雪山冰廳

营业中

休息中

下午去深水埗搵食。發現呢間60年老店。（和我爸爸差不多大）於是就好奇黎試下除左餐牌之外，每日仲有唔同既午餐。本身想試個多士。但比個喇沙摻摻吸引左。叫左個特餐。有蝦既摻摻，櫻花蝦炒蛋同多士。首先要講。摻摻既味都幾好，喇沙好味。不辣的。摻摻就係 油面加米粉 .要快啲食 唔係湯會比米粉吸哂。之後講係個炒蛋。個份量好多，起碼三隻蛋。完全食唔哂。蛋味濃郁，有啲櫻花蝦粒，有咸味。夾埋都幾好，淡中有咸咁。最後個多士。本身唸住普通野 唔食。 點知食左淡，又幾好食。有小小甜甜地既感覺，好軟熟，又唔會乾爭爭。總結 黎講 份量大，味道夠。 絕對係對得住個價。下次就試下個龍蝦喇沙摻摻 或者 棒子將西多 個豬扒炒飯同 咖哩 都想試。

香港島其實一向冇乜特別好食嘅茶餐廳，前幾日一直想食茶餐廳但係又諗唔到邊度有好地方，今朝就叫男朋友搵吓深水埗有咩好茶餐廳，橫掂出開九龍唔好浪費呢個機會🤪之後佢就搵咗呢一間雪山冰廳，其實一開始我都有少少猶豫，不過佢搵到我就唔會 question 佢😂 見到OpenRice d comment 話喇沙好食，但係好少茶餐廳會做喇沙，仲要做得好食🥲 anyway，我由常餐沙茶牛肉麵到特餐喇沙不停struggle，到最後都係試喇沙，到上枱嘅時候，望到個樣就知道一定唔差🤤🤤昔日茶餐廳識嘅喇沙，上枱嘅時候就好似去左一間食新加坡/馬來西亞餐廳咁，睇個樣已經覺得好有誠意，有誠意嘅位唔係因為有蝦，而係湯底嘅顏色同埋嗰一湯匙嘅蝦米辣醬🤤🤤完全level up左個湯底！蝦我就冇食嘅，因為呢排皮膚敏感，所以唔敢講新唔新鮮，但係$55成個餐，佢有冇蝦其實我已經唔太介意😂 滲滲嘅米粉係高質米粉，我覺得佢做到掛湯嘅效果，所以我都食得幾滿足😍櫻花蝦炒蛋我就覺得有啲老，可以再滑啲，咁高 perfect🤭

深水埗青山道上嘅雪山冰廳歷史悠久，記得以前佢嘅裝修都好舊式，幾年前經過大翻新，依家光猛整潔得多，今日就揀咗嚟咗呢度開餐。港式茶餐廳當然要有常餐同特餐，而呢度仲提供All Day Breakfast，果然與時並進。揀咗特餐「檳城叻沙摻摻」配炒蛋及多士，另加$9就可以轉大大杯嘅特飲，我揀咗港式茶走紅豆冰，入面有勁多紅豆，而且煲得夠林，原來紅豆冰唔用椰奶改用奶茶煉奶又別有一番風味。佢嘅炒蛋就加入左櫻花蝦，食起嚟啖啖都有櫻花蝦嘅味道，加埋綠色嘅蔥花，色彩繽紛簡直可以送碗白飯。而佢嘅多士亦都採用咗丹麥多士，充滿濃濃嘅牛油味。而特餐嘅主角就係呢碗喇沙，所謂「摻摻」其實意指油麵加米粉，將兩款麵底混合埋一齊食，索咗湯底好好味，另外有2隻蝦、魚片、豆卜，配料十足，我尤其鍾意佢嘅魚片，真係爽夾滑！另外叫咗常餐「經典芝蛋牛肉漢堡配德州辣肉醬意粉」，雖然係有兩份食物，但絕對唔係迷你版，大大份好抵食！飲品就揀咗忌廉薄荷朱古力，好香薄荷味，上面仲有好多忌廉，雖然有罪疚感，但係真係特別滑！呢個肉醬意粉嘅肉醬帶點辣，入面有啲紅腰豆，呢個配搭幾唔錯，而且佢仲有勁多肉醬，多到食完個意粉都仲有好多肉醬剩返喺度。呢個牛肉漢堡

今日同男朋友去完嘉頓山，隨意入左雪山冰廳食晚餐。我地都唔太肚餓，叫左個常餐$48同特餐$55。男朋友食1號常餐，有雪山沙茶牛肉公仔麵+頂級雲腿午餐肉炒蛋+香酥丹麥多士，加左$9要樽仔奶茶。沙茶牛肉唔韌易咬，公仔麵正常。頂級雲腿午餐肉炒蛋都係正常貨色。香酥丹麥多士唔錯，幾鬆軟。樽仔奶茶唔特別，早知唔加$9要啦。我食既特餐有檳城叻沙摻摻+日本櫻花蝦炒蛋+香酥丹麥多士，飲熱好立克。檳城叻沙摻摻即係油麵加米粉，好彩米粉份量比較多，因為唔鍾意油麵，湯底幾惹味。日本櫻花蝦炒蛋竟然有蔥，我唔食蔥，所以同男朋友交換左隻蛋食。熱好立克好離譜，有好幾舊結塊既好立克粉，超唔掂！

係長沙灣番左工都有年幾，時不時都會行去深水埗覓食，但居然一直都漏左一間聲稱1956年既港式冰廳，其歷史唔係重點，重點係價錢經濟，食物質素好，選擇又多，我未食完已經諗梗下星期再黎!! 可想而知我有幾中意佢~冰廳晚市除左有全日餐牌上既小食、碟頭飯、三文治包類等外，仲有蒸魚、有鑊氣既鍋仔菜(我無試到，但味到隔離枱傳黎既香味)、雞煲等，選擇好多，不知不覺我地兩個人就點左5樣野，食到非常滿足。熱咖啡&凍檸茶咖啡聞落香飲落滑，估計應該奶既比較高少少，不過岩我口味。平係茶記既特餐都不外乎公仔麵配多士炒蛋，雖然呢間茶記都係呢三個配搭，但特別既湯底、多士、炒蛋，令人對佢印象非常深刻。特餐-叻沙摻摻配櫻花蝦炒蛋、香酥丹麥多士 $52摻摻其實即係油麵加米粉，兩種口感。叻沙湯底幾香，以茶記黎講已經唔錯，配料亦豐富，有兩隻蝦、普通既魚片、吸哂湯汁既豆卜。丹麥多士烘到焦黃，香脆溫熱，搽上少許牛油，瞬間滲入麵包中，入口啖啖牛油香。炒蛋中既櫻花蝦分量好多，啖啖都有櫻花蝦，而且好有蝦味，蛋又唔會太老，友人話好有驚喜。始祖椒鹽豬扒飯(炒底) $58炒飯上枱好有鑊氣香~~炒飯炒到粒粒分明，再配上6塊啖啖肉既椒鹽豬扒，分量真

來到深水埗 今次試試人氣新派的茶記 很驚喜真的有與圖片相符的焗飯和特餐芝士焗波士頓龍蝦海鮮飯一上枱 好震撼 佈滿白汁 芝士 海鮮半隻波士頓龍蝦 比預想的大 更有膏 但焗得略為有點乾青口沒有雪味 但同樣有點乾 魷魚則不會太韌還有很多配料 鮑魚片 魚 蟹柳 青椒 西蘭花 等等 很豐富底層的炒飯 份量也很多 整體濕潤不乾 吃完整個非常飽肚特餐檳城喇沙摻摻 配 日本櫻花蝦炒蛋 奶油牛角酥🍳炒蛋很足料 啖啖櫻花蝦 炒得好滑嫩 香蔥配搭櫻花蝦 使炒蛋更香 味道更豐富🥐牛角酥暖暖的 很酥脆 內含奶油 入口更甜更香🍜叻沙湯底味道濃郁惹味 不算太辣摻摻即油麵和米粉 兩種粗度韌度不一的麵很掛湯汁 口感更豐富魚片彈牙 豆卜吸湯 還有蝦$48就有一個特餐 性價比頗高樽仔奶茶 (+$7)入口順滑 茶味濃 但奶味較淡很喜歡無冰的奶茶 喝多久也不會淡

食完糖水，行左陣街，奧莉花師奶又好多戰利品，野口同學又返左成日工，雙雙嚷著要坐下醫醫肚，熊妹地頭熊就發板帶佢地食好西喇。🍽《雪山冰廳》聽講係深水埗頗出名的茶餐廳，點可以唔試下呢？出名的招牌菜特餐比平時茶餐廳的特餐再特別啲，熊妹就揀呢樣喇。先講下特餐有咩咁特別喇，比平時茶餐廳的普通炒蛋呢度係櫻花蝦米🦐炒蛋，比平時茶餐廳的牛油多士呢度係牛角包🥐，而比平時茶餐廳的一碗火腿通粉呢度係一碗叻沙摻摻🍜，跟一杯平時茶餐廳都一樣包的餐飲，價錢同平時茶餐廳的特餐差不多，$48。熊妹唔食蔥，落單時一早叫左炒蛋走蔥，🥚炒蛋味道無咩特別，加左啲櫻花蝦米叫做多少少味道，不過都係蝦還蝦，蛋還蛋；牛角包都有整熱的，內裡都算鬆化，仲有啲牛油搽係入面，幾香，不過表面就算整熱左都唔係話好脆，可能始終到夜晚都擺得耐，已經吸哂空氣的水份，熱力都蒸發唔到啲咩；而叻沙摻摻，呢度係做足正統摻摻造法，就係油麵加米粉，熊妹其實唔係幾好油麵，落單時問左有冇得少油麵多米粉，阿姐話只可以淨油麵或淨米粉，咁仲好喇。叻沙湯底味辣辣，有奶油香，仲有兩隻蝦🍤，兩塊魚片同兩舊豆卜，魚片同豆卜浸哂啲湯黎食好味，米粉好幼身，連埋湯一齊食好惹味，熊妹唔係幾

睇到某youtuber介紹講到好正所以嚟試吓，結果係失望嘅。首先所有食物都係凍嘅，已經扣好多分！其次味道真係世界級normal，甚至可以話唔好食。可能我唔識食啦，又或者我唔好彩咁啱呢日餐廳失準。成個餐只有現成嘅牛角包比較好食，佢加咗煉奶幾特別，其他我都唔覺得稱得上B級美食，尤其碗叻沙真係淡過水，西九food court嗰間都好食過佢10倍！我成碗擺喺度無食..真心有一刻懷疑youtuber係咪收咗錢。如無意外唔會再幫襯..