米気

营业中

休息中

餐廳主打日式日常料理，雖然建議米、主、冷、溫各選一款，但亦都可以自己自由配搭，另外仲有唔少甜品同飲品可以揀，不過要留意餐廳有最低消費⚠️▪️蟹膏蟹肉飯、豚軟骨煮、帆立貝裙邊海藻沙律、蔥燒牛舌蟹膏味香濃，但份量唔算多，另外葉上面有少少wasabi，唔食嘅就要小心。豚軟骨煮得軟腍，味道帶少少甜。帆立貝裙邊同海藻都幾爽脆，配埋柚子醋好清新。蔥燒牛舌偏薄，但尚算有咬口，而面頭嘅葱蒜好香，但就有少少油▪️醬油蛋飯、牛肉壽喜燒、松葉蟹薯仔沙律、柚子手羽中蛋黃係橙紅色嗰種，蛋味濃郁。壽喜燒除咗牛肉，仲有冬菇、豆腐同蛋，但味道偏淡。沙律有唔少蟹肉，薯仔偏顆粒感。雞翼面塗滿柚子醬，酸酸甜甜▪️蟹膏蟹肉飯、牛肉壽喜燒、南瓜沙律、明太子雞翼南瓜沙律香甜。雞翼入面充滿住明太子，食落少少辣▪️醬油蛋飯、紅酒汁煮牛肋條、南瓜沙律、忌廉蟹肉餅牛肋條同樣軟腍，紅酒味突出。忌廉蟹肉餅炸得好香脆，入面creamy▪️米気雪糕雪糕有淡淡嘅米香，配埋脆米，鹹鹹甜甜，仲可以增加口感米気📍紅磡黃埔天地百寶坊(第3期)地下G32號舖

黃埔超人氣日式料理餐廳，平日下午六點十五分左右去到，已經開始要排隊等位入座。大家想食真係要準時收工，即刻衝去排隊。今次三個人去食晚餐，每人點一個飯加兩個熱食。佢個蟹膏蟹肉飯係每次必食。至於小菜，雖然份量唔太多，但係味道都十分出色，製作精緻，感覺好似真係去咗日本食飯。不過大家除咗熱食之外，記住要點埋甜品，超推介佢嘅米気雪糕，不但有甜甜米香，上面仲灑咗好多脆米，味道同口感都一流。蟹膏蟹肉飯（$38）牛肉壽喜燒（$48）豚軟骨煮（$48）奶油菠菜鮭魚（$52）蒜蒽燒牛肩肉卷（$45）關東煮（$28）紅酒汁煮牛肋條（$48）米気雪糕（$30）

之前朋友介紹要去試，一直bookmark左都未有機會去食。平時路過都見有好多人等位，今日好好彩等咗4張枱就入得。漬物/味噌湯$8漬物咸中帶酸，好醒胃。味噌湯入面都有好多料，有豆腐、南瓜同菇。醬油蛋飯 $22醬油蛋醃製得好好，吉穿蛋黃然後慢慢流出黎既感覺真係好治癒～蛋黃口感綿滑味道濃厚，很適合撈飯！明太子飯$22明太子份量好充足，微微嘅辛辣加咸香，用黎配白飯一流！牛肉壽喜燒$48牛肉壽喜燒感覺似超市買番黎既現成貨，味道唔差但牛肉好乾同好咸，差左啲誠意月見博多地雞團子$48雞團子相對比較特別，賣相很好，中間有粒生蛋黃，雞團子外圍煎到有點脆，相當可口。蔥燒厚切牛舌$34呢個一上台已經聞到好香蔥蒜味，牛舌入口爽彈，絕對唔會燒過火又乾又韌，肉汁鎖住左，必點推介！茶碗蒸$28蒸蛋嫩滑，有鰻魚、蝦等材料，味道正常。蒜蔥燒牛肩肉卷$45牛肩肉味道似用燒汁煎過，味道略甜，蒜味就唔係好覺，但肉質都算嫩無根，不過不失啦！蜜柑白玉$30賣相好日式，入面有蜜柑、紅豆、白玉、綠茶凍同寒天凍，配黑糖汁，口感豐富。米気雪糕$28呢個雪糕都好大球，一啲都唔吝嗇！第一啖食落好特別，既甜甜又有淡淡米香，上面仲有少少脆米，口

人気食店🌟之前經過見到人龍放棄咗 趁住入紅磡要食返😛12點半的午餐時間ᴡᴀʟᴋ ɪɴ就可以了 成功細枱轉了卡位 坐得舒服好多！ 餐牌好清晰 提供定食建議組合主打一汁多菜1️⃣米+2️⃣主+3️⃣冷+4️⃣溫可另外追加湯品/漬物/甜品 · ┈┈┈┈┈┈ · ꕥ · ┈┈┈┈┈┈ · ✨米醬油蛋 $𝟸𝟸 | 明太子 $𝟸𝟸：粒粒珍珠米 滿滿飯香 名副其實🍚用上醬油醃製嘅日本🥚 撈飯食一級棒😻明太子都係大愛 不過醬油蛋略勝一籌！ ✨主牛肉壽喜燒 $𝟺𝟾 | 月見博多地雞團丸子 $𝟺𝟼：雖然係迷你壽喜燒 不過好足料 味道不過不失 雞團丸子有生雞蛋係面 外皮係用麵粉炸成的 入面有洋蔥🧅香口之作 ✨冷八爪魚🐙沙律 $𝟸𝟼 | 柚子胡椒雞肉沙律 $𝟸𝟼：2個都好食 八爪魚好大粒有咬口 柚子雞沙律味道就太重 柚子醋落得太多 ✨溫蓮藕豚肉餅 $𝟹𝟸 | 牛油醬油煎安格斯牛柳 $𝟺𝟻：蓮藕入面釀咗豚肉 口感幾豐富 3塊分量剛好 牛柳正常 反而幾鍾意食伴碟的炸蓮藕 薄片好消吃🤣 · ┈┈┈┈┈┈ · ꕥ · ┈┈┈┈┈┈ · 餐廳提供熱麥茶 收費係以每項小菜計算 我哋ᴏɴ ᴛᴏᴘ無再加飲品/其他嘢食都已經好滿足 人均~💲

米気主打食日式料理🇯🇵最吸引我既地方係揀餐自由度高，可因應每個人唔同食量去做定食配搭～無論想食輕食/3 course/ 4 course全權掌握係手🖐🏻＊－。－。－。－。－。－。－。－。－。－＊點餐紙好長，選擇好多，但設計簡單清晰。✅只要係每個類別揀一樣就成為自己既組合。✏️價錢續小部份分開計算，睇落好似唔貴，但加起上黎其實唔平。以正常食個4 course同外面日式餐廳差唔多價錢。🙈＊－。－。－。－。－。－。－。－。－。－＊食物質素整體不過不失，係「食完你唔會特別記得佢」個種😌同時令我比較有印象既係服務質素有待改善。樓面唔夠人手，忙到踢哂腳。客人簡單要求可能要叫幾次先做到，同客人講野態度都係香港獨有style快靚正，有啲食緊澳牛咁☺️☺️＊－。－。－。－。－。－。－。－。－。－＊【米】🔸R3蟹膏蟹肉飯$38 | 🔸R4明太子飯$22【主】🔸M3牛肉壽喜燒$48 | 🔸M4白味噌慢煮石斑柳$68【冷】🔸C2松葉蟹薯仔沙律$24【溫】🔸W8關東煮 $28 | 🔸W9忌廉蟹肉餅 $26＊－。－。－。－。－。－。－。－。－。－＊

喜愛去日本旅遊的好友，約我吃日式西餐廳，紅磡黃埔天地百寶坊(第3期)地下G32號舖，她推介蟹膏蟹肉飯，味道極鮮甜，有頗多蟹肉, 撈白飯超好味。醬煮糖漬紅薯 🍠，香香甜甜。白味噌慢煮石斑柳 ，大大份又啖啖肉 ，魚皮煎得香脆 ，真美味。牛肉壽喜燒，有肥牛、豆腐、冬菇、溫泉蛋，醬汁帶甜，好味道。汁燒鰻魚，鰻魚肥美肉厚，燒得外脆內軟，塗滿燒汁，很香味甜。月見博多地雞團子，賣相靚很，雞肉中間有隻生雞蛋，很香滑美味。蔥燒厚切牛舌 ，牛舌爽口彈牙 ，很美味。明 太子厚蛋燒，頗厚身，很嫩滑，配明太子就更惹味😊蜜柑白玉，白玉口感軟糯又煙韌，寒天口感爽滑，配紅豆蓉香甜好味，極好吃。焦糖布丁，蛋味香濃，焦糖味香，真不錯。杏仁豆腐，清香又滑。