牛極 (樂聲大廈)

营业中

休息中

一直都好中意自助既石燒牛扒餐廳，因為可以自己控制熟度🤣 琴日去咗港島做啲野，再搭電車去到怡和街呢邊，電車站附近就有間牛極！佢係自助售票形式，我揀咗牛柳🐮 餐廳中間就係自助區，可以任食沙律🥗、飯🍚、湯🥣🔸🐮牛柳(180g) $115一上菜佢會用廚房紙cum住，避免彈到油，我覺得好貼心🥰 牛柳好厚身，外面熟咗，但裏面依然好粉嫩，口感好豐富，而且好多肉汁，好juicy😋！可以自行加黑椒、pink salt或者BBQ steak seasoning，加左啲調味料之後更加好食🤤 自助區仲有自家製燒肉汁、辛味芥末燒汁！不過我冇加到，想原汁原味咁品嘗吓個牛柳xd 飯配埋紫菜粉超好食👍🏻！而且仲有日式牛肉湯，食到好飽～見佢午市lunch都幾抵食，遲啲應該會再嚟食lunch😚

女女好鐘意食熱石燒肉，今次黎銅鑼灣嘅牛極 @gyuugoku 🐮❤️裡面係用自助販賣黎落單 真係好似去咗日本咁！哈哈哈✈️選擇自己想要嘅肉或套餐，俾埋錢💰 就會有張飛仔 搞掂！有自助吧🥗 沙律+湯+飯 都係任飲任食😋呢度牛肉主要來自美國、澳洲同日本，大家可以自由選擇不同部位和重量🥩‼️📌牛柳🐮🥩 $110/200g肉質好嫩滑同好有牛味🥰未去到入口即溶 但個口完全唔會咬到好攰🤣醬汁有2款：燒肉汁 辛味燒汁石燒牛係比一成熟牛放係上面 自己可以控制想要幾多成熟🤪想熟啲就切開每面燒耐啲😋✨牛肉的味道相當香濃💕🤤肉質軟嫩好juice💦😋😋除咗牛之外 仲有其他豬 雞 鰻魚 牛舌等等嘅選擇，試埋鰻魚同厚切牛舌！厚切牛舌居然超軟熟~ 連女女都爭住食啊！鰻魚都超香~~底部靠近石面嘅少少焦香！好好味！

日式石燒牛扒熱潮入港後，周圍都見到有石燒牛既專門店，感覺有啲似拉麵咁愈開愈多但愈開愈有得做廚師先將牛肉煎到一成熟，就放上300度火山石板上上菜，然後任你煎，熟度、燶度自己揀，有得食有得玩就係吸引今次食既係銅鑼灣牛極，舖面靚，一開門設計幾特別，自助區放中間，令其他位置唔會好迫，枱枱都唔會距離自助區好遠，加埋啲日本裝飾，環境都算幾唔錯餐牌基本上食開既牛部位，肉眼西冷牛柳牛肩都有180G牛柳，牛柳係其中一個最珍貴既牛肉部位，賣點就係厚身，可以外焦內嫩，上枱超吸引嘅賣相，滋滋聲好好聽仲會用塊廚紙遮一遮先，以免彈到油，份量好足好厚，烹飪時間到由於我較鍾意食生啲(平時食五成靚牛食三成)，所以切開後無反，一面煎燶啲而入面既肉又可以保持粉嫩食牛扒當然先試配鹽黑椒，有岩鹽PINK SALT，牛味好濃，肉質嫩，熱辣辣入口肉汁好多之後試下自家製燒肉汁，用較外面煎到焦香既部分配，較熟既口感，有日式燒肉感覺，好好味另一款既牛味，配飯一流本身食靚牛扒就唔太啱點辣醬因為太重味會蓋過牛味，但試一試辛味芥末燒汁，一食上癮以為普通辣椒醬咁，點知佢唔會死辣或死咸，少少辣又好有芥末味，配牛扒都好正好惹味熟啲燶啲既部分會更正試

< 牛極 > 😋 🎀牛肩排 180G 💰85🎀Top Blade Muscle 🎀牛柳 180G 💰115🎀Tenderloin 先自行購票。半自助石燒牛。白飯，湯，沙律 都任食日式牛肉湯內有洋蔥，幾開胃珍珠米，有紫菜粉提供，落左好食D石燒牛扒 想食幾多成熟，都由自己決定。牛扒上枱時，已有張廚房紙cover住牛，防止油彈到周圍都係。 另外都有圍裙提供給客人。 2款牛味道都不錯😋，而且抵食牛柳比 牛肩排更重牛味，牛肩排較為韌。

第一次食石燒牛🔥硬係覺得自己燒嘅熟度好難掌握會唔好食😅 但係呢度嘅店員都好熱心教我點燒🤩 牛肉以平價連鎖店來講算不錯👍🏻 店舖不算大但座位旁邊有紙巾而且提供圍裙 呢D細心位都加分呢💓⭐️ 牛柳 🥩點左一份180g既牛柳 一個人食都幾夠飽😋店員話佢哋會先燒到一成熟🧐然後就靠自己控制😛 最後我都係燒得過龍少少🌝但係都無阻牛肉嘅嫩滑 加點粉紅岩鹽同黑椒上面一齊燒更能提升肉味💕除咗燒肉之外 呢度有自助式嘅飯沙律同埋湯🥗 特別推介日式牛肉湯🍲 牛肉味好濃仲有啲蕃茄味 越飲越開胃🍅⭐️ 牛極 (怡和街) (銅鑼灣)📍 銅鑼灣怡和街19-31號樂聲大廈地下1C-1D號舖

初頭以為係食打邊爐近前睇清楚先知發現係食牛、扒⋯仲有自助餐！！地點好方便，就係銅鑼灣叮叮站隔離1分鐘路程。近大街嘅門口就見到「牛極」紅色招牌。入去可以喺右手邊部機買咗你想食嘅種類同份量先，然後俾錢。搵位坐同帶口罩去自助區域夾嘢食。自助區：飯、湯、菜、調味料&餐具🍴無限refill㗎！牛扒上檯時會比較熱，哩個時候建議影下相打下卡。好似我咁la！我哩份係牛柳，肉夠林，易入口，入口即溶👍👍每張餐台擺咗手擰喜馬拉雅山鹽🧂、peppercorns、BBQ steak按個人喜好落😎整體100分😃

今日想快快手手食個簡單午餐，又一支公係銅鑼灣怡和街附近，就黎呢間牛極食塊扒。牛柳 $110叫左一塊牛柳。上枱既時候牛柳外面就熟左，入面就未熟，自己切細再係塊熱石板上加熱到自己鍾意既生熟程度就可以食。牛柳肉質唔肥，又好淋，唔錯唔錯。需要其他調味料就自己攞。一如以往，同其他牛極分店一樣，沙律，湯同白飯係任飲任食，係自助既。餐具同水都係自助。沙律主要係生菜，車厘茄，同粟米粒，沙律醬有柚子醬同芝麻醬揀。湯係日式牛肉湯。白飯任裝。

牛極居然開到黎港島區，今日行過銅鑼灣怡和街，發現呢度開左間牛極，橫竪仲未食lunch，即刻試下先。牛柳 $110叫左牛柳。牛柳上枱既時候外面全熟，入面基本上只有一兩成熟，要自己係石板上加熱。我另外拎左一d蒜蓉，加熱後變自制蒜蓉醬。肉質唔係好肥，但好淋，厚切完再用石板燒10秒就剛剛好，加上燒好既蒜蓉醬，唔洗其他調味料。同其他牛極分店一樣，沙律同蕃茄湯任飲。蕃茄湯正常。沙律主要係生菜同番茄，醬有柚子醬同芝麻醬揀。

*牛極*原來銅鑼灣都開左牛極，同朋友行行下街見到所以就行左入去啦任添白飯，湯同沙律🥗沙律可以加柚子汁同埋芝麻沙律醬 好正 最中意芝麻沙律醬白飯可以加飯素（紫菜）飲完海帶麵豉湯暖粒粒之後牛柳同牛肩脊就到啦 一開始切好曬真係食唔切因為塊石好夠熱好快熟好在餐廳職員好好咁比多個碗我地放牛，咁就可以邊食邊燒啦😁牛肩脊我地厚切左 一開六 慢慢燒黎食咁樣食真係好香好保留到個肉汁 當係牛排咁食牛柳我地一片一片切開，加埋蒜同燒汁就好似食緊燒肉咁 真係2種唔同口感都可以食到

係啲冷冰冰嘅日子，突然之間想食石燒牛排，所以就去咗銅鑼灣嘅牛極，位置又方便。呢度落單就好似日本餐廳咁，自己係個vending machine 揀自己想食咩牛，食幾多gram。呢度大概有6款牛肉可以揀，每款牛有3個size。我地唔係太肚餓，所以就揀咗最細嘅size。呢度嘅日式牛肉湯，飯，沙律都係任食，係自助形式，自己想食幾多就裝幾多，沙律可以加芝麻醬或者沙律醋。日式牛肉湯味道有啲似羅宋湯。牛柳 200g $110牛柳好嫩滑，係厚切，好少會係香港有咁厚切嘅牛柳，食起身又唔韌。可以根據自己口味加，黑椒，鹽或者香草。記得拎埋啲燒汁同蒜蓉，點少少食就令到個牛嘅味道昇華。牛肩排 180g $80比起牛柳爽口同多啲牛味，不過就有少少筋，影響咗個牛嘅整體口感。我切走咗啲筋，就好好多。同樣地，可以根據自己口味加翻唔同調味料食。我覺得呢度嘅職員好友善，會提醒我翻下啲牛，避免燒焦。係vending machine買完之後，石燒牛就好快上台，上台嘅時候有用paper towel 遮住，感覺比較衛生。同埋上到台牛排唔會過熟，可以根據自己嘅喜好，將牛肉係石上面燒到自己喜歡嘅熟度。最重要價錢一啲都唔算貴！絕對值得

黎幾日寒風殺到，朋友提議去食鐵板牛肉暖暖身🤤🤤知道銅鑼灣開左間唔錯嘅鐵板牛扒店，二話不說走咗去試吓。餐廳裝修好新淨好光猛，一入去就見到個沙律bar，沙律麵豉湯同白飯都係任添，醬汁都係自助式，啱晒我呢啲大胃王😝———————一上枱就聞到好香嘅牛肉味，牛扒上枱後會好貼心咁搵張紙巾遮住塊扒，等d汁唔會彈到四圍都係。牛扒大概三四成熟，切開後再用鐵板燒到自己理想嘅熟成度。牛肩扒食落唔會好似牛柳咁林，牛肉味亦相對較重，唔錯唔錯🤤牛柳比牛肩扒更林更易入口，切開燒完後牛肉嘅香氣撲鼻，食落牛肉好嫩口，成個口都係充滿着牛肉味，同牛肩扒平分秋色🙊🙊