城中鴨子

营业中

休息中

📝有朋自遠方來，一連幾日為食mode啟動😋同朋友嚟試吓呢間喺海港城嘅長龍店「城中鴨子」，今日around八點鐘嚟到，二話不說衝去攞飛，見十張枱倒就去行陣街，唔夠半個鐘行返嚟已經過咗一張枱，幸好侍應姐姐即刻後補返👍🥢釀香樓牛肉餡餅牛肉餡餅賣相沒有特別吸引，Size比想像中小，皮薄酥脆，肉味不濃，但肉質嫩滑，口感還是不錯，皮脆而爆汁🥢燻魚燻魚口感外酥內軟，味道濃郁，料理重點在油炸、浸泡、做法繁複，魚切成小塊吸收了鮮甜嘅醬汁，最適合做餐前小食🥢田園蟲草花炒翡翠苗加了高湯嘅翡翠苗配搭蟲草花和荳芽，味道爽脆清甜🥢烤北京填鴨重頭戲北京填鴨等咗半個鐘終於嚟喇，近年在香港頗受歡迎，價錢亦平易近人得多，香嫩的鴨肉及富有油香的鴨皮配青瓜和青蔥，加上傳統海鮮醬夾住薄薄嘅餅皮，風味十足🍨炸雪糕金黃酥脆的外皮配上軟滑朱古力雪糕，灑滿脆片和腰果，加上外熱內冰的口感，十分邪惡🥰🚩城中鴨子📍海港城港威商場3319舖#尖沙咀美食📌總體食物有水準，甜品有驚喜，坐位間距稍逼，服務一般

上星期到城中鴨子食午飯，餐廳裝修時尚，而且設透明廚房，客人可以見到烤鴨爐以及師傅片鴨。當日一行四人，叫咗六個菜式，濃淡各半，整體食物質素不俗。🌟烤北京填鴨(半隻)餐廳叫「城中鴨子」，招牌菜固然係片皮鴨。上次嚟三個人食一隻鴨有啲多，今次就叫半隻。先講鴨肉，好嘅烤鴨應該要做到油香肉滑，鴨皮鬆脆。當日嘅烤鴨上枱「令立立」，可惜鴨肉太瘦，有啲嚡口，好在片得薄，冇鴨羶，外皮尚算脆。另外餅皮煙韌，配理清爽嘅青瓜、京蔥同鴨醬，尚算合格之作，但離好食仲有段距離。🌟田園蟲草花炒翡翠苗上網見人推介呢道炒菜，一試就知無叫錯。翡翠苗翠綠、幼嫩無渣，蟲草花帶鮮甜的菌香，中和翡翠苗嘅草清味，我好鍾意食蟲草花所以非常鍾意呢個配搭。唯獨食到尾時見到碟底成碟油，如果冇咁油膩就更加好啦。🌟無錫灌湯小籠包一籠有六隻，小籠包外皮厚薄適中，夾起時隱隱可以見到入面的湯汁，啱啱好承托到湯汁又唔會穿。外皮皺摺唔算工整，但尖端位置唔會好厚，師傅手勢不過不失啦。豬肉餡料有鮮味，肉質鬆化。湯汁有大約半匙羹，清清地唔油膩。呢籠小籠包抵食！🌟高纖炒紅米飯飯底係蛋炒飯，加埋粟米蔥花菜粒松子仁去炒，粒粒分明，尚算乾爽鬆散。細個午膳時嘅飯盒經常白米

星期六晚大約6時，總共6人，但2個人先到，即使當時已有枱，但起碼要3個人才能先入座。最後人到齊了，再等多15分鐘左右大約6時25分便入座了，用餐限時1個半小時。6個人要了6道菜，分了兩次點菜，食物都來的非常快。除了北京填鴨在最開始時第一道點的，卻在最後一道才來，但所有食物都是不斷接著送到枱的，不需要等待。而店員斟水很勤快，服務還好。6道菜要了一點心、一蛋、一菜、一魚、一鴨和一飯：無錫灌湯小龍包($88/6件)、芙蓉賽螃蟹($148。蛋很滑也很香)、田園蟲草花炒翡翠苗($118。內有少量銀芽，整體這道菜有點油膩)、川國演義麻辣水煮魚片($258。是吃過最不辣的水煮魚，應該大部分人都能吃到。魚片的量十足而且很滑，底下有少量粉皮)、烤北京填鴨($180/半隻，$340/隻。要了前者，包到10件再多了2塊肉)和最後一個鴨肉炒飯($128。炒飯很香，有小量櫻花蝦，鴨肉的量適中)。在改名為城中鴨子後，已來過兩次吃晚飯，第一次是2個人來的，坐在露天的座位，當時已經覺得這裡很可以與家人再來。今次家人都覺得食物不錯，有2個人比較喜歡芙蓉賽螃蟹，另外兩個人就比較喜歡無錫灌湯小龍，而6道菜對6個成人來說已經

🔥又再次黎到成日晚晚爆場嘅片皮鴨之地 - 城中鴨子 (前幾次幫襯都未改名，仲係’美中鴨子’)。驟眼睇，餐牌有少少改左🤔而普遍食品都加左價，唔知質素如何？🔥先黎個酸辣湯 $58🔥夠酸夠辣，開胃醒胃。湯嘅質地幾好，竭之餘，但又保持到應有流質質感。配料都足，啖啖有咬口🤪🔥田園蟲草花炒翡翠苗 $118🔥好清新嘅田園感覺，炒得剛好，爽口但唔會有清草味，只係略嫌太油。🔥墨汁炸醬麵 $78🔥食完成口烏捽捽，配上炸醬肥豬肉、蒜頭、葱，係重口味之選🤣好在有青瓜絲中和一下，其實不錯！🔥烤北京填鴨 $180半隻🔥主角壓軸登場，鴨嘅份量比以前少左，但都其實唔係少。鴨皮烤到香脆，肉質亦做到嫩口，豐油香。而面皮則比以前薄左，滯膩感減低左。🔥烤鴨整體上比以前好食，主要皮薄左，餡就繼續靚😋Feast Level: 🔥🔥🔥🔥/5

星期六去尖沙咀行街，順便食晚飯，行到海港城，見到乜就食乜啦，原來美中鴨子已經改左名做城中鴨子，我呢啲大鄉里真係唔知道。😂😂食物質素不過不失，以呢個價錢有更好選擇。-由於本人唔太喜歡食任何動物既皮，又得兩個人，所以無嗌到片皮鴨，但叫得城中鴨子，黎到無理由唔食鴨。😂😂嗌左頭盤，桂花糕凍伴鴨件俾先生淺嚐，桂花糕甜同凍，鴨件就熱同咸，青瓜薯片爽爽脆脆既口感加上沙律醬，又唔係唔好味，先生仲覺得幾好味，呢個配搭，總之味道好複雜。😂😂雪花松葉炸蟹拑，呢個掂呀！😍😍大大件，炸到熱辣辣，香口得黎唔算太油，咬開見到真蟹拑同蟹肉，啖啖肉，真材實料。👍🏻👍🏻其實我係一個牛魔王，去到邊都想食牛。本來想食紅燒牛小排但無貨，唯有嗌個香煎美國和牛西冷試下啦。🥺🥺西式食材用上中式煮法，味道正常不過不失，送飯都可以。😛😛一直對美心旗下中菜餐廳既炒菜都好放心，當然唔會驚為天人，但有番一定質素，呢道田園蟲草花炒翡翠苗保持一貫水準。👌🏻👌🏻

早前，為好姊妹慶祝生日，她指定食這間位於尖沙咀海港城港威商場3樓的美心集團人氣鴨子餐廳 <美中•鴨子>！(我們幫襯的時候仍是未改名！只好直接在新名 <城中鴨子> 打食評吧！食評中的餐牌全是 <城中鴨子>，改名後，不少菜式已加價 $10！)由原先的舊店名 <美中•鴨子> 改為新店名 <城中鴨子>，當時12/3 星期一開張，不過！改名後依然不能訂座，只可以 walk in！至於菜式方面，會加入一些新菜式！當晚星期五放工來到，先到先取籌等叫號碼，要人數到過半，才安排入座！ 我們在晚上 7:00 到齊人，卻要在門外等足個半鐘才安排入座！ (我最辛苦！因為當日穿了高踭鞋！) 大家都沒想到等超過一個鐘啊！供應的美食多元化！ 等候期間，我們已經選定心水美食，一入座即落單，好讓節省時間！依上桌次序：無錫灌湯小籠包 6 隻 $88雖然摺位不工整，勝在筷子夾起來小籠包外皮都無穿無爛，皮薄餡豐，肉汁豐盈， 整隻放入口，在口中充滿肉汁，滿口鮮味！田園蟲草花炒翡翠苗 $118翡翠苗翠綠帶脆，蟲草花帶煙韌，是清一清味蕾的一道清新菜式！