Su Casa (已搬遷) 新店位置

政府宣布禁止晚市堂食之前幾日，約朋友食最後的晚餐。我哋決定去石門港鐵站附近嘅京瑞廣場搵食。最近疫情開始嚴重，食肆生意一落千丈，晚市時段去到石門，有好多食肆都冷清清，我哋想食西餐，經過Su Casa, 落地大玻璃望入去，裝修簡約，環境清幽，客人不多，最重要係有特價生蠔，所以揀咗這間餐廳。晚市套餐價錢親民，由$68-$178, 還有精選六款生蠔買一送一。我哋叫咗五款，每款兩隻，非常新鮮，各有特色。餐湯普通，份量少，其實餐湯成本好低，唔明點解咁孤寒，蒜蓉包香脆。青口新鮮，意大利粉軟硬適中，配合龍蝦汁，味道很好。煙三文魚好少，我不愛蟹籽，不預置評，但意粉配合忌廉汁幾好味。總結，服務好，環境清幽，食物好味，同朋友傾下偈食吓飯係不錯嘅選擇。

一向好喜歡食sucasa，知道去左石門開店，梗係要去試一試！今次去帶埋小朋友，因為聽聞石門呢一間分店，有好抵又好食嘅兒童餐供應。坐低，首先俾小朋友揀咗去想揀嘅兒童餐先，佢揀咗粉紅色嘅車仔，係炸魚薯條餐。大人，梗係要食生蠔，同我至愛嘅Scampi啦！生蠔選左三款，都係店員介紹，店員介紹得好細心，仲會幫你計埋點叫抵，因為生蠔有買一送一，最後選左三款，有六隻，再另叫白酒。生蠔有西班牙同法國蠔。肉質偏向爽口，唔算CREAMY。法國蠔充滿海水味，非常新鮮。Scampi保持水準，蝦肉鮮甜，林滑，彈牙，真係必食之選！香港來說，我暫時只係sucasa食過，唔知仲有邊一間有供應呢。正餐嗌咗意大利飯同埋豬手。意大利飯煮得軟硬度剛剛好，配上龍蝦汁，非常嘢味同飽肚，明顯用料充足，有好多芝士同海鮮。豬手份量好大，以二百零蚊呢個價錢來講，非常抵食。特別想講一講兒童餐，呢個真係一個非一般嘅兒童餐，個Fish N‘ Chips非常好食，好有水準。炸魚皮薄鬆脆，魚肉林滑有肉汁，非常高嘅水準。最後，叫咗一個香桃雪芭成為甜品，非常好食。為我一家畫上一個完美嘅句號！

早排去左石門間西餐廳晚飯～環境、食物整體都不錯，可以下次再嚟！哥哥介紹生蠔做緊promo買一送一，叫左幾款試下～海水味重，夠鮮甜！抵食！炭燒紐西蘭肉眼-點左五成熟，煮得恰到好處，肉味濃夠juicy🥰龍蝦汁海鮮意大利飯-夠足料，2個人食好鬼飽～飯索晒啲汁，正，不過米粒淋多少少仲好～飲品-菠蘿有機亞奇籽綠茶，粒粒咬口，酸酸甜甜，飲完更開胃甜品-原個日本蜜桃雪葩，非常吸睛😍地址: 沙田石門安群街1號京瑞廣場二期地下 G03號舖(港鐵石門站C出口, 步行約1分鐘)Tel:28825000

喺石門工作半年，發現石門比想象中多野食好多。最近公司樓下開咗間裝修好fresh嘅蠔房，正正就喺裝修緊嘅陳X記同X仔米線中間，想也知道蠔房價位一定會比另兩間平民美食更高。裝修好兩星期，一直想試，咁啱男朋友黎接收工，即刻帶佢黎撐抬腳一入到去，就見到上座率並不高。不過幸好坐咗一陣，收工嘅人陸陸續續黎食飯。餐廳服務極好，一開始先黎介紹餐單。見到我同男朋友都不太餓的樣子，佢地馬上很貼心地說：「我們主打不是main course，而是生蠔。所以都有人兩個嗌一個main course，然後主要食生蠔。」咁因為真係lunch食太飽，我同男友叫咗個中國臘腸雞肉西班牙燴飯嘅fusion飯試下。套餐另可加其他side dish，我地加咗48蚊兩隻生蠔。另有一杯綠茶。我地另外再叫咗兩隻Gillardeau法國生蠔（買一送一，58）。讚下店員好熟書，應該都係喜愛生蠔之人。先上咗生蠔，廚師推薦咗愛爾蘭生蠔比我地，唔太大隻，但鮮甜爽口，比較淡味，都吊了少少胃口。然後再試另加嘅法國生蠔。呢個價錢自然唔太大隻，但勝在海水味濃，入口回甘，順滑，完全對得起價錢。等餸等得有少少耐，就上咗是日餐湯南瓜湯同我地叫嘅燴飯。南瓜湯不