Infinity Workshop Cafe (已結業)

今晚同朋友去了一間樓上cafe食晚飯，餐廳地方寬敞，而且比較寧靜，適合朋友聚會的地方。鮮帶子虎蝦青蘋果沙律配黑醋：厚粒特大帶子煎至表面微焦，裏面呈刺身狀，虎蝦開尾煎至全熟，蝦頭還有點蝦膏鮮甜味，沙律菜爽脆，加上黑醋汁甜酸味道，開胃清新。招牌漢堡配扭扭薯圈：漢堡十分足料，麵包微烘至脆，中間夾著洋葱、番茄、煙肉等配上日式芝麻醬，漢堡扒肉質不會太實，有肉汁，扭扭薯條份量極多，炸得香脆。白松露油香煎深海魚柳意粉：意粉軟硬適中，以大量的白松露油、香草及少許蒜蓉爆炒，魚柳以蛋漿等炸至金黃，肉質嫩滑，有點住家菜感覺。塑身水果冰茶 & 粉紅小豬：前者以紅茶及西莓汁做膽，加上些藍莓、菠蘿、香蕉的生果，味道偏向西莓味，帶點茶的苦澀；後者即是士多啤梨奶昔，不過味道不會太甜。

最近工作繁忙，一到休息日就找個寧靜舒適的地方吃個午餐晚餐。這次來到常到的美食集中地旺角登打士街，度過寧靜的下午。甫踏進門口，便被這間餐廳的裝潢吸引。縱然有很多餐廳的裝潢高級優雅，但這裡的裝潢具心思之餘又帶給人非常放鬆的感覺。牆上的裝飾櫃放滿各式各樣的裝飾，如碟、酒杯及各種顏色的玻璃瓶，很像家居的佈置。柔和的燈光，熱門及經典流行曲輕輕地播放着，由西班牙文的Despacito、韓文的Cheer Up，到粵語的富士山下。閒坐數小時上網，所聽的流行曲不曾重覆。音量適中，聊天聲不會被音樂聲蓋了，同時又可聽得清歌詞。選了一個網上推介的白松露油香煎深海魚柳意粉($108)。意粉Al Dente，灑上大量香草碎，所以上桌時飄來濃濃的香草味和白松露香。一般餐廳都喜歡選用鴻喜菇或蘑菇作意粉配料，但數量總是寥寥可數。這裡大方地用了大量鴻喜菇，與意粉的比例接近是各一半的份量。鴻喜菇十分新鮮乾脆具光澤，味道鮮味，口感柔滑，與魚柳同吃，既有菇的清爽又有魚柳的香滑。久坐便覺有點冷，點了一杯熱鮮奶抹茶配日式紅豆($49)，抹茶濃香十足。奶泡綿滑，抹茶味濃，抹茶味與奶味各佔一半，喜歡這種較重奶味、又熱又綿滑的鮮奶抹茶。

較早之前有留意呢間，咁岩有位外國朋友泥香港，咁就想帶佢食一d特別既野食～所以就book 左夜晚食啦一踏入就覺得環境好舒服，我地安排坐係靠近窗邊～直接進入主題第一杯三眼仔係抺茶口味既，又唔會話好苦，抹茶控必叫呀另一杯係玫瑰鮮奶，每一口都有甜甜嘅玫瑰味，同牛奶味好夾，會令人再想叫多一杯飲既衝動！接下來係主菜～朋友點左個黑松露油炒先帶子虎蝦意粉：蝦煮得好入味，而且啖啖肉！意粉係用黑松露油炒過嘅，所以成個配搭好野味！又唔會太咸我就點左白松露油香煎深海魚柳意粉：本身唔多食魚既，但見食評有人推薦就想嘗試下。好意外地好味，唔會有腥味，意粉加埋香草同埋白松露油一啲都唔油膩，反而每一口好正，食唔停口！總括泥講，十分滿意，朋友亦都食得好開心，最緊要係服務員態度好！

我之所以食依間餐廳其實係為左依杯三眼仔抹茶鮮奶,佢絕對係一杯呃like必備嘅飲品。抹茶味都算幾濃,帶有少少回甘,奶泡令到佢入口順滑。絕對係一杯可愛又睇得又飲得嘅抹茶鮮奶。魚柳炸得香脆裏邊嘅肉質依然嫩滑唔會乾身,意粉用左白松露油黎炒所以會有少少油,松露味道唔算太突出,但係就有吾少份量嘅菇。意粉軟硬度啱啱好,忌廉醬汁亦非常之creamy濃郁,因為加左明太子嘅關係所以帶有鹹香,整體非常之唔錯。煙三文魚嘅份量只有一朵小花,如果份量可以多番少少就更好。

想約朋友係交通方便嘅旺角食飯, 但又想享受鬧市中難得嘅寧靜, 於是我搵左間幾多好評嘅樓上cafe, 果然冇令我失望。一上到去見到個環境已經幾舒服, 雖然唔係好大, 但枱與枱之間都有一定距離, 傾密計都唔怕俾其他人聽到。睇到menu其中一樣特色就係呢杯三眼仔green tea latte, 都幾得意。送飲品上黎嘅侍應姐姐話, 三眼仔唔開心呀因為要俾你飲左佢 lol, 我諗佢應該有好多表情。忌廉汁好rich, 明太子好多, 呢個意粉係幾好食, 賣相都靚, 有朵三文魚玫瑰。份量都唔算少, 同埋可能個汁好rich, 食完都幾飽。深海魚煎得剛剛好, 肉質唔會老, 但呢條魚本身唔係特別好食。個意粉我覺得都幾好食幾香, 但朋友就覺得三文魚意粉好食D。價錢唔算平, 都係一般樓上cafe價, 但地點夠方便, 環境舒服, 又可以唔限坐, 野食都好食, 所以性價比都幾高。