施心畢老撾餐廳

营业中

休息中

老撾未去過，老撾菜都未食過。見中環有間香港少有嘅老撾餐廳，就去試吓～▪️手打墨魚丸全米椰子湯粉🍜墨魚丸有好多粒，不過口感偏淋，唔夠彈牙。全米即係100%用米造，所以充滿米香，而且口感比平時嘅米粉煙韌。椰子湯底濃厚，帶有甜味▪️白咖哩雞肉見求🍛白咖哩椰汁味比較出，唔辣。雞肉都算嫩滑。飯係紫米飯，煙煙韌韌。另外配菜有炸薯角、茄子等，幾豐富▪️是拉差牛油醬雞翼🐥雞翼係單骨雞翼，每隻沾滿是拉差牛油醬，辣辣哋幾惹味▪️青椰綠茶🥥🍵椰汁係分開上，可以自己決定倒幾多落綠茶度，而且味道唔甜整體感覺偏向似越南菜泰國菜，不過就冇咁重口味施心畢老撾餐廳📍中環威靈頓街98號翡翠中心4樓

自己去過老撾當地，但都唔清楚佢哋有咩特色菜🙈見中環有呢間老撾餐廳，鍾意試特別嘢嘅我決定試吓上到去成個餐廳好有異國風情😍用上民族feel裝飾，顏色鮮艷七彩繽紛Menu選擇非常豐富，有啲泰式又有啲越式，畢竟老撾好近泰國▶️ 雜錦海鮮撈粉 ($88)類似越式撈檬，幼身米粉撈埋紅蘿蔔絲同青瓜粒，配上唔同種類嘅「海鮮」撈粉醬汁溝咗魚露同青檸汁，食落酸酸甜甜好開胃不過因為餐廳預先已經幫你落好醬汁，冇得自己調校，所以食到尾有啲太酸🙈佢嘅粉同一般檬粉有少許唔同，比較似米粉，食落爽彈啲唯一係麵偏短，食到尾有啲難夾，要用匙羹食加入紅蘿蔔絲、青瓜粒同豆角粒令質感豐富啲🥒「海鮮」同我想像嘅海鮮有啲出入😂呢度有花芝丸、炸魚餅、兩隻蝦、大量脆肉鯇魚蝦係要剝殼嘅🦐肉質唔錯🐟脆肉鯇切得好薄，冇一般脆肉鯇咁爽脆，不過味道新鮮只係間唔時覺得有啲位未好熟 (有啲透明？)同埋有細骨，要食得好小心除咗撈粉醬汁之外，亦落咗唔少炸蒜頭同香葉黎增加味道▶️ 白咖哩雞肉見求 ($78)真正值得叫係呢個「見求」系列❗️有白咖喱、紅咖喱、黃咖喱三款醬，可以按自己接受到嘅辣度選擇睇相以為係紅米飯，點知原來口感似糯米飯，偏黏身(但又未至於粢飯或者糭

最近和一位朋友分享吃特色菜的趣聞，原來我們都有各自未嚐過的菜，我未吃過新疆菜，她未吃過老撾菜，今次我帶她吃老撾菜，下次她帶我嚐新疆菜。朋友起初以為施心畢老撾餐廳價格不菲，因為是皇族後裔在中環所開設的罕有菜，不免和菜式價錢掛勾可能，但當她一看餐牌，她以想不到價錢如此貼地，說下次可以帶家人來品嚐老撾菜。朋友對是拉差牛油雞翼深感興趣，她好奇「是拉差」究竟是甚麼來的，我解說是拉差其實是香甜辣椒醬，煮東南亞通常都會使用。雞翼外皮炸香脆，揉合牛油，香蒜和香甜辣椒醬的滋味，甜甜辣辣很過癮，就算吃上一整碟也不會膩，一口接一口吃過不停。飽滿的老撾炸魚餅吃起來驚為天人，炸魚餅的時候外層酥香，裡面充滿嫩嫩又緊實的魚肉。單吃炸魚餅已嚐到它的鮮味，當我們沾上餐廳特製醬汁，微微酸甜，更加對炸魚餅愛不釋口。我叫朋友放心吃這裡的白咖哩，不會辣的，她會心一笑點了白咖哩雞肉見求配老撾式太陽蛋。白咖哩雞肉見求搭配金黃香脆的薯角，繽紛奪目的雜菜，賣相十足。朋友嚐一口白咖哩，白咖哩夾帶清香的椰汁風味，雞肉以香茅提味，皮脆肉嫩，附著滿滿咖哩汁，充滿香氣，同時襯托雞肉的肉質，一改朋友對咖哩的觀感。米飯是朋友喜歡的糯米飯，咬感豐富，

老撾，地理上係俾越南，泰國，柬埔寨同緬甸包圍住，曾被越南入侵，亦曾為法國殖民地，因此食物都帶有越南風味。依間老撾餐廳由星級廚師Justin Chan主理，試吓係咪咁正先。餐牌上見到100%全米湯粉，非常好奇咩叫做100%全米湯粉，味道同一般米粉有咩分別呢？叫一個牛肉100%全米湯粉試吓先。賣相同越南湯粉好相似，都有芽菜同九層塔，飲一啖湯，好香濃。再試一試個米粉，用全米製成嘅米粉好滑，咬落幾煙韌，食到微微嘅米香，同一般米粉好唔同。配料除咗牛肉之外，仲有牛丸添，成個米粉好豐富，亦好令人回味呀！仲有白咖哩雞肉見求，見求即係飯，用白米，糯米同紫糯米煮成，好有咬口，再加埋少少椰香，我都幾鐘意。雞肉有香茅嘅香氣，唔會煮到太柴，都不錯。米紙卷用上米紙包住生菜同薄荷葉同米粉，仲有炸蝦，一啖咬落去，除咗清脆嘅生菜，仲有香滑嘅米粉，炸到脆卜卜嘅蝦，口感好豐富呀！

晚餐雖不是太滿座，但有D食材仲要因爲lunchtime太受歡迎已賣哂，無得叫，所以叫之前要問下老闆。白咖哩雞肉見求白咖哩雞肉見求，見求即是紫米。而白咖哩很重椰汁味，加配菜及糯米飯一起吃，味道很夾。紫米蛋白質比一般米高出許多，也是很好的抗氧化劑來源，而且對貧血者來說也是很好補血米素雞太陽蛋首先，個太陽非常吸引！😆🍳素雞適合愛吃素的我，口感超好的。顏色好漂亮，菜式也好健康。是一道口感有層次又開胃的素菜，营养价值较高、又多钙。調味料有九層塔、蒜頭、小辣椒、青檸檬、香茅。老撾燒雞肉卷沙律（$68）對於鍾意食淡口味嘅我，十分滿意。呢款沙律好特別，比起其他一般的沙律多甜酸汁非常開胃，而且沙律食材本身質素唔錯，全部菜都好新鮮爽甜。而且豬頸肉唔係平常食到一細片片，而係一嚿嚿厚切的豬頸肉，肉質豐富，十分有咬感

星期六係中環天梯個邊嘅一棟商業大廈見到下面介紹有間老撾餐廳，印象中無係香港見過或者試過老𢰸菜，好奇之下就上咗去食。老𢰸菜都係似東南亞菜式，泰國、越南菜等等，不過啲菜名就有啲唔同。主菜我地都考慮叫湯粉定飯食好，老𢰸嘅飯叫法就係見求，覺得感覺都幾新鮮，就揀咗個白咖哩雞肉見求（$78）試下，佢有啲似馬來西亞嘅椰漿飯，食到椰汁嘅味道，而且唔辣，而飯係用紅米飯，餸菜除咗有雞肉之外，仲有薯角、茄子同菇等等，個汁加埋唔會太甜，味道幾特別都好好味。因為飯已經係share食，所以都叫咗多啲唔同嘅小食試下。老𢰸小食拼盤（$68），有一啲蝦、豬同魚春卷同埋魚餅，配埋一個酸辣醬，蝦春卷好好食，蝦肉非之多，好爽脆又入味。豬頸肉($48)，呢道係係度最鐘意同最出色既一道菜，好少見豬頸肉係厚切，已經覺得幾特別，食落去更加係入口即溶，雖然豬頸肉真係好少會咁形容，但食過就會知道真係唔誇張，因為真係好鬆軟，而且呢個價錢嚟講份量真係好多。是拉差牛油雞翼($48)，全部都係單骨雞翼嚟，但肉都唔少，食落去甜甜酸酸幾得意。飲品我同朋友就分別叫咗佢地涷同熱既紅茶，味道有啲似thai tea，我個杯叫咗微甜，但飲落去茶香味都好香濃，

和太太相約在中環一間新開的戲院睇戲， 睇戲之前經openrice搜尋特色食店，選擇在戲院附近嘅呢間施心畢老撾餐廳， 勇於嘗試新食物嘅我看見店內環境，只覺得是一間比較普通的茶餐廳格局食店， 但時間已經唔容許再選擇第二間食店，加上店內較少人（ 只得兩枱食客)見環境咁清靜，便入嚟坐低嗌嘢食。 點咗以下食物: 白咖哩雞見求~ 即係以白飯、糯米、紅米飯混合而成，坦白講句，咁樣混合飯 ，本人麻麻地，白咖哩汁並不辣及帶點椰香味，雞肉應該是雞扒切粒變成， 有點嚡口！以店名為名嘅豐食拼盤，有雞同豬嘅炸米紙卷，煎魚餅及煎蝦餅、春卷及扎肉卷， 惹味又好吃,三五知己食飯一定要點呢樣食。 是拉差牛油雞翼，用是拉差醬配牛油一齊泡製嘅雞翼，酸甜適中帶牛油香，是一款不可錯過嘅小食。另外飲品要咗龍眼梳打，不提也罷！😣 總括嚟講 食物質素都值75分以上, 加上環境清靜, 想傾偈好妁享受餐飯嘅可以嚟一試， 順帶一提呢度只收現金不收信用卡, 所以咪大安旨意唔帶$