水記

营业中

休息中

無須等候入座，但座位在斜坡上，要小心坐非常好食，牛雜沒有異味，牛腸很滑而且分量充足，但食物準備時間較長．入座時，侍應說要等３０分鐘才能上菜，最後等了大約１５分鐘

之前睇報道介紹呢間鋪頭是全港寥寥可數少數有新鮮牛雜賣的。位置在中環一條小巷中，非常有特色！留意返因小巷路面斜斜地，所以有些枱櫈都跟著路面微微斜斜地😝如果接受唔到咁有特色就轉為外賣啦。小店由一位伯伯和幾個親人同伙記親力親為，午餐時間若多人幫襯需要10-15分鐘等下。牛雜河 $41✅因為新鮮，即日劏所以完全冇雪味✅牛雜份量都路少，每件都切得大塊✅湯底清、多蔥、多蒜，突顯牛肉鮮味✅河粉會增加整體油膩感，唔鍾意的話可選擇米粉或麵

聽聞水記好耐~佢只開中午短短幾個鐘頭排檔0係室外就要好睇天氣如果太凍定太熱又或者落雨都會頂唔順今日天氣啱啱好~~牛腩河牛 : 好淋好淋，但冇乜牛味又冇香味連咸味都冇乜河粉 : 好鞋好厚，唔掂呀!湯底 : 好甜、落左糖0既甜，都係冇咩香味牛 : 都係好淋好淋、冇牙都食到、同腩一樣，冇咩味道$41 碗單拼服務態度都好好~斜路座係有D難度~哈哈有風味但食物就一般啦~未必再去食。

中環名物，水記。早鳥才有牛脆骨和爽腩吃。不過，遲了，吃新鮮牛雜也不錯。牛雜河 (8.5/10) 絕大部分潮式粉麵店，將貨就價，從海外進口外國人不吃的急凍牛雜。新鮮牛雜質感鮮嫩多了，也不覺內臟羶味，出色。湯和麵就一般水準，分量比一般偏小。———————————————————————————⭕️ 總結：新鮮牛雜出色，如果夠早吃到爽腩牛爽骨更好。已翻食 ✅💵Budget: $50 pp 📍 水記 (中環)中環吉士笠街2號牌檔

水記，買少見少的本地產物，排檔。斜路，牛腩是買点。中環打卡点。其實他的牛雜也不錯。牛腸，我勁推介，点形容呢？淋？軟綿綿？油香？正？正到邊個点？疫情，2人一檯，仍是滿座。

識貨之人想必聽過中環水記大名，我都識貨，只係無時間⏰。今日難得午飯時間路過，雖然得返牛雜，亦沒有不試的理由。.坊間牛雜大多隱約有膻臊味，😕不然便是調味極重，吃來無味，唯有以辣椒油虛應故事，如果辣椒油也是來貨，那只好自認倒霉。.河粉來到，先嘗口湯，表面都是油花，呷一口卻出奇地清🌈。河粉不過不失，起碼一條條極完整，不似「數字牛腩」店，碎到似糊仔，已經合格✅。主角牛雜極鮮，調味不霸道，安份做好綠葉🍀，牛肺、牛膀、牛肚、牛胃、牛腸，五花八門，件件乾淨可口，各有長處，想不到食牛雜都如此清新🌼。油菜同樣新鮮，比尋常粉麵店好吃。正當我以為覓食運氣已經用完，店員竟然過來說有牛腩要不要也試試？不是吧！🤯🤯🤯結果多要了一碗牛腩麵，麵條彈牙有蛋香，軟硬適中，配上鮮嫩牛腩，切法上乘，一口就是一件，不知人間何世。

中環街市係我最愛的街市，呢度的食材新鮮，很多特色小店，小餐廳，充滿人情味。水記就係我最愛的食店之一，因爲呢排天氣異常炎熱，所以我都係買外賣反office 慢慢吃。每次經過9記牛腩，都大排長龍，真不明白d 人點解偏愛9記，要數中環最好味的牛雜牛腩店，我覺得真的非水記莫屬！ 牛雜清潔得一絲不苟，牛腩又淋又入味，肥瘦適中，非常入味，加埋個湯底，真的大讚！現在呢d 甘有人情味的小店已經買少見少，真的要好好珍惜還有得吃！ 現在正值炎炎夏日，但水記員工都還是笑面迎人，工作認真，真的很不簡單呢！非常推薦呢閒牛雜店！ 很好味！因爲實在太好味，所以上面張相影得不夠好。

今日11點50分左右去到，已經8成位有人食緊，行入後巷搵到個位坐，不過因為有飯店做送飯服務，經常有手推車出入。一坐底當然要叫碗牛雜先啦，個人喜歡河粉配牛雜，貪佢可以吸埋啲味，配埋少少辣椒油，真係一流食完一碗，對於我呢啲大食嘅人黎講，真係只當開胃菜，唯有叫多碗啦。其實都只係12點2左右，牛沙瓜，冇；爽腩，冇；牛脆骨，又冇。最後叫多碗牛腩河啦，不過佢地啲牛腩比較碎，我唔太鐘意下次要再早啲黎，試哂佢地啲牛沙瓜，爽腩同牛脆骨