一喜車仔麵

营业中

休息中

🇭🇰✨土瓜灣潮汕特色車仔麵店第一次係車仔麵店食到潮汕小食，例如汕尾小米粿、馬鮫豬肉丸、牛筋丸、魷魚丸，都幾特別，而且真係好食！舖頭乾淨、姐姐有禮貌、座位唔算狹窄，已經成為我嘅土瓜灣食堂！😚① 滋味無窮紫菜四寶 $39🔹即潮汕手工小米粿、汕尾馬鮫豬肉丸、特級瀨尿牛筋丸、有魷魚嘅魷魚丸各兩粒🔹最正係佢哋嘅湯底！🤤湯底以豬骨湯及雞湯熬成，雞湯濃郁，軟骨組織釋出滿滿膠質。🔹第一次係車仔麵店食到潮汕小米粿，外皮以蕃薯粉搓成，煙韌彈牙，餡料以五花腩及大地魚打成，都幾香😋🔹其他丸都夠爽彈，粉感少；「有魷魚的魷魚丸」有驚喜，味道清淡帶魷魚香，咬開一半，真係見到好多粒切成細粒嘅魷魚👍🏻② 咖喱三寶 $36🔹咖喱汁唔係溝粉製出嚟，有細個推車仔個種咖喱味！😍唔會死辣死鹹，魷魚、牛柏葉都好新鮮，魚蛋來貨好，口感有啲似魚腐，因為魚肉多過麵粉👍🏻③ 香辣單骨雞翼 $26🔹雞翼係即叫即炸，姐姐話係師傅嘅堅持🫡所以落單嘅時候都有講明炸嘢要等等；雞翼唔算辣，皮脆肉唔柴④ 生炸手工韭菜餃 $26🔹餃子係姐姐每日現包，好香韭菜味🤤⑤ 車仔麵🔹嗌咗豬大腸 ($12)、生炸豬扒 ($15)、酸齋 ($9)，最鍾意豬大腸，乾淨

土瓜灣北帝街，多正嘢食就係人都知！今次我係為車仔麵而嚟嘅！車仔麵絕對係香港嘅地道美食之一當然質素亦可以好參差，點解一間車仔麵會出名？ 會覺得佢好好食？真係好取決於佢嘅食材！今日食呢間✨一喜車仔麵，絕對係驚喜連連、誠意滿滿！餐牌上餸菜選擇都幾多~ 除咗平時常見嘅豬皮魚蛋牛腩等，仲有潮汕紫菜四寶、片頭、小米粿等~ 講下我哋食咗咩先！由於太太太肚餓關係🤣 食得比平時多好多～～🍜車仔麵1(油麵/ 牛腩汁/麻辣汁/ 特級瀨尿牛筋丸/ 深海粒粒墨魚丸/汕尾馬鮫猪肉丸/ 蘿蔔/ 紅腸）總是覺得油麵同車仔麵中間有個等號～ 所以油麵通常係first choice～ 牛筋丸夠濃味juicy! 粒粒墨魚丸彈牙有咬口！👍🏻馬鮫猪肉丸真係好特別，混入馬鮫及猪肉再打成膠，落足功夫先有咁好食！ 蘿蔔係車仔麵的靈魂人物，😍我想講呢度嘅蘿蔔係超甜超好食！至於紅腸，老闆寧願成本貴少少都堅持用玫瑰紅腸，比普通的更好食！🍜車仔麵2(公仔麵/ 沙嗲汁/ 炸龍蝦丸/ 魚旦/ 牛腩/ 蘿蔔/ 炸有魷魚粒魷魚 / 生炸豬扒 / 酸齋）朋友就至愛公仔麵加沙嗲汁，炸龍蝦丸同魚旦彈牙好味！ 牛腩軟腍入味又係正！炸有魷魚粒魷魚真係有魷魚🦑

最近食咗新開嘅車仔麵，發覺佢唔單只係傳統車仔麵，仲有唔少特色美食喎🍜今次叫咗九寶大雜麵，果然真係好豐富！麵如其名，入面店鋪嘅招牌食物都有囊括，必食。另外，牛腩同蘿蔔都超入味！⭐特級瀨尿牛筋丸令我印象深刻。彈牙爽口，味道濃郁，啖啖都食到牛筋丸嘅味道。另外，魷魚丸都係十分特別嘅美食，外皮鮮甜，入口時仲可以咬到一粒粒嘅魷魚肉，感覺新鮮。⭐汕尾馬餃豬肉丸同小米粿。馬餃豬肉丸嘅外皮金黃色，口感彈牙，有層次感。聽老闆講，小米粿其實係潮州嘅傳統食物，入口時外皮半透明，內餡多汁，一粒粒細小嘅豬肉粉粿非常好食，令我食唔停口。⭐香辣單骨雞翼同生炸豬扒：兩樣嘢都係生炸，比起其他地方嘅更脆口同惹味，強烈推薦！⭐咖哩系列同豬大腸：咖哩汁濃郁，仲要有香辣味，豬大腸有地道車仔麵風味~❤️最後想推薦同加分嘅，係呢度嘅員工。見佢哋好樂意同客人溝通同細心介紹食物，仲要好有禮貌，絕對 喜 出望外~想食地道，又有地方特色嘅車仔麵，呢間車仔麵係必然選擇。

土瓜灣濃厚人情味小店｜一喜車仔麵嚟到長假期嘅最後一日，咁啱經過土瓜灣見到有一間新開嘅車仔麵小店🍜見咁耐冇食過車仔麵，於是心思思就想試吓。一入到門口，就見到人頭湧湧，座無虛席👍🏻有別於一貫嘅車仔麵檔，佢嘅點菜紙係A4 size ，睇起嚟唔辛苦。喺菜式同湯底方面，都有非常多嘅選擇，唔太鍾意食麵嘅朋友，亦都可以選擇菜底🥬值得一提係老闆本身做中菜幾十年，退休做一喜車仔麵，所以餐廳由老闆夫妻親力親為主理‼️老闆對所有食客都好friendly💕不計成本，送依樣送嗰樣俾唔同食客，只係想大家喺一喜車仔麵食得開心愉快☺️車仔麵可能周圍都有得食，但依種人與人嘅關懷同互動就唔係咁易搵到🥰淨係食佢嘅人情味，我覺得專登入土瓜灣食碗麵都值得👍🏻午餐正價餐牌🍽人均：$50-$100🕰時間：13:30（⭕️walk in）🍜今日我就選擇咗佢哋自家製嘅黃金雞湯湯底，配上河粉，生菜、炸蝦條、同生炸豬扒👍🏻雞湯嘅味道非常濃郁，好清新，唔會好咸。 蝦條炸到金黃色，外脆內軟，而且見到蝦肉喺入面， 非常足料‼️生炸豬排好脆香，我仲拎咖喱沾豬扒🤭🍜我朋友就揀左粗麵配牛腩汁，加上牛腩、豬皮、陳皮魚蛋、豬大腸，食落去個味道同個湯底非常之夾。