裕記大飯店

营业中

休息中

朋友突然之間話想食深井燒鵝，組團入去食個晚飯。店內最少有兩層，我們選了坐地下的一層，在一間房內，一入去感覺近門位置好似有陣廁所臭味... 坐耐了便習慣了🙊🙊一同分享燒鵝半隻，燒鵝的確比起坊間的好吃，燒鵝皮份外酥脆，帶有一層油脂，肉質厚都算多肉。近肚的位置肉味過鹹，其他位置鹹味適中。梅醬似是自家製，味道跟平常包裝的不同，酸味比較突出，不會太甜。服務比較一般，店員對客人帶點命令的態度，可能生意太好了😶。

深井裕記已經開咗好多年，今次才第一次去試試，店舖正門雖然不在大街， 但都有很多指示，所以都容易找到。揸車的食客可以有免費泊車。平日中午時段都不太多人，可以慢慢享受午餐。而且職員很有禮貌服務很好。裝修似舊式茶樓Order咗半隻燒鵝，上台時味道都有d香，食慾大增，肉質不太韌，皮香，但食落鵝味就唔夠，x哥的還比佢好。最主要係個燒鵝汁唔夠香濃，而且鵝肉又不是熱的，不似剛剛出爐。另外，可能佢哋醃製用的香料和出面的不同，因為出面食d燒鵝、燒鴨連啲骨都好正……好好味……，骨都要咬埋西洋菜陳腎湯味道比較淡，有點失望。浸勝瓜好味，勝瓜很嫩，蒜味不太濃剛好。鹵水拼盤只有海蜇比較好味，主要鹵水汁唔夠香，鵝腸完全是零分，嘥咗。蜆蚧鯪魚球， 可能這個菜色沒有什麼技巧食鵝當然配瀨粉啦……鵝瀨完美配搭其他的小菜鑊氣就唔知夠唔夠啦……因為就無叫即炒小菜隻燒鵝應該可以改善一下再做好一些，深井燒鵝十分出名，不要影響個品牌。

朋友生日，突然想食燒鵝，於是就提早幾日訂位⋯⋯一行6人，5大1細....叫左5個餸第一味燒餓半隻，連BB都食到不斷要添第二味老闆話食鵝就當然要試埋鵝腸啦雖然睇到有肥膏，但食落係爽同唔「流」既第三味時價既豉油炒海蝦，我地叫左12隻，一人兩隻第四味普通左D既西蘭花炒花枝片....食唔哂第五味好快搶哂既椒絲腐乳通菜

喺香港要食燒鵝，最多人識的係裕記 。就算你未食過，都實識佢個名，因為由細到大睇電視都睇到裕記的廣告，黃色的鵝著住綠色圍裙的商標。大左開始食唔同地方的燒鵝，今次黎深井，真係要一試佢的味道！ 山長水遠入到黎，見到餐牌都有好多其他小菜，但梗係要食返燒鵝，要食半隻！再加個菜就夠喇。但半隻燒鵝都有分正常（$270）同特大半隻（$300）。咁我地叫左正常大小就得。燒鵝好快就上，皮脆肉嫩，整體都好出色，果然名不虛傳。 首先食左隻脾的部份，肉質嫩，仲有肉汁，中間肥膏師傅處理左，唔怕好肥膩。 唯獨特的燒鵝肉味唔係好出，同食到胸肉位就有啲鞋喇。另外叫的菜係蟹肉扒西蘭花，賣相好靚，亦都好香。有滿滿的蟹肉絲伴西蘭花。蟹肉份量好多，不過直接食蟹肉就淡而無味了。燒鵝賣$270半隻都唔係平價，當然會有期望同要求，整體黎講表現中上，值得回味，但未到一試難忘。

假日到荃灣找地方泊停又近餐廳的確是一個非常困難假的任務，附近的停車場都滿了。小妹想起附近的深井就糊裏糊塗的駛入找個能泊車的下午茶地點。入到深井首要找停車場，跟著指示牌駛入了小路終於找到停車場。那時才發現停車場是私家的，但凡惠顧裕記大飯店就可免費泊車兩小時。好，就決定以裕記燒鵝作今日下午茶吧。心想，以燒鵝作下午茶實施太瘋狂了。應沒太多人會這樣吧。誰不知進入餐廳才發現有很多食客就是這樣，幾位叫半隻燒鵝，一碟小菜再加瀨粉作下午茶。那。。。我們4人就照板煮碗的叫了半隻燒鵝，一碟椒鹽鮮魷，兩碗瀨粉跟一碗白飯吧。嘗試小妹第一餐的燒鵝下午茶枱面碗碟甚至紙巾包裝上都有印上裕記燒鵝logo,很可愛。燒鵝半隻 $270份量都算大，皮脆肉嫩，但卻少了炭爐燒的味道，缺乏了那獨特的舊時味道。有點失望。我們4人剛好吃光，可能是我們太肚餓了椒鹽鮮魷 $98熱烘烘的，即叫那炸，炸至乾身，沒有多餘的油流岀，一點油膩都沒有。魷魚爽口新鮮，但唯一不足的是外表不夠脆口。但都是好味道的。淨瀨粉 $16食燒鵝，小菜除了配白飯，瀨粉亦是好選擇。泊車優惠吸引客人的優惠，因深井駕駛人士超多。食飯普普通通都需要一個至兩個小時。惠顧飯店可

約左家姐去青龍頭還神去到還神，再等埋細佬還埋神，我地就去食LUNCH落左深井食燒鵝以前細個每逢清明節，都好一大班人去拜山，跟住就會去食燒鵝，今日就去番我地細細個就去開的食燒鵝喇我地一行5個大人，一個BABY燒鵝半隻~~~只係半隻都好大碟喎！真係做到皮脆肉嫰，鵝就是多了一份油的甘香，好味！我地真係好LIKE食炸野炸墨魚球~~~墨魚肉打得好彈牙，一D都唔油，外皮炸得好香好脆，又係好味椒鹽鮮魷~~~炸得又香又脆又乾身，椒鹽好香又惹味，鮮魷剛好，一D都唔"UN"豉油肥鵝腸~~~D鵝腸真係好肥好肥，鵝腸好爽口，入哂味，墊底的芽菜都好好味咕嚕肉~~~OK啦！味道都不錯，炒得唔油GOOD雖然唔係好多野，但大家都食到好飽呀!

上星期日，雖然落雨，但一早約咗阿姨一家到深井食燒鵝！裕記燒鵝個名就聽得多，我都係第一次食，始終地點唔就腳…一行六人，有訂到位，坐二樓。二樓唔算大，有幾張大枱同兩三張細枱。叫咗螺頭燉鷄腳湯、豉油王炒鵝腸什、腐乳通菜、半隻燒鵝、鹽水豆腐、鹵水掌翼。燉湯要咗中size, 有八碗…$160但味道平平，無特別又無難度，有點over priced。豉油王鵝腸什原鵝心、鵝腸、鵝腎，用芽菜墊底…鵝腸肥美甘香，鵝心厚肉，鵝腎爽口…不過用豉油王呢個煮法就無咁惹味，加上佢嘅豉油好淡口。燒鵝半隻都好多，好肥美，多油…鵝肉鬆軟，不過皮唔脆，唔係好特別，亦唔值得特登去食，有啲燒爉店都可以整得好過佢…鹵水掌翼，味道一般，唔入味…鹽水豆腐新鮮炸起好脆…整體平平，唔值得特登黎食…