樂天皇朝 (雅蘭中心)

营业中

休息中

上次係雅蘭見到樂天皇朝，已經好想食佢既小籠包。今日出開旺角行街，梗係要食番佢。餐廳係傳統中式佈置，座位闊落，用餐環境舒適，適合聚會，但係又唔會太嘈。- 特色皇朝小籠包 (八色)最想食既一定係皇朝小籠包，有齊 8 種口味。每種口味有各自顏色，色彩繽紛，好有特色，必定要試。可以由中間開始，跟住順時針食，就會由淡味食到濃味。每個小籠包都係皮薄餡多湯汁多，真係好正；個人覺得蒜香，蟹粉，黑松露味道最特出，配搭得最好。- 皇朝擔擔拉麵食上海菜，擔擔麵都係必叫。雖然係淨麵，不過湯汁好香濃，好重麻醬同花生味，不過就比較辣。- 上海生煎包生煎包即煎，底部香脆，而且肉汁多。- 蒜蓉炒菠菜超香蒜蓉味，好難得有餐廳炒到咁香咁好食，不過份量就比較少。- 香煎豆沙鍋餅 & 薑茶黑芝麻湯圓食飽咗，當然要食埋中式甜點 - 豆沙鍋餅，芝麻湯圓。豆沙鍋餅，外皮香脆，豆沙蓉綿滑，甜度適中。薑茶味道幾好，有少少辣，飲完個身會暖咗。- 檸檬菊花蜜試咗杯檸檬菊花蜜，少少檸檬既酸味，但係最後係有蜜糖既清甜，值得一試。

和太太在旺角迪卡濃逛完，因為太肚餓不想到處走，便決定在雅蘭中心食晚飯，到了二樓扶手梯旁看到廣告介紹的八色小籠包很吸引，於是便來到樂天皇朝一試🤩✏️位置（9.5/10）：雅蘭中心二樓，地點優越✏️環境（9/10）：中式高貴裝修，地方大，環境舒適✏️服務（9/10）：侍應相當有禮貌及主動，多次幫忙換熱茶及收拾✏️食物（8/10）：擺盤精美，食物味道不錯🌟特色皇朝小籠包 - $142首先點的當然是推廣的八色小籠色，包括招牌原味、川味、蒜香、芝士、糟溜絲瓜、蟹粉、鵝肝及黑松露小籠包八款各一隻，色彩繽紛注目，外皮實而不厚、不易破，湯汁豐盈鮮甜，味道不會太濃，其中糟溜絲瓜、蟹粉及黑松露三款個人最喜歡😍🌟木樨肉炒拉麵 - $90麵有爽滑質感，色澤光鮮，有豬肉絲、炒蛋、椰菜、芽菜等配料，味道香濃，份量充足☺️🌟皇朝話梅骨 - $108話梅骨真的第一次食，用糖醋醃製，味道夠香夠甜，帶有話梅鹹香，口感結實😉🌟成都口水雞 - $88採用大量口水雞醬汁，帶有清新的香辣，雞是凍的，因此很易放入口，辣中帶鮮，惹味吸引😋🏠樂天皇朝 (旺角) 📬地址：旺角彌敦道639號雅蘭中心2樓203及205號舖

之前食過八色小籠包覺得唔錯，再次約朋友去樂天皇朝食小籠包😋 旺角分店嘅裝修風格偏暖色調，平日晚上都坐滿8成，座位都舒適除咗八色小籠包，店員亦推介新口味🇰🇷韓式泡菜小籠包，見係期間限定菜式⏱當然要把握機會試😎 泡菜小籠包外皮係紅白兩色，外皮薄而滑，內裏淺紅色湯汁有點辣，肉饀加入泡菜粒，有咬口又帶辛辣味，味道唔錯，值得一試😋 八色小籠包當中，今次食咗最濃味嘅川味，味道唔算好辣，不過有好濃嘅花椒麻香味，鍾意食麻辣菜式嘅朋友要試吓😋 而糟溜絲瓜帶淡淡絲瓜味，幾清新介紹朋友食蘿蔔絲酥餅，朋友都大讚好味👍🏽 酥餅剛炸起中間心熱辣辣主食點咗上海炒年糕，年糕煙煙韌韌，以肉絲，黃芽白及菇為配料，醬汁夠濃味，好味道😋餐前小食花生🥜同栗子🌰都幾好味

mazi大人好中意食上海菜，時日覆診後就嚟到樂天皇朝，裝潢古色古香，一嚟坐得舒服，二嚟mazi最中意食～ 所以今日就寫個食評⋯—首先端上壺茶+小食 （滷水鳳爪），味道不錯，夠入味！—🥟特色皇朝小籠包 $142/8隻八色小籠包終於有機會食啦 八款口味分別係(原味 、糟溜絲瓜 、鵝肝 、黑松露、芝士、蟹粉、蒜香 、川味 ）🥢建議由「原味」開始食至「川味」，味道由淡至重！ mazi大人最中意「黑松露」，好松露果種漏gas味得嚟帶點菇香！ 另一款係「糟溜絲瓜」！每粒小籠包皮薄，但唔會一夾就穿，就算手殘嘅me都絕對冇問題👌🏼🥟重慶紅油鮮蝦炒手 $85少少辣，每粒都包到有金魚尾，好靚～ 皮薄肉汁多，mazi大人大讚🥟上海生煎包$48唔厚皮，包底脆，入口肉汁滿滿🥟清燉雞湯$68味道清甜又夠大碗Overall 嚟講人均消費$20x價錢中等，但係就有好多特別口味小籠包，啱晒中意試新嘢嘅你～大家經過不妨一試！—-如果大家中意俾個like支持下🤟🏽 𝗖𝗶𝗮𝗼🥟樂天皇朝🥢旺角彌敦道639號雅蘭中心2樓203及205號舖

久仰咗呢間嚟自新加坡嘅過江龍嘅大名樂耐 呢晚終於嚟咗呢間旺角嘅分店 呢日平日大約七點入座 已經坐咗八成滿啦🙈餐前小食店員帶完位就會放低呢個小食 呢個小食有花生同栗子 兩樣都好軟腍 栗子更多有甜味 幾開胃😉特色皇朝小籠包嚟呢間餐廳嘅目的就係食呢款八色小籠包🥰 終於有機會食啦 八款口味分別係原味 糟溜絲瓜 鵝肝 黑松露 芝士 蟹粉 蒜香 川味 餐廳仲建議要順住呢個次序食😙 因為口味係由淡到重嘅 特別鍾意黑松露同川味 黑松露有好香嘅菇味 而川味唔會太辣 不過就比較重麻嘅感覺 如果偏好某一種口味 都可以選擇叫晒同一隻味㗎😛鮮蝦豬肉抄手拌麵呢個拌麵好惹味 面頭嘅金蒜 青蔥同辣椒粒 加埋底係有啲麻辣嘅汁😎 咁樣嘅拌麵真係好正 鮮蝦豬肉抄手嘅餡亦都好足料🐷皇朝擔擔拉麵擔擔麵幾重麻醬味 麵嘅份量都幾多 湯底有少少杰 所以麵條好掛汁🍜 八色小籠包真係好啱打卡 喺傳統之中帶嚟驚喜 真係非常有特色啊😌

相信大家都對「樂天皇朝」並唔陌生，佢嘅八色小籠包可算係街知巷聞。呢日放假就約咗朋友去雅蘭中心嘆下午茶，因為三點後可享六折優惠🈹。餐廳平日下晝都坐滿人，人氣頗高的👏。呢度環境唔錯，裝修帶啲中式風格。另一邊廂，店員們亦幾有禮貌。我哋嗌咗小籠包、紅油抄手同炒年糕，幾樣食物好快就送上，賣相吸引😍。望落好似唔係好多嘢食，但食完已經飽晒。特色皇朝小籠包($138)，無錯，我就係為咗呢個八色小籠包而特意前來的🥟！色彩繽紛嘅造型唔單止係噱頭，當中亦代表緊八款口味。喺介紹口味之前，先講吓小籠包本身，佢做得到皮薄多汁嘅效果，而且亦唔易夾穿。小籠包每粒大小相若，非常工整。🌈八色小籠包嘅建議食用次序為原味、糟溜絲瓜、鵝肝、黑松露、芝士、蟹粉、蒜香以及川味，由淡味食到濃味。顏色係由天然食材提煉而成，所以可以食得放心。每一款口味都同小籠包嘅肉餡好夾，絕非九唔搭八，而且唔睇介紹都會食得出係邊款。個人最鍾意蟹粉🦀，因為夠鮮香；另外蒜香🧄都幾正，佢唔係好重口味嗰種蒜，反而鹹香恰到好處，幾惹味。如果一班人食嘅話，就可以選擇單一口味，價錢亦稍為平啲啲。紅油鮮蝦豬肉抄手($78)，抄手同小籠包唔同，餃皮更薄更滑溜，加上佢係蝦

其實間中都想食吓樂天皇朝嘅小籠包，今日就約咗朋友嚟呢度，順便同佢慶祝生日。門外已經有非常清晰嘅餐牌，就算要等位都可以睇定食乜。以今時今日嘅餐廳嚟講，呢間嘅規模都算幾大間，環境寬敞坐得舒服，約朋友嚟就啱晒。前菜花生栗子雖然並非名貴菜式，但佢嘅花生同栗子炆得好好食。嚟得呢度，一定要叫佢嘅特色皇朝小籠包，因為可以試晒八款唔同嘅口味。點菜後店員就會遞上說明書，建議由原味(白色)開始，再順序品嚐人參(綠色)、鵝肝(啡色)、黑松露(黑色)、芝士(黃色)、蟹粉(橙色)、蒜香(灰色)，最後係麻辣(紅色)。其實每一款嘅味道都好突出，而我尤其喜歡佢嘅蒜香同麻辣味，當然傳統嘅味道亦相當出色。另外我哋揀咗李白醉雞，去咗骨嘅醉雞啖啖肉，亦都充滿酒香，肉質鮮嫩令人回味。油麥菜除咗配豆豉鯪魚，原來配麻醬都一樣咁好食。麻醬油麥菜用一片好薄好薄嘅青瓜捲住新鮮嘅油麥菜，方便蘸麻醬進食，清新之中帶點芝麻香。最後叫咗份主食，鮮蝦抄手拌麵總共有四大隻鮮蝦抄手，鮮蝦非常爽口，而佢嘅醬汁帶有酸、麻、辣嘅味道，真係非常醒胃。原來下午茶時段仲有六折優惠，下次攞半日假嚟可以嘆吓佢嘅下午茶。

經常和朋友食開西餐，今晚和她食下中式野。餐廳以宮廷式裝潢，富麗堂皇甚有氣派，環境舒適地方闊落，歎下茶食個包感覺好正。而且美食創新與傳統交織，此晚的上海菜更顯不平凡，碟碟有水準之餘，充滿了驚喜。特色皇朝小籠包 $118來到必點的招牌菜，色彩繽紛望見開心，八色八味各俱特式。小籠包皮薄富彈性唔易穿，湯汁滿滿餡肉鮮美，八款味道包括原味、人蔘、鵝肝、黑松露、芝士、蟹粉、蒜香、川味。當中黑松露款式菇味香濃，食落滿口芳香馥郁。蟹粉款式油香四溢滿口甘香鮮味。蒜香款式帶點鹹香蒜味在口中核爆好好味。川味款式出奇地不辣，麻香撲鼻齒頰留香印象難忘。今次與友共享一籠未能試足八款有點可惜，下次再來一定會encore獨食一籠滿足心願愛自己多啲。醋醬海蜇頭 $78海蜇頭薄片晶瑩剔透非常爽口，墊底的青瓜同樣爽脆，撈左陳醋酸酸甜甜十分開胃⁣。蟹粉炒飯 $128蛋炒飯粒粒分明，飯粒圓潤飽滿，蟹粉汁味香濃甘香鮮美，食落啖啖滿足。芝麻醬油麥菜 $65油麥菜葉捲成條狀，以青瓜薄片扎實，咬落層層口感如生菜般清新爽脆，蘸上芝麻醬美味非常，如此簡單特別的菜式，超讚。瑤柱芙蓉賽螃蟹 $85以大火快炒蛋白的一道名菜，無論賣相味道質感相當似

想食小籠包梗係要搵間出名嘅嚟食，仲可以品嚐埋其他高質中菜！麻醬油麥菜呢味冷盤好清新健康，油麥菜被青瓜包到一卷卷，食起黎好方便，菜好新鮮咬落索索聲，做開胃菜一流重慶水煮魚勁大碗勁滿足！我地叫左小辣都有啲辣，不過辣得好過癮，係正宗嘅重慶麻辣風味，魚片好嫩滑而且都有幾多塊，底下仲有薯粉，兩個人食唔叫其他粉麵飯都仲得呢道八味小籠包係必點菜式，一次過可以食道8種完全唔同味道嘅小籠包（原味、黑松露、川味、蒜香、芝士、人參、蟹粉、鵝肝）隻隻都皮薄多汁，味道突出，嚟呢度一定要食！蟹粉豆腐豆腐滑，蟹粉味道濃郁，呢味菜式連埋飯一齊食的話一定可以食好多碗，送飯一流！檸檬蘆薈桂花蜜頭先食完水煮魚覺得辣辣地，食埋呢個甜品就完美喇，酸酸甜甜加上凍凍地，可以沖淡水煮魚嘅辣勁，仲好清新！檸檬香味配像蘆薈爽爽地嘅口感，又唔會太甜好好食！

因為有朋友懷孕，大家係選擇食咩都要好小心，最後大家都覺得中菜會岩大肚婆食多d。王牌八色小籠包，每一隻顏色代表唔同嘅味道。原本好期待，點知試完每一隻唔同嘅色都分唔出佢有咩分別，下次大家都係叫原味就可以啦。八隻顏色都係搞吓噱頭吸引下大家…D豆好入味再加埋啲肉碎送飯一流，但如果剩係食餸就會太咸。個酸辣湯太辣啦，一細碗酸辣湯我哋八個人都食唔晒，可想而知佢嘅辣係有幾勁。呢個酸辣湯係成晚咁多餸入面最難食嘅一樣🤦‍♀️鍾意食辣嘅朋友可能會啱口味…個紅油抄手好味，不過我諗紅油抄手應該都好難整得唔好味🙊大肚婆指明要食咕嚕肉，可能酸酸甜甜會開胃啲。個咕嚕肉炸得幾好，唔會太乾身仲有啲肉汁係度。好一般嘅上海炒年糕個飯炒得幾好，炒得夠乾身啲料又足。個生煎包麻麻哋，個皮有啲厚，咬咗一細啖剩係得少少肉汁。有啲失望😞個東坡肉煮得淋又入味，不過唔可以食太多如果唔係就會太滯啦。因為大家食得太飽啦但又想食甜品，最後叫咗一碗酒釀丸子大家一齊share。啲丸子好得意，唔係平時食開圓嘅，味道正常唔會太甜

之前已經有留意呢間八色小籠包的上海菜餐廳，終於開分店來到九龍區的旺角，極之方便我，鄰近港鐵站出口的雅蘭中心2樓，當日幸好早到，晚上8點開始要等位，所以訂位爲佳。但等位時都可以欣賞一下廚師製作小籠包的過程，不過小心越睇越肚餓。入座後，發覺空間感夠大，坐得舒服又唔迫，仲好岩聚會一圍人食，見隔離大枱的日本人都有讚。餐牌有圖有介紹，研究完一輪終於點菜，填好點餐紙交給店員即可。茶芥$7/位，小食$15，價錢合理。茶熱濃香，加第二次水都只係淡左少少。但就好欣賞個栗子花生，煮得入味，軟腍粉綿，兩者都做得好好。我當然先點八個口味的小籠包，等上菜時就看看介紹及食法。但店員都有細心講解，原來只有原味小籠包才沾醋伴薑絲食，其餘的七款口味的小籠包就直接食，不要沾任何野，因為直接食才不會被調味料破壞味道。特色皇朝小籠包$98，如八個顏色一樣，每個色都是一個口味，總共有八款口味。包括有原味、人參、鵝肝、黑松露、芝士、蟹粉、蒜香、麻辣。因為味道由淡至濃，所以要順次序食。我食了其中四款味，鵝肝有微微甘香，芝士味開始濃，所以味道較突出。蒜香味更重更香口，麻辣味的確要留最後食，都頗辣有麻香。友人食其他四款，黑松露味及蟹粉