蔡瀾越南粉 (已結業)

以蔡澜的名字做招牌，肯定受到一众食客的注意。听在中环上班的朋友说，店的生意超级好，吃饭时段要在店外轮候入内。今天是周日，客人不多，而且选在他们刚开门的时间进去，找到座位毫无难度。卖的是清一色越南食品，其中的汤河粉是热卖，几乎每桌都有点汤河粉。他们声称是用骨汤熬制，不含味精。生牛肉汤河粉面看似份量不多，原来有不少牛肉，如果不够，可以免费续加一次河粉。河粉是幼粉，这种河粉一般比较滑，汤是鲜甜，但喝完是有点口渴。另外点了一个手撕鸡米纸卷，鸡与其他素菜包着，沾了麻酱一齐吃，但吃不出鸡肉味，整体不是太出色。看到旁边的咖啡用滴漏壺上，才34元。真的有点心痒痒，但今天吃得有点饱，就留待下次吧。

Lunch hour 係中環搵食，一般都要過百。咁啱去到蔡瀾越南粉，原來佢嘅普通麵食平均大約七、八十蚊(另設加一)，不過佢就冇嘢飲跟餐。餐廳分為兩層，兩層都有座位，而下層包括開放式廚房，可以一眼望晒廚房(但COVID19關係,我怕佢嘅衛生)。入座後，店員會俾一杯細細杯嘅羅漢果水你，有淡淡嘅羅漢果，不過唔係人人都鍾意😂。生牛肉湯河粉 $88 (加一)湯河上佈滿芫茜，芫茜下面就係生牛肉，牛肉上檯時仍然帶啲粉紅色，幾靚。生牛肉片切成薄片，唔會因太厚而變韌身; 另外，被熱湯浸一浸後就變色，証明湯底夠熱。湯底應該牛肉熬製，味道鮮甜，唔會過鹹。河粉係正常味道，唔會話煮到一patpat咁。不過，最好嘅係佢可以任加河粉(一小碗為一份)😂，岩哂大食嘅朋友，唔使怕食唔飽。 除此以外，湯河會配上一杯芽菜，但由於芽菜冇被湯浸過，而我本身唔太鍾意食生芽菜味，我自己就唔加晒成杯芽菜。基本嚟講，當佢係間普通嘅越南粉麵舖，呢個價錢係中環都算中規中矩，但就唔好話期望太高？!我覺得佢整體ok嘅同個湯底鮮甜，而其他配菜就一般(試過牛丸)。

食家蔡瀾開的越南粉店～見店内都不少人！朋友咁岩話我知在附近～又來湊熱鬧試下啦$88生牛肉湯河粉～精粹係個湯底，的確好濃郁好味的本身河粉真的不太多，的確唔會太飽，只是填補餓感，唔滿足的，幸好給我看到餐牌角落上寫上免費添加，膽粗粗的一問原來真的可以refill，有點不相信雖然唔會食到好多，但我只加一碗都已經足夠了湯底好味，加上可以添加到你食到飽，頓然覺得值回票價！唯一覺得美中不足就是店内大部份都是高櫈，我個人會坐得不舒服的。

蔡瀾先生識飲識食識玩，估唔到直到去年才終於開始自己的餐廳「蔡瀾越南粉」。在2018年中開業之後，初期經常大排長龍；直到今天，上班日子的午飯時間依然要排隊等位，週末週日假期人流才稍為減少。趁著今日去開中環，終於可以一探虛實。餐廳正門面向威靈頓街，佔地兩層；餐廳內靠右邊就是開放式廚房，客人可以清楚見到整個越南牛肉粉的炮制過程。室內裝修風格以木色為主，簡約、冇任何花巧。店舖盡頭有一條後勤通道，通往另一個同樣屬於「蔡瀾越南粉」的舖位。這間分割了出來的「蔡瀾越南粉」的裝修比較簡陋，與正舗格格不入，甚至有點似一間飯堂。圖文並茂的餐牌只張貼在餐廳門口，店內每張餐枱上就只有簡單的點餐紙。生牛肉湯河粉（$88）索價同另一間越南牛肉河粉專門店「Brass Spoon」不相伯仲，味道又如何呢？先講賣相，表面鋪滿牛肉，用料重手；湯底呈淺啡色，未算十分吸引，但勝在唔肥膩，廚師已經將多餘油份隔走。撥開鋪在表面的莞茜，將生牛肉攤開，才發現原來一片片牛肉曡在一起；攤開牛肉，部份是全生的，需要利用牛肉湯的熱力略為淥至半生熟。牛肉質素一般，部份有點零碎；欠缺脂肪，唔夠嫰滑，雖然未至於有渣，但味道一般而已。湯底標榜用大量牛

偶像蔡瀾最近又有新搞作在中環開了一間越南粉餐廳作為粉絲的我當然要抽空拜訪餐廳在中環的心臟地帶純粹看地段就知道價錢不會便宜首次拜訪當然點生牛肉湯河粉湯頭清澈呷一口入口清甜牛肉切較薄身但入口軟嫩河粉在店內製造份量頗多對我來說河粉入口軟滑就足夠據說河粉更可以無限添加香菜除必備的九層塔和芽菜之外罕見地更配有越南出產的鵝芥此葉味淡而清雅在獨特的青草味小吃點了蔡瀾推薦的香茅烤豬頸肉肉質較腍身但香茅和調味相當重蝦醬炒通心菜味道同樣重喜歡惹味的朋友一定吃不停口青檸香茅凍是有趣的甜品青檸和香茅味配合得出色吃罷口腔有一種清新的感覺最後點一杯話梅青檸梳打又鹹又酸愈啜愈有味

食神蔡瀾新開既Pho成為城中熱話，能令蔡瀾特意帶澳洲湯底來港，點可以唔試！選擇算多，而且粉可以免費續加，各位大食既男士絕對唔洗擔心！《特別牛肉湯河粉》$128呢碗特別牛肉湯河粉極多配料，基本上全部配料麵有，而且每一款份量都唔少👍 可能係預左會加粉既關係？《生牛肉湯河》$88牛肉薄片入口即溶，兩個湯既湯底都一樣，清甜，就咁飲都絕對唔咸，更加可以突出牛味～至於呢個即制既越南粉，條條晶瑩剔透，有陣陣米香，口感比一般越南粉更有層次，表面唔會多左層粉，果然係有即制既好處！《香茅烤豬頸肉》$58呢個豬頸肉有驚喜！香茅味唔算重，但係表面烤得香重，肉仍然保留番肉汁，肉一啲都唔乾🐖《越南多色冰》$28椰奶加上唔同既粒粒，為椰奶加重甜味同口感《話梅青檸梳打》$32《越南法棍三文治》$28法包外面烤得香脆，入面軟熟，入面夾住辣肉加芫荽，唯獨係涵料較少《椰汁雪糕》$32反而呢個係最驚喜！椰汁味香濃，質感似係雪葩同雪糕之間，下面既麵包脆好香脆，增加口感！成枱都係野食！ 兩個人食左$394飽到捧住個肚走😋

聽人講蔡瀾越南河，佢地以為要$128碗而卻步，但我知其實$68就食到啦，邊使咁貴呀今日咁啱去中環，又落緊雨，見到越南河比平時少左人排隊，就去試下啦我唔敢食最貴既特別牛肉河，因為有牛鞭花所以我地都揀返生牛肉河粉 & 自選兩款既牛肉粉生牛肉湯河粉 $88湯底好熱， 黎到時，生牛肉都差唔多熟哂生牛肉唔算太特別，但比較有咬口最特別係個湯底，牛骨湯好濃，湯頭清澈唔油膩，比平時港式既越南湯底唔同，呢個偏甜少少每碗湯河都配香草配料，青檸辣椒嘗試加入唔同香草，令湯頭有唔同既變化而河粉係師傅現場即造，比較厚身，滑溜得黎又有口感，最吸引係河粉任添而自選牛肉粉就平d， $68其中一個朋友要左牛丸+牛腩，牛腩肥瘦適中，幾軟腍，而牛丸彈牙，肉汁豐富但湯底同$88果個明顯唔同，但都好味越式炸春卷，金黃酥脆外皮包住蘿蔔絲等饀料，用生菜包住吃，香脆得黎又唔油膩蝦醬炒通心菜，蝦醬味道濃郁，用黎炒通菜都係絕配黃金蝦扒，蝦膠彈牙爽口，仲有粒粒蝦肉，好有口感覺得咁多小食之中，蝦扒一定要食越式冰咖啡，$26，感覺同港式差唔多，下次要飲滴漏咖啡先得椰青$32，水清甜，椰肉嫩滑整體都ok，下次見少人再排隊先

蔡瀾鐘意食越南牛河，鐘意到而家開埋餐廳。好多飲食網站報紙都介紹，講到好好食咁，所以就去試一試睇下有幾厲害。餐廳開10點至2:30，然後4:30先再開。我同親友未到4:30去到，已經見到大排長龍，人氣超強，令我滿心期待。唔算等左好耐就入得。其實應該可以更快入得，因為入到去有好多空枱，但佢慢慢咁放人入，可能要營造排隊既人潮。一入去坐低就見到「一生難忘的越南粉」點左生牛肉湯河粉、自選越南牛肉粉（金錢腱、牛腩）、越式炸春卷、話梅青檸梳打。越式炸春卷味道可以，但春卷皮太厚話梅青檸梳打生牛肉湯河粉湯底幾清，河粉比平時食開既幼，都幾滑，但牛肉唔夠嫩滑，麻麻地。整體味道冇咩特別，唔覺得係令人一生難忘咁好食。$88一碗普通既越南粉，唔值得排隊黎食。另外，叫左個自選牛肉粉揀左金錢腱同牛腩，都係冇咩特別。