牛極 (雅怡居)

营业中

休息中

鋸扒新體驗-石燒牛! 一個價錢，就有一個極厚切牛排，之後沙律、湯、飯任食lol 最平$80～.見到有傳單，話新店開張$80有牛肩肉眼180g，一於試下。原本除了在深水埗，牛極在旺角及荃灣都有分店。.見到店內好石燒「炸炸聲」，聽見到令人食指大動。.有好幾款扒扒的，有最平的牛肩肉眼，到牛助骨排（short ribs)、西冷、牛柳。到較矜貴的日本和牛。也有不同的size 任君選擇，180g~400g。價錢也相應不同，由$80-$350。.我同朋友就試下最平的牛肩肉眼180g($80)及貴少少的牛柳200g ($120)。.石燒，幾成熟自己決定，自己做「廚師」煎牛排。點切都得，好得意的食法。.上菜時，牛排用紙巾cover 住的，防止啲油彈出，我都建議大家拿一個拿裙。香氣四溢，急不及待食扒扒了！.扒扒好厚身，切的時候有肉汁，感覺新鮮。上菜時大約1成熟，我就喜歡切成「一口牛」，我朋友就切成一片片。.個人覺得牛柳比牛肩肉眼重牛肉味，肉質感比較「實」；而牛肩肉眼較「韌」最重要因爲是新鮮，所以2種肉都好好食，個人覺得2者差別都不太大。有3款醬汁，大家可以去自助區拿。.在自助區，飯、湯、沙律是任食的。湯是

是日星期五，想簡單係屋企附近食個飯早d翻去休息，一直都好想試呢間自助鐵板牛，今晚終於有機會！一入到餐廳既右邊就會見到呢部自助犯賣機，都幾得意既，不過入錢有少少難，店員會assist. 有自助區，白飯、湯、沙律同sauce 任裝，不要浪費喔！牛肩肉眼比牛柳薄少少，韌少少，其實係比較有口感，但牛味香好多！比較堆介牛肩肉眼喔🥰牛柳肉質軟熟d，但真係無咩牛味，要加沾調味料先有味🤔師傅係廚房內只會煎香外圍，入面係全生的，上枱時只有一成熟食客可根據個人喜好煎熟🤘🏻性價比極高🤩🤩 $120已經有200g牛柳或300g牛肩肉眼‼️近近地想鋸個平民扒，絕對係唔錯既選擇喔👌🏻👍🏻

石燒牛排係呢一兩年越開越多，一般比人既感覺都幾貴，但今日竟然俾我發現係深水埗都開左一間，而且價錢唔貴，最平$80有交易，一於擔當試伏器試下有無伏先。一入門口右手邊就會見到有部係日本常見既自助點餐售券機，點選自己喜愛既牛排之後就入錢，最後將單據交俾店員就入座慢慢等食。餐廳走日本風格，門口有大大個紅色燈籠，用餐部分就以紅色為主調，牆身掛有好多日本風既旗幟，播著日本流行音樂，彷彿置身於日本。餐廳採用半自助形式服務，設有自助區供應沙津、白飯、牛肉湯、醬料，檸檬水。餐具亦都擺放左係呢一區，記得食之前係呢度拎定啦。好快食物就送到檯上，滋滋聲既牛排上有一塊用竹籤串起既廚房紙巾防止D油彈落身上。今次我叫左「牛肩肉眼180g」。牛肉上檯時已經燒左一成熟，裡面仍然係生的，客人要自己用石板上既熱力將肉燒到自己喜愛既生熟程度。呢塊牛肩肉眼帶少少脂肪，咬落好嫩同juicy，肉味好濃，以呢個價錢黎講絕對係有驚喜。切成小塊後好快已經熟左，但係牛肉依然好嫩口，一D都唔鞋。自助區供應三款醬料: 自家製燒汁、黃芥末、辛味燒汁。另外每張檯上面都有黑胡椒同岩鹽供應，但係個人覺得唔洗點任何醬都已經好好味。180g對女仔黎講已經

晚上在朋友家附近覓食，路過牛極有服務員在門前向我派發傳單宣傳，看到餐廳以平民價熱石燒足秤牛扒作招徠，我便嚷著要試一試大紅燈籠高高掛大概是餐廳之象徵，同時遙遠也能見到光亮的燈牌餐廳呈長方形，所以家具與地板都十分整潔，而且擺設令空間感充足，所以座位與座位之間都不覺擠迫，裝潢以深木及紅色為主，牆上及天花上都懸掛著日本風格旗幟，整體感覺舒適自在點餐方式選用了日本流行的自助點餐機落單，只需點選自己喜愛之牛扒，再放入紙幣或硬幣，最後將單據交予店員便可就座，但發現點餐機難以讀取一百元紙幣，幸好店員會在旁幫忙才可順利購票供應之牛款大幾有5類，分別有牛肩肉眼、牛肋骨排、西冷、牛柳及和牛，而每款都有3個重量選擇，朋友與我點了180g的牛肩肉眼和200g的牛肋骨排試試點餐及就座後便到餐廳盡頭的自助區任意拿取自己喜歡的。左邊為生菜撈椰菜絲沙津並可配柚子或胡麻沙拉汁，下方是檸檬水，中間是米飯及日式牛肉湯，而最右方則是3款醬汁包括辛味燒汁、黃芥辣醬汁及自家製燒肉汁有淡淡牛肉味，味道似著名公仔麵牛肉味湯底，略嫌湯有點油膩喝湯期間抬頭仰望，看到牆上貼上溫馨提示，給予我心理準備待會的牛排將會以一成熟視人，並讓我自由發揮

早排見到介紹專登走嚟試👍🏻試完覺得要好好推介下呢度係食日式石板燒牛扒基本上全自助好有日本食店風味 首先揀牛扒！我揀咗肉眼，朋友就緊牛筋骨扒俾完錢就入去搵位坐低呢度嘅餐具、沙律、飯、醬汁、湯都係自己拎嘅好好啊！自己拎返自己個份！食得曬先拎，唔浪費有柚子醬同沙拉醬揀味道很好呢度仲有圍裙預備唔驚整污糟衫褲好貼心白飯任裝，係日本珍珠米♥️牛湯落咗啲洋蔥好香好飲好足料醬汁方面有燒汁、芥末、辣醬揀另外仲配有粉紅岩鹽同黑胡椒主菜到喇♥️♥️♥️呢度嘅扒全部一成上枱生熟自己調節我呢個係肉眼好嫩好多汁牛肉味好香好好味朋友叫嘅係牛筋骨扒素感比較豐富但牛味更香更濃我最鍾意係佢可以自己控制牛扒成數食野之餘仲可以享受下煎扒嘅樂趣不過真係要好小心因石板好熱辣親手就唔好喇🙌🏻

🎐熊妹一早聽聞過呢間《牛極》引進日本點餐高科技的牛扒店🥩，仲要咁近水樓台，終於今日相約好牛🐮的貓叮一齊試下！📌晚上七點半🕢黎到，都過大半場坐左人，得返啲小二人枱。📌順帶提一提，要人齊先入得，否則需在門外排隊等候🚶🏻‍♂️🚶‍♀️。📌內裡的裝潢天花同牆身都掛上日本風格的掛簾海報🎏，餐廳仲播放著日本特色的激安歌🎶🎵，成件事就好似融入左日本風情🎎。📌自己揀好位或者店員安排好位置後，就可以走到門口的自動販賣牛扒機🎰去點餐喇！📌價錢同牛扒款式係圖文並茂，非常易明操作。1️⃣先揀選好想點的牛款🥩及重量⚖️，然後再點選飲品🥤。2️⃣再按確定後入錢付款，香港巿面流通的紙幣💵$10、$20、$50、$100同$500都受理，而且要慢慢逐張逐張入，如果唔係就會感應唔到而失靈喇，另外💰散銀$1、$5、$10都可以用架。3️⃣最後自動販賣機右上↗️會出張點餐單據🧾，將單據交給店員，店員就會根據食客的座位遞上食物。🍱📌如果有咩唔明，其實有位店員🕴🏻駐守在旁從旁指導，有任何疑問都可以請教她。📌揀完牛扒之後就可以去到自助區任裝飯，任勺湯，任夾沙律同任斟水，所有野真係任裝唔嬲架。醬料區有辛味芥末燒汁，胡麻沙拉汁同自家製燒肉汁，用來沾牛肉