長浜No.1拉麵

营业中

休息中

是日有事要去港島，朋友提議來長浜No.1拉麵食午餐，因她有好一段時間沒來過，有點心心念念！自己很少去中環，在朋友帶路下來到九如坊，這條街的食店不多，後一條街歌賦街有較多的食店，也有些著名食店啊！剛好12nn來到拉麵店時滿座，拉麵店細細間的，座位不多，大約20個位左右，幸好很快便有位子空出，可以入座。拉麵的選擇足夠，我和朋友都點選玉子拉麵，配料有溏沁蛋﹑叉燒及木耳絲。長浜No.1拉麵是來自日本九州博多的拉麵店，博多拉麵的特徵是乳白色的豬骨白湯及細麵為原料。一提到豬骨湯底，多會想到濃厚，充滿膠質的湯，而這店的豬骨湯底卻是清爽鮮甜不油膩。細麵質感軟滑，不會煮得太稔。叉燒經炙燒，質感軟稔易咬又夠香。木耳絲爽口，溏沁蛋夠入味，仍帶有流心狀態～～另有辣芽菜可請店員refill，芽菜夠辣，但略略稔身了一點。吃完一整碗麵，也不會覺得膩滯，是清爽風的豬骨湯拉麵！大概12:30pm左右，店門外就開始有候位的短短人龍了～～

小妹鍾意食拉麵但又好揀，因為個人口味偏淡，出面太多拉麵又鹹又油，未食完碗麵都要飲好多水。都聽聞呢間拉麵好耐，今日lunch有機會試下先，呢篇食評，吃完碗麵起碼兩個鐘先寫，至少知道餐後口不口干叫左玉子拉麵+一份小食牛舌 （呢個好麻麻，唔作討論）1. 湯底唔鹹，帶有甜味，幾驚喜2. 搭配我最鍾意的幼身面質，入口順滑3. 叉燒都不錯，厚度同口感都相當嫩滑4. 整體味道搭配透出豬骨的濃香，但絕對唔死鹹會推介及翻撻食，mark！

拉麵真是一種很神奇的食物，小小的一碗麵竟然就可以受到如此多香港人的愛戴，這次是聽朋友說這間拉麵店的質素挺好，所以有興趣去試試。香港的拉麵店數量頗多，卻不是每一間都有日本師傅主理的，這間卻有呢，很是難得呀。拉麵的種類算是正常吧，餐廳最推薦的是No. 1拉麵，其他的款式大致上跟一般的拉麵店差不多，比較特別的有醃製高菜拉麵和京蔥拉麵。拉麵店就當然少不了各款小食，反而小食的種類挺多，魚類和肉類的都很吸引呀，也可試試點它的叉燒飯。首先點了一份燒魚餅，好像沒有什麼地方有燒魚餅，在這裡竟然有，很是特別。這個燒魚餅真的十分真材實料，一吃進口便能感覺到非常濃郁的魚味，不過要留意會有一些蔥在裡面，覺得味道不夠的人可以把魚餅沾一沾日本醋。然後點了一份我們最愛的炸雞翼，真心推介大家吃這道菜，外面的炸雞翼如果弄得差，通常都很油膩，這裡的卻不會。感覺沒什麼油份，吃進口還有脆卜卜的口感，裡面的雞肉也十分嫩滑呀。男朋友點了一碗 No.1拉麵，No. 1可真是名不虛傳，材料十分多，有紫菜、叉燒、雲耳絲和溏心蛋，雖說是 No. 1，其實想了想，配料好像跟一般的拉麵差不多？湯底真的是正宗的福岡拉麵湯底，很清，沒有什麼油份，

今晚有緊要事黎中環，就揀左呢間聽聞由日本人親自打理既拉麵店食晚餐，雖然地址寫左係中環，但其實由上環站E2 出口行去係近好多。一入到店內已經好有日本feel, 坐好揀拉麵，其實全店只賣一款拉麵，就係豬骨湯叉燒拉麵，menu 上面見到有幾款揀其實係揀緊啲配菜，可以係玉子，可以係高菜，可以配辣，等等。所以就揀左No.1 拉麵同埋玉子拉麵試下。No.1 拉麵其實係乜配料都有啲，所以我覺得叫No.1 拉麵係最豐富。等既時候觀察到原來係廚房整緊野食個位拉麵師傅係日本人黎(我估亦都係老闆), 然後再留意到原來上面啲牌寫左有啲小食！！！今日唔係太餓，唯有下次黎個陣再試埋啲小食。拉麵到~好多配菜，玉子入味唔太咸，叉燒肥瘦均勻又唔鞋，木耳又爽口，最緊要個湯，個豬骨湯真係第一次食到呢種味道，明明望同埋飲落去個口感都係好濃，但個湯濃得黎唔會好咸，高過哂其他我之前你論係香港定日本食過既拉麵舖既豬骨濃湯底幾班！超級推介！講漏個麵添，個麵係一x拉麵個類既直麵黎，可以自選軟硬度，我同友人剛好一個要好硬一個要好軟，啲麵加埋啲湯食very good! 食完個日本人走黎問我地個湯底點，我地當然讚口不絕！

咁岩朋友得閒就諗住一齊試下呢間拉麵。見佢好評都什多，所以有啲期望值。十二點半去到都未滿，兩個人去即刻可以入座。menu好似好多款咁，不過無話有邊款好有特色。因為鍾意食蛋，就要左玉子拉麵。落單都係用紙自己畫，可以揀麵既硬度，葱同蒜。toppings都係大路野。麵既擺放好傳統，係隻蛋有少少爛左，影響左外觀。湯有少少偏咸，我同朋友都飲左佢好多杯水！麵身都ok，算係幾硬身Q彈。叉燒就普通，係偏瘦既。整體黎講係一個普通既拉麵，無太大驚喜！

喺呢區返工已是一年有多，一直聽聞九如坊有間拉麵店好受歡迎，今日終於下定決心，叫埋同事一齊過去試下行到去差唔多十二點九，店外已有少少人龍，不過排得都唔算耐既落完單無耐就已經有得食了。先試試豬骨湯，飲落係比較稀同淡，偏清新口味既朋友應該會好鍾意，但個人黎講就唔係好慣了；麵條我揀左軟身，係好食既；紫菜係預先浸左落湯度所以淋哂，有啲失望同事果碗拉麵就多左隻溏心蛋，係有流心效果既；同樣地佢都期望個湯底可以再濃啲Anyway 總算叫做食過，下星期五繼續喺區內發掘其他好西啦

🦉業餘食評🍜26 Jan 2018👌🏻|| #sss_中環 ||//玉子拉麵//💰88——————————————————————🏮重劍無鋒藏大巧，若陶終到桃花源🏮
首先必須坦白，如果我不是剛巧經過發現此店的話，大概根本不會知道它的存在，第一次經過時已吃過晚飯惟有改天再戰，然而若能再選一次的話，不論有多飽我也會吃的吧。在香港，拉麵一向予人味道過于濃烈的感覺，成不了經常食的”正餐"。 這也是為世所逼，較清淡的鹽味，醬油味等拉麵在香港 台灣等市場不合當地人口味，反而豚骨系的卻一拍即合，久而久之造成了豚骨＝拉麵＝”又咸又油” 的錯覺。別誤會，長浜NO.1亦是以豚骨系為主，應該說是只提供豚骨拉麵也不為過，但卻有著在香港別處吃不到的豚骨風味。湯: 🌕🌕🌕🌕🌗
以博多系為首的豚骨拉麵大行其道，往往被稱為味道濃厚，其實是由於使用了豬背脂 (湯面上浮著的小塊白的物體)，油脂是絕大部會食物的美味之源，不論香氣、味道、口感，人體味覺的構造說是大半為了品嚐油脂絕不為過。然而長浜的湯底沒有一絲豬背脂，湯面上的一般油脂也幾乎不見縱影，卻真正帶出了濃厚二字。 令人不其然感嘆，濃厚不止是油脂，用功熬製得膠質感大足的

呢排都幾常去PMQ，附近有好幾間拉麵，今次嚟到都幾多正評嘅長浜No. 1。平日夜晚喺九如坊呢啲冇乜人嘅街道都要排隊先有得食肯肯定有其原因。排咗15分鐘，入去叫咗個玉子拉麵，都幾足料，有叉燒、原隻溏心蛋。湯底好飲，配幼拉麵口感唔錯。芽菜任拎，不過幾辣下。要彈嘅地方係，碗麵上嘅時候紫菜已沉晒入湯底，淋晒了，呢啲detail係可以做得好啲。

上環 E2 出口行幾分鐘就到一向對拉麵無咩特別感興趣，因為食開拉麵都覺得偏鹹呢間拉麵店得6 款拉麵揀，我揀左玉子拉麵。好似其他人咁講，個糖心蛋既蛋黃真係整得有啲實，食落唔算特別好食，無咩糖心蛋既甜，多多鹹，但都算係咁啦！仲有木耳絲、一塊紫菜、蔥花作配料，都係得好少，係點綴來，無咩話特別好食同難食。重點就來試湯底，個湯底我食既呢次係整得好濃郁杰身，飲落似係似緊骨膠原蛋白豬骨湯咁，濃得黎唔會覺得佢好鹹終於搵到間岩我口味既似樣啲既拉麵店拉麵我叫左普通軟硬度，都正常口感，麵既份量漸成碗野極大部分，食得耐會feel 到飽飽地（女仔份量），不過如果可以，下次我會試下硬口感。因為依家食耐左覺得有啲似公仔麵個口感hahahahaBtw, 個湯底真係淺嚐一兩口就夠，食完我口渴到晚餐時間

是日ot, 在中環附近遊蕩已經沒什麼依舊營業的鋪頭了。在同事的推介下，走到上環，嘗試這家幾有名氣的拉麵小店。到店已經9時左右，沒有排隊直接就可以入內。類似其他的日本拉麵店，自己在紙上選擇中意的面類和配料然後交給師傅。小妹個人對日式叉燒沒有特別大的執念，但非常喜歡糖心蛋，就選擇了玉子拉麵，普通硬度，加蒜油～～豚骨湯底很濃稠，但不知為何覺得有點膩了，溫泉蛋和叉燒不過不失，和坊間其他拉麵專營店水平相當。。不過我倒是很喜歡桌邊提供的涼拌豆芽。總體來說不過不失，勝在不用排隊但沒有特別驚喜～～

3條友來，閒日來，要等位WOR....幾分鐘啦。同好多拉麵店一樣，呢度既落單紙係多項選擇，我地3個人口味唔同，麵質選擇又唔同。我地分別叫左2種拉麵:京蔥拉麵 --- 湯味濃，但唔係太濃，我同朋友都飲剩個底。麵身幼，吸到味，我揀質地軟身D，OK WOR。叉燒係缺點，好似切衰左，一邊太厚，相當鞋口。玉子拉麵 --- 好似係呢度既招牌菜... 湯味京蔥拉麵差唔多，麵身也是幼(同款)，朋友揀質地普通，我試左少少，都OK。朋友話玉子整得唔好，我試左少少，都OK丫...一係唔黎，黎開成日黎。最近發現九如坊都幾多野食，可能不久又會來也....

一位居港的日本人介紹艾琳熊和男友來吃這家拉麵，果然沒有令人失望。我食的是玉子拉麵($88)，豬骨湯底味道香濃，充滿膠質，而且沒有味精，喝完完全不會口渴!玉子是半流心，正!叉燒幾惹味。拉麵是白色幼麵，客人可自選硬度，麵質彈牙。艾琳熊推介指數: 4分，值得一試!

較早前這間拉麵店是我最喜歡的拉麵店，常常光顧，但是，過了一陣子，今天再次到訪，實在有點失望因為與之前相比，我想約是數個月前，現在的湯底變淡了，拉麵裏的紫菜和叉燒數量也好像少了，幸好，流心蛋依然是有完整的一隻。其實，我想可能是因為成本過高? 鋪租昂貴? 因而影響了質量? 說實在，現在，這裡的拉麵還是不錯的，只是由於之前更好，所以，有點失望，很懷念數月前在這裡吃過的拉麵呢!!

今日剛岩出開中上環, 友人食咩好, 諗起之前有好幾個朋友都話九如坊有間拉麵店好正, 咁既然黎開呢面就去試下啦。每次去九如坊, 我都係食勝x園, 今次落幾級試新野由於我地好早就到左, 所以我地係第一枱客。我地3個人都不約而同地揀左玉子拉麵, 我就揀左硬麵, 掙扎左一陣都係揀左要香油 (怕肥)見到3位日藉師傅係個開放式既廚房到整我地既麵, 每個麵佢都會用個篩選拋幾下, 好似幾有功架咁喎, 正所謂 “唔食得都睇得”玉子拉麵: 飲左啖湯先, 好在揀左要香油, 個湯稠稠地, 香濃得黎又帶d菇味, 幾特別喎。有時要好味就要付出代價, 食完跑返多d步罷。一隻溏心蛋, 個蛋黃唔係完全流心, 不過個味道好好, 好大浸酒香味, 好正!兩塊叉燒, 一塊係係輕輕燒過下。半肥瘦再加上佢燒香左既味道更加吸引, 可惜只係得一塊, 有d唔夠喉添麵揀左硬, 麵質剛好呀, 我食完之後都飲哂d湯~的確係唔錯既一間拉麵店呀! 朋友真係無介紹錯!

為左慶左順利渡過世界沒日及老板不在的日子 一班同事4條友好高興咁偷偷地早D鼠出去食飯 本身諗住去歌賦街果個拉麵鋪但太多人了於是一邊開住openrice一邊搵食搵到附近九如坊有另外兩間拉麵鋪一間要排隊, 一間唔駛排聰明既我地梗係揀間要排架啦跟大隊嘛, 要死都一齊死, 開心D 等左兩三個字左右終於到我地了實在很興奮喔 入了站內裝飾得很日本feel但座位十分不理想因為十分殘眼望高少少對眼都張唔開 隔離本身有兩位女士都頂唔順要調位我地問點解唔裝塊番野遮下光站員話咁樣可以令間鋪光D喎 我心諗, 你估個個客都好似Iron Man咁有個罩保護個頭咩你咁同趕客有咩分別 不過既然入左黎唔好俾個太陽破壞左氣氛我們其中3人選了玉子拉麵另外1人點了一個辛子高菜拉麵先講下個玉子拉麵湯底ok, 有D咸但可以接受麵我本身叫普通既, 麵身偶幼所以都比較淋隻蛋不錯 但舊叉燒就好一般整體黎講我覺得碗野俾盡值$60但太殘眼我食完要用番幾舊水去驗眼, 扣番$300即係負$240 哩個係同事叫既辛子高菜拉麵入邊有D雪菜咁既物體睇個樣成個茶餐廳果D 雪菜肉絲米線咁仲要係完全唔辣的令愛辣的同事十分失望最後, 都要強調一點今餐食得