維記咖啡粉麵

营业中

休息中

難得有一日可以去深水埗，路過順便食早餐。一籌莫展，又唔知可以去邊度食嘅時候;就會抽起條根諗起呢間。你問我佢係咪特別好食？非也，只係熟悉嘅味道。一餐雙併$40連凍飲，到家陣$50仲要補$1。。。。。。麵，都係平時食開嘅餐廳用大光麵; 牛，都係平時嘅口感味道;唯獨是湯頭今日無平時咁重口味; 我唔係咁Like重口味，所以今日嘅味道感覺更順滑。或者係時代嘅推進，令佢地有所調整？希望佢地接受到時代嘅轉變得黎，都仲可以保留老香港嘅味道。

放左工出左深水埗買野，響買野前就要去醫下肚先，上網見到維記好多人介紹，響深水埗區算係出名既餐廳，於是去試試😂上網睇，話黎維記一定要食豬潤麵，所以就叫左豬潤麵，牛肉麵，同埋咖咉多。豬膶麵果然係招牌，佢上菜好快，豬膶整得好好食，味道調教得岩岩好，但豬膶如果可以厚身啲就好喇👍🏻牛肉麵整得好出色，牛肉好新鮮，唔會煮得太老，切得都比較大塊👍🏻咖咉多唔同出面既味道，佢有種蛋既味道響咖咉醬入面，其他地方係食唔到，真係好特別👍🏻1.咖咉多2. 牛肉麵3. 豬膶麵

每次去到深水埗，無論係為咗買嘢定係咁岩經過，都忍唔住要去排一排維記。維記有三間鋪頭，所以要排嘅話都唔需要花好多時間。今次嗌咗咖央西多同蛋牛米，米粉湯底有一如以往嘅清香，由於碗米粉係即煮，熱辣辣更加好味但煎蛋就乾左少少，不過整體都係好味嘅！

與男友共進香港地道午餐。男友選了個咖央多士（$13）西多會貴一點。上面有特別的蛋醬，味道不容易形容，只能說，不是所有人都會喜愛的味道。但男友表示喜歡🙈我點了個牛肉麵（$30）牛肉要盡快吃，浸久了變太熟不好咀嚼。麵的軟硬適中。湯底也是特別好喝。不過建議點杯飲品，因為湯底濃味挺口渴的。潤牛米（$33）牛肉也是要盡快吃掉，而潤呢，今天的味道有點苦，但老實說，平常很少遇到的，所以建議也不妨一試。但肉臟口感始終因人而異，因為不要因為馳名而非試不可，浪費食物是不好的行為哦！⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️總結：環境很逼，但味道好！

這間位於深水埗 擁有3 間附近地舖的平民茶室, 只有簡單的裝修, 不太多食物款式選擇, 但食客不論任何時間也不斷人來人往, 而且平日只開至約晚上八時, 週末假日只會開至晚上七時, 想試很久, 但時間也未能配合到。終於在上星期六有幸可一試這間平民名店了, 點解稱自己有幸, 因當日剛好 7點前入座, 他們便關上大閘, 再不能入內了, 真係生意多到唔憂做, 我和 Hubby 坐下後立刻order 了這裡最出名的"豬潤牛米" "牛麵" 及"咖央多", 那豬潤牛米送來時 已嚇一跳, 嘩! 餸多過米, 那豬潤很鮮, 那湯底很香豬潤味, 喜歡豬潤的朋友一定十分愛這碗米, 另外的咖央多, 味道一般, 後來朋友說應該order 咖央西多, 食落完全不同, 好味好多, 好吧! 下次有機會必定再去食過。

每一次經過此店均一定看見其三間店鋪一定是有人龍存在的，有時候甚至長龍到您有點怕，不敢跟隨排隊，因為不知道要排多長時間才可以入座。反之今天真是奇怪，又是因為很多人出外旅行的緣故，所以每一店鋪頂多只有三數人排隊，所以我們趁此難得機會就試試此被有點神話化的食店看看其牛肉豬膶麵有何特別之處，儘管曾特首有光顧過作為活生生的廣告招牌，但是我們還是希望用自己的口來測試過才好相信。被派到門口的一張枱，本來問題不是很大，之但是奇怪的是一位阿嬸在我們後面來回不知多小趟而最擔心的是她手中所拿的一個非常“哪咋”的膠桶不斷不斷在我們的衣服擦身而過，試問我們怎麼不會擔心我們的衣服已經比我們早一點吃過牛肉麵甚至是咖央西多士等等。要了一個牛肉麵和一個豬膶麵，通通是21元一碗。我們認為麵是沒有什麽特別的普通一碗麵食，只是湯底有點像家中煲豬膶水的湯底，豬膶和牛肉不見得特別美味，所以我們也是很快地吃完就結帳走人，因為還是擔心阿嬸嬸不斷不斷的來回和她手中的那個桶。有時候只需一個機會就可以令您出名，假如當日特首沒有來光顧的話，會否有另一番景象是很難預料。

福榮街差唔多成條街都係食野既，間間都有雜誌比食評，維記雖然比較少，但就好特別地同一條街有三間，都仲要門口排哂長龍。之前都食過，真係好鍾意佢地既〝牛肉麵〞同〝豬潤麵〞，湯底冇味精，新鮮牛肉湯底煮成，湯邊仲有牛肉血形成既泡泡，飲左都唔會好似覺得麵舖咁，需要飲野或者係好重味精味，牛肉煮得岩岩好，豬潤又爽口。另外仲有〝加央多士〞都係正野之一，雖然要$12但就真係真材實料，成份都比蛋漿包住，入面既醬一d都冇偷工減料。真係食過番尋味。有3間維記，本人個人喜歡係最舊果間，因為覺得特別有風味，d阿姐態度馬馬，可能踏左咁耐場，總有d煩躁既，廚房既阿叔就十分敬佩，d阿姐係咁叫d麵名，阿叔唔洗紙都能夠一一做出黎，真係勁呀。

每次黎到深水埗都必定到lee度食碗麵..與男朋友一齊去食lunch..我地例牌都會叫一碗豬潤麵..一碗牛肉麵..以自製兩碗潤牛麵..咁就可以唔駛俾雙拼的價錢喇..^o^..lee度ge麵質依舊彈牙好味..我地兩個都好鍾意飲佢D湯底..豬潤同牛肉的水準冇變到..一樣咁高..不過..份量明顯地比我地3個月前少左好多...牛肉更甚...以往一碗麵就可以整到我超飽...但今次只係夠我「攝牙罅」~價錢雖然比以前貴..但總算係平民化價錢..我都會繼續幫襯呢

前幾日去開黃金，就去呢間到食，試下傳聞中既湯底。店面裝修比想像中簡單，外表望落唔似一間遠近馳名既麵店，差d就睇漏眼。去到要左碗牛肉麵。麵就係一般既公仔麵，無乜特別，但湯底的確味道濃郁，非一般茶餐廳可比，牛肉亦算爽口。入面大多數人都係叫潤麵 / 牛肉麵 / 潤牛麵，似乎豬潤同牛肉都係呢間舖既招牌食物，下次真係要再試返個豬潤麵。