海潮食堂

营业中

休息中

冇門面，冇靚裝修，不過有同客人互動既熱誠，會主動推介唔同既食物👍🏻👍🏻1. 牛腩蝦條煎米粉 $58牛腩蘿蔔勁入味，不過個汁有少少油膩，米粉煎得好香好脆，點埋個牛腩汁相當好味😋廚師仲幫個米粉以醬汁整返個樣出嚟，超可愛😆蝦條就係腐皮蝦卷，炸得好脆口！2. 咖喱肉碎蛋豬扒菜飯 $58咖喱都幾香，不過唔夠濃郁，而且咖喱蓋過咗肉碎同蛋嘅香味。豬扒幾好食，肉質唔算老，但好入味，菜飯都煮得好好食🫶🏻3. 魔鬼菜心 $20以肉碎滾湯再加胡椒粉，配合埋菜心，好有家嘅味道❤️而且個湯都可以飲埋👍🏻

係我個覓食list到好耐 但因為佢收5點鐘 好小機會有得食！今次星期六就的起心肝岀去食啦 total去左2次食唔同既野 但兩次都有食到既就係牛腩蝦條煎米粉🤤🌟牛腩蝦條煎米粉米粉煎到好香脆 仲用醬汁畫左個笑哈哈係面 好搞笑阿😹 通常都係見到炒米粉 好小會有煎米粉🤤牛腩份量好多 有小小辣辣地 將牛腩辣汁倒落個煎米粉到食 好正阿🤤🌟手撕雞五香肉丁撈通粉手撕雞好好食 唔會鞋 仲有葱油係面通粉本新已經落左汁撈一撈 再鋪左五香肉丁係上面 好食阿不過會越食越咸 老闆係我地食食下行過黎問好唔好食 同佢講太咸 佢都即刻拎左碗湯俾我 等我一邊飲住食 呢d就係小店既人情味🥹🌟蔥花蛋治烘底好多蔥加埋炒蛋炒到好滑 麵包有烘底 掂阿👍🏻👍🏻👍🏻👍🏻👍🏻🌟魔鬼奶油多真係好邪惡🤤每一舊中間都有牛油 外面一邊係阿華田粉 一邊係煉奶 好好食 肥幾磅都抵阿🤩

已翻兜舊式茶記，獨特茶餐味道很讚，推爆蔥花蛋治😚！・・・・・・・・・・・・・・・・・・・・🍳 蔥花蛋治 HK$30・味道：重蔥，愛蔥人士入！蔥同蛋幾乎1：1，極濃蔥香，好正！蛋味重啲更好～・口感：多士烘底加爽脆蔥花，蛋唔鞋唔嫩啱啱好，食落不錯～💛 炸燒賣 HK$18・味道：正常炸魚肉燒賣，個辣汁幾惹味，除咗辣外仲有陣鹹香，不錯欸食食下就食晒。・口感：都幾脆口同時幾滿足，魚肉燒賣塞爆口嘅感覺XD🐮 牛腩蝦條煎米粉 HK$58・味道：牛腩用腩汁同辣汁醃得好入味，入味到食耐咗有啲鹹。煎米粉幾香口而且唔會好油，點腩汁食幾正。蝦條就係南記嗰款XD・口感：牛腩好多但都幾重口味，未到食到肉絲但醃咁耐就一定鞋口㗎喇。煎米粉乾爽脆口唔油，食緊米餅咁，蝦條幾彈口～🐔 手撕雞五香肉丁撈通粉 HK$58・味道：呢個就真係有啲太油😖味道好食嘅，不過唔係手撕雞係蔥油雞😅。加埋五香肉丁，兩款都好油就搞到食咗陣就食唔落，同波妹share都食唔到半碟⋯⋯成個底都係油，油量控制下就perfect池了～・口感：蔥油雞幾嫩滑，蔥油都仲keep到蔥嘅爽脆。係真心太油了～～～🍋 鹹檸檬+西柚汁 HK$24・味道：老細推介的，me

一坐低無耐，老闆就問準備好未，好在前一晚就背定餐牌，爽快就點左炸燒賣，牛腩煎米粉，蔥花蛋治，冰啡樂，然後老闆就問要唔要魔鬼奶油多，其實呢個都係wish item，不過驚點太多食唔晒，諗住下次再嚟嘅，老闆係我猶豫個陣就話：寫個薄嘅比你試吓啦，好食架，寫左啦咁就老屈左……不過屈我啦屈我啦，我無問題架蔥花蛋治個烘底真係不得了，係真脆，唔係烘到乾然後𠝹損口嗰種，滿滿蔥香，我地覺得咸左少少魔鬼薄多士，本身係無牛油，牛油要加$6，我覺得牛油係must，如果唔加，件多士只有甜味，呢個薄多士神奇嘅地方，除左面頭有華田粉，係薄薄嘅多士仲可以切薄加入餡料，不得了炸燒賣又係驚喜，外脆內軟，個皮係脆嘅！唔係炸到乾嗰種，配埋不多不少嘅麻辣油，正牛腩煎米粉，梗係要欣賞嗰對蝦條眉同笑容汁，牛腩係分開上，原來係會加一pat蒜蓉，即刻搵周一腹𢳂走佢，唔好污染我啲牛腩，裡面有啲牛筋，全部都好淋好入味，煎米粉好香口，就只係蝦條炸得比較乾冰啡樂相比就較普通，本身係2/3杯凍啡+罐可樂，即係飲到咁上下就加返啲可樂，飲到後尾就係得可樂味啦最後想講，姐姐係超級好態度，幫我地收走餐碟時，都會問：食完未呀，食完幫你地收左先；見我地枱面

🎈牛腩蝦條煎米粉 $53喺炒米粉上面有個笑哈哈，真係會忍唔住影張相打卡先📸。米粉旁有兩件炸蝦條，仲有牛腩、蘿蔔、少量牛根。味道唔咸，少辣，幾惹味。將牛腩汁撈埋啲炒米粉食😉，米粉香脆配埋夠哂淋嘅牛腩牛筋一齊食，正。✦✦✦✦✦✦✦✦✦✦✦✦✦✦🎈蔥花蛋治烘底 $27非常多蔥花，所以蔥味好突出，蛋夠滑，再以烘底三文治🥪，非常脆。 厚身又大份，一份有兩大件，午餐輕食之選🍽。如果頂唔順蔥味既朋友就唔好試呀。✦✦✦✦✦✦✦✦✦✦✦✦✦✦餐廳位於工業區中心，而且位置較近車站，生意都幾旺。員工亦都好好客🥰，比人感覺好有親切感，而且煎米粉上面有笑哈哈😊，好似同你打氣咁，非常窩心。餐廳既款式唔係周圍都見，可以話係獨有。舊式餐廳非常懷舊，諗起小時候去過既餐廳，呢啲水準只有老店先有。

觀塘有一間好出名, 衛詩雅Alfred同好多foodie都一致好評既茶餐廳🥰佢唔係好顯眼, 裝修亦比較舊式, 因為佢地方唔係好寬躺同埋長期都有好多客人嘅關係, 坐都比較逼💁🏻‍♂️👀而且佢下午5點就會收檔, 星期日唔開, 所以要食到佢都唔容易, 但佢提供嘅食物都好有趣好有自己嘅特色🤭我地一個高興又唔小心叫左好多野食🙈⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🍳蔥花蛋治烘底 ($27) 7.5/10佢既蛋生熟度剛剛好啊🤣加埋蔥花既香味十分出色, 佢既包都有特別既設計, 兩層薄脆多士入面仲有塊無烘既方包令到口感外脆內軟💁🏻‍♀️🥣手撕雞五香肉丁麻辣撈通粉 ($53) 8/10佢入面有少少麻辣的醬汁跟住呢幾樣野撈埋一齊之後就個配搭出奇地夾🤪食落有少少麻麻地既味然之後又有啲蔥油既鹹香嘅味💁🏻‍♂️配埋手撕雞同埋五香肉丁嗰肉粒🙈好快就可以食完呢碟通粉👅🫔牛腩蝦條煎米粉 ($53) 8/10咁佢嘅牛腩真係我食過入面都係頂尖嘅味道, 因為佢嘅醬汁應該係佢哋自家製嘅麻辣醬汁, 啲牛腩吸晒啲醬汁食落就好入味同埋辣辣地幾開胃👅個質感都唔會話煮得好熟, 牛腩肉一咬就係一種好軟嘅質感但啲肉又唔會散哂

今日去食而間待客親切友善既隱形茶記😋蔥花蛋治烘底🥪 ($27) 👍🏻👍🏻而個蛋治應該係觀塘區名物~無食過千祈唔好同人講你食過海潮😂😂爆多蔥花‼️配埋烘到勁脆既麵包食, 超香超正😋手撕雞五香肉丁麻辣撈通粉 ($53)👍🏻份量十足❗️麻辣唔算好辣~ 全部撈埋一齊味道好夾好惹味🤤🤤牛腩蝦條煎米粉 ($53)牛腩炆得好入味~ 略嫌米粉煎得唔香脆不過創意同擺碟加分~ 整左個笑哈哈 好搞笑🤣魔鬼奶油多 ($27) 👍🏻👍🏻而個奶油多係隔離台兩個靚女無啦啦請我地食既❤️真係好多謝佢地!! 真係好好味😍😍😍一邊係阿華田粉 一邊係煉奶烘底多士中間夾住薄薄既牛油配埋一齊食雖然好似魔鬼咁邪惡😈 但真係好好味🤤而間茶記無大招牌, 小心走漏眼啊👀

親切友善對待客人嘅隱形工廈茶記之前經常miss 咗（佢收5）食唔到。其實為咗個葱花蛋治嚟。🥪 蔥花蛋治烘底鮮蔥花量好多，香口好食正常發揮。冇好驚艷嘅感覺但唔差嘅厚厚嘅白麵包中間仲要攝咗層牛油🧈好肥仔（不過食落去冇乜存在感）鮮蔥花量好多，香口好食上咗碟就要趕快食啦，烘底一放耐就就唔好食啦！佢一開三，都幾啱口形食，唔怕太爆所以食到周圍都係。🙂牛腩蝦條煎米粉餅|･ᴗ･)ﾉﾞ#蘿蔔牛腩 另上，唔會整腍個香脆彈牙嘅米餅辣油香口但唔辣，油感多啲牛根好軟腍入味好正，同埋個煎米餅一齊一啖軟腍腍x脆卜卜一齊放入口個口感好豐富而且有層次米餅其實係米粉嚟嘅，外脆內彈牙唔會黐實都真係幾香口好食，意外地比想像中冇咁油膩見到一堆辣油唔洗驚，食辣程度低如我都handle 得了牛根都幾多，而且好軟淋蒜蓉有一堆，不過作用似乎不大唔知係咪太重口都分唔到了🤣老闆（？）叔叔來的人超nice🦖不過食呢個配凍檸茶啱啲，我叫咗個熱奶茶有啲太濟

友朋自遠方來探班，想食地道美食，即時諗起海潮食堂，行遠少少都要去！到門口已經有四個人等緊，約五分鐘已經可以入座，即時叫咗必食嘅蔥花蛋治烘底同牛腩蝦條煎米粉先，落單問老闆有咩推介，樣樣都想試，越叫越多，好彩朋友夠大食！每次嚟到必食，蔥夠香蛋夠厚包夠脆必食二號，煎米粉永無失手，唔會太硬太乾，牛根亦係一絕，又軟又香，*但每次食到最尾都會覺得太鹹脆皮非常香口！可能食完牛腩再食佢，個口太鹹太重口了，建議呢兩款菜式可以分開食，老闆推介冰啡樂，嚟咁多次都係第一次試，太好飲喇！估唔到咖啡同可樂係咁夾，難以形容，鮮薑片加蛋啱曬而家凍冰冰嘅天氣飲，唔會好重薑味，又有滋潤嘅感覺！本身我個人好怕成塊牛油咁啪落口，但見到啲阿華田粉又忍唔住口，加埋啲煉奶，甜甜鹹鹹咁好惹味，最後作為甜品完滿咗成餐飯

好滿足，YUMMY 😋#牛腩蝦條煎米粉 平時食蒜泥白肉個汁做底再加平時牛腩個汁整牛腩，滿滿蒜香又多蒜，正👍再配埋用蛋包住嘅煎米，同個汁好夾，個煎米吸哂啲蒜香，之如又唔乾，係咸左啲，😋, 可以再食#冰啡樂 (黑咖啡加提子味芬達)杯野好難飲🤮，員工推介，無下次 ＃觀塘美食

終於有機會試下觀塘有名既隱世食堂餐廳只開星期一至六，下晝5點就收，所以唔係個邊返工或住個邊，只有星期六去食，所以星期六長期有條人龍，不過佢出餐快，翻枱都好快，即使排我前面差唔多有10個人，都係等左15分鐘左右。即使咁忙，老闆都好好態度，好親切，唔會黑面，好難得！「蔥花蛋治烘底🥪」好有驚喜既蔥花蛋治，蔥味香濃，蛋好fluffy，麵包烘得岩岩好，一口咬落去，外脆內軟，成件事超夾！「牛腩蝦條煎米粉🐂」煎米粉同蝦條擺係同一碟，牛腩另上。煎米粉加左蛋落去煎，有少少脆口，上面有pat蠔油咁既野，但個人覺得唔需要落蠔油，因為用牛腩汁黎點個米粉已經好夠味。牛腩炆得好入味，食得出落左好多花椒八角等香料炆，算係重口味。牛筋同牛肉都炆得好淋。蝦條就無咩特別。另外點左佢既「冰啡樂」☕️🥤即係可樂mix咖啡，估唔到又幾好飲wor。呢個都一定要試下！總結：超好味，有創意有驚喜，一定會再食多次！

一放假就要係咁食，今次黎到官塘，就要試下呢間「無招牌」嘅鋪頭，之前聽好多朋友講過架啦，所以過黎朝聖🤪其實呢間野叫做海潮，因為鋪頭有兩個合夥人，一個係上海人，一個係潮州人，所以叫做「海潮食堂」。餐牌上有好多睇名都覺得好食嘅野，呢次就叫左蔥花蛋治、手撕雞五香肉丁麻辣撈通粉、牛腩蝦條煎米粉同冰啡樂。我去食嘅時候咁啱係午飯時間，特別多人，不過都唔洗等位，一入即坐。野食就逐樣逐樣上，都唔會太耐。蛋治真係無得輸，餡料多，雞蛋嫩滑，配上蔥花一流😋一開始係度諗，我以為蝦條係卡樂B個啲蝦條🤣😅，會唔會好奇怪😆當野食送過黎先知，原來就好似墨魚條咁樣，有層野包住個啲，又幾好食，蝦肉彈牙。而且啲牛腩都炆到好淋，食落唔癡牙，牛腩同蘿蔔都好入味👍煎米粉先至特別，用蛋包住啲米粉去煎，香口得黎又出奇地夾😍大家可以試下呢個米粉新食法～至於撈通粉又係鋪頭另一樣招牌，以前手撕雞腸粉就食過，五香肉丁公仔麵都食過，唯獨係海潮嘅 手撕雞五香肉丁撈通粉 就真係第一次聽，食落都無令人失望😻 呢間鋪頭係行創新嘅路線，將好多我地平時食開嘅野食撈埋一齊整，夾得黎唔會奇怪，味道仲好好添，大家有機會真要黎試下！不過要留意返，海潮只係開星期一至

今日同朋友係觀塘做完野，上網搵左好幾間冰室，但最後都係俾間店的手撕雞五香肉丁撈通同😈多士吸引左入黎😆🐥手撕雞五香肉丁麻辣撈通粉（$50）呢個我成碟食晒！🙈一大堆薑蔥再撈埋d五香肉丁 又幾夾幾正！Btw唔好聽到麻辣🌶️就嚇親 其實師傅係吊下味🐂牛腩蝦條煎米粉（$50）D牛腩、牛筋炆得超入味又淋上面仲加左蒜蓉少少辣椒🌶️超野味🤤米粉除咗有少少乾，但撈番d蒜蓉同牛腩牛筋汁一流🥪魔鬼奶油多（$27）中間夾左三層牛油🧈然後再有煉奶、阿華田沈係面🥴你話邪唔邪惡?😈一定會再encore！❤️❤️❤️下次試佢好出名嘅蔥花蛋治🥪

海潮食堂 #觀塘呢間應該可以話係觀塘最出名嘅餐廳之一！只要上網搜尋觀塘美食就一定會見到呢一間茶餐廳，唔係講笑的確好好味🤤🤤🤤！而且佢仲收埋好多特別嘅食物，並唔係一般茶餐廳可以食得到！. 🐮牛腩蝦條煎米粉 $50米粉就聽得多，煎米粉你有冇食過？將米粉點上蛋漿煎，以為平平無奇，點知原來香口到爆，配埋佢牛腩蝦條一齊食真係冇得頂🤩！雖然就咁話牛腩，但其實仲有牛筋蘿蔔，分開上擺喺一個鐵碗內，用腩汁浸住晒啲牛肉同埋蘿蔔，非常入味，再用啲汁點個米粉食，真心世界級🥳！而且份量仲唔少，男人食一個都飽死。味道: 4.7/5性價比: 4.3/5.🥪蔥花蛋治烘底 $27即叫即整，明顯睇得出好有心思，佢唔係就咁將兩塊麵包夾住啲蔥花蛋，而係再做多一步，將每塊麵包斜介開，攝入牛油，令到成個蛋治嘅顏色造型更靚(雖然有啲唔好處就係一邊會多啲牛油，另一邊會少啲)。蛋好厚，但依然保持到非常滑溜，配上蔥花牛油更香😋！好好食！味道: 4.2/5性價比: 4/5. 🍞超薄奶油多 $13雖然佢就咁叫奶油多，但其實係一個阿華田味嘅多士，用上煉奶牛油同埋阿華田粉，阿華田粉同埋鮮奶融為一體，成件事好邪惡但係的確好好味☺️！另外佢仲係一塊麵

呢間鋪頭絕對係隱世小店，門口連招牌都冇，好容易走漏眼，鋪頭有啲難搵，單憑門面，很難發現它是一間茶記。當日係午飯時間去到餐廳所以都好多打工仔放返幫襯呢度。幫襯過一兩次，每次都對老闆嘅態度好欣賞，佢對客必恭必敬也非常有禮，會同食客開玩笑，十分幽默，服務態度良好。今次點左好多網友推薦嘅菜式。⭐️牛腩煎米粉煎米粉兩面煎得脆口而內裡條條米粉好分明，唔會話好乾。重點係牛腩嗰度！ 牛腩煮到真係好軟冧，食落口有浸麻辣味，比較重口味，搭着米粉食啱啱好，果然係招牌。⭐️蔥花蛋多士烘底蔥花嘅fans一定唔可以錯過，呢個多士真係好好食，蔥花同蛋香味都好濃，加埋多士烘得好脆口，好推薦！⭐️魔鬼薄多士呢一個係每次黎都會必食嘅，超級薄多士配上一層層嘅砂糖同阿華田，做甜品一流！必定會再幫襯嘅鋪頭，非常推薦！