餃掂手工餃子雲吞專門店

#餃掂 嘅無味精手工餃子真係好掂 🥟 佢哋每日即包即製，每粒都好新鮮，包得又靚又好食！除咗有經典嘅韮菜豬肉、大白菜豬肉同粟米豬肉外，佢哋仲有好特別嘅松茸系列同埋壽喜燒牛肉口味等！湯餃嘅湯底係狀元九鼎湯，用咗粉葛、順德鯪魚、香山鯽魚、紅蘿蔔、扁豆、赤小豆同埋新會陳皮等煲成，而每張枱都有唔同嘅醬汁可以揀，豉油、黑醋、菜脯、辣椒醬等都有 🍲🌶️ 我每次嚟都一定會叫我最愛嘅龍鳳松茸雙湯餃 ($138/12隻)，佢係用 #黑松露 同 #白松露 再混合豬肉整成。每粒餃子都包到漲卜卜，皮夠透薄，有黑松露嘅餃子味道再濃一啲。今次同朋友嚟，我哋仲試咗出面好少有嘅壽喜燒牛肉煎餃 ($58/7隻)，底面煎到金黃色，賣相吸引，入面加咗啲京蔥同有少少甜味都幾特別。除咗餃子，我哋仲叫咗回味手拍青瓜 ($26)，少少辣又新鮮爽脆。上湯松茸時蔬 ($35)，用上湯煮後味道鮮甜，健康又 #好食！再嚟仲有佢哋自家製嘅山楂雪梨水同蜂蜜檸檬薏米水 (各$28)，山楂雪梨水酸甜開胃，檸檬薏米水清熱祛濕，加埋蜂蜜滋潤又健康 🍋🍯

上環行街買海味買到攰，經過呢間叫餃掂嘅餐廳，朋友又鍾意食餃子，就揀咗呢間餃子專門店，餐廳光猛整齊，座位亦寛敞舒適，餐枱上已經準備埋常用嘅調味，俾客人自己添加，日本龍鳳蛋（配黑白松露醬） - $32/碟龍鳳蛋賣相漂亮，全部都係溏心蛋，配有黑白松露醬，味道香濃，個人認為必點必試。蜂蜜檸檬薏米水 - $28/支大大支，不會太甜，飲到有蜂蜜嘅甜，同埋檸檬嘅香味，薏米亦都好足料，調味不會過甜，很好。自家製山楂雪梨水 - $28/支山楂雪梨水味道酸酸甜甜，很開胃。狀元九鼎湯個湯好大碗，飲得出無落味精，係真材實料熬出嚟，順帶一讚，隔渣隔得好乾淨，唔使擔心會有碎骨之類嘅殘餘物係湯裏面。龍鳳松茸雙湯餃（跟狀元九鼎湯） - $92/8只包得好靚，完全無穿，好大隻，皮好薄，配黑白松露，超足料，而且包有新鮮豬肉，有肉汁，好出色。至尊松茸豬肉煎餃（跟狀元九鼎湯） - $86/8只每一隻都煎到金黃色，完全冇燶，外脆皮，內爆汁，調味不會過鹹，果然係餐廳推介。

餃掂手工餃子雲吞專門店，上環分店，愈開愈多就知有市場之外都有質素😌裝修木系舒服，超多人，不過出餐都快，主打當然係餃子，元貝餃、芫茜餃都未算特別，仲有松茸餃、芝士餃等，非常有特色🫶🏻至尊松茸豬肉餃，配狀元九鼎湯，唔想太熱氣揀左湯餃，一睇就知無味精夠清，味道幾好而飲落去舒服👍🏻仲可以清清個口再食餃，松茸餃都算食得矜貴，飽滿足料既餃子，咬一啖充滿菌香，仲要好有湯汁，味道唔錯😘配埋特製醬汁仲正，不過我最鍾意都係撈埋菜甫辣椒醬，非常惹味🤤日本龍鳳蛋，就係溏心蛋配左黑白松露醬，流心既溏心蛋已經正，配埋松露醬好夾😎白松露清香，黑松露香濃，好味😋食飽返杯自家製山楂雪梨水，食物原味道，唔太甜，山楂味少少酸仲清新🙌🏻專門店果然係專門店，餃子雲吞好有特色，味道又好，性價比高🌟要去多幾次先試得晒啲餃子！🥟