龍麵館 (已結業)

又係時候慶祝朋友嘅生日了，今次揀咗平時成日經過嘅龍麵館。每次經過門面都想試試，之前都有朋友試過話不錯，所以就提議試試呢間餐廳。入面裝修幾特別，咁岩見到片皮鴨做緊優惠，100蚊全隻，要45分鐘即刻烤，唔駛等即刻叫！龍蝦酥就冇乜特別，唔係好食到龍蝦味。口水雞卷不錯。雞絲粉皮黎錯左，不過算吧，味道就一般強烈推薦這個慢煮牛！不過等左幾耐。整體餐廳還可以，未至於會再次光臨。朋友聚會幾適合，環境安靜全場都係得幾台客。

朋友話帶我去中環食龍蝦, 起初以為係食西餐, 去到見到餐廳裝修幾特別, 幾靚,環境以中式主題, 就察覺自己諗錯咗 ! 餐廳都有幾多打卡位有涼茶舖, 舞龍舞獅等等可以盡情影!龍蝦蘿蔔酥 ~ 全隻龍蝦造型, 蘿蔔味不太重, 炸得好鬆脆, 好多龍蝦肉, 食落好似食緊蝦餃咁! 大龍蝦春卷 ~ Size 真係好大, 餡料都好多, 龍蝦肉好彈牙爽口, 食完一個已經有飽感京城即燒片皮鴨 (半隻) ~ 會有廚師即時在面前一片片的將鴨肉片下來 , 並將半隻燒鴨分成3小碟, 一碟淨皮, 一碟皮加肉, 一碟淨肉! 廚師將鴨皮連埋脂肪層一齊切落嚟, 肥糕同鴨皮嘅比例切得真係正, 仲係好好好食! 廚師嘅刀功了得真係要讚嘅個醬汁係由兩個醬料混埋得, 有少少紹興酒味都幾好味!花拳秀腿 ~ 好精緻, 賣相一流, 上湯娃娃菜, 不過不失蔥㧓餅 ~ 熱辣辣好香脆refreshing DNA ~ 好清新好味, 可以中和番食物嘅油膩感下次再約多啲朋友嚟試埋其他菜色

是日初七人日。就係今日請我啲診所姑娘食一餐好嘅開年飯。為咗有睇頭啲、又自己都其實想試；就去咗呢間龍麵館啊。去得呢間野都要預咗貴㗎啦。但係開年飯又點可以寒酸呢。先來一個開胃嘅粉皮。其實呢個就普普通通啦。花生醬都幾香粉皮都幾滑嘅。之後冇麵不歡嘅姑娘就話想要食一個湯麵。所以就叫咗呢個名為龍肉湯麵，龍蝦湯面啦其實。咁真係要讚佢個買相好靚靚嘅。經過一輪相機食先之後呢，我哋就分裝啦。佢個湯呢真係好濃郁嘅龍蝦湯嚟嘅。而麵呢就係好彈牙嘅蛋麵啦。有啲似日本拉麵。當然裏面都有一定份量嘅龍蝦肉嘅。咁都係煮得啱啱好彈牙。咁為咗有均衡嘅飲食，都要嗌個菜啦。不過呢個＄79嘅菜呢，真係略嫌貴咗啲又細碟咗啲。不過都叫做好味嘅。跟住呢個金魚餃就不得了喇！價值＄79只有三隻！即是平均要超過＄26一隻！真係要食真啲啦結果都冇失望嘅！都係果句賣相非常吸睛！有金箔係面。咬落的確係蝦肉非常之新鮮口感好好！咬下裏面係充滿晒蝦肉，有適量嘅蔬菜。所以層次非常之好。再嚟係佢哋呢個招牌菜啦！龍蝦蘿蔔蘇！本人極鍾意食蘿蔔鬚啦！仲有極鍾意食龍蝦啦！估唔到呢一度竟然可以諗到將佢兩樣嘢夾埋！都係果句買相極之吸睛！我兩個診所姑娘係咁掛住影相！食得佢

一班同事話要食好啲，就去咗中環摩登中菜餐館。一入去，格局好特別，侍應都好有禮貌。前菜賣相好靚，材料好清新，值得一讚叉燒用石鍋燒住，熱辣辣，肉質好林又入味龍蝦蘿蔔素賣相非常吸引，食落口都OK，酥皮幾香口。可能我們對龍蝦麵期望太高，覺得一般。湯底係濃郁，都有幾夠龍蝦肉，但其他，如麵質，就只係正常水準。片皮鴨都只係正常水準，佢有三種食法，但冇乜特別，呢個價錢應該要再好味啲 甜品好有氣勢，有乾冰凍着個燕窩。鳳梨酥好好味，賣相又有特色，記得一試