牛極 (通菜街)

营业中

休息中

上個月喺紅磡分店食咗次牛肩排回味無窮💕 今日決定encore試試其他部位😙 相比起嚟旺角分店嘅環境有待改善但勝在店員嘅服務質素更上一層樓🥰 例如會幫客人到售賣機購買食物😜 坐低後提供圍裙、用餐中更會時不時提醒我哋要將牛扒反面避免肉質過乾😅 十分貼心❤️ 🥩 牛柳 $115 果然係一分錢一分貨😉 比起牛肩排牛柳嘅牛味更加濃郁，肉質嫩滑，食落去啖啖肉而且切開後會爆汁😝 超有驚喜，好惹味呀😆 牛腩湯🥣 同白飯🍚 嘅質素同紅磡分店差唔多，唯獨沙律菜款式不一樣但同樣地新鮮美味🥬 醬汁方面亦無提供柚子汁，但芝麻醬都OK🤣 絕對值回票價～ 唔知下次去邊間分店好呢😛

最鐘意食牛扒嘅人值得推介，牛扒仲有自助形式買飛好似日式嘅自助拉麵🍜，好有日本風味.♡ ♡ ♡牛肩排 🥩180g 牛肉特別濃郁口感好遠銀肉質仍然鎖住牛肉嘅鮮味脂肪比例比較少，值得推介，好味.♡ ♡ ♡牛柳 🥩200g大大件口肉冇比用石燒可以自行煮嘅熟度，我鐘意食唔成熟第一啖跑落去果然唔錯好重牛肉味肉質比較結實，脂肪比較少不良都唔少喎配埋白飯同埋沙律啱啱好.♡ ♡ ♡另外睇到半自助嘅沙律、白飯同牛肉湯可以任食食到你飽肚,仲有醬料有燒汁,蒜蓉,柚子沙律,黑椒碎,BBQ 粉同埋粉紅海鹽，真系好多口味，好細心比個

要滿足牛魔王男友就只能到保證食飽的自助牛扒店，開業快一年的連鎖店牛極是其中一個選擇小店位於女人街內，一進門就會看到一台購買機！首先點餐，然後將單據交予店員等待安排入座估不到在疫情下晚上九時仍然人山人海，只剩下吧台每份牛排都包括自助吧沙律、麵豉湯及白飯熱石燒難免會將肉汁濺到衣服上，店家貼心地提供即棄圍裙約一成熟的牛扒放在燒至三百度的火山熱石上供食客按個人喜好自己烹調！桌上已預備好三款調味料店中供應的5款牛都經過三天自然熟成處理！180g的牛肩排只須$88！肌肉豐富有彈性，美味多汁牛柳肉嫩軟腍，油花平均牛肩排實在太可口，忍不住追加一份最大的360g！那麼大的一塊牛扒只須$150，十分超值性價比那麼高，難怪可以在這麼短時間內開出那麼多分店

某晚睇電視見到大台某節目介紹石板牛扒，睇黎呢樣已經成為下一波熱潮，我又點會執輸呢，梗係快快去試啦！睇完節目即上網search下邊間有得食，就搵到牛極，地點都好方便，在旺角市中心，好易搵到。我同朋友一齊去，分別點左牛肩肉同牛柳，基本上180g都已經好大塊，好構成。呢間好在仲有白飯任裝，羅宋牛𦟌湯任飲，同沙律任食，呢三樣都係自助形式，非常方便。羅宋牛展湯真材實料，裏面有大量紅蘿蔔、白蘿蔔、洋蔥、同大大嚿嘅牛展，味道鮮美，非常好飲。沙律都好新鮮，仲有兩種醬汁俾你揀，分別係柚子醋同芝麻醬汁，兩種都好味。當我地仲飲緊湯時，牛肉就上枱啦，一上枱已經聽到沙沙聲，係熱石燒緊牛扒嘅聲音啊！咁我哋馬上切開牛扒，等佢慢慢燒啦！呢度嘅熱石唔會非常非常熱，會足夠你太牛扒煎至五至七成熟，如果想再熟啲就可以叫店員換熱石。牛肩肉嘅肉質非常林，好容易切開，更容易咬開，完全冇牛筋，好林好味道。牛柳相比牛肩肉肉質冇咁林，但就比牛肩肉更有牛味，啱晒我都喜歡重牛味嘅朋友。兩款肉各有千秋，但就一樣咁好味。結果我喺度食咗兩碗飯、兩碗湯、一塊牛扒、一碗沙律，說好的減肥呢？

今日難得走出旺角，人跡罕至， 風聲鶴唳， 但因為生理需要，肚餓急call，所以決定找間肉食店舖 補充蛋白質， 好好培養一下肌肉。這間店我已不是第一次光顧， 無他， 因為店員服務質素優質， 環境有光鮮， 彷如置身日本一般。點了一份200gm西冷， 對一個女孩子來說算是剛剛好。剛上枱的時候， 牛扒大約一成熟， 完全考驗食客的烹調功夫。 當然， 燒烤對我來說算是駕輕就熟， 輕易就製作了medium熟成度的牛扒。肉味算是不錯，因為西冷牛味比較重，口感 靠自己控制。在店舖提供自助沙律， 白飯任裝， 絕對令你 滿載而歸。

陪個朋友去先達睇電話，之後就過女人街搵嘢食，見到間「牛極」朋友話近期好似好Hit，就入去試下。一入店就見到一部自助點餐販賣機，好似日本拉麵餐廳果款咁，佢地有唔同牛的部位可以揀，我地最後㨂咗牛肩肉眼同埋牛柳。揀好嘢食付款後就交單比服務員再安排好位置，幸好我地下午時間去避開人流。另外呢到有個自助區，白飯、熱湯、沙律、醬料、開水同埋餐具都可以自己攞；座位旁邊牆上亦貼有「使用流程教學」，簡單易明，之後職員就比左條圍裙我地，話因爲會有油屑，擋住衣服會比較好。比較貼心係上檯時因爲牛肉已經在熱石上石燒中，而佢地會用一張大吸油紙先蓋住牛肉，以免油屑彈到客人。上檯時牛肉只有約一成熟，我地就根據自己喜好，用熱石將牛肉繼續燒（建議切細塊）；牛柳份量足400g有2塊，因一次過燒唔晒兩塊，所以用碗先裝起再分開燒，食落好嫩好腍，亦juicy ；而牛肩肉較牛柳結實，牛味香濃。眼見職員都不停有到自助區檢查，refill速度算快，店員亦會提醒，如果發現熱石唔夠熱，可以叫店員更換。因為有飯有沙律有湯，加埋牛就一定夠飽，而價錢亦合理，所以一定會再食，下次可以試下其他部位。

以下有牛肋骨、牛柳開始介紹👇🏻近旺角中心既通菜街個邊有一間專食牛模式同日本個啲店差不多，係部售賣機點好俾埋錢然後入座俾票店員，旁邊有個半自助式bar沙律、湯、飯、醬材都係自己整飯幾好，唔會太淋/太硬，配肉食幾好，仲可以無限添食🔶牛肋骨 $100@200g店員係將牛燒至一成熟，放上熱石上面俾我地自己燒牛肋骨肉質嫩過牛柳，但都多脂肪，唔食脂肪又好浪費，同埋無乜野食其實200g唔多，舊骨重，切3-4塊肉已經無晒🔶牛柳 $120@200g牛柳都多肉既，都係一成熟上熱石，自己再係熱石板上面燒唔好燒咁熟就會好嫩口啲，肥膏都唔多佢比牛肋骨抵食，因為成舊都係肉，但牛肋骨肉嫩啲唔洗怕熱石凍左就燒唔到啲肉，因為凍左可以叫侍應換一個新熱石P.S: 咁岩我個日中午去食已經無晒和牛，下次要再試下和牛

最近人人都談論復仇者聯盟， 觀賞呢套戲之前， 我決定都要做牛肉復仇者！就喺旺角戲院附近 揾到呢間專食牛扒嘅店舖， 門口放住一部售賣機， 同日本嘅拉麵售賣機相約。牛扒款式種類分5款， 好和朋友分別點了牛肋骨排和牛柳。牛扒上枱時基本上是全生的， 放在熱辣辣的石板上 ，靠的就是自己以經驗控制火喉！看到 店員姐姐溫馨提示隔離枱的客人， 真摯的感受到店員的溫馨和親切， 同時間看看自己的牛扒， 牛扒已達到well done的程度。 難道店員姐姐也知道我喜歡吃well done 嗎?此時此刻朋友的牛肋骨排 熟成度剛剛好， 大家都給予高度評價！有得玩有得食 ，完全滿足復仇者嘅心態！