陳漢記 (已結業)

以前食煲仔飯好喜歡到廟街，但發覺近年真係愈做愈差，貴得黎味道一般，地方又唔衞生，所以都好耐冇去，今次同朋友去大埔玩完，記得曾經有朋友介紹過陳漢記，順理成章就去拜訪一下😃陳漢記標榜係粥粉麵專家，但亦都有賣其他小食及勁多款煲仔飯，我哋六人就決定每樣叫少少試多幾樣😍我哋五點半到，人還少即刻有位坐，地方同一般粥粉面茶餐廳冇分別，非常乾淨企理，又可以慢慢食唔怕阻住人做生意，先叫完啤酒及其他飲品後，就開始逐少逐少分開幾次叫野食，正😄🔻炸鯪魚球呢度炸嘅方法同其他店不同，冇咁勁炸至金黃，只係輕輕炸過就算，鯪魚味幾香👍🔻炸大腸個做法又係幾特別，個外皮好薄好脆似乳豬皮咁，切法打斜，同外邊果種炸皮又唔同，幾得意😙🔻豬潤拼魚片腸腸粉皮超薄，睇落都見到好多料，可能勁多豬膶關係，魚片就冇咁突出，但仍好食😋🔻炸墨魚丸又係只係輕輕炸下，墨魚膠好彈好香，送啤酒一流🍻🔻爽滑魚皮可以食到魚皮地方唔多，呢個魚皮灼過後應該冰水泡過，再加入蔥薑絲、炸花生、辣椒絲及醬油，爽口好味呀❤️🔻白鱔咸魚煲仔飯白鱔滿滿鋪喺飯上，薑絲咸魚味飃哂出嚟，見到聞到都流晒口水，白鱔好新鮮美味，成煲飯有埋咸魚好野味，飯我個人口味覺得濕啲，乾身啲仲正😋❤️🔻

今日同閨蜜三人行完山後，她帶我到這裡食tea，補充一下體力我們點了：炸鯪魚球$45(6粒) - 即叫即炸，熱辣辣大大粒，鯪魚肉好飽滿，不會一味粉多，好好食牛肉腸及叉燒腸(各$25) - 拉布腸粉好嫩滑，牛肉及叉燒餡料份量好多，正宗皮薄多料，好好味爽滑魚皮$47 - 本人最喜歡食這款魚皮，但好少食店有售。所以私心一定要點魚皮口感爽脆，加上葱花薑絲及辣椒豉油，味道非常惹味，超好食炸網米蝦春卷(下午茶餐) - 熱辣辣的炸蝦春卷好香脆，不會太油膩，也是好食之選這間食店本人覺得真不錯下次會試下煲仔飯

有小小秋風起第一時間想起食煲仔飯，再凍啲，就要排隊先有得食。今次揀咗白鱔排骨煲仔飯。飯未到之前。食咗個前菜先。爽滑魚皮。可惜未夠爽脆。薑蔥加豉油撈埋，唔會太咸。跟住好快上煲仔飯，熱辣辣。淋上豉油焗兩分鐘，啱啱好。

題為煲仔飯記（一），當然有一必有二；大寒已過，方遇寒流，才有{真。冬天}的感覺。本不為愛米飯之人，但在冬天獨愛煲仔飯。配料豐富不失為垂涎之故，但注意力總是在煲底的焦香飯焦。心中有幾家的煲仔飯要試，但碰巧週五晚上在九龍區出沒，就動車到新界的陳漢記去。大埔墟對我來說算是偏僻，一直幻想著這老字號或許是樸實的大牌檔式作業的小店。第一眼看到門面，注意力不其然的放在銅鑄的店名上。字體是現代化的工整，抹得光亮耀眼，和我想像中的「老字號」大相逕庭。把車泊了在運頭街，看見門面沒有人龍，以為走運了；誰知，店舖其實是在運頭街和運頭坊的交界，轉角處才是人龍所在。銅鑄字體好像是細明體，如果是標楷體會比較霸氣。這晚和友人談及 elevator speech的重要性，精髓莫過於要言簡意駭的在短時間內道出精要。向運頭街的「陳漢記粥麵專家」，向運頭坊的「四季煲仔飯粥麵腸粉」，把主打菜式精簡的羅列出來。雖以小店近來以煲仔飯聞名，店名維持「粥麵專家」四字，相信是王姓老闆對姑丈陳漢的尊敬。陳漢的粥麵店早在五十多年前在荃灣開業，王姓老闆這店最初只是分店，及後荃灣店關門，「陳漢記」就只剩下大埔墟一店了。在雜誌

今晚晚飯食早咗，10點幾已經好肚餓，唯有食宵夜醫肚，諗起好想腸粉所嚟咗哩度食。因為秋天好多人嚟哩度食煲仔飯，所以都要喺門口乖乖地等15至20分鐘先有位。一坐低即刻叫個(牛肉腸粉)，好滑啲皮又薄，每次嚟都會order。然後叫咗(炸貢丸/$60/8粒)，係有啲貴，但真係炸得好好，金黃外皮，好香好有咬口。推介(爽滑魚皮)，滑溜溜嘅魚皮配合少甜豉油，有少少辣辣地。最後叫咗雲呑牛腩河，普普通通。唔覺唔覺食咗好多，美食當前有時真係好難抗拒。

哈~~哈~~食完陳漢記D 腸粉,我依家先知道咩先至係皮薄餡靚既腸粉,怪唔知得相依為命可以一個人食三碟呀,今次係我第一次食,但真係好正,我地叫左2碟豬潤腸同一碟蝦腸,好快我地3個人就KO左D腸粉LU,不過D腸粉真係細碟左D!攪到我地食極都唔夠喉,最終我都係叫多碗蠔豉田雞粥,都未算,仲要整多碟魚皮食TIM 呀,咁先好似岩岩好咋!!!!

鵝腸麵 $24 - 鵝腸份量不少, 很爽, 配上辣豉油很惹味! 雖然只有數條菜, 但很新鮮和爽口!爽滑魚皮 $28 - 很爽很滑, 但好像太多油了, 感覺有點油膩, 所以也不想再點辣豉油, 因為辣豉油上面已經有一層佷厚的麻油!凍咖啡 $13 -這個不行, 很難飲! 太酸和太甜...就是沒有咖啡味!