尚鮮海鮮料理

营业中

休息中

呢幾日天氣轉凍咗，最啱就係打邊爐。今日嚟到佐敦呢間火鍋店，裝修闊落舒服，入面唔會好大油煙味，坐得非常舒適。✨牛三拼分別有雪花牛柳粒，特上手切牛同本地手切牛。一上枱隔離座位嘅客人都忍唔住話啲牛好靚。牛肉肥瘦相間，油脂分布均勻，而且份量都好多添。我最鍾意食佢嘅得特上手切牛，牛肉唔會切得好薄，咬落口牛味濃郁，肉汁充足，真係好好食。✨四色丸尚盛呢個手打丸拼盤好特別，每一種丸入面都有唔同嘅內餡，分別係金沙鮮牛丸、松露豬肉丸、甜薯墨魚丸、芥末籽蝦丸。我最鍾意食嘅係芥末籽蝦丸，入面嘅芥末籽味道比較溫和，用嚟襯蝦丸，令到個味道更加鮮甜，非常唔錯！✨木耳鮮蝦雲吞&西洋菜香菇餃木耳鮮蝦雲吞入面真係有超大隻蝦，而且木耳爽口，個皮夠薄，拎嚟打邊爐非常之啱。西洋菜香菇餃係素餃黎，西洋菜嘅味道唔算好濃，而香菇食落去有少少肉嘅質地，但係由於呢隻餃係冇肉既，食落去好清爽！✨鮮炸脆響鈴呢度嘅響鈴係即叫即炸㗎，一上枱已經聞到勁香。食落去同出面自己買嘅完全唔同，炸到好鬆化，但質地比較紮實，食得出腐皮既豆香味～✨田園盛呢個蔬菜拼盤超足料，有蕃茄、蘿蔔、粟米、生菜、娃娃菜、油麥菜！而且全部都塞到滿哂，啲菜仲好新鮮！粟米超甜，就

剛於佐敦道，朋友又想食火鍋，咁就走咗上去尚鮮火鍋店，呢度以前都有食過，地方細細但係服務唔錯，啲火鍋料亦都好新鮮，今次都唔例外首先點咗個姬松茸冬瓜湯底，一個手切安格斯牛，脆鯇魚片，有機田園盛，最後加個餃子雙拼即木耳鮮蝦雲吞和西洋菜香菇餃；好快咁個姬松茸冬瓜湯底就嚟咗喇，當然就整返一兩碗先啦，真係好鮮甜，個姬松茸都好香，食落去都勁爽口，冬瓜哩就入口即溶，係我最鍾意種口感，飲完兩碗湯都飽咗一半，再淥一淥件手切安格斯牛，好有牛味，超正；再淥多一件脆魚鯇，佢切得比較薄都好爽口，啲鮮蝦雲吞都好大粒，食落都唔錯，而至於西洋菜香菇餃呢，就有啲特別食落去唔覺有西洋菜，但係就好似有啲魚肉味咁樣，尚算可以；個田園盛就真係幾新鮮，粟米都係超甜無渣嘅；整體來說，啲材料好新鮮，啲湯底亦都冇乜味精，不枉我幫襯多次。

最近疫情稍為好轉，決定放工同朋友出去食飯。而今晚就揀左佐敦既一間私房菜火鍋店。地點唔難搵，地鐵站A出口行5分鐘就到。去到大廈地下，巳經有大大既廣告牌宣傳店舖環境非常清潔，而且坐位之間有一定的距離，坐得非常舒服佈置都好有特色，牆邊上有個架，架上放滿了不同既酒瓶，喜歡飲酒嘅朋友見到一定會發狂。另外，店舖做緊沖繩生啤優惠，鍾意飲酒嘅朋友一定要試吓，好抵同朋友坐低左再一齊睇吓餐牌，食物款式非常多，有火鍋，刺身，海鮮，串燒等等。真係睇到我哋花多眼亂，好多都想食!!!最後我哋叫咗火鍋同一個串燒拼盤。火鍋調味料款式繁多湯底我哋選擇咗尚鮮血池麻辣湯，姫松茸冬瓜湯。麻辣湯湯底係自家製，好麻好辣，好刺激至於冬瓜湯，菇味超香濃，味道非常鮮甜，我朋友係咁飲個湯底!!!好足料火鍋配料我哋叫左田園盛，黑豚肉片，鮮打四寶丸。先黎黑豚肉片，脂肪比例非常完美，上碟佈置都放得非常精美，而且厚薄均勻鮮打四寶丸，分別有牛丸，豬肉丸，蝦丸，墨魚丸。四款丸都好好食，非常爽口彈牙! 極度推介食完咁多肉緊係要食返啲蔬菜啦。田園盛包羅萬有，有幾款菜，蘿蔔，蕃茄，菇，粟米。所有蔬菜都非常清新，鮮甜輪到串燒拼盤，有蒜香

呢幾日天氣涼左呀，好想打邊爐暖下胃。約左朋友去佐敦打邊爐，試下蟲草花花膠燉雞腳湯底。落料之前，職員叮囑我地先飲兩碗燉湯，清甜滋補。撈起湯渣後，見到非常足料！鱆紅魚刺身 朋友唔食生野，真係有點可惜，唯有一個人食晒一大盆刺身啦，有少少檸檬伴碟，刺生鮮甜爽口。極上手切安格斯牛色澤鮮豔，基乎沒有脂肪紋，放入湯底灼幾下，肉質很嫩很鬆寸軟，而且滿滿牛味。五味豚拼盤3層高嘅豚肉塔盛有黑豚肉、豬皮、豬紅、豬大腸及豬潤，黑豚肉又爽又滑，豬紅/豬皮則要滾一段時間才入味... 其他內臟的我不太好，由朋友食晒四色丸尚盛好特別嘅肉丸，初頭以為係普通牛丸、豬肉丸、蝦丸、墨魚丸。原來每粒丸入面都珍藏左餡料，蛋黃、松露、甜薯、芥末籽... 至於邊粒丸包住啲咩，等大家去試下啦田園盛有機蔬菜黃黃綠綠咁，望落好新鮮，仲要樣樣都有啲，蕃茄、金菇、蘿蔔、生菜、覓菜... 最後清淡小小

男朋友係火鍋控，旅行臨飛前一晚都係要打返次邊爐。今次揀咗呢張樓上鋪，樓下有招牌指示進入 好易搵。因為男朋友唔食得辣 而我比較鍾意食辣湯底～所以佢揀咗 98 三高茶什菌素鍋。第一次見用茶包 ➕ 什菌打邊爐 新鮮嘢wor 清清淡淡 啱曬佢。 我一如繼往係麻辣湯底～首先order咗兩個生蠔～ 肥美多汁 而且價錢中等 兩個$90。手切牛真係好正 好嫩滑 再來係豚肉片 性價比高 45蚊一份 同樣好正估唔到呢度嘅餃子亦唔錯 特別係木耳蝦 ～入邊真係有成隻蝦🦐 而且好新鮮再order左d菜中和返～ 田園盛～樣樣菜都有d 唔多唔少啱啱好。蘿蔔好爽口 脆卜卜～飲嘢係啤酒🍻同青檸soda同埋呢度坐得幾闊落 sofa位～見到隔離檯d 海鮮🦞易唔錯 下次再來會試下佢～

香港地打邊爐係不分春夏秋冬，只要想食，梗有一間喺附近。但既然有選擇，當然要揀間有質素架啦。今次黎呢間喺佐敦嘅尚鮮火鍋海鮮料理，喺一幢商業大廈入面，電梯門打開就清楚見到。叫得火鍋海鮮料理，主打當然係海鮮啦。魚缸大大個，D海鮮有空間游黎游去，保証生猛。我地四個人，但阿爸阿媽話食左下午茶，而家唔肚餓，唔好嗌咁多喎，唔想浪費食物。咁我提議不如叫個二人精選套餐再另外散叫少少野食啦。叫左3杯飲品，左起生啤、青擰梳打蜜同可樂。田園盛先到，有粟米、蓮藕、金菇、生菜等等，老婆大人又提住我，食左菜先，唔駛等啲菜吸晒油先食，健康啲喎。湯底揀左秘制傳統土鄉清湯，有莞茜嘅清香，夠晒正氣。我最鍾意呢款台式黑椒腸，少少辣辣地，加上黑椒味夠晒惹味。日本蟹柳都唔錯，記住唔好淥太耐，咁就唔會一夾即散啦。跟餐係鮮打牛丸拼豬肉丸，但知道阿媽鍾意食蝦丸同墨魚丸，所以我另外散叫呢個四色丸尚盛。有齊牛丸、豬肉丸、甜薯墨魚丸及芥末籽鮮蝦丸四款。睇見幾款丸色澤分明就知係即叫即製。而且丸裡仲有包心餡料，令整體的味道更為豐富，口感非常特別。手切牛切得夠薄，所以只需淥幾秒即可，牛味夠重且入口香軟腍嫩，一定係上等靚牛。脆鯇片肉質爽脆，但吃時要

開係商廈 需要上樓嘅食肆多的是 今晚豬小姐搵到尼佐敦 孖住豬先生上樓打邊邊「尚鮮火鍋海鮮料理」係由吃貨朋友介紹嘅 推介重點係重質不重量 有番咁上下質素同水準環境不算太大 以酒紅色作主調 燈光較為昏暗 氣氛唔錯！選擇困難症嘅我地揀左$688嘅二人精選套餐飲品方面叫左兩杯洛神花蜜茶味道有啲似酸梅湯 酸酸甜甜 洛神花養陰美顏 係女士恩物青檸梳打蜜酸度十足！開胃又解渴首先湯底揀左土鄉清湯 原來係皮蛋芫茜湯底除左尼兩樣基本材料 發現裏面仲有咸瘦肉 甜酸菜 乾瑤柱！皮蛋仲要係松花個隻！看似普通嘅湯底 原來一啲都唔簡單 係有誠意嘅湯底 味道鮮甜得尼清熱消暑！再尼一碟特尚手切牛！牛肉薄切鮮紅 脂肪紋理分佈平均入口軟腍 重牛味又不羶鮮打牛丸及豬肉丸每款四粒 頗大粒的 口感彈牙 但未算驚喜木耳鮮蝦雲吞拼西洋菜香菇餃係自創兼用人手製作嘅餃皮薄薄卻又帶一點嚼勁 餃包得紮實 唔易散有原隻鮮蝦係雲吞裏面 加入有醃過嘅豬肉及爽口木耳 賣相亦都相當飽滿菜餃嘅餡料相比起雲吞就無咁多 不過同樣滋味 加入埋沙葛粒去增強口感 係健康嘅感覺呀脆鯇片新鮮而且無多餘碎骨 雪白嘅鯇片爽脆無腥味廣島蠔size中型 啖啖肉！不過豬小姐將

喜歡吃火鍋，因其吃火鍋的氣氛，相約三五知已，不用拘禮，圍著火鍋邊吃邊聊天。如湯底靚，材料新鮮質素上乘，就能讓人有吃了还想再吃的感覺。是日經朋友介紹，黎到“尚鮮” ，呢度的湯底及材料就正正俾到我呢種體驗，而且仲係無煙火鍋！云南黑虎菌炖豬脚根，呢煲毫無疑問係上乘的養生湯。精選野生的黑虎菌，菌體粗壮肥大，肉質細嫩，而裡面的豬肉，成隻雞連雞脚等，肉質仲好嫩滑，加上吸收左野生菌特有的香氣，香味更加濃郁，啖湯更是香甜可口，令人回味無窮！象拔蚌刺身，好新鮮多肉，口感韌而爽脆，味道鮮甜 蟹皇餃，皮薄餡足，一口咬落去餃子皮鮮滑爽口，而餡料鮮香油嫩，蟹味十足，讚  鹽燒牛舌：切得好厚，香味超正，燒的肉汁保留，微脆的表層裹著裡面細嫩的肉質，充滿醇厚的肉香感 鮮炸響鈴是一道很不错的小菜，金黄酥脆，在湯裡浸上幾秒更是里外全酥，真是口口香脆，咸香美味。最後的田園盛為呢餐雖不算豐盛，但滿足的火鍋聚會劃上完美的句號！整體唔錯，海鮮的價錢合理，黑虎掌煲幾抵飲，而餃子就偏貴左D，可能係自家製及真材實料掛！朋友果然無介紹錯，下次會再來！

天寒地凍，最想就係喝一口暖湯。但煲一壼湯對工作忙碌嘅我，談何容易？所以，上星期就同左幾位與我並肩作戰多日嘅同事，去左位於佐敦吳松街嘅"尚鮮"，品嚐一下滋潤湯水 😉甫入店內，衹見餐廳人頭涌涌。湯底亦有好多選擇，我哋揀左“蟲草花花膠燉雞腳湯”  ，富含豐富蛋白質和膠質的花膠，都算好大件，而且份量過得去，食落好滑，是冬季最好的滋補湯水，食完感覺充滿骨膠原啦😅。雞件亦很好多， 應該有成隻，肉質滑嫩。蟲草花好香滑，不加任何佐料的雞湯都够鮮甜。牛尚盛，派頭十足，細緻地盛載於三層碟架上，分別有五種不同口感的牛肉，手切牛、牛邊位、安格斯牛、牛柳粒及牛舌。其中手切牛，雪花分布均匀，牛肉味濃郁，其他的牛肉，肉質亦相當鮮美！百花讓油條，上桌時，新鮮熱辣，就咁食入口香脆無比，放湯裡烚一烚黎食，又是另一番滋味。鮮炸響鈴相信亦是很多港人食客的至愛，食落微脆的口感，索左湯汁後，滿口香滑的腐皮令人很有滿足感！厚切的烧牛舌也很不错，彈彈的口感，食落好香！餐廳食物用料新鮮，主打湯鍋健康美味，服務方面亦週到，下次會再黎！

海鮮湯鍋，必須要有一流的生猛海鮮作材料。當我食過“尚鮮”的海鮮料理後，就有呢種感覺！ 尚鮮龍皇海鮮鍋 ($398)     湯底是用大蝦蝦頭和其他材料，從中午開始用慢火细熬而成的老火湯，再放入大蝦、蜆、帶子、蟹，龍蝦等，啖湯好鮮甜，還以為海鮮會出曬味，然而海鮮的味道經過不同材料的相互輝映，反而鮮味更加突出！材料豐富份量更是十足，食極都有，服務員亦超細心，怕我哋食唔切，D海鮮過火會變韌，嗱嗱聲攞D碟幫我地撈起佢，抵讚。鮮打四寶丸 ($64)      每一款肉丸內都有不同餡料配搭，分別有：金沙牛丸，黑松露豬肉丸，甜薯墨魚丸，芥末籽鮮蝦丸。 這是師傅靠手工打出黎的，卖相精致， 食落滿口肉的香味，彈牙的感覺唔同街市買果D咁假。蟹皇餃（$98）內包住新鮮蟹肉和蟹膏，味道濃郁！餃子吸收了海鮮湯味，更好吃！田園盛($64), 每次打邊爐都一定會點蔬菜, 呢個係好多人的習慣和喜好，唔單止有益健康，更是因為蔬菜吸收了火鍋的精華，變得更好味，菇類、蘿蔔、白菜味道較淡就係最好的例子， 粟米本來就甜，食火鍋生菜是最受歡迎的。

今冬夏意盛，但亦無阻礙大家絡繹湧向火鍋店，涮一涮邊爐，滿滿嘅鲜活，酒酣耳熱，眾賓喧嘩。嘗一口舌尖上的暖冬，正！上星期我就同左幾個三五知己去到佐敦吳松街嘅“尚鲜”，呢間餐廳唔係任飲任食，正正如此，質素方面先有保證，而湯底方面亦有令人意想不到的驚喜！我地點左個“蟲草花花膠燉雞腳”，大大煲好足料，花膠好大隻好厚肉，食落滿口膠質之餘又帶著蟲草花香，雞腳好腍滑入味，蟲草花仲爽口香甜，啖湯真係冇得彈，燉湯本身飲落就香過老火湯，加上重膠質的花膠雞脚，飲完滿口餘香，感覺嘴唇都黏在一起了！飲完煲靚湯，相比之下好似海鮮都變得略有失色！其實冇D咁個事😆！海鮮尚盛裡面有：海蝦、海蟹、帶子片、珊瑚蚌、廣島蠔、大花甲、聖子皇、是日活鱼等，拼盤不但砌得精緻，更是新鮮非常，蝦、大扇貝新鮮大隻，蟹肉好實正，帶子片珊瑚蚌好鮮甜！百花釀油條，油條酥脆，蝦膠鮮美多汁，醮上甜酸醬汁最美味，亦可以放湯裡浸一浸食，卻又是另一番的滋味！蔬菜幾時都不可或缺，田園盛，有粟米、雞脾菇、蘿蔔、金針菇、娃娃菜、生菜等，新鮮的蔬菜帶給人一種滿足感！估唔到喺佐敦嘅樓上餐廳咁有水準，以價錢黎講，湯就超抵飲，其他尚算可以，服務方面亦周到，下次會再來！

香港租金高昂，令愈來愈多餐廳趨向上樓發展。因此平時逛街時，都會對樓上食店多加留意。好似前幾日，我同幾個朋友就到訪樓上海鮮火鍋店"尚鮮"，主打海鮮火鍋，強調海鮮來貨新鮮，直接從外地入貨，質量有保證！經店員推介，我地點左個“龍皇海鮮煱”，有龍蝦、扇貝、花甲、大蝦、蟹、帶子等。以為食完入面的海鮮就用呢D湯打邊爐，但店員建議我地可以飲湯先，然後加豬骨湯再烚野食，真係細心周到。啖湯鮮甜，龍蝦爽甜，蟹啖啖肉好滋味，成煲滿滿食唔切，店員驚過火嗱嗱聲幫我地撈晒D海鮮上黎先，讚！除左海鮮出色之外，熟食亦極富水準，芝心獅子狗卷拼台式黑椒腸，獅子狗卷睇落無乜特别，點知一口咬落去，D芝士溜晒出來，頓時滿口芝士香😄；黑椒腸燒至微脆，黑椒混和肉香，口感和味道都一流！如果吃火鍋冇牛肉，硬係會覺得爭D野，一次過有齊幾樣嘅牛尚盛，就可以滿足各人的要求，嫩滑嘅牛柳粒係我最愛！最後黎個田園盛蔬菜拼盤，蔬菜新鮮，粟米好甜！整體水準唔錯，食材新鮮，且有好多富特色的自家手工精品，例如手打丸、餃子、雲吞等！服務亦細心周到，值得推介！

早前和兩位朋友一齊來到尚鮮打邊爐，印象中我好像沒有來過無煙火鍋，所以當我入到酒家門口，聞唔到陣陣油煙味，感覺不錯。店舖座位不太多，幸好我朋友醒目，一早 book 定位，因為去到 8 點左右就 full 晒啦。每張枱都幾大，座位係梳化椅，大大張坐得幾舒服。上菜之前我們可自行配搭豉油的材料，記得早點整呀，因為上菜時會拿走的。 火鍋的湯底是尚鮮龍皇海鮮湯。不過，原來在正式打邊爐之前，我們先飲碗龍蝦海鮮湯啦！濃稠的海鮮湯混合了新鮮龍蝦、大蝦和蟹餚成，而沒有添加任何味精。湯的味道很香甜濃郁，仲有一些海鮮肉的鮮味，好好飲。龍蝦和蟹都大大隻好多肉，肉質鮮甜。清酒冷鮑魚 - 其實我有懷疑過，鮑魚係咪已經煮熟，不過為安全起見，我們一致認為要煮一陣至食。涮過的鮑魚味道較淡，已經食唔出酒味，但肉質都很新鮮而有嚼勁。牛三拼：有特尚手切牛、牛邊位、安格斯牛柳粒等。牛肉都相當新鮮，脂肪都均勻分佈，薄切的牛肉很快便熟了，唯牛柳粒需要涮欠一點，咬落去都幾稔易入口，都幾有牛肉的鮮味。四色丸尚盛：包含金沙牛丸、黑松露豬肉丸、甜薯墨魚丸、玫瑰鮮蝦丸。每粒肉丸很明顯係人手搓的，並非批發的現成貨，肉質都相當彈牙爽口，肉質都頗稔