星星 Pho Cha

营业中

休息中

收藏咗好耐嘅一間韓國餐廳起香港要搵一間高質又抵食嘅韓國餐廳真係唔易不過見呢間口碑好所以試試位置比較偏僻 入到去感覺好韓式 成個牆都係明星相🙈但係坐位就比較逼Menu選擇多到揀唔落手 基本上咩韓國嘢都有😍有set或者散叫 見佢啲份量都幾大▶️牛肉餐盤 ($58)超豐富 勁多配菜 有泡菜 有芽菜 菠菜 茄子 白蘿蔔絲 仲有啲甜甜地嘅花生🥜全部都醃製過 非常惹味另外仲有一個湯 超重胡椒粉味 但係食食吓就覺得佢清😂因為其他野太濃味佢個牛肉先最正🐂份量驚人 多過啲飯 炒埋洋蔥同芝麻粒 超級香味道上係非常韓式燒烤味 幾正宗肉質唔算好淋 但係佢唔會好多肥膏 多數係肉👍🏻雖然間中一兩舊係全部根咁 但係個人覺得好抵食 出面其他餐廳肉嘅份量係佢1/3佢連白飯都好食 珍珠米口感 軟硬適中唔會好擎天乾 底部配上牛肉汁🍚好好食😋▶️原味傳統烤飯卷 ($48)一條有11件左右 呢個係同朋友分享嘅每件切得薄身 入面材料豐富 有紅蘿蔔 菠菜 醃蘿蔔 蛋皮 火腿 菇 佢層飯都比較少 所以唔會好heavy味道上就比較淡啲 但係口感唔錯👍🏻材料好爽口-真係非常推薦大家試！勁高質嘅韓國餐 可以話係暫時食過最有水準最正宗嘅一間🌟全

呢間近期都唔少人介紹過 午市套餐價錢唔算貴不過味道就普通 勝在份量唔細都食得我哋飽🤣-🐮食返牛肉飯餐🤣牛肉俾得多 不過比較老有啲韌 但煮得入味 而且個汁偏甜都👌🏻🐷就揀返炸豬扒飯餐🤣豬扒偏瘦同炸得過乾開始韌！食落口炸粉個皮炸得實咗同硬咗啲 同埋略嫌佢俾得太多醬 越食覺得好膩🙊-前菜款式多 味道唔錯嘅 而個餐湯都幾好飲！前菜泡菜偏酸 似平時超市買一盒嗰種 因為習慣咗去韓國街買泡菜 所以對呢種味泡菜就一般般🙊

是日又冇帶飯，同兩個同事出去食Lunch,行咗去渡船街個邊食，見到呢間韓國嘢都有同事食過話ok,又咁啱開咗門冇乜人，就入咗去坐低。呢間餐廳嘅setting都幾似喺韓國嘅餐廳，行平民路線，牆上好多明星廣告poster, 亦有疑似係working holiday嘅韓妹做侍應，但廚房裡面就有疑似越南/南亞裔人同操大陸口音嘅內地人，非常國際化。餐牌選擇好多，更加有醬油蟹食，花多眼亂。不過我哋lunch hour時間有限，都只求一個字，快靚正。我就揀咗牛肉餐盤，即係一個牛肉飯再加配菜，湯，喺一個不銹鋼餐盤上面一齊上，同事鍾意食辣就揀咗烤辣醬五花肉餐盤，另一個同事就嗌咗石頭鍋飯。點知我哋應該係因為佢11點啱啱開舖就去食，佢爐都未起，等咗好耐都未有得食，又見佢整俾外賣order, 我哋就話趕時間問韓妹幾時有，佢幫我哋問完隔多陣就上咗兩個餐盤，但石頭鍋飯都仲係未有。呢個時候廚房入面有個操大陸口音嘅呀叔行出嚟態度麻麻地咁話，靚女唔好催喎，石頭窩飯係要咁耐㗎啦。咁我哋就問可唔可以轉，佢就話而家都整緊啦唔轉得喇，然後就走咗去。後尾都真係超過半個鐘先有。但我哋發覺遲過我哋好多坐低嘅客，個餐盤都同我哋差唔多時間