手握壽司，而且食材都係非常新鮮，另外佢都係赤醋壽司，真係都好食嘅，所以係一分錢一分貨。不過我會覺得佢個丼抵食好多了😆3）鹽辛魷魚 $22

十和田總本店 (尖沙咀)📍尖沙咀金馬倫道42號華懋金馬倫中心地下-已經有一段時間冇食過日本野🥹 每次假期經過都要排隊嘅十和田我地終於食到啦！💗餐廳內部用左木系裝修，地方非常寬敞，壽司吧範圍亦都非常之大，坐bar位更加可以幻想自己飛咗去日本食餐飯🤭十和田嘅特色係壽司飯唔係用普通飯，而係用左特製嘅赤醋飯，望落雖然係比較深色，但絕對唔會太酸又唔會太咸，味道恰到好處，仲有助提升左刺身嘅鮮味！-我哋叫咗一個丼飯🍱，一份小食，同幾件壽司🍣🍣👩‍🍳 ‼️火炙左口魚邊丼‼️必食‼️ $138左口魚油脂非常豐富一直都係我嘅至愛☺️ 但可惜好少地方有得食，就算有都可能比較多筋影響口感！但十和田嘅左口魚油脂特別豐富之餘，佢地揀嘅部位完全冇筋，絕對係入口即溶！第一次食咁高質嘅左口魚🫣香濃油脂after taste 又重嘅左口魚配埋赤醋飯絕對出色🤩 呢個飯其實份量唔細！仲要有一大堆海膽，真心抵食⭐️一向對丼飯冇乜興趣嘅我，完全改觀左….😅👩‍🍳 三文魚三味壽司🍣🍣🍣 $42無論火炙三文魚或原味都一樣咁肥美，就算唔係魚腩部份都一樣油脂豐富！滿滿omega 3 真係最大享受😊👩‍🍳 醬油吞拿魚 🍣 $22吞拿魚亦都唔輸蝕，雖

想來十和田，在電話wish list 已待了很耐。來尖沙咀整頭髮，整完剛好晚餐時間，索性一人係尖沙咀食完先回家吧！查一查自己電話簿，一於來人氣十足的十和田，等了一陣就可入來，地方整潔舒服。打開餐牌很多signature dishes都好想試，三色丼、火炙左口魚邊丼… 樣樣都想食，奈何得一人來吃不倒太多，故最後只揀選了以下圖片的食物，全部都很美味，如果老公和仔仔都在就好了，他們一定會很喜歡，還一定會點到檯面全是。期待找天和家人一起來再品嚐。

【尖沙咀•十和田總本店】—————————————————————————朋友又帶T小姐食好野😋😋😋今次嚟到呢間日本餐廳佢話6點幾冇人排隊 我哋7點幾就開始排 等咗4個字太肚餓 一掃餐單code發現一堆野食都冇😰最岀名 #三色丼 #平成卷 朋友想再食嘅 #海膽蒸蛋 都無揀咗好耐先揀到食咩 想食個啲無哂😭🌟燒明太子雞翼HKD46口感似韓式小食 少少辣味🌟蒸蛋HKD28個蛋食落係好滑 時間拿捏得好好🌟蟹膏壽司(一件)HKD28岀奇地好味😋陣鮮味係個口 細滑濃郁🌟火炙魚生飯(秋季限定)HKD138份量好足 勁多款魚生 仲要火灸 填滿成個碗 最愛的左口魚。三文魚。呑拿魚。帶子。鰻魚。魷魚 等刺身配上赤醋飯😍👍🏻正 🌟海鮮丼HKD208同限定款一樣 勁多魚生 竟然會有海膽食厚切油甘魚。呑拿魚蓉。帶子。牡丹蝦。三文魚籽 等近期鍾意食呑拿魚蓉😂。不過等餐時間好耐 食個時8點多 客人量冇坐滿 但兩個丼飯足足等咗半個鐘🥲🥲🥲整體味道方便我覺得冇特別 唔值呢個價朋友都覺麻麻 佢上次有食過 話絕對唔係咁佢表示話下次唔叫丼飯 壽司係冇問題好啦 俾次機會佢 下次再寫過食評服務質素：😊😊😊😊食物味道：👅👅👅性價

太耐冇去日本喇！好掛住日本的美食......經開尖沙咀，便找找日本食店。這間我之前都想食，今天不用等位，於是便入內晚餐。雖然沒有日本傳統的裝潢，但設計光猛舒適 很多食店已採用 QR CODE 掃瞄落單，這店也不例外。我與友人都愛吃「鰻魚飯」，毫不考慮便點了 ^_<我們還點了「吉列炸蝦烏冬」、「燒明太子雞翼」，亦點了最愛的壽司......「火炙三文魚壽司」，友人再點了「三文魚手卷」。 鰻魚飯，鰻魚豐腴肥美，散發鰻魚的甘香。加上香濃的醬汁，配飯一流 見鄰座點了，被炸蝦吸引，於是便點了。吉列炸蝦烏冬，吉列外皮炸得好香脆，啖啖蝦肉、烏冬煙韌，份量適中，好味！燒明太子雞翼，香脆、惹味 我最愛的火炙三文魚壽司，當然好好味啦 在香港，我已不敢食全生的三文魚了.......所以用火輕輕炙過的三文魚，表面微熟，入口時更吃到三文魚的油份，比起全生的三文魚壽司更好！友人再食埋三文魚手卷，好滿足呢！見有「海鹽雪糕」咁特別，便點了......原來海鹽雪糕是藍色的！海鹽雪糕配椰果，甜中帶鹹，味道不錯！

𝙛𝙚𝙖𝙨𝙩 𝙮𝙤𝙪𝙧 𝙚𝙮𝙚𝙨 𝙤𝙣 𝙩𝙝𝙞𝙨 𝙨𝙪𝙨𝙝𝙞 𝙧𝙤𝙡𝙡! 𝙛𝙞𝙣𝙖𝙡𝙡𝙮 𝙜𝙤𝙩 𝙩𝙤 𝙩𝙧𝙮 𝙩𝙬𝙤 𝙤𝙛 𝙩𝙝𝙚 𝙨𝙞𝙜𝙣𝙖𝙩𝙪𝙧𝙚 𝙨𝙪𝙨𝙝𝙞 𝙧𝙤𝙡𝙡𝙨 𝙖𝙣𝙙 𝙨𝙖𝙨𝙝𝙞𝙢𝙞 𝙗𝙤𝙬𝙡 𝙖𝙩 @towada_sushi 𝙖𝙣𝙙 𝙞𝙩 𝙞𝙣𝙙𝙚𝙚𝙙 𝙙𝙚𝙨𝙚𝙧𝙫𝙚𝙨 𝙩𝙝𝙚 𝙝𝙮𝙥𝙚🤩 𝙩𝙝𝙚𝙮 𝙘𝙚𝙧𝙩𝙖𝙞𝙣𝙡𝙮 𝙝𝙖𝙫𝙚 𝙤𝙣𝙚 𝙤𝙛 𝙩𝙝𝙚 𝙗𝙚𝙨𝙩 𝙘𝙧𝙖𝙗 𝙢𝙞𝙨𝙤 𝙞𝙣 𝙩𝙤𝙬𝙣!.由資深日藉師傅主理既十和田咁多年都keep住有咁多人食就知有咁上下保證，三色丼分別有吞拿魚蓉、海膽同埋蟹肉蟹膏，鐘意食蟹膏既一定唔可以錯過，份量夠哂而且仲好鮮味十足，撈埋壽司飯食真係一流！另外呢個價錢對海膽都唔會高期望，但係加埋紫蘇葉食又有另一番味道～ 平成卷個組合冇得輸，卷住吞拿魚蓉再加海膽同三文魚子，成舊食超滿足，最鐘意佢呢度壽司飯經過調味仲帶少少醋香，整體黎講性價比唔錯！

想食日本野 經過十和田見唔洗排就決定入去食過early dinner 因為唔係太肚餓就叫咗啲小食同埋一個丼飯同朋友share個海膽蒸蛋好好味 d海膽好新鮮 都有幾塊海膽 一啲都唔吝嗇炸明太子雞翼 炸得啱啱好好香脆 入面d明太子唔會過鹹佢個炸蝦卷嘅飯係溝咗醬油既之後入面隻炸蝦好脆 食得出係好新鮮炸起嘅佢個吞拿魚腩蓉係超級多 d飯亦都好多 佢有得揀少飯 勸大家揀少飯好了 真係太多 敗筆既係d吞拿魚腩蓉無乜味 唔夠香 見到隔離枱食燒左口魚邊丼 下次會想試下

用餐時間：普通星期二 2030作為一間行中高級路線既日本餐廳黎講，空間真係比較窄，坐得好逼，有好大改善空間！份量算多，鮮甜既松葉蟹肉擺滿曬成個碗，蟹肉整體上都高質，除左間唔中食到少少蟹殼碎之外。呢碗飯其中一個值得欣賞既地方係佢用左醋飯黎整，變相我地就唔洗自己調味啲飯，食得方便好多！帆立貝雖然唔多，但係好新鮮，連我平時麻麻地帆立貝既都食得開心。5舊火炙壽司分別係吞拿魚赤身，三文魚，左口魚，魷魚，熟蝦。飯都係用醋飯整既。味道幾好。新鮮整出黎既炸蝦卷，係好食過放左好耐既炸蝦卷好多。蝦肉新鮮，飯已經整左做醋飯，唔需要點醬油。配埋沙律醬食味道一流。新整出黎既雞翼，點都唔會差得去邊！不過味道普通，無乜驚喜。最後埋單連加一$418，兩個人平均每人$209。餐廳食物性價比真係唔錯，不過需要改善既地方係座位可以整得闊啲，等食客坐得舒服啲。

今日開完會，什麼精力都耗盡，真係要找好東西食，來填補心靈。行經這間壽司店好吸引，走入去試下先。店內環境簡潔。壽司師傅做好手握壽司，店員便會馬上送到給客人，上菜速度高。我點的吞拿魚三味壽司都好快送上，三味包括赤身、中拖羅、大拖羅。赤身魚味濃郁，中拖羅肥美，大拖羅口入即溶，配在赤醋壽司飯上，真係好夾。蟹棒ㄧ件有兩條蟹棒，食落細緻鮮甜。牡丹蝦好鮮味又大隻，蝦頭還有蝦膏，真係好回味。三文魚子好飽滿，粒粒賬卜卜，醬油領三文魚子更有咸鮮味，調得剛好。蒸蛋好滑，充滿蛋香，碗內還有魚糕、冬菇和福果增添不時香味。燒明太子雞翼，燒得外層香脆，內著 釀滿明太子，十分惹味，是不可錯過之選。總括來講，魚生新鮮，熟食亦做得不錯，下次來再試下他們的海鮮丼。

當日跟太太慶祝來到十和田，門前已有數人在等候，人氣旺盛店內環境舒適，餐具亦有特色下單是用掃碼的，非常方便易用先上的是海貝丼，有鮑魚、帆立貝、象拔蚌、粒貝及魚子等，每片都大件而且食得出的新鮮，配合有點醬油的米飯，非常美味然後是海鮮丼，不得了有海膽、大蝦、 油甘魚、北寄貝、魚子及魚蓉，同樣新鮮味美，光是海膽及魚蓉已足夠食一碗飯燒明太子雞翼是用明太子釀在雞肉中，口感豐富而特別，因此安哥了一碟而海膽蒸蛋是海膽控必點，鮮甜味美另外點了兩杯梳打，店員用心地在我們面前開樽盛在杯中，讚

和朋友到尖沙咀逛街， 晚飯時間來到食肆林立的金馬倫道，一直特別鐘情日式料理的我， 選擇了在十和田總本店用餐。餐廳內日式的擺設，簡潔的座椅，像極日本人的飯堂， 置身其中有點像身處日本。燒明太子雞翼去骨雞翼炸得外皮香脆金黃 ，內裏包著滿滿的明太子，很香口。海鮮丼色彩鮮豔的海鮮丼內有各種時令海鮮，包括有海膽，油甘魚，三文魚籽，帶子，玉子， 赤蝦和吞拿魚蓉，非常豐富。其中我最喜歡海膽， 鮮中帶甜。吞拿魚蓉亦很出色，入口綿滑帶魚香，很美味。海膽蒸蛋飯後還想再食一點，小碗的海膽蒸蛋份量剛剛好。餐廳食物質素高，整體上令人非常滿意，最欣賞海鮮丼，鮮甜味美，一定會再光顧。

剛剛病好，跟閨蜜下班食日本菜。這間十和田總本店位於金馬倫道，非常方便。一入到餐廳，已經看到今日的廚師推介。餐廳是用QR Code自助點餐，簡單快捷。 是日點餐我倆以熟食為主多。蒸蛋 $28 蒸蛋有冬菇，鳴門卷，蟹柳，銀杏，蒸蛋熱辣辣，好滑。燒明太子雞翼 $38 滿滿的明太子釀入雞全翼內，燒得非常香口，略有少許辣味。火炙左口魚邊丼 $138 平時食左口魚邊壽司多，第一次試火炙左口魚邊飯，配上新鮮海膽，好味道，可選擇少飯，走蔥，走薑片，走芥辣，自由配搭。

很久沒有在這裏晚餐，因為平時都很多人不想排隊，今晚聚會之後早放晚飯，就和朋友來吃飯。座位非常狹窄，枱與枱之間距離亦都很少，不過座位下可以擺放書包，不錯的設計。火炙三文魚都幾肥美，而且厚切很滿足。熟八爪魚夠煙韌，加芥末好吃！玉子手卷紫菜淋得很快，玉子微甜，這一個壽司飯我不太好，還是喜歡純白米飯加壽司醋。燒明太子雞翼超大隻，中間爆滿明太子，辣辣地很惹味！難怪很多枱都有點。蒸蛋又是必吃的，很嫩滑的蒸蛋，有點加入了蟹柳和嗚門卷的味道，配壽司豉油好好味，不過有粒白果超級苦，減分，不應該加白果！豚肉生姜燒飯燒汁很濃，豚肉份量很多，冠肉有點乾身，不過洋蔥和豚肉配飯很夾，亦都很飽肚。食物相對價錢不錯的，但是地方太狹窄，枱面完全沒有位置放食物。

不難發現尖沙咀金馬倫道的這家日本餐廳經常大排長龍，主打優質壽司，更由日藉師傅主理。今日做完facial後還要等朋友收工，所以決定邊排邊等，差不多二十分鐘就被安排入座。內部裝修甚有日式風格，吧檯位置還可以看到師傅做壽司。除了一般壽司主食外，餐廳門前有列出廚師推介菜式，以海膽為重點。【燒明太子雞翼 $38】雞翼經過去骨處理，裡面釀了滿滿的明太子，讓雞肉完整吸收了明太子的鮮味。炸過的雞翼外皮焦脆，肉質嫩滑多汁，口感豐富，值得一試。【火炙壽司拼盤 $98】拼盤一客有5件指定壽司，分別有芝士蝦，魷魚，吞拿魚，左口魚，三文魚。其中最突出的包括三文魚和左口魚邊。火炙三文魚豐膄嫩滑，經火炙燒至半熟，魚味更香。左口魚邊火炙後油香四溢，甚為肥美。【火炙牛肉湯烏冬 $88】安格斯牛肉有三大片，經過炙燒後多了一份焦香。烏冬質地彈牙，加上湯地清甜，若除了壽司外想多點一個熱食，這烏冬也是不錯的選擇。【超特選壽司拼盤 $288】一共有十款壽司，拖羅、魚子、松葉蟹腳、牡丹蝦、海膽、星鰻等等不同種類，還有吞拿魚蓉卷，應有盡有，適合2人份。另外壽司拼盤還配上茶碗蒸和味噌湯，非常豐富。【三色丼 $168】三色丼的大小跟茶碗