太平館餐廳

营业中

休息中

今日第一次來這分店，有種懷舊高檔西餐廳的味道：餐廳要上樓梯，服務員穿著西裝，燈光昏暗，價錢中上。招牌瑞士汁炒牛河，必定要試，午餐份量足夠二人吃，牛肉嫩滑，河粉幼滑，瑞士汁好濃好入味鮮茄焗豬扒飯，味道尚可，豬排鬆軟其實$80-$90一個午餐，有湯有麵包有餐飲，食物味道不錯，座位舒適，環境清靜適合談天說地，這個價錢不貴了。

Hello 大家好👋🏻！今日我嚟到位於尖沙咀嘅「太平館」。今次同大家分享一下呢一次係「太平館」嘅美食經歷。 適逢有朋友係外國嚟到香港，話好掛住太平館嘅瑞士汁，所以同佢嚟到呢度。美食攻略：朋友比較講究，先嚟一個忌廉粟米湯開一開胃， 佢哋個忌廉湯依然保持到水準， 夠Rich但唔會好粉或好膩，襯埋個指定餐包，咪就係舊式西餐廳嘅食法😆。 講到瑞士汁一定必食嘅係「瑞士汁雞翼（8隻）」及「瑞士汁炒牛河」。 話晒真係好幾年無食過太平館，呢個招牌菜式瑞士汁依然好味😋， 甜甜地襯雞翼同牛河點食都唔會厭。朋友又話想食佢地個牛脷「烚鹹牛脷」，呢個牛脷… 確實有啲失望😞，雖然係話到明鹹牛脷，但真係太鹹，鹹到連牛脷味都掩蓋埋，得個「鹹」字， 對唔住🙏🏻我哋無辦法之下浪費咗😭。最後點咗太平館Signature 「太平館焗梳乎厘」， 落單果位叔叔仲好貼心咁幫我地預好時間先order, 我哋剛剛食完晒主菜， 甜品就到啦。 話明Signature, 水準仍然keep到。 頂層結實，內裏鬆化， 咁大個甜品兩個人份都無話甜到漏。去太平館大概要點返啲招牌菜式咁先夠穩陣😉。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務

好出名嘅太平館，終於有機會試喇🙌🏻決定點2人set dinner~再加乳鴿🍽炒雜菜🍽瑞士汁炒牛河-河粉撈埋個瑞士汁好夾，牛肉炒完都好滑🍽太平館乳鴿-係呢間餐廳招牌菜，一定要食-乳鴿好多汁多肉👍🏻👍🏻👍🏻聞落好香，肉亦好嫩🍽瑞士雞翼-另一道必點菜式-食落醬汁甜甜哋，份量多跟餐既雪糕同餐茶太平館必點甜品 - 頭咁大既疏乎厘因為即叫即整關係要預30分鐘，可以大概就食完主菜就點～真係好大，但味道偏甜～食左一半已經食唔落2個人黎講，點既份量太多😅今次又打包左好多拎走

太平館餐廳 經典懷舊之選 是日跟朋友到了位於尖沙咀的太平館餐廳食晚飯，事先知道這間餐廳人氣挺旺，就先訂了座晚上七點鐘。我和朋友都早了少許到，但可以讓我們入座了。走進餐廳，就會覺得內部的裝潢的而且確非常懷舊feel，好像走進時光隧道一樣，去了花樣年華的年代。暗色的桃木餐桌和牆面，調至暗黃色的燈光，穿著打扮都官仔骨骨的侍應們…我們坐的座位較近廚房出菜位，所以有時當客人柯打的扒類餐盤從廚房出來的時候，可以早到肉類焦香的香氣。同時，我們也在點菜等待，或者是進食期暗，不斷看到廚房偶爾推出來的招牌巨型梳乎厘！非常震撼。為我們點單的叔叔侍應非常識做，除了提醒我們最後在十五分鐘後（即在進食主菜的時候）就好叫定梳乎厘，更加直情在我們時間到了都還未記得落單的時候，主動過來跟我們說，梳乎厘幫你地落好左啦！除此之外，大家的服務都比較到位，會來幫你加茶、拿走碟這些基本的都有。有些遺憾的是由於我們只有兩個人，所以餐桌不算很大，但也夠用。如果是四個人左右來，應該會再坐得舒服些。但我們兩個人都是坐小卡位，基本上都坐得舒服，談話空間也有的。這類餐廳還有一個好處就是大家談話聲是有，但又未去到酒樓那種吵雜，但亦不會水靜鵝飛

端午節晚上，毋須等位入座！燒豬脾：不太入味，肉有點乾，非常一般！瑞士汁炒牛河：非常香囗，不太油膩，牛肉好，淋水準之作！瑞士汁雞翼：金牌侍應推銷下，點了半份（四只）！肉質好鮮甜，不過較細隻。可以啦！

聽聞太平館的瑞士汁炒牛河十分出色，難得下午茶餐可以選擇瑞士汁炒牛河，便點了一客瑞士汁炒牛河 + 熱奶茶。($55 & 小賬加一)瑞士汁炒牛河瑞士汁和河粉並不像平時吃的干炒牛河般豉油和河粉是炒在一起。瑞士汁就像是淋在河粉上面再加上蛋絲。先嚐一口瑞士汁，味道不太鹹，甜甜的，但不可以說是好吃，沒有什麼特別之處。河粉炒得很有煱氣，但河粉不是一條一條分開，會有幾條幾條粘在一起。在茶記吃牛河我不會有這樣的要求，但是貴為招牌菜，當然會對它有更高的期望。牛肉亦頗腍，但沒有太重的牛肉味，有少許鬆肉粉的味道。當把瑞士汁和河粉伴在一起後，其實亦無什麼特別之處。鹹淡適中，河粉依然是很有煱氣，比干炒牛河甜一點。熱奶茶味道偏似英式奶茶，可能是因為這是一間西餐廳的原故。質感比港式奶茶厚身，感覺上是下了直脂奶。茶味不太濃，不過不失。服務服務偏劣，無甚笑容。無帶位，結賬時叫了2個伙計才可埋單。第一次等了十分鐘仍未收到賬單，要叫第二個伙計才能埋單。總括而言，整個下午茶餐只是一般茶記水準，稱不上難吃但都不會令人一試難忘。另外，份量亦太少，吃完幾個鐘頭後肚子又再餓了。$55 明顯是取價過高，物非所值。

太平館款式算太多，精選加味道，可另人一再回味。下午....set抵...80元左右湯有好多選擇忌亷(周打魚)湯 - 足料，都好creamy牛尾湯 - 超濃味及足料，大量牛尾肉..yummy....瑞士汁炒牛河 - 非常"光亮"，這已令我食慾下降，對於過油吃物都有所保留，而瑞士汁又少少甜，更非我杯茶。這碟由仔仔包辦，由於沒加洋葱，都算特別。牛肉沒梳打，但牛肉味也太重。芝士焗大蝦飯 - 賣相已非常吸引，乾身和飯底也乾身，絕對是我杯茶。蝦算太鮮味，不過又多、又大大隻、爽口彈牙，芝士夠香凍檸茶 - 茶味香...一入歺廳上那杯茶...一樣是紅茶...記得唔好用黎洗匙羹和义，要試飲咖啡 - 即磨那隻...如果能改用更上等咖啡豆就更出色蛋糕仔 - 失敗...已收了少少水，乾硬少少，蛋味濃共186元下次必再臨食魚、梳乎厘、牛脷...

今晚心血來潮,想和老公外出吃飯,五點半打來訂位,幾間都full book了!?印象中,每次來太平館,都不會太人多。因為想吃,便來等位。估不到,接線生沒欺騙我,來到真是有人龍的!左想右想,覺得套餐的餐湯/麵包/餐飲/甜品吃罷已填飽肚啦,倒不如散叫,可吃多點款式.雀肉大蝦多士$48,沒什珍肝醬份量,味道也自然若隱若現.整件多士炸得夠脆,當餐前小食(而且有沙律拌碟),開一開胃。燻倉魚$210,古法精製,尾部有點似豆豉鯪魚魚質,燻味比切片魚身部份,更濃.這次新點的兩款東西都很滿意! 瑞士汁炒牛河,感覺比以前份量細小了,但食味沒變,依然夠汁,夠”Swiss”!梳乎里$105,伙計先生建議齊晒所有野,order就差不多喇!難得老公是次光臨目的是梳乎里,二人吃一份,確實大快朵頤!梳乎里雖是”一陣風”,但這裡份量那麼大,「實在感」很強!如果不做得那麼甜,便好點喇!埋單$494,太平館供應的食物,其實很多東西,在一般茶記都吃到,為何它的賣得特別貴?但仍有那麼多捧場客?相信因為它有著香港人的味道,份量是從前的,裝潢也是從前的,唯獨價格,必需跟著時代向前走.

隔左一排冇去太平館了，上次係假日下午去中環果邊，今次係平日晚上黎尖沙咀呢邊，或者因為出名，所以幾時都係咁多人食....但係覺得呢邊d員工好似有禮貌d同醒目d~例牌梗係食瑞士汁炒牛河，其實唔知有咩吸引，但就係唔會點其他菜式，另外仲叫左瑞士汁雞翼餐，但因為掛住食所以冇影相....本身唔太食鹹野，所以覺得個瑞士汁好濃，好彩有人幫手KO，如果一個人食晒就真係跑1日步都唔掂。但要食瑞士汁菜式，我淨係諗到太平館...