牛布拉日式牛肉麵 (已結業)

之前上網見過有平台介紹呢間餐廳既牛肉拌麵一直都好想黎試, 今日咁啱約左人係附近傾野, 一傾完即刻飛過去試啦係T.O.P入面上幾層就到 (係書局個層), 原來T.O.P都幾多餐廳, 聽聞樓上仲有間唔錯既燒韓牛餐廳, 不過今日單人匹馬, 呢次試左個拌麵先入到去員工其實幾好招呼, 仲會同你講有咩野食推介~~睇返menu先, 有拌麵, 有蓋飯, 仲有日本小食、刺身、沙律同飲品~~不過其實每樣野既選擇唔太多....同埋飲品係要散叫, 每款都要幾十蚊, 相對都幾貴下....好彩佢有免費清水提供!!!拌麵有3種味道選擇, 有原味、辛味 (即係辣味) 同埋忌廉芥末...雖然上網睇過好多人話忌廉芥末味好好食, 但今次想試左原味先!佢仲有3個份量選擇, 分別係70g ($88) / 130g ($118) / 190g ($148), 我就唔算太肚餓但亦都唔係細胃口~所以揀左中間份量130g等左5分鐘左右就黎到, 見到堆牛肉真係忍唔住嘩左聲 其實本人對於130g係有幾多分量真係零概念....估唔到放落牛肉度係會咁重份量碗麵入面有紫菜、肉碎同埋係碗底有秘製醬汁, 如果驚唔夠味係張枱仲有幾款唔同醬料俾你加!麵

旺角新(好似都唔算新😂)商場連住地鐵站超方便！而且有好多新食店😚今日就試左依間主打牛肉既日式餐廳6點鐘左右果然無乜人 唔洗等位✨牛布拉拌麵130g $118佢有得揀牛肉份量70g一定唔夠我食嘛就揀左130g😎果然有好多塊肉♥︎推到成碗都係~牛肉切得比我想像中厚唔係薄薄一片厚得黎又唔會韌 肉既質感幾好~麵係粗麵 做拌麵好適合我覺得就可以再濃味少少~不過依間係有驚喜既！見到menu上既魚生飯都好吸引 有機會一定再黎試😋 味道：★★★★☆💰 價錢：$$🌈 環境：★★★★☆

旺角T.O.P這個商場都開了一段時間，今日終於有機會逛逛。但首要任務當然是依肚!看到4樓有間叫「牛布拉日式牛肉麵」，店前的廣告板有個牛肉小山丘，非常吸睛，食之肥妹和朋友就決定入去一試。首先，看到點餐紙上有張優惠卷，食滿$100送3文魚刺身。Lucky! 贈送的食物，當然不能要求什麼。雖是薄切3文魚刺身，但都不錯，挺新鮮的。「角切魚生爆丼」滿滿的3文魚生粒、吞拿魚粒、密密的蟹子，配以青瓜粒，賣相非常吸引。魚生粒甚彈牙，青瓜粒爽脆，口感不錯。刺身飯醋味輕巧，微暖，飯量看似很小，其實都頗多。整體不過不失！「牛布拉拌麵(70g)」用牛肉推砌的小山丘，散發著魔力，薄切的牛肉片，帶點粉嫩，食落肉汁濃郁。拌麵的醬汁調配不錯，恰到好處。建議自行加入日本醋及辣油或蒜粒，增添口感的層次。然而，麵質較硬，較有𡁻口。惜本人不太喜歡這種麵質，有點失望

試到而家都仲未試哂T.O.P.入面嘅美食,今日嘅工作令人太攰喇,所以全日都極度眼瞓,嘢都諗唔到,飯又唔想煮,一收工就衝出嚟旺角,二話不說就約阿肥喺T.O.P.度等啦! 阿肥本來話想食拉麵,但係呢度間拉麵舖我哋之前已經試過喇,所以今次拱咗上嚟四樓先,見到門口個牌都有類似日本拉麵之類嘅嘢,阿肥又係了解都費事又衝咗入去細心睇下佢哋嘅餐牌,原來係又有拌麵又有蓋飯喎,連牛肉嘅份量都有得揀,又幾得意喎。仲有好多款小食可以選擇阿肥點咗呢個牛布拉蓋飯($118蚊),130g佢又驚唔夠食,390g佢又驚多得滯,所以佢就要個中間位190g啦,嚟到之後我發現都幾大碗喎見到阿肥都食得幾滿足,就算食剩最後一啖飯,佢都仲有牛肉餸飯,片數肯定夠多就咁睇呢張相都覺得好澎湃而我就點咗個牛布拉拌麵,最細嗰隻份量70g,$88蚊only~對我嚟講已經好夠食,無論牛肉同啲麵我都係食唔哂嘅(不過應該係因為我哋仲有嗌其他小食,如果淨係食個麵應該都食得哂嘅)拌麵口感好好,小小硬唔會林謝謝,仲有啲肉碎同埋紫菜增添味道,燒到粉紅色嘅牛肉片原汁原味,夠薄又好嫩滑,雖然牛肉唔會係十分熱,但係無損對佢嘅評價。上面仲有啲特製嘅醬汁,白色唔知係

嚟到旺角新開嘅T.O.P.搵食 d舖頭終於都開得七七八八啦晚飯時間見仲有幾個位就入咗去坐低揀野食 叫咗一個130g嘅牛布拉蓋飯（$118）同一個70g嘅牛布拉拌面（$88）果然兩個都有驚喜😋蓋飯牛肉同飯嘅份量好平均 食到最後一啖都仲有牛肉送飯😆粉紅色嘅牛肉肉質雖然有少少鞋 但牛味搭夠 仲有洋蔥碎同醬汁可以淋喺面 真係絕配🎉拌面嘅麵條好特別 比平時嘅粗 介乎油麵同烏冬之間 口感比較淋 同醬汁撈勻之後感覺好夾 不過有少少油飲品方面 叫咗杯士多啤梨嘅特飲 係冰沙嚟🤤味道稍甜 勝在份量多🍨

朋友帶我黎呢間主打食日式牛肉撈麵既餐廳，未試過日式撈麵，好吸引。我揀左牛布拉拌麵，朋友揀左忌廉芥末牛布拉拌麵，都係70g。牛布拉拌麵餐廳有教學，教你點食牛肉拌麵。1. 先試一塊燒牛肉。70g有5塊燒牛肉，燒牛肉粉紅色既，好薄好嫩滑，好好食。女仔既話70g已經夠。2. 將所有配料撈埋一齊食。配料有肉燥、紫菜、柚子粒，同佢啲醬汁撈埋一齊，味道香濃。佢既麵係沾麵個種，比較粗身。我本身鐘意麵質較硬既，但我都覺得佢硬左少少。3. 可以加入白醋或者辣椒油加左白醋，可以中和一下拌麵既濃味，酸酸地會開胃啲。加入辣椒油，會惹味啲。4. 差不多食完侍應會比一口飯你，用黎撈埋剩底既汁。個飯真係一啖既姐，唔驚會食唔晒。忌廉芥末牛布拉拌麵就咁試個汁，食到有芥末味，但撈勻左就唔係好覺。佢既燒牛肉真係好好食，推介！新開張有九折優惠添呀！