喫茶ちょうぼ

营业中

休息中

銅鑼灣世貿中心裝修之後，我都係第一次嚟。而家呢度有好多新開嘅餐廳同cafe. 上星期去咗呢間集合和風日式cafe. 餐廳佈置優雅舒服。好有日式和西洋風的感覺。佢有窗邊座位，係望住維港景色。今次叫咗炸軟殼蟹扁意粉$98，味道不錯。軟殼蟹撈落意粉度食都幾好味。甜品：雪人布甸與牛奶大福盛$68飲品：白桃梳打$45，佢有D cream喺面頭。飲飲下D cream會撈左落梳打度，我就覺得冇咁好飲。同埋飲品比較細杯，好似俾小朋友教導飲咁。佢上餐嘅時間都正常，但係飲品我就等咗差唔多45分鐘先有。真係耐咗啲😅服務方面我覺得一般。除咗一位女同事服務好好同埋做事效率好高之外，其餘有兩位男員工都係一般。當我叫其中一位男侍應嘅時候，佢話等一等，但係之後佢都唔記得咗。可能嗰日係星期日，佢哋都比較忙。下次我都會想再嚟呢間試吓其他食物，因為環境的確係靚同幾舒服。但係希望下次佢哋嘅服務會有改進。

銅鑼灣世貿中心裝修後有多間新餐廳進駐，窩夫要逐一去試試。9月初跟閨蜜去了喫茶ちょうぼ，和風的餐牌設計精美，令窩夫想起林家謙一首叫《夏之風物詩》的歌。蛋包飯很受歡迎。點了日式紅酒燉牛面肉蛋包飯($145)，加28元配咖啡/梳打及是日涼拌菜，再加32元可配喫茶蛋糕。店員先讓相機食先，然後幫忙切開那個蛋包，蛋非常嫩滑，蛋香亦濃，牛面肉燉得軟腍入味。炸軟殼蟹扁意粉($98)是打卡之選，軟殼蟹超大隻，炸至金黃香脆。照燒牛舌($59)的口感不錯，照燒汁的味道亦很好，以沙律伴碟有驚喜。另一小碟是升級套餐的是日涼拌菜，薯仔沙律少食多滋味。窩夫身為白桃控，見到白桃梳打(原價$45)便鎖定目標，個人不太喜歡上面的奶油，如果白桃味再濃一點會更好。閨蜜選飲品時遇上選擇困難，最終點了焙茶麻糬沙冰(原價$52)，窩夫不知味道如何，只知道杯子很美。加配的喫茶蛋糕可選綠茶或伯爵茶味的戚風蛋糕，窩夫與閨蜜選了伯爵茶戚風蛋糕(原價$51)，蛋糕上的忌廉比戚風蛋糕更有驚喜。

無經過都唔知道原來世貿個商場已經重開，入面已進駐咗幾間新食店，今次揀咗呢間日式洋食門口位置售賣日式精品幾個窗口海景座位和風陳設海鮮蕃茄醬蛋包飯 $138店員會主動先問使唔使影相，後可幫手𠝹開蛋包，再代為淋上醬汁，呢個service唔錯；而我一向相機先食，唔想店員呆等，所以選擇自己𠝹，佢就換上另一把無咁鋒利丶較安全嘅刀俾我用，算係幾細心。鰻魚玉子蓋飯 $98厚切玉子有蛋香，飯量夠哂多蟹肉忌廉可樂餅 $62吉列外層包住流心忌廉汁，但就唔係好覺有蟹肉極·日式布甸船 $108昭和風嘅日式布甸，質感綿滑，Lotus焦糖芝士脆餅，加上色彩繽紛嘅水果，賣相幾好，用嚟吸like嘅不二之選！焙茶牛乳 $45超出預期，焙茶味好香，夠哂濃！白桃梳打 $45微微白桃味

大埔嘅老友話食過「喫茶ちょうぼ」洋食屋，大讚啲蛋包飯好掂，超高水準，最近，從網友口中得知，「喫茶ちょうぼ」晌正在翻新嘅「世貿中心」插旗，小弟就唔使跑到老遠入大埔啦，收工由中環過嚟就可以食到其招牌嘅蛋包飯喇。晌門面所見，裝修已經好有心思。近門口位，佈置得有種復古風嘅書房咁，加埋啲舊款梳化椅、燈飾、座地燈，真喺有種跳番去昭和時代呀。題外話，晌門口嘅旋轉樓梯喺上唔到去架，行多兩級就見「顧客止步」，不過，企晌度絕對喺好可打卡位。再走入啲，先喺左右兩排餐枱椅，裝修古雅，同樣，配以復古嘅枱椅，加點植物作點綴，而啲侍應又着住有型嘅西式套裝，睇得多日劇嘅朋友，都知完全喺日本洋食屋嘅復刻。而走到最入，仲有一知偌大嘅用餐區，呢個區域有兩個亮點，第一就喺一排窗口位，對住避風塘嘅景色，喺可惜坐唔到；第二喺正中間有張巨型嘅共用餐枱，足足可以坐到12人，啱晒一大棚朋友嚟慶祝吓生日之類。加上樓底高，空間感十足。除咗裝修有啲亮點之外，店內仲有唔少日本陶瓷餐具、小擺設、精品……等等供零售。而店內所用嘅餐具，同樣咁靚！餐牌亦見心思，除咗有中英日文對照之外，每分類都有啲食物彩繪，畫得很傳神，很有和風洋食屋嘅風格。而食物選擇