正宗上海生煎皇 (已結業)

因為鐘意食生煎包，決定試下依間生煎包質素如何。中午套餐餐牌話係排骨其實似豬排多d,好厚肉好juicy又淋。最驚喜係碗菜飯，平時食果d菜飯得個樣，d菜少得可憐。但依碗菜飯真係超多菜，一d都吾孤寒，同埋d菜一d都吾黃👍👍終於黎到重頭戲啦，今日主角生煎包。店員好細心提醒小心燙嘴，話岩岩新鮮整起。細細啖咬左一下個皮，入面d肉汁即刻流左出黎，好彩一早用匙兜住先吾會浪費左d精華。雖然一早流走左d肉汁，但之後再咬都有肉汁流出，可想而知d肉汁係有幾多😮

很久都沒有光顧生煎皇了, 這天剛好在附近經過, 就順道買一份外賣吧.要了一份生煎包(2個, $17), 配一份上海厚切炸排骨菜飯($42).在門外等了大概10分鐘就順利可取.生煎包仍然香脆, 包內仍有少量肉汁, 味道不變.上海厚切炸排骨菜飯, 與坊間的做法很不一樣, 不是上炸粉油炸的那種, 外貌與叉燒十分相像.菜飯有點硬, 如果多點菜香會更好.我還是比較喜歡上炸粉油炸的那種, 呵呵.最後, 希望加強前線員工的禮貌訓練, 因為短短幾分鐘的接觸可以毀掉一切！

前排同事提話想食生煎包！難得今日可以收早！就約埋去左行街食飯就選擇同佢去到旺角食呢一間想食左好耐的！因為老公麻麻地食上海野，所以一直都無食過！仲要之前成日門口都勁多人排隊，令到更加無機會食！今日難得又唔洗排隊又有人陪我！入到去地方不算大，坐位都比較迫！！我們兩條友就點左至想食的生煎包小籠包生煎包，一口咬落去，真係好多汁，好豐富，皮亦好香脆，唔會太厚，好味小籠包，皮薄餡靚，多汁夠juicy,好鮮味！韭菜豬肉水餃湯麵，呢個我就覺得麻麻地！無得特別！ 排骨菜飯，菜飯煮得挺清爽而不膩口，排骨整得剛剛好，不會太乾身！

一直知道這餐廳，難得經過旺角門外並不算很多人等候便試試我不知道何謂正宗也不知道上海原味是怎樣就本著好不好吃來評評青瓜就一般般吧生煎包點了原味的皮厚，肉汁多小龍包也是汁多肉味濃，而不易穿皮炸排骨拉麵。。這個真的一頭霧水來了一碟叉燒，本來以為出錯了什麼看了幾篇餐牌，其實根本沒有賣叉燒的食物名所以，我想排骨就是這樣吧？！雖然如此，但味道還是ok的服務未有網上說的糟我覺得還可以只是坐位非常窄，坐得有點辛苦以這個價錢overall來說還是值得一試

去過上海食小籠包同生煎包，係冇可能喺香港搵到咁平又咁高質嘅美食，之但係癮起上泥，呢間嘢都不失為一個選擇。佢勝在唔太貴，又唔劣食，雖然環境小小逼狹唔算好坐，但食物快泥，食飽就走都ok la~.星期日夜晚七點零去到，等兩張枱，五分鐘左右，等嘅時候可以劃定嘢食，坐底就可以開餐！.都幾辣㗎，不過食得辣泥講就覺得正。咬口好好，又唔覺核突。.影左底面，黑黑地的是底，由於係埋口位，皮較厚，但可以接受，覺得煎得幾香口，咬落仲有湯汁，啲肉唔會太肥，幾出色。.小籠包就有啲失望，皮厚左啲，肉feel到好多肥豬肉，食多個生煎包好過。.另一失望之選，炸醬還炸醬，麵還麵，拌左好耐都拌唔埋一齊，面的太寡太乾，食到底又好多炸醬，整體味道一般之中的一般。.是次消費平均每人六十幾，八成飽，感覺唔太滿足~

經常經過這裡卻沒有好好試過這條街的餐廳，今次終於選了這一家入去食，門面都貼滿餐廳訪問稿件，oscar老闆果真厲害～當要叫風雲一時的生煎包，肉汁真的會標出來，要襯熱食但真的要小心燙口，皮不算厚而且肉湯鮮甜，不錯不錯！皮蛋豆腐個汁好好味！甜甜的又不會太膩，完全停不了口，豆腐亦很滑，這個再來一次也會再叫。麵食相對沒小食好吃，但都不錯，水餃皮薄餡多，湯頭雖然看上去很清但有鮮味，麵不會太稔。擔擔麵可以多點花生醬，而且感覺用幼麵會比較易吸湯，會比較好食。

已經食過n咁多次，今次稍稍失準喎🤔生煎包係必食($32/4個），皮厚度剛好，上面軟，包底煎到香脆，輕輕一口咬好啦，d湯會流出黎會辣咀。香酥餅已經食過廿次，咩combination都試過，最後發現我至愛係肉鬆火腿，芝士係好正不過太膩口，次次淨係食到半塊🙄點解話今次失準呢？因為個酥餅好硬，咬到牙都軟🙊。黑椒雞扒菜飯亦係常叫item，好多汁，有d甜甜地好似用蜜糖煎過，加上黑椒調一調味，開胃！個雞扒本身都夠嫩👍🏻希望下次再黎個水準會提升番啦👯👯

每次經過都排滿人，今次都排咗一陣入先到去食。其實都真係好一陣....個人覺得個生煎包真係可以稱「皇」，真心好食過我係上海食果個好出名嘅生煎包，咬落湯汁都好香濃，啲肉汁鮮嫩，個皮都好脆，唔知係唔係店主根據香港人口味改善過，所以食落特別好食！ 另外推薦係茄子飯，個醬好特別，茄子係凍食，跟住飯係熱辣辣嘅菜飯，加埋啲蒜真係very good!不過呢...如果當日有特別事就唔好去食啦，因為真係會臭成日 最後雞絲粉皮其實都好好味，不過個醬唔夠誠意，因為啲味似係直接買返黎嘅芝麻醬...冇乜特色~

1). 擔擔麵D麵冇味,唔彈牙,太林,而且成碗麵都冇乜味, 份量適中, 但唔好食 都唔會想食晒碗麵2).  小籠包呢個已經係成餐比較好食既野, 皮都算薄, 肉都有少少鮮味, 還算可以3). 土匪雞翼連最普通既雞翼都可以整到唔好食, 雞翼好油, 好大雪味4).生煎包生煎包同擔擔麵係成餐最難食, 個生煎包唔熱, 超級硬, 皮又厚, 入面D饀又唔係好食, 呢個真係食半舊己經唔想再食

同日午餐時間因為係深水埗分店食過完全唔得，但又撩起咗想食生煎包條癮，所以再搭車落旺角總店再食多次。今次個生煎包似樣好多，雖然唔夠熱，但都算係好食，當然如果同往時比，水準的確有下滑, 以前太子個姨姨整得最好食！另外點了小籠包，味道ok, 略嫌有兩隻一上檯未夾已穿水，無晒汁~而酸辣湯就好一般，偏辣，但因為唔係主角所以尚可以接受。

星期一lunch過去食，其實都唔會等好耐就可以入去，老闆親自打點一切好抵贊！最欣賞就梗係個生煎包啦，汁都好夠濃郁~個雞絲粉皮就麻麻啦~雖然我個人覺得其實都好好食，但係欠缺誠意，個醬汁似係街直接買多過鋪頭調出來，個粉皮就真係切得唔系幾靚~我食咗個菜飯，雖然少少油，但係好好味，加上個茄子汁夠曬味，送飯一流！

其實這篇文應該是寫在佔領前的，不過事情來得急也勁難以預測，總之不是因為店主支持佔領而去光顧的，不用質疑我的公正性，對於吃我可是不會留手的。這店的鋪面很小，但放的餐枱卻不少，故走動的空間很少很會很吵，不過要知道旺角租金實在太貴也就只有這種方式能減輕壓力，還好如果只想吃馳名的生煎包的話，店外是有一個站立的位置吃完可以拍拍屁股就走，比擠進店中來得輕鬆。來到這裡不用說是要點生煎包的，又基於對小籠包的愛又點一籠，當然只吃這些不會夠填我的胃納，就多添一個排骨菜飯。填好點餐紙後舉手，一直舉啊舉…舉了最少五分鐘才肯接下我的點餐紙，不是沒人看到而是不接…就算多忙先接下也花不了很多時間吧？可以先接了等忙完才下單我也是會理解的耶…這裡的客流量很大，所以就算點完餐等候的時間也絕不會短，沒有耐性的人應該也會發火，不過等吃我倒是很有耐性的。終於生煎包上菜了，是個略為小巧的包。包底煎得很金黃，包面有白芝麻和青蔥增味。一咬上層軟熟下層香脆，儘管已經小心地吃還是肉汁四射，豬肉味鮮不死實，的確是不錯的生煎包。小籠包是考真章的菜式，既然打著上海菜的名號自然要品評一下。一上菜就知道功夫未夠了－－皮很厚，坊間好些小有名氣的小店

不俗的中式點心是日與友人在旺角飯聚，揀選了這間一嘗點心，不到三分鐘即可進入。或因門外無食客輪候，店員沒有催我們點餐。 上菜速度蠻快，雖然誤把淨雞翼連飯上，不過很快就更換了。用餐完畢，店員旋即替我們結帳(有人在外面等候吧)。總括而言，食物質素中上，必食生煎包，喜愛點心的朋友值得一試。

之前食過一次，味道不錯，價錢平所以再食多次今次叫左兩個餐，小籠包，生煎包同涼拌青瓜海蜇餐: 冷面+雞翼+豆漿冷面份量適中，好足料又多醬，唔錯! (6分)雞翼不過不失，唔係特別好食 (5分)餐：湯麵+小籠包+汽水湯麵認真麻麻排骨唔係炸，似煎，肉質似豬肉乾。面唔夠林(3分)小籠包 有汁，但係唔多。（之前食過芝士個隻都唔錯）值得一試 (7分)好失望又唔酸又唔辣，海蜇碎濕濕 (4分)皮脆肉嫩又多汁 (8分)Overall~~~6分，屬於值得再試類別

一行四人，7點左右黎到，店舖面積小，等左十分鐘左右就有位。我地冇叫套餐，全部都係單點小食，希望可以試多幾款。第一樣必點既就梗係生煎包，熱辣辣，個包底仲有小小脆。生煎包足料多汁，一咬落去就有D汁流出黎，正!灌湯小籠包就唔夠灌湯，肉料足夠，但未夠JUICY，冇話同出面上海菜館既有太大分別。雞絲粉皮好食，個醬汁味道夠香濃，將雞絲同粉皮撈埋一齊，真係一碟食過番尋味既冷盤。另一碟冷盤涼拌青瓜海蜇，青瓜橫行，得個幾條鋪滿蒜溶既海蜇擺面，味道較淡，有微微辣。炸排骨味道普通，完全冇特別，同埋我覺得有點兒細碟，依碟唔太抵食。最後一樣美食就係香酥餅，我地揀左芝士配肉鬆，剪開左四份，份量剛好。用料足夠，鬆脆可口，芝士配肉鬆是好味道的。最後每人叫左一杯豆漿，埋單都係每人$60，雖稱不上完全飽肚，但都足夠。之後再起行加多碗糖水，飽晒。