福岡漢堡扒 (厚福街) (已結業)

厚福街多嘢食就係人都知，經過好多次啲間福岡漢堡扒，心郁郁都想試吓，所以就揀左今日周末過黎朝吓聖。扒文先發現原來啲間石燒漢堡扒專門店係韓國過江龍，選用100%澳洲和牛，在韓國有超過30間分店，甚有名氣。我地揀左個二人套餐（Ver.4），貪佢乜都有唔洗煩而且幾抵食。除咗主菜漢堡扒，仲會有一碗麵豉湯，一碗沙律前菜，包兩杯飲品（可加錢轉特飲）。另外啲個餐唔係跟白飯，而係一大碗芝士泡豚丼。🥘芝士蛋蒜和牛漢堡扒(M)個漢堡唔係一塊，而係一個球狀，每次切少少鋪平在石上，每隔三秒翻一翻，燒一陣就可以食。因為係用100%澳洲和牛，而且用咗多種配料腌製而成，肉味香濃，軟熟多汁之餘，味道亦十分出色，絕對有質素。另外再加埋芝士、蛋同蒜，一齊食味道更上一層樓。🥘菠蘿煙肉和牛漢堡扒(M)基本上同上一味都係一樣，但係多咗菠蘿同煙肉，同樣好吃而多一種風味。另外值得一提係個熱石都凍得幾快，但職員會主動幫你換過舊，整餐換左三舊就足夠燒晒所有漢堡。🍛芝士泡豚丼啲個丼係超邪惡😈，有勁多芝士，又有大量嘅泡菜同泡菜醬汁，再加上豚肉，真係口感超豐富好好食，而且份量係勁多，食完超級飽😆，如果可以用石頭鍋飯嘅形式present就per

福岡漢堡扒 (尖沙咀)📍尖沙咀厚福街11號地下A號舖平時買漢堡扒番屋企自製Burger 就試得多，係餐廳石燒澳洲和牛漢堡扒就第一次👍🏻👍🏻 我地叫左個豐富兩人套餐$366， 包括兩個漢堡扒，一個大大碗豚肉泡菜飯，同埋加$36換兩杯特飲，套餐仲有跟麵豉湯同沙律！份量之大真係捧住個肚走😆澳洲和牛肉混入特製香料同調味料，將漢堡扒搓成球狀，食落肉味香濃而且非常多汁！食法係每次將一小團漢堡扒放上高溫石燒烤至理想熟度，大概每面需時只係3-5 秒，視乎個人喜好。如果想要半生熟爆汁效果 ，建議每面烤3秒鐘就可以❤️每件漢堡扒可以配上芝士蛋同泡菜一齊食，非常惹味！如果發現石燒已經降溫，可以要求店員幫你換一個新石。我哋今次嘅體驗就係見到店員非常之細心，會密切觀察食客嘅進度，店員主動幫我哋換咗兩次石，服務一流！👩‍🍳菠蘿煙肉和牛漢堡扒加咗菠蘿嘅芝士蛋，一啲都唔奇怪，菠蘿嘅清甜反而帶出清新嘅感覺！ 漢堡扒面頭有幾片煙肉，每面烤一烤好快就會更變金黃，肥美香口！👩‍🍳芝士蛋蒜和牛漢堡扒同上面嗰個嘅分別就係冇咗菠蘿同埋煙肉，味道都相近！👩‍🍳芝士泡豚丼呢個飯真係非常之巨型！無敵芝士有強烈拉斯效果，泡菜豚肉配埋珍珠米，

好耐冇同朋友仔食晚飯啦，今晚約咗朋友去尖沙咀行街食飯。我地行完街之後經過福岡漢堡扒，見到佢係石燒和牛漢堡扒，好特別😍所以我哋比佢吸引咗入去😆因為好肚餓嘅關係，所以我哋決定咗個2人餐。包括咗前菜：麵豉湯、胡麻醬沙律，泡菜，2份和牛漢堡扒，一個丼，仲有2杯罐裝飲品佢地嘅和牛漢堡扒係一個波咁，放咗喺一個預熱嘅鐵板上面，放滿咗蛋汁同芝士，好吸引😍之後有個石頭響旁邊比你自己燒和牛漢堡，無錯！係自己燒🤣將和牛漢堡切少少放喺石頭上面，每3秒就翻另一面，都幾好玩🤣。而店員好細心會時不時幫你換石頭燒。我哋叫咗菠蘿煙肉和牛漢堡扒，芝士蛋蒜和牛漢堡扒。菠蘿酸酸甜甜加埋和牛一齊食就冇咁膩，而同蒜片食就好香口又係另一番滋味。佢哋嘅和牛好香牛肉味又油脂豐富😍因為係套餐，所以漢堡扒係m size ，而份量都幾多。另外，我將送嘅罐頭飲品加錢轉百香果特飲，酸酸甜甜但係唔會太甜，唔會覺得加左好多糖水，都幾fresh👍🏻芝士泡菜豚肉飯好大碗😳佢用咗珍珠米，上面鋪滿咗泡菜豚肉同溶咗嘅芝士，好吸引😍泡菜豚肉真係好好味，呢個combination 真係冇得輸，超下飯😋

在韓國好有名嘅福岡漢堡扒終於喺香港開分店，知道後小編立刻約埋朋友一齊嚟試試。福岡漢堡扒嘅食法好特別，店提供一塊熱石，自己將個和牛球一小塊切開放喺塊熱石上燒，燒幾熟自己話事，不過原來塊熱石好熱，和牛放上去一陣就熟。如果塊熱石燒燶店員會幫手換另一塊新，並且每人亦都有自己嘅煙筒，非常衞生。又有得玩又有得食，香港人就最啱，所以店舖非常受歡迎，當日都見滿坐並且門外都有人排隊等候。小編同朋友選咗兩款和牛漢堡扒，分別係📌雞蛋和牛漢堡扒同📌菠蘿煙肉和牛漢堡扒，兩款都係和牛漢堡做主角，唔同嘅係配搭，一款係雞蛋，而另一款係菠蘿煙肉，不過每款都有麵豉湯同沙律，整體份量亦適中。和牛肉質鮮嫩，燒後更加滋味，配上雞蛋或者菠蘿煙肉更加惹味。📌月見味噌牛丼小編意猶未盡，叫多一個月見味噌牛丼，和牛切成薄片，肉質鮮嫩，配上蛋汁同菇菌，口感豐富味道難忘。📌百香果特飲百香果特飲味道清新又大大杯，必選。

老婆返學，是夜得一支公，因為過開嚟尖沙咀換禮品，所以，就順道食埋飯先返歸。由於老婆飲食偏素，既然得一個人就唔使咁多顧慮，自不然揀啲多肉嘅菜式。經過厚福街，睇到呢間「福岡漢堡扒 」幾人氣咁，就投佢一票，入去試試。睇個名，以為喺日本餐廳，再睇到牆上嘅韓文，加上有啲韓式泡菜供應，就更肯定佢喺韓國餐廳。鋪內環境四正，一眼望晒，主要喺4張長形大餐枱，最特別喺每個位都安裝咗小型抽氣管，唔會食到一頭煙。再睇睇餐牌，主打喺韓式石燒漢堡扒，共有6款唔同配搭嘅選擇，最好喺分埋大中細份量，夠彈性。此外，仲有啲丼飯、拌飯、沙律及二人套餐供選擇，整體定價亦算親民。而點餐都喺以剔紙仔形式，可以減少口頭落單嘅出錯。小弟揀咗「菠蘿煙肉和牛漢堡扒」，諗住喺較清新嘅配搭，而每一款和牛漢堡扒餐都包咗白飯、麵豉湯、配菜及沙律。通常店員都會問你喺咪第一次，如果喺嘅話，佢都會稍稍講解點玩法，聽唔晒或聽唔切唔緊要，因為餐墊紙都印咗燒啲漢堡扒嘅方法。雖然嚿火石好熱吓，不過，基本上要燒完晒一整嚿漢堡牛肉球，都要換一次火石，同店員講聲，佢就會幫你換。正所謂工欲善其事，必先利其器，所以，除了韓式嘅鐵筷子及匙羹外，仲有個小剷，用嚟壓平及剷起