金飯館

营业中

休息中

🍳秘製沙嗲牛肉雙燶邊蘭王蛋飯💰$78🐮脆皮牛腩飯配金莎汁💰$88🍖即叫即炸椒鹽豬扒飯💰$78🥢黑松露帶子炒飯💰$78.⚡️朝聖超人氣金飯館！作為牛頭角社畜選擇係到食開年飯，小店lunch hour會比較多人，1點半到達都要等3張枱，不過食物高質係值得等待就是了.⚡️🍳沙嗲牛肉雙燶邊蘭王蛋飯果然名不虛傳，蛋汁撈飯超讚der，牛肉嫩滑沙嗲味濃；🍖炸椒鹽豬扒飯好好食🥹本身以為會好韌/柴，點知厚肉又彈牙，完全唔乾👍.⚡️🐮脆皮牛腩飯一定要襯熱食，凍咗脆皮會淋晒+牛肉韌；🥢黑松露帶子炒飯有好多帶子同蝦呢～

相信金飯館話自己香港炒飯第一都冇人反對。兩年之前喺九龍灣放工嘅時候，我有時會約女朋友去金飯館食晚飯。今日決定同女朋友回味一下金飯館炒飯嘅魅力😍- 秘製沙嗲牛肉雙燶邊蘭王蛋飯牛肉肉質軟稔，吸收曬沙嗲醬味道，蘭王蛋顏色特別橙，食落蛋味非常濃郁。炒飯作為餐廳招牌當然絕無失手，飯炒到金黃乾身，真係蛋香米香兼備。- 龍躉班肉泡飯龍躉斑已經起晒肉，而且切成一片片，肉質結實啖啖肉。湯好鮮甜，份量好大非常抵食。- 櫻花蝦醬油時蔬我哋揀咗菜心，菜心新鮮爽脆，配上櫻花蝦口感更豐富。原來除咗炒飯出色之外，泡飯一樣唔錯。無論炒飯泡飯份量都好多，一個炒飯其實已經夠兩個人食🤣

究竟有咩本事，一間餐廳專賣炒飯🍚已經咁多人食，仲要沙嗲牛肉🐄關注組咁多人推，Soy Egg 🥚同9 Flag 🏳️就去牛頭角睇下依間專食炒飯既金飯館有咩咁吸引😋是但總結: 淨係粒粒分明同金黃色既炒飯，已經可以無限encore😋是但食評🌟💬✰環境😋年輕活力感😋無咩奢華裝修🏡 白色牆磚 簡潔舒服 燈光通明 乾淨企理有D金飯仔既紙牌係側邊 同 金飯館既招牌燈💡小小既裝飾 增添唔小活力同年輕感成個感覺舒服😋✰即炸豬扒雙燶邊蘭王蛋飯 配蔥油 ($78) 🐖 比較下較遜色🙂炒飯依然出色 🍚但依隻燶邊蘭王蛋真燶左 有苦味🍳豬扒份量好多 食落唔知點解有小小味極味 🐖肉本身口感係好既 偏實淨但唔乾 唔會咬唔開 有肉味 合格但唔驚喜可惜炸得唔夠脆🙂蔥油好香 有小小沙疆味 好夠味 好食😋✰秘製沙嗲牛肉雙燶邊蘭王蛋飯 ($78) 🐄🍳 唔洗洗腎 滿分之作😍一上枱 橙黃色既蛋黃已經令人食慾大振🥚𢳂一啖炒飯 已經見到每粒都係金黃色粒粒分明 夠乾身🍚食落一D都唔油膩 唔會過乾 唔會過油 岩岩好😍真係唔可以唔讚師傅既功架 真係超一流🥘燶邊蘭王蛋蛋白煎到酥脆易碎🍳咬落去已經聽到chop chop聲蛋黃依然保持濕潤而不

💪🏻 即叫即炸椒鹽豬扒飯($78)呢間餐廳主打食炒飯，當然炒飯炒得勁香口🤤！炒飯粒粒分明，夠晒乾身，而且蛋味同蔥味香濃，就咁食炒飯已經好好食😋 而椒鹽豬扒都炒得好有鑊氣，勁香口，椒鹽同炸蒜味突出，撈埋飯食一流！豬扒都好夠淋，啖啖肉，份量多！不過椒鹽直接鋪係飯上邊，有少少蓋過左少炒飯嘅香味！味道：8/10性價比：7/10 食住瘦指數：💪🏻/5 💪🏻 秘製沙嗲牛肉雙燶邊蘭王蛋飯($78)餐廳用蘭王蛋，蛋黃係橙紅色。蛋味非常濃郁，蛋漿黏稠🤤！而且雙蛋煎到微微燶邊，令普通煎蛋超級香口，送飯又係一流😍 沙嗲牛肉嘅沙嗲汁滿滿，沙茶醬味濃郁！不過都係直接淋係炒飯上，令炒飯本身嘅味道被蓋過，亦都令炒飯變濕。味道：7/10性價比：7/10 食住瘦指數：💪🏻/5

鐘意食炒飯 炸蒜香口嘢 絕不能錯過食過一次之後，每次經過觀塘都會睇吓順唔順路去光顧。同事們稱店舖為「世一豬扒飯」嚟之前同事已讚口不絕，下午茶時間仲有少量位置我哋特別點了招牌菜式嚟試試即叫即炸椒鹽豬扒飯一上枱蔥蒜香逼人極重蒜味的椒鹽豬扒豬扒一啲都唔厚粉，超鬆脆，肉感實淨易咬唔韌。炸蒜香味完全溶入去飯底炒飯底鑊氣十足，啖啖咸香可口。椰菜及紅蘿蔔等蔬菜，有用水烚過，唔硬清甜。前菜都好好食，少咸，撈埋落飯，口感層次更加豐富。招牌蝦頭油炒飯海鮮蝦味超濃郁，蝦頭油均勻佈滿每粒飯粒上，極濃嘅蝦味配上小巧嘅櫻花蝦仔。超多爽脆鮮嫩嘅蝦球。海鮮有彈牙嘅帶子粒粒仲有充滿蒜香蝦油嘅蠔仔食。秘製沙嗲牛肉雙燶邊蘭王蛋飯蛋黃嘅顏色超吸引。但我食唔出同平日食嘅蛋有咩分別。沙嗲牛肉真係似平日茶記食到嘅味道。佢醬汁濃郁撈飯食剛剛好。椒鹽雞軟骨一向好喜歡食雞軟骨，叫咗雞軟骨小食。味道與炸豬扒相近。炸得外脆內軟，有水準的酥炸椒鹽雞軟骨。雖然全餐好邪惡但飯粒炒得夠乾身好好食。個人特別喜歡蝦味，最喜歡的係招牌蝦頭油炒飯，多海鮮，海鮮唔老唔霉，爽脆鮮嫩，煮嘅時間剛剛好。小食椒鹽雞軟骨都不負所望，穩定發揮，好食可口。

觀塘呢間金飯館係炒飯界都都小有名氣，今次約埋一班同事去試食，叫咗六個飯開心share1.招牌蝦頭油炒飯 $78-蝦頭油炒得好香，個飯仲有唔少海鮮，非常足料。2.即叫即炸椒鹽豬扒飯 $78-即炸豬扒香脆可口，椒鹽有少少辣，食落相當惹味，適合重口味人士。3.秘製沙嗲牛肉雙燶邊蘭王蛋飯 $78-第一眼俾橙紅的蘭王蛋吸引，蛋汁撈飯食一流，但沙嗲牛不過不失，唔算出彩。4.招牌脆皮牛腩飯(配金沙汁) $78-牛腩真係做到外脆內軟，個人認為比沙嗲牛出色。5.焦香煎焗龍躉球飯(配咖喱汁) $98-龍躉煎得金黃焦香，魚肉食落鮮甜，口感滑溜多汁，貴$20都值得，但注意配菜有一大堆蔥。6.龍躉斑肉泡飯 $88-吃完油油的炒飯，呢碗泡飯非常解膩，湯頭夠鮮。炒飯夠鑊氣，泡飯有驚喜隨飯附送一碟菜甫，少少辣好啱送飯。飲品方面推介手攪檸檬茶，已經調好味，唔洗督檸檬，啱晒懶人，除咗檸檬仲落埋青檸，檸味十足。炒飯要堂食，新鮮熱辣先最好味，不過建議避開平日一至兩點lunch time，都真係幾旺場

元朗既軟飯王出名炒飯夠哂穫氣, 可惜已經結業無緣再食. 偶然間知道牛頭角新開既小店炒飯同樣出色, 梗要過黎一試一試佢啦~傍晚時間去到, 雖然食客唔算太多不過keep住接外賣order, 相信都幾受附近街坊歡迎招牌蝦頭油炒飯舖滿左脆口既蝦乾, 炒飯料就有蝦, 蠔仔同魚, 以$78黎講算係誠意十足. 至於炒飯本身炒得非常乾身, 粒粒分明, 比起坊間幾百蚊一碟既炒飯更加好食😋另一個重點係炒飯量超多, 我分左1/3比男朋友食都完全夠飽, 而我平時都唔算細食😂秘製沙嗲牛肉雙燶邊蘭王蛋飯同樣亦係份量十足, 沙嗲汁好杰身同好濃花生味, 撈飯食一流🤤由於我本身唔太食得辣, 而佢呢個沙嗲汁我食到後半段係覺得佢太辣有少少頂唔順, 唔食得辣既朋友要留意下🫣兩個飯比較上黎我鐘意招牌蝦頭油炒飯多d, 沙嗲牛肉既調味太重口味反而遮蓋左個炒飯既優點留意到在場都有幾多人叫黑松露帶子炒飯, 下次可以一試😆

之前食過外賣，但就麻麻地，老闆都提醒話要堂食先好味。所以今次就嚟堂食試吓佢。叫咗個秘製沙嗲牛肉雙燶邊蘭王蛋飯 $78隻蛋撈埋啲飯正，$78 茶餐廳黎講係偏貴， 但係大大份令個價錢都合理返，滿足曬食沙嗲牛肉嘅慾望😋😋😋😋推介👍🏻👍🏻另外再叫左即叫即炸椒鹽豬扒飯個，都係$78，有鍋氣，好野味兩個飯都附送左一碟小小嘅菜脯，食到停唔到口😋食得超級飽，如果胃口比較細，一碟夠兩個人食。不過對平時食得淡味既我黎講，今餐係重口味🙈

📍金飯館📮牛頭角牛頭角道323號地下J號舖.🙎🏽‍♂️係牛頭角見完客已經夜, 決定近近地係附近搵野食, 經過見呢間食碟頭飯既餐廳坐滿晒人好似幾唔錯, 就即管試下呢間金飯館既水準啦.即叫即炸椒鹽豬扒飯 HKD78坐低左之後, 周圍望下隔離啲人食緊咩, 見到差唔多每一台客人都有點呢個飯, 相信係餐廳嘅生招牌😌唔洗10分鐘, 新鮮炸起既豬扒飯就ready上枱🥢炒飯底呈現金黃色, 粒粒分明, 充滿鑊氣, 豬扒份量驚人, 有成5-6 大舊, 岩哂大胃王🤭上面仲鋪左好多炒到好香既料頭, 令個飯更香更惹味秘製沙嗲牛肉雙燶邊蘭王蛋飯 HKD78沙嗲牛麵就食得多, 沙嗲牛飯真係第一次見🧐除左香噴噴既沙嗲牛之外, 呢個飯仲加左兩隻用日本蘭王蛋整出黎既荷包蛋, 香濃既蛋汁加濃郁既沙嗲汁, 撈埋落個炒飯底食先至係成碟飯精粹, 根本唔需要太多餸已經足夠KO哂成碟飯🤤蜜汁雞翼 5隻 HKD48呢度既雞翼可以稱得上係king size, 大大隻好厚肉, 即叫即炸, 外皮查滿晒蜜糖🍯.餐廳價錢經濟, 食物高質, 相信係牛頭角街坊既飯堂😙唯一提醒大家碟頭飯既份量都幾驚人, 就連出名大食既🙎🏽‍♂️都係好給力先食得哂一碟飯,

一直對小時候看闔府統請裡的金鑲銀炒飯念念不忘，沒想到竟在牛頭角一臥虎藏龍的炒飯專門店找到特意避開人潮於下午茶時段過來，但仍有不少人在排隊所有食品逐份即叫即炒，製作需時，先來杯手攪檸檬水一邊喝一邊等待，惠顧任何飯類熱飲加$6凍飲加$8，奶茶沖出黃金比例金飯仔必食推介秘裝沙嗲牛肉雙燶邊蘭王蛋飯的牛冧肉入口軟腍、吸盡醬汁精華！橙黃色蛋黃蛋香極濃，煎至燶邊，可刺穿蛋黃，連同秘製沙嗲醬拌炒飯底吃每日限量即叫即炸椒鹽豬扒飯香噴噴！豬扒外皮香脆肉質鬆化多汁！金黃色的炒飯夠鑊氣，米飯都被蛋汁包裹，蛋香十足，粒粒分明！等15分鐘也絕對值得小食椒鹽雞翼同樣是即做！味道香辣、炸得香口脆卜卜眼闊肚窄，不能吃太多東西，下次一定要試招牌蝦頭油炒飯

最近屋企樓下開左依間炒飯專門店，每次經過都見門外總好多人等位或等外賣，今晚無煮飯和屋企人一試，食出其滿分誠意。店子雖細枱櫈排列工整，座位有一定空間唔算好迫，環境光鮮無油煙味。而炒飯係即叫即炒，炒飯需時但值得一得，真心覺得好味，足料又好味道，價唔經濟ＣＰ值高。是街坊飯堂的不二之選，難怪平日夜晚店子都慣常坐滿人啦～即叫即炸椒鹽豬扒飯 $78豬扒五大塊厚身，份量相當多，無骨半肥瘦，食起來啖啖肉，肉質鬆軟保留肉汁。以椒鹽炸蒜花椒爆炒，醞釀著避風塘風味，欣賞其香口惹味，味道也不會過濃，配以黃金炒飯底，飯粒粒分明，水準不俗，加埋菜脯粒，多份口感和味道。炒飯都幾大碟女仔未必食得晒。秘製沙嗲牛肉雙燶邊蘭王蛋飯 $78沙爹汁味道香濃好多汁，牛肉嫰滑大片好多片。配以燶邊蘭王蛋，蛋香非常濃郁，蛋液撈飯食超正，加埋菜脯粒，好味好味。蜜汁雞翼 $48雞翼五隻大隻，外皮脆沾滿蜜汁，內裡充滿肉嫩充滿肉汁，小食都值得一食。手攪檸檬茶 熱飲 +$6，凍飲 +$8，用黃檸加青檸，味道清新無澀味。