原の味 (已結業)

經過門口時以為都係一間酒吧，睇清楚先知係間日式餐廳，環境感覺很好，可以用寧靜舒適去形容，傾計談心都無問題，好合適。講返食物先！先黎左個黑松露蟹醬配脆米餅做小食，真係咬到蟹肉，同埋黑松露醬味道很濃，而且互相配合很好，唔會好咸，可以直接將醬汁放落口食都可以，如果想有的口感就要連埋米餅食，而個米餅都好脆口。個醬真係好好食，一人食一碗都得！之後呢個魚子醬二重奏賣相好得，其實主角仲有海膽同拖羅，海膽味鮮，另外拖羅配另一魚子，肉質口感同海膽相似，但可以食出另一種味道，真正原之味二重奏。脆筒底係雲尼拿醬，食到最尾甜甜地，又另一種享受！cheers！🥂灸燒芒果醬三文魚押壽司，押壽司其實只係地區制作方法唔同，因為押壽司一般都係切開，所以感覺係完整一個放入口都容易的。而呢款加入左秋葵同芒果醬，好鮮甜、清新。加上三文魚燒過，味覺享受一次過出晒黎，咬落原來中間放左木魚(但只記得食忘記左補影木魚相)，即時感覺都唔同晒，好香，層次提升！燒過特別香！正！本茹藜麥黑松露溫泉蛋意粉，可能嫌剛剛食既黑松露唔夠，意粉都特意再叫有黑松露，哈哈而且有比較少食既藜麥，感覺菜式好創新，好健康！藜麥有咬口，但勝在幼粒，所以口感唔錯！

係媽咪公司附近開左呢間日本餐廳 感覺係西餐mix日本菜咁 好似有啲fusion野～見媽媽好想食 所以放工就黎接左佢一齊食！呢度似高級西餐再加居酒屋咁 感覺都幾有情調🙈.蟹籽明太子沙律 ($78)見到明太子就即刻嗌左😆 好爽啊每粒都～再加埋蛋黃醬特別好食🤤🤤真係好滋味！.玉子海帶豆腐味噌湯 ($116)同平時嘅味噌湯唔同 佢係多左層用蛋白做嘅蛋花見到好有心思 而且入口清清甜甜～～nice!!💓.14代三點拖羅 ($288)見佢出左個promotion 有齊三款拖羅再加杯清酒自從同媽媽係東京食過立食拖羅壽司係好食之後通常係香港見到都會嗌🙈雖然呢碟無日本當地個個咁入口即溶 但仍然會慢慢化開係上等嘅拖羅😆炙燒個款令我驚喜～～～ 燒到表皮有少少焦一咬就散開 肉質粉嫩 大好味🤤.西京三文魚扒 ($69)上面淋上麵豉醬 而伴住三文魚係西餐常見嘅mashed potato 感覺都幾新鮮😂😂😂三文魚肉質嫩滑！一夾就會散開 而魚皮燒得好香脆好味👍🏿👍🏿.原の味芒果醬三文魚押壽司 ($128)中間一層嘅係木魚絲 本身擔心好乾掙掙但芒果醬夠開胃夠多 所以都幾好味😙😙.本菇藜麥黑松露溫泉蛋意粉 ($128)黑松

之前朋友試過 強烈推薦我 今次終於可以黎試下 一入門已經見到好壯觀嘅bar枱 環境好好 有日本mix西方嘅感覺 同埋私隱度高 係慶祝節日同聚會嘅好地方 多人的話仲可以坐房 原之味赤身沙律 HKD168份量比我想像中多 要將溫泉蛋撈埋一齊食 吞拿魚好新鮮 沙律除左有生菜 仲有nuts同牛油果 份量十足玉子海帶豆腐味噌湯 HKD58豆腐好滑 湯唔會好鹹 味道岩岩好 但哩個價錢略厭有啲貴終極卷物 HKD158係餐牌其中一個推介嘅菜式 入面有吞拿魚粒 三文魚籽同主角海膽 有六件卷物 每一件都有好肥美嘅海膽 好新鮮一啲都唔腥 但卷物入面有酸瓜 食到最後有啲醃味 唔中意食嘅人要留意慢煮雪花牛小排 HKD 248今晚主角之一 近年好興食慢煮菜 侍應介紹啲牛小排係用60度慢煮左48小時 係特別鮮嫩 我第一次食 口感好嫩 唔會好似平時食開嘅扒咁見到血水 但又可以煮到五成熟嘅感覺 仲有薯蓉伴碟 強烈推介大家食西京三文魚扒 HKD69三文魚扒烤得岩岩好 唔會好乾 加埋醬汁味道岩岩好 黑松露溫泉蛋意粉 HKD 128哩個係今晚最愛嘅菜式之一 意粉煮到好爽口 平時最憎食到煮到就爛嘅意粉 黑松露味好重 食落好香口

人永遠愛追求新鮮和花巧的事情，有時候對得一件事物或人太耐都會覺得乏味，就例如吃得日本菜多，都希望在食品配搭上有點花巧。早前便有朋友推介在尖沙咀一間叫「原の味」日本料理餐廳，英文的Naked在中文上解作「裸」，意思是無遮蔽、赤裸裸的同類。不難想像餐廳的食材與裸字有關連，大概是以食物最真、最原始的味道送到客人口中品嚐。加上門面亦寫上現代日本料理和whisky bar，更加知道餐廳是木著日式新派料理和融入西方的酒品，盡情大放異彩，今人充滿期待要來拜一拜訪。餐廳的正門採用開放式的設計，感覺十分開場 。至於室內的空間位置比想像中大得多，先有大型的酒吧枱可邊坐邊欣賞廚師在調酒的技術、另一邊則有一排長枱對正餐廳外面的街景。另外仲有以木板型的長屏風，將樓面的數十張大枱作迷你的擋房，保持一點的私隱度。全店以黑、金和啡木系的色調為主牆，既保留日本樸實沉穩的性格，幻光幻暗的燈光亦充滿神秘的色彩，相當有格調。餐牌的款式也比預期中豐富和新穎。例如有生蠔、沙律、餐湯、頭盤、炙燒 押壽司、特上卷物、壽司盤、限量壽司、壽司及刺身、前菜、廚師推介、主菜和甜品等，當中有好多菜式都是fusion菜。另外更供應晚市二人套餐，

之前係尖東經過見到依間鋪面黑媽媽嘅餐廳感覺好神秘同好高級, 已經好想試吓, 今日收工就約咗個係尖東返工嘅朋友試吓。首先環境真係好闊落, 而且睇得出好有心機裝修, 餐枱之間嘅空間都好夠, 可以提供一個靜靜嘅環境我哋詳談。- 赤身沙律 $168賣相好精美, 菜夠新鮮, 上面吞拿魚刺身份量都非常多, 而且邊邊嘅黑椒令到吞拿魚刺身嘅口感同味道都更有層次, 而且能夠去除一點魚生嘅腥味另外, 有加上果仁同腰果, 令到成個沙律嘅口感更豐富。- 明太子醬配天婦羅蠔 $176依個淨係賣相已經好吸睛, 同埋竟然有海膽係面, 海膽非常鮮甜同新鮮。天婦羅蠔就炸得非常香脆, size無想像中大, 但係炸得外脆內軟, 蠔都非常新鮮, 雖然炸過但都保留到蠔嘅鮮味同水份, 配埋明太子醬為天婦羅蠔增加咗唔少濕潤感, 非常好味。- 押壽司卷物 拼盆 $148依個壽司拼盆嘅賣相絕對能令人食慾大增應該係由左邊比較啖味嘅開始食。首先食紅菜頭汁牛油果蟹肉卷, 蟹肉嘅份量都唔少, 而且牛油果真係發揮到好大嘅作用, 一放口就感覺到壽司係口入面溶化, 牛油果嘅香配上蟹肉嘅鮮甜真係好夾芒果醬三文魚押壽司無咁特別, 因為芒果醬味唔出,

Happy Friday 又到尖沙咀搵食，平時食開都係厚福街或海港城個邊，今次決定黎尖東搵下食，竟然俾我地係麼地道發現呢間環境High Class既 Fushion 日本菜。赤身沙律 $168呢個沙律最特別唔係佢既菜夠晒新鮮，而係菜上面既吞拿魚刺身，吞拿魚刺身圍邊經輕微烤過再印上黑椒，沾上沙律汁味道幾特別。明太子醬配天婦羅蠔 $176明太子醬配天婦羅蠔同埋海膽真係第一次，海膽好鮮甜，而天婦羅蠔雖然唔係好大粒，但外脆內滑，配埋明太子醬好好味。押壽司 卷物  拼盆 $148呢個拼盆每款壽司賣相都好Fushion，當中黑松露劍魚腩押壽司係我最愛既一款，因為黑松露醬好香濃又唔會蓋過劍魚腩既鮮味。 另外芒果醬三文魚押壽司係中間夾左芒果，但可能芝士太香，唔太食得出，而赤蝦押壽司同埋紅菜頭汁牛油果蟹肉卷就中規中矩都唔差。  玉子海帶豆腐味噌湯 $58同平時既味噌湯唔一同，味噌湯有蛋花，海帶，豆腐，令味噌湯有陣清甜味。 黑松露蟹醬配脆米餅 $168用黑松露蟹醬配脆米餅其實幾特別，黑松露蟹醬好香濃，不過就略太糊，冇左蟹肉碎既口感同埋鮮味。 海膽藜麥意粉 $198呢個醬有點似明太子醬既感覺，都係甜甜地，配

星期六又可以放假， 當然要與好友鬆一鬆，較早前與她經過尖沙咀原の味已留下深刻印象，因為附近大多是中，西餐，唯獨它是日本料理餐廳，當時已經有興趣一試，可是那次趕時間在附近吃了車仔麵就離開。今晚難得好友賞臉與我這個吃貨來原の味共聚晚餐閒聊閒聊。海膽泡菜杯這是一道鮮美的前菜，在泡菜上放上海膽，再用清酒點綴。海膽很鮮甜，口感有點像滑蛋，下面的泡菜非常開胃。不要讓自己後悔，將海膽，泡菜，清酒一起吃，多重滋味，和海膽的甜味餘韻迴盪口中最好。某種程度上我十分欣賞原の味對食材上的用心，就連小食蓮藕脆片也花了心思。蓮藕脆片很酥脆，完全不油膩，平時我就很愛吃蓮藕，喜歡蓮藕的爽脆口感，蓮藕脆片鹹鹹甜甜，再沾上清新的黑松露沙律醬，酸酸微微的口味很唰嘴。這梅酒杞子藜麥麻醬沙律我們覺得太有趣才點，因為從沒有吃過以杞子作配料的沙律，杞子大多數是湯料或糖水的配角，想不到當沙律主角蠻驚喜的。杞子經香醇的梅酒浸透後，令杞子的甘甜程度大大提升，令沙律爽脆中帶點甜香。藜麥粗糙的口感豐富了沙律的層次，加上酸甜的小蕃茄，女生都不會不愛上這養生美味的沙律。玉子海帶豆腐味噌湯也太過精彩吧，打破平日味噌湯死鹹的印象，反而變得鮮度可口的