爺爺雞煲皇 (美景街) (已結業)

上完course約了一位很久沒見的朋友在土瓜灣晚飯，這是一間雞煲火鍋店，先食雞煲，然後加湯繼續食火鍋，很多都是專攻辣雞煲，幸好有些是可以走辣，否則就會少了一些像我般吃不了辣的食客了。食店的門面闊落，擺位亦不見擠迫，餐桌以圓形為主，擺碟比較方便，裝潢都是以中式為主。我們七時前已經到達，找位自然沒有問題。我們兩人先要了半隻爺爺招牌雞煲($158)，之後再點火鍋料。半隻雞的份量足，也很惹味。若說單食味道就稍為濃了一點，但之後還要加湯食火鍋就可以接受。雞的肉質不算很滑，但也還算可以。除了雞之外，還有紫洋蔥、芫茜及蒜子。雞煲食得差不多的時候，我們再點了(細)手切肥牛($138)、廣島蠔($78)、四色餃($58)、炸魚皮($38)、自家製響鈴($38)、爺爺冰豆腐($36)、萵筍($30)及雜菜($40)。(細)手切肥牛不太肥，切得有些厚度，更有嚼口，牛肉味濃，稍為灼幾下就嫩滑有嚼勁，口感不錯。廣島蠔飽滿，雖然要煮得熟些，但灼起來也不會縮得很小，所以也仍脹滿而不韌。四色餃應該是自家製的，有鮮蝦雲吞、木耳冬菇水餃、韮菜餃及魚皮餃，餡料豐盈，各有特色，食味不錯。而炸魚皮及自家製響鈴，都很鬆脆，灼兩下

好耐無食雞煲火鍋啦，所以今日路過順便食下。間雞煲火鍋店環境都好大，我大約六點幾去到，超多空位，有大枱同細枱，大枱可以坐十幾人，細枱可以坐二人至四人。店舖嘅牆上掛咗好多牌，介紹間店嘅招牌菜式。例如：雞煲丶羊腩煲等。🐑.朋友話唔會想食雞煲，所以點咗個魚煲。我好少試魚煲，所以都想一試。點咗個秘製川味魚煲鍋$208。因為唔太食得辣，所以係BB辣。分別點咗手切肥牛（細）$138，胡麻冰菜丶椒鹽魷魚🦑鬚丶自家製同響鈴丶翠玉瓜丶冬瓜件+蓮藕片丶手打四寶丸丶爺爺冰豆腐。仲有野飲可以點，有罐裝汽水丶樽裝茶同啤酒🍻。首先個魚煲真係好大，配料都好多，有好多豆卜丶雞髀菇丶秀珍菇丶芫荽等。魚🐟肉質好滑而且好嫩丶不過魚肉比較少。而湯底有少許咸。配料浸落湯底入面都入晒味。胡麻冰菜個口感好特別，菜係好爽口同有點滑滑地，配胡麻醬好夾，第一次食，有獨特口感。椒鹽魷魚🦑鬚炸得好香口，而且份量好多。炸粉好少，所以無偷工減料。👍🏻手打四寶丸啲丸因爲係手打，所以好Q彈而且無雪藏肉丸果種硬同急凍味道，反而有新鮮魚肉嘅口感。爺爺冰豆腐第一次食這種豆腐，豆腐好容易入晒啲湯底嘅濃郁味道，而且有少少口感，唔似食緊平時滑嘅豆腐，反而有點脆口

住土瓜灣既朋友介紹黎食呢間爺爺雞煲皇，咁今日就黎試下去到果陣已經9點幾，都仲有好多人見到牆上面貼住爺爺雞煲既4大皇牌，鮮蟹花甲鍋好吸引，可惜朋友唔食海鮮所以我哋最後叫咗雞煲，我哋叫咗半隻雞，份量好足，一放低已經聞到好香，仲有好多我最愛嘅紫洋蔥，雞肉好新鮮，再加埋惹味嘅醬汁好好食呢個手切肥牛十分出色，肥牛切得較厚身，食落去好有口感，牛味超香，而且十分抵食，咁大碟都係$138，係出面一定食唔到呢個手打四寶丸都好好食，其中最好食既係牛丸，咬落去有肉汁，牛味超濃，綾魚球一d都唔腥，蝦丸同墨魚丸咬落去仲有粒粒墨魚同蝦架羊肉都好新鮮，食落去唔會好羶黑豚肉又係十分好食，同一般既豬肉片唔同，好滑同肉味香好少地方有得食蜂巢豆腐，豆腐索左雞煲惹味醬汁做出黎既湯，勁香另外一樣要提既就係自家製炸響鈴，食落唔會好油，脆卜卜勁好味總括黎講爺爺雞煲皇性價比好高，野食好食又唔貴，店員服務好好，下次要搵食海鮮既朋友食花甲蟹鍋

今日公司要我放工前到土瓜灣巡舖，咁難得有機會，當然約定住附近的朋友到土瓜灣食晚餐，朋友二話不說話想去爺爺雞煲皇食雞煲，就一於咁決定。店舖設計得好明亮，感覺醒神，價錢仲好大眾化，朋友果然無介紹錯。這裏有幾款唔同雞煲（麻辣、花彫酒煮、進補米酒）選擇，仲有川味魚煲，同其他鍋底選擇，另外仲有很多不同的配料。朋友見到隔離枱條魚好豐富，就話不如食秘製川味魚煲，我就無所謂，雞煲魚煲都想食。於是就叫了秘製川味魚煲，一掀起蓋就香味四溢，帶有少量麻辣味。而魚煲好豐富一黎到已經放有金菇、豆卜等吸味的配菜，越滾越入味。而主角條魚就上枱前師傅已經煎香兩面加入上湯及配料，份量好大，魚味細膩，入口嫩滑，只得一條主骨，沒有草腥味，明乎其實大件夾抵食。手切肥牛雪花紋好靚，而且有濃郁的牛味，入口即溶，必食之選。特選黑豚肉味道濃厚，入口爽脆。羊肉片嫩滑，入口細膩。手打四寶丸有牛丸、蝦丸、鯪魚肉丸和墨魚，粒粒彈牙，入面還有粒粒肉粒，誠意之選。自家製響鈴是現炸的，上枱時仍有餘溫，放入魚煲肉微微吸味，脆中帶魚湯味。爺爺冰豆腐一開始就放入魚煲肉煲，好香豆味，好吸味，是魚煲的最佳配搭。皇帝菜、翠肉瓜入口好脆好嫩。