禾牛薈火煱館 (金馬倫道)

营业中

休息中

夜晚同朋友大邊爐吹水，有人提議來呢間火鍋店食，我第一次跟大隊來左。因為有部私人電視機任睇，所以我哋揀左卡位坐。一坐低就會一盤配料比你揀，選擇都好多。呢度有每日限定的湯底，係其他火鍋店係沒有的。我哋一場來到，就點左個御膳宮廷海中寶。香味撲鼻的湯底，但湯面好似平平無奇。實則禾稈蓋珍珠，用湯勺一撈，你會見到一個豬肚，工作人員剪開個豬肚，裏面就係海參、魚翅、冬菇。 用清雞湯熬製而成，我忍唔住先飲為敬，鮮味十足。我哋又嗌左一碟牛頸脊，條紋清晰，肥瘦均勻，不得不讚師傅刀工一流，真係10-15秒就啱啱好。食落油香滿口，極級享受。白鱔片好新鮮，師傅刀工已經去曬筋位。魚片輕灼配埋嗰湯底真係無得輸。貴妃蚌爽口彈牙，好新鮮。鵝肝+蝦丸，自家制，甘大個人都係第一次試，個味出奇地好夾，極力推介。呢間火鍋店食材新鮮配埋師傅的刀工同埋創意，帶俾客人喜出望外的感覺。#原來邊爐都可以甘打

老友相聚梗係要打邊邊, 今次唔食量食吓質, 所以選了呢間禾牛薈。環境火煱店分兩層, 每層面積不算十分大, 但空間十足, 每枱保持相當距離, 有十人八人大枱有房, 我地就坐4 人卡位。呢度出名枱枱有電視, 但我地都係傾計多無乜點睇到。食物呢度全部都要分開點逐樣計, highlight 部份火鍋料如下湯底- 御膳宮庭海中寶, 個湯好足料, 有海參瑤柱花膠豬肚等, 就咁飲都好好飲, 打到最尾都不太油老友鬼鬼- 成舊都好脆又唔油益手切肥牛頸脊肉- 手切鮮牛肉係正啲, 黎呢度一定要食~自家製鵝肝蝦丸- 外彈內軟口感好得意, 手打蝦肉同鵝肝味又ok 夾喎白鱔片- 打邊邊好少食鱔, 有驚喜枱枱有電視幾好食的老友鬼鬼, 成舊都好脆御膳宮庭海中寶原本好似平平無奇, 但其實內有乾坤, 師父將一大堆海味讓左入個豬肚度, 有海參瑤柱花膠等, 仲即場開肚比你睇黑毛豬肉手切肥牛頸脊肉鵝肝蝦丸鵝肝讓左入去墨丸裡面白鱔片

平時去禾牛薈最多去食晏 夜晚打邊爐真係第一次試 非常期待呀！✨ 御膳宮庭海中寶 $368湯底係雞湯 豬肚包住好多海味 有海參瑤柱花膠仔等等 非常滋補呀而且湯底清甜 飲多幾碗都唔怕呀🤤✨ 本地招牌手切肥牛 $258手切肥牛肥瘦適中 肉質鮮美又嫩滑✨ 自家製餃子 $88餡料係帶子同大蝦 超級豐富呀而且每隻都大大粒脹卜卜 鮮味十足🥰✨ 自家製四寶丸 $178最喜歡蝦丸同牛丸 兩者都好彈牙而且充滿肉汁鯪魚球加入髮菜同瑤柱 味道濃郁而且唔腥👍🏻✨ 黑柏葉 $68新鮮黑柏葉夠晒爽口 淥幾秒就食得✨ 白鱔片 $88份量都唔少 打邊爐點可以唔食鱔😛環境坐得舒服 呢度嘅湯底同埋食材都非常新鮮 搵唔到理由唔幫襯啦🍽 禾牛薈火煱館 🔎 尖沙咀金馬倫道48號中國保險大廈1樓及2樓

平安夜通常都是吃西餐，今次吃火鍋慶祝聖誕也挺不錯。禾牛薈是妹妹的提議，我卻是第一次光顧。這兒的環境光猛舒適，裝修新浄，我們一共六人獲安排坐一張八人枱，感覺鬆動舒服。店裡提供多款配料給客人自行調配醬汁，令我未吃已對食物有所期待。只是坐下沒多久，侍應便不停催促我們點菜，應該是怕我們未能在兩小時內還枱吧，而且又不斷向我們推介當日的特色海鮮，令我覺得有點煩擾。經過各人提出自己想吃的食物後，我們共點了十多樣。瑤柱冬瓜湯底($98)：清淡之選，但沒想到湯內有冬瓜塊之餘，還有很多小瑤柱粒，真材實料，所以湯底有真正瑤柱鮮味，有驚喜。特級手切肥牛($208)：肉味濃而且不勒，正！蒙古羊肉片($78)：嫰滑有羊羶味，推介！三式水晶包($88)：有奶皇、叉燒和芋泥三款餡料，焯熟後包身變得半透明，配合餡料味道相當不俗，大家都讚美味。精選六寶丸：分別有蝦丸、芝心丸、鯪魚球、豬肉丸、貢丸和魚蛋，算新鮮，不過我不喜歡鮮肉丸的胡椒味太濃。白鱔片($98)：肉身彈牙有鮮味，各人大讚，要追加。自家製手打蟹子墨魚滑($88)：有墨魚鮮味。桂花蚌($88)：新鮮爽口，好吃。魚皮餃($45)：略嫌有點硬。鮮韮菜餃($68)：餃