好日咖啡店 (已搬遷) 新店位置

※本文以用餐當日的環境、服務和食物質素為準，口味亦因人而異，文章只作參考之用。-「好日咖啡店」剛好就係刨冰店「氷屋」隔離，是晚食過刨冰後就去食晚餐，餐廳位置不大，只有數個座位，簡單的裝飾佈置，之前有上網見到佢地既流心芝士魚柳同花生醬漢堡已經好想試！餐牌上有供應全日早餐、小食、意粉、漢堡（可選要跟薯條/沙律）和甜品。飲品也有一些特飲、花茶和手工啤酒呢。手工啤酒更可以組合價搭配炸魚薯條和經典牛肉漢堡。不過今次就試左另一款意粉岩晒芝士控同重口味人士。金巴利特飲 $48最底紅色係蔓越莓汁、檸檬汁同梳打，拌均黎飲味道酸酸甜甜幾解渴。好日特製流心芝士炸魚薯條 $98呢個魚真心好食，大力推薦! 除左係炸魚之外，切開仲有芝士流心架!! 熱辣辣既炸魚咬落非常香脆，粉漿仲有濃郁既啤酒香，裡頭既魚肉真係非常嫩滑，滲透埋芝士流心無得輸∼好好食啊！不過流出黎既芝士會好快凝固，建議盡快享用。特濃香烤芝士忌廉什菌雞肉意粉 $98看到面頭經烤過略帶金黃色的芝士嗎？！記得要拌勻先好食，幼身意粉掛汁程度不錯，每食一啖都幾重芝士味，味道仲令小妹一度以為加左藍芝士一齊煮。富鹹香同重口味，店家話用左兩種芝士黎整的，其中一款係巴

同友人係銅鑼灣又意外發現到美食，要報導一下。店既外面似係一間普通既cafe，但凡事都唔可以睇表面，佢地既料理一點也不平凡。爽瓜瓜熔岩牛肉芝士漢堡。個名好長，但重點有哂厚厚牛肉，加上爽脆青瓜，再配上店家特調花生醬， 好正。首先個花生醬無想像中咁「杰身」，反而好順口但又保留濃濃既花生醬味。牛肉同青瓜比例好好，牛肉本身唔算濃味，同埋清爽既青瓜令到個包唔會淨係得花生醬味。特濃香烤芝士忌廉什菌雞肉意粉。店員聽到我地鍾意食芝士就推介呢個意粉，芝士味好濃，表面仲用火烤過，好香。發現個意粉有加到辣椒片，店員話係為左減低芝士既油膩感，少少既辣味去中和。同店員（定係店長？！）傾左陣，佢地既料理注重係平衡方面，每款料理都唔想偏重一種味，而且好多醬汁都堅持自家制。希望佢地繼續比心機，下次再嘗試其他作品。

看進去外表平平無奇，行過也只是覺得是小cafe一間，朋友約在這裡吃飯，說真的並不抱太大期望。不過！今次食完呢餐，我對佢完全改觀，甚至有再光顧的衝動～因為唔知叫咩，所以詢問店主意見，推薦了爽瓜瓜溶岩牛肉芝士漢堡配特調花生醬，呢個特調花生醬真心不得了！佢無一般花生醬咁死傑死濃味種感覺，反而係花生味濃之餘質感好smooth，仲有粒粒花生，牛肉亦非常juicy，完全唔會太膩，實是讚！即炸的薯條都好好食！仲為你配上蜜糖芥茉醬呢～仲有另一個叫特濃香烤芝士忌廉什菌雞肉意粉，用上幾種芝士炒製，真係有拉絲的感覺！超濃郁喔～雞肉又煎到好香好好食，雖然係有點滿滯但都食晒成碟～飲品方面，叫左原條玉桂的蘋果茶，仲有tiramisu latte，我覺得野飲就一般。latte上面個哈哈笑好可愛，同店名「好日」的正面思想很有共鳴，而且吃得出每一個菜式都很花心思去研究，QC然後先推出，店主仲好細心咁介紹每一碟菜式，呢個係細心位。

由於上次草根食過一次GoodDay Cafe覺得佢地嘅食物唔錯！流心芝士炸魚柳同花生醬決漢堡🍔都好有驚喜，所以草根姐妹決定再去試多次，食下其他好西😚上次去過一次，老闆娘已經認得我地 🙈呢個就係小店嘅好處，食客同餐廳嘅互動多d，食嘅唔單只係食本身，仲有一份人情味❤️今次老闆娘主動推介左2樣食物俾我地，一於就聽聽佢嘅推介，睇下店主推薦質素如何！鮮南瓜忌廉湯Pumpkin Cream Soup首先晚飯前要飲碗熱湯暖暖胃先，呢碗真係堅•真材實料嘅南瓜湯🎃，南瓜味濃到好似食緊南瓜蓉咁😍😍😍晚餐前一碗南瓜湯真係超暖胃啊，安撫了草根工作一整天後疲憊的心。。。當然仲有個胃✌🏻特濃香烤芝士忌廉什菌雞肉意粉（$98）Spaghetti with Mix-Mushroom & Chicken Fillet in Cream Sauce意粉🍝有燒過嘅芝士🧀係面，再加上忌廉汁，令成個意粉好creamy好smooth😋芝士迷一定要叫！意粉煮嘅時間岩岩好，煮得好有咬口👍唔會腍哂😍條條意粉都可以掛住芝士同忌廉汁👏中間仲有唔少菇類，食落好香🍄老闆娘最初擔心草根會覺得膩，但正正因爲成個意粉都有濃濃嘅芝士味，令一向重囗味嘅草

這個星期的工作真夠繁忙，日復日地開工忙到收工，終於捱到星期六。實在要悠悠閒閒地享受一下，於是睡到自然醒後來到了一家咖啡店。小店位於銅鑼灣食街 - 希雲街，店鋪雖小，但環境舒服。餐牌都是 cafe 常見的食物 - 漢堡，炸魚薯條，意粉等。鮮南瓜忌廉湯不是一般的罐頭餐湯，而是用上新鮮的南瓜製成。南瓜湯稍稠，味道香濃。湯中又有南瓜蓉，入口舒服順滑。好日特製流心芝士炸魚薯條 $148炸魚很粗大，切開香脆外層中間有大量芝士流出。中間的魚肉不會鬆散，即使用叉叉起炸魚亦十分穩陣，吃得安心。平時吃炸魚都會跟醬或檸檬汁，而中間的流心芝士足以做到醬汁的效果，芝味十足。特濃香烤芝士忌廉什菌雞肉意粉 $98絕對不負特濃之名，意粉感覺黏黏的，全因濃厚的芝士。足夠的忌廉亦令意粉份外creamy，當芝士撞上忌廉，更能帶出"特濃"的感覺。除此之外，什菌雞肉的分量都不錯。由於這個意粉較溜，建議share其他食物一齊食。Cappuccino用餐之後慢慢嘆一杯咖啡當然是個好選擇，因為今天的確需要叉叉電，而見到這個拉花更令我在繁忙過後會心微笑。真正的假期應該要這樣過。Have a good day！