清真牛肉館 (打鼓嶺道)

营业中

休息中

呢間餐廳喺九龍城已經開咗好多年，可以話係呢個地區嘅標誌性餐廳。我食過好多次，每次嚟都係叫差唔多一樣嘅招牌食物。牛肉餅成間餐廳最出名嘅菜式，蔡瀾都介紹過。佢外皮香脆酥軟，餡料鮮味多汁。食嘅時候要好小心，因為啲汁好熱又會爆出嚟，最好用碗接住佢再飲返唔好嘥。咖喱羊腩飯可能因為呢間係清真食店嘅關係，佢煮嘅羊肉特別鮮味。咖喱調味又剛剛好，唔會太辣。薯仔夠香柔軟又入味，用啲汁送飯真係一流，唯一就係啲汁少咗啲唔夠喉。

細個每次一家人去九龍城的話都必定喜歡去吃牛肉餅。好耐冇食再重遊九龍城，湊吓熱鬧去排吓隊試吓。味道當然冇以前的風味，但係勝在樣樣大件夾抵食，所以人龍不絕。最喜歡的還是牛肉餅，外脆內軟入邊滿滿是爆汁的牛肉。咖喱角有點兒行貨一般般的貨色。咖喱羊腩好入味，送飯一流。唔知係唔係因為人多的關係，服務當然不好，因為要滿足排長龍的客人。

朋友介紹話呢間嘅牛肉餅好食，於是就約咗收工嚟吃晚餐試吓。嚟到現場19:30左右已經好多人排隊等位，見到好旺場，到我哋嘅時候仲話要搭枱先有位，為咗唔想繼續等我哋就選擇搭枱，同埋好肚餓了。食完覺得佢嘅牛肉餅真係出色的，會想再叫，整體嚟講都不錯值得嚟試吓。📌📌📌💥牛肉餅 2件 $50依度出名嘅就係牛肉餅，每枱都叫，上枱系熱辣辣的，相信係即叫即整；表皮煎到香脆，一啖咬落去好多汁，濃郁牛肉汁味，正嘅👍🏿💥牛肉鍋貼（5隻） $56正正常常都不錯，有爆汁效果，不過都係牛肉餅好食好多😗💥麻油雞（例牌）$98雞肉夠滑，配麻油同沙茶醬，上面再灑上芝麻，系不錯嘅💥回鍋牛肉炒年糕 $85味道可以但真係非常普通，明顯吃得出係用豆瓣醬炒😂💥蔥油餅 $44非常乾，感受唔到有蔥香味；我哋見隔籬枱啲人係配咖喱牛腩汁食，或者咁樣好味啲吧😅🧮🧮🧮Total HK$333 (2人）

六點多到餐廳門口，等位的人已 經開始排起隊來，後面發現上菜 翻台其實都好快，真的是來吃的人hin多。好多都是上了年紀的老港——————🍘牛肉餅大名鼎鼎的餅子，看不少人專門為它而來（我們也） 果然hin值👍皮薄 煎得脆脆的，裡面滿滿牛肉汁！肉餡調味鮮香 肥瘦適中😋小口吃哦 上桌好燙！🍛咖哩牛腩他家另一個熱門🔥牛腩軟爛入味，咖喱比較辣喔，面應該是手工的 稍軟。還點了蔥油餅，沾咖喱剛好🥘蝦子鍋塔豆腐名字挺特別，一看原來也popular的，尊嘟好次！嫩嫩的豆腐 煎香的外皮，淋上mi制醬 再撒上蝦子，巨鮮甜！忍不住一塊接一塊🧆牛肉絲炒飯瘦牛肉絲搭配蛋炒飯，粒粒分明乾口的，不會過咸。還有好多不同口味炒飯，偏重口uu可以選招牌口味👉甜點的高力豆沙 是蓬松的蛋白包著甜甜豆沙，外面撒滿白糖 是暖暖的甜蜜！好早就被點完了 還好我提前點預留了一份🤓 而豆沙鍋餅是現點現做，薄脆外皮+多多豆沙

📍九龍城話說因為要陪朋友去九龍城辦點公事，完成後突然好肚餓，於是就諗起想食呢間😋細個嗰陣因為住九龍城，亦喺九龍城區讀書，清真牛肉館都已經去過不下數十次，不過以前比較集中去龍崗道嗰間，而家就只係剩返打鼓嶺道一間去得呢度當然首先一定要點佢哋嘅必食名物 - 牛肉餅；一碟有兩件，外表睇落普普通通，但一碰上嘴邊你會發現成件餅熱辣辣，咬落口醬汁四濺，有濃郁嘅牛肉汁味；表皮煎到香脆，旁邊軟熟好似糯米糍咁；入面嘅牛肉非常豐富濃郁；重點係你要盡量飲晒啲牛肉汁先算係十全十美💯另外再點佢哋嘅另一招牌菜 - 咖喱牛腩飯🍛，牛肉出色已經唔使多講，但更突出嘅係佢哋嘅咖喱汁，絕對唔係普通貨色，辣得嚟好惹味，帶出另一個層次；再配返鮮嫩嘅牛肉、冇筋，你會非常想一路追食，可以送晒成碟白飯然後仲有一樣比較驚喜嘅係麻辣雞 - 雞肉鮮嫩彈滑，配以濃郁嘅麻油同沙茶醬，上面再灑滿芝麻，非常好食👍酸辣湯相對就比較一般，不過不失初時以為位置比較偏遠應該比較少客人，但未到七點出面已經開始要排隊，證明好食嘅餐廳始終都會有捧場客👏

好耐之前食過牛肉餅外賣做下午茶，覺得好好食😋 假日去九龍城，又再食多次🥳 餐廳設有大圓枱，12人去都可以一齊坐牛肉餅($50/2件)絕對係必點項目😋 一咬開就嚐到豐盈牛肉汁，熱辣辣好好味😋 羊肉小籠包($60/4隻) 帶淡淡羊羶味，外皮夠滑，饀靚又多汁，好味😋羊肉春卷($42/2條) 新鮮炸起好香脆！川辣擔擔麵($54) 花生味濃，味道唔算好辣，不錯👍🏽順帶一提，如果食蔥油餅最好配埋咖喱，淨食蔥油餅會比較單調

九龍城除咗有好多泰國菜之外，呢間「清真牛肉館」都有好多人專登嚟排隊食😋🐮咖喱牛腩飯 $67見到好多人都嚟食咖喱飯，我哋又嗌嚟試下🙋🏻‍♀️唔好睇佢牛腩嘅份量好似好細碗咁，其實都幾多🍛佢個咖喱汁好惹味但又唔會太辣，牛腩同薯仔都忟得好淋🥔咖喱汁撈飯食，正呀🤤麻油雞(例牌) $98未食之前發生咗個小插曲，我哋2 個人食，所以就只叫例牌，怕食唔哂，點知店員上菜時嚟咗半隻😳我就即刻好有禮貌，咁同店員講返我係叫咗例牌，麻煩佢哋幫我換返，點知幫我落單個位店員即刻起哂剛話我係叫半隻，仲好大聲同態度極之惡劣咁鬧我，話點菜個時佢有再次詢問，我係點例牌定係半隻🤬.1️⃣首先我點菜個時佢完全冇問我係叫例牌定係半隻，係我自己主動講，所以佢已經係講緊大話2️⃣其次，如果真係叫錯，職員態度都唔應該大聲呼喝客人🗣️係大聲到成間餐廳啲客人都聽到，再望哂過嚟食花生，面就人哋俾，架就自己丟🙃.講返食物，麻油雞啲肉都幾嫩滑，而且下面啲汁好濃麻油香味，而且份量都唔少，係唔錯，但由於店員態度惡劣，所以只給予1 星🙅🏻‍♀️牛肉餅(2件) $50一場嚟到，又點可以唔試吓佢哋最出名嘅牛肉餅呢😋塊餅面頭煎到脆卜卜，未食已經好吸引🤩牛肉餅個皮好薄同有

九龍城的清真牛肉館，相信大家沒有吃過也聽過。他的清真牛肉餅享負盛名，很多遊客都會專程來試試。好幾年前來只吃過牛肉餅，今天也想試試其他菜式。中午大概兩點多到，雖然過了午飯時間，但仍然有人在排隊，還好我們等了幾分鐘就安排到座位。牛肉餅保持水準，一咬開裡面的湯汁都湧出來了，要用湯匙接住才不會浪費每滴精華。但是由於這天的天氣較暖和，有別於第一次在店舖門口寒風之下吃這個熱呼呼充滿湯汁的牛肉餅的幸福感覺。咖喱羊腩辣度算是一般人能接受偏辣一點，羊腩屬於有嚼勁的，是港式風味的咖哩醬汁，很道地的感覺。羊肉小籠包看起來像是手工做的，比一般小籠包較為大顆。第一次吃羊肉餡的小籠包，雖然不會有羶味，但還是覺得豬肉小籠包的配搭最喜歡。雖然兩個人點了好多東西已經很飽，但忍不住還是點了甜點高力豆沙，炸過的麵團裏上豆沙餡再沾上白砂糖，非常鬆軟的外皮有點像疏乎厘，讓整個午餐有一個完美的結尾。

香港罕見既新疆菜👀上網睇過 原來呢間係香港清真料理餐廳既排行榜係頭十名而且入到去餐廳都見到滿滿既獎牌！🥇價錢性價比高 味道超級高質 真係無咩可以挑剔😎真係好野黎架 所以要同大家分享 ;D 牛肉餅🫔（$48）呢個真係每次黎到既必點 亦都係佢哋其中一項招牌菜式！😽牛肉餅既皮唔會太厚 但有有少少咬口 食落去第一口d肉汁已經爆出黎 好似一個小龍包咁 🥟肉質好滑 而且油脂感超級豐富 再配埋大量既蔥係d牛肉碎裡面 令到個肉排多做脆脆哋既口感 而且味道更香😍蔥油餅（$42）蔥油餅係傳統用麵粉做個隻 唔係酥皮 我覺得蔥味真係好出 睇得出佢用左好多 😗而且唔會太油 如果叫翻個咖喱牛腩掂下會中正！ ✌🏻叉子燒餅（$33）燒餅係有兩條再切開 我哋叫佢係配蔥爆羊肉 記住呢個要額外配餡料一齊食😬燒餅超級脆卜卜 而且面層鋪滿芝麻 令到個餅更加之脆🫔蔥爆羊肉（$83) 呢個係滿滿既京蔥👍🏻 配埋羊肉炒好香 味道不錯 羊肉都唔酥 唯獨就係用得太多蘇打粉醃個羊肉 令到個口感過於淋🥹 少少蓋過左羊肉既味道 但係配燒餅係一個不錯的選擇！✨🪐蝦子鍋塔豆腐 ($85) 豆腐係偏淋身👀 超級滑 而且面頭有一層皮 灑做超級多蝦

清真牛肉館老店由細食到大，最喜歡高汁牛肉餅，牛肉餅嚟到煎得熱騰騰，急不及待咬一口，肉汁超多鮮味𣊬即包圍味蕾，外皮酥脆，配上牛肉饀肉汁多重口感，味美無窮咖哩牛腩飯～咖哩汁濃郁微辣送飯一流，牛腩比較瘦鞋有點痴牙，咖哩汁比牛腩出色，白飯粒粒分明軟硬適中咖哩羊腩飯～同咖哩牛腩的咖哩汁一樣都是濃郁可口送飯首選，羊腩有點羶但可接受，羊腩軟滑肉質鮮嫩算不錯高力豆沙～熱騰騰上碟即叫即做，蛋白包著豆沙夾著沙糖一起甜到入心，仲和剛才的咸辣味，飯後甜品首選。九龍城老店午飯時間人也多等了5分鐘入座，座位比較迫，上菜也快只是高力豆沙要等耐少少……此店由細到大最喜歡都是食「牛肉餅」、「高力豆沙」，其它就一般啦！

女友小熊生日去咗旺角意粉屋食晚飯，完全唔掂! (見另文) 相信繼老麥同老鄉雞之後，第三間拒絕幫襯嘅黑名單中!第二晚即刻落九龍城食清真牛肉餅! 希望去間有質素嘅餐廳補償一下心靈損失!對上一次幫襯已經係兩件前嘅事，上網睇睇先知道已經搬咗落同區另一個更大面積嘅店舖，空間比舊舖闊落一倍! 坐得更舒服!牛肉餅係必點，另外麻油雞，清真小籠包，酸辣湯同京燒羊腩各一客!麻油雞雖然麻油味唔夠突出，但雞肉同雞皮口感嫩滑非常，好過不少燒味店D油雞白切雞!習慣食小籠包嘅爆汁係清湯，清真小籠包嘅湯汁有D似豉油顏色，味道同平時食開高質素小籠包無太大分別，當然小心熱到辣咀!酸辣湯比想像中辣，小熊話一D都唔辣，當然啦! 佢已經係一隻辣椒嘛! 酸辣湯係先酸後辣，辣味比酸味重，但未至於勁辣，而酸辣湯足料，滿意.牛肉餅同小籠包一樣，湯汁同樣顏色偏深，牛肉餅同以前一樣,爆汁! 牛肉餅好熱，餅內餡料都好熱，而且都係食到爆汁，雖然已經小心進食.最驚喜係京燒羊腩，相先羊騷味不大，但羊腩肉質非常鬆軟又 Juicy，最難得係羊腩連帶小小羊軟骨，果D軟骨先經典，少少冧身少少脆口但唔硬，可惜份量太少! 唔夠喉呀!原本想話先行去街頭鴻興同三

我同老公由拍拖到結婚，到而家仔女都一對大嗰個都10歲幾🤭，仲幫襯緊清真，佢嘅牛肉包真係好好食㗎💖完全冇人能及😙😙😙好味不油，多肉汁，今日幫襯左食嗰個清真炒飯，原來裏面係有牛肚加雞肉粒加牛肉粒再加香料一齊炒😘😘好食到飛起💋👍🏻👍🏻真係值得推介俾各位朋友，吞頭上又多一種口味🫶🏻好正！我老公食咖喱羊腩飯，我食清真炒飯，跟住我哋每人食咗個煎牛肉餅同埋熄咗個牛肉煎餃子🥟😊好滿足識飽，朝頭早外賣左牛肉餅同蔥油餅俾媽咪食😍媽咪好鍾意食佢個蔥油餅🤭又係非常好味！媽咪話食得返佢細個時的蔥油餅嘅味道。真係好懷念，每次食都笑口世世你哋都食啊。堅推介比各位😄

🥢牛肉餅 $46(2件)牛肉餅一定一定一定要試!!!!!仲要趁熱食🤤🤤牛肉餅個外皮煎到好香脆，而且皮薄超多汁，裡面滿滿既牛肉餡同湯汁🤤一啖咬落口啲汁爆晒出嚟，所以食既時候要小心熱湯汁會辣親個咀🙈🥢清真小籠包 $50(4隻)皮都算薄，牛肉餡料都足料。夾既時候可能會漏汁，要小心夾！味道同牛肉餅差唔多味🙈我個人覺得叫牛肉餅抵食D，個餡大D🤤🤤🥢雞絲麻醬冷麵 $52冷麵配埋青瓜絲同雞絲一齊食好爽口開胃，特別個麻醬好濃味撈埋黎食好正，係出面多數係雞絲麻醬粉皮，冷麵比較少見😋評分：味道：⭐️⭐️⭐️⭐️環境：⭐️⭐️⭐️整體：⭐️⭐️⭐️⭐️————————————————————————

今日行過九龍城清真牛肉館門口，超長龍等外賣。一定要試下佢哋的牛肉餅，趁熱食，超正佢的牛肉超多汁。佢的酸辣湯超多料，比平時食的辣點。但一點都唔水，好食佢的 嫩雞煨麵湯麵都唔錯，但無咩驚喜但一定比連鎖店的王x沙好食好多。佢的牛肉麵就一般，牛腩有點韌。但湯底同麵都好好食，跟街邊的食的好唔同。佢的店比較有傳統的風味，跟商場的靚裝修係無得比的。如果怕唔乾淨的話，都可以叫外賣。雖然係叫清真牛肉館，但除了牛肉外，佢更像一間舊式上海菜店

住九龍城的人唔會錯過的一間店！又抵食又好味。牛肉餅好快上菜，皮好脆，一咬開慢慢都是肉，一唔小心肉汁就會爆出來。酸辣湯酸辣可口，開胃！牛腩燉得好軟好入味，薯仔好大塊。高力豆沙咬開綿密口感，正！