陳漢記 (已結業)

天氣涼涼地，最啱食D熱辣辣嘅野，唔想去九龍或港島咁遠食煲仔飯，近近地係大埔都有個選擇。今次呢間老字號餐廳，我聽就聽得多，食就真係第一次。星期五晚上7點前黎到，門口已經有條隊，好彩最終只係等20分鐘就入得☺️。網上唔少人都推介鱔嘅煲仔飯，但我覺得食材要油少少先好食，所以我揀左北菇滑雞飯😋。屋企人另外揀左窩蛋牛肉飯、鳯爪排骨飯、牛筋撈麵、炸墨魚丸、蝦腸。本身想點埋爽滑魚皮，可惜已經售罄😯。首先送上鮮蝦腸粉 $25一客有三條，鮮蝦共5粒，蝦肉彈牙、有蝦味；不過腸粉就好爛、無彈性。炸墨魚丸啱啱炸出黎，非常辣口，味道正正常常，同平時街市買果D墨丸無太大分別。妙製牛筋撈麵 $50牛筋炆到軟得黎又帶點爽，個人覺得口感唔錯，不過味道就麻麻；至於撈麵個汁其實係蠔油，加上個麵仍然好重鹹水味，所以一定一定要加個辣油先好味。窩蛋牛肉煲仔飯 $53三款煲仔飯中，一致認為最麻麻，一黎無油香，所以底果D飯依然係豉油撈飯，味道單一。北菇滑雞煲仔飯 $53呢個比較好，白飯吸左雞油同菇香，所以即使無豉油嘅位置，都有淡淡雞香。鳯爪排骨煲仔飯 $53呢個最好，底嘅飯好有豉汁香，排骨又有肉。食煲仔飯，最重要緊係食飯焦啦!! 其實

呢一間相信係唔少大埔人一定識嘅餐廳🤣小編周不時都會特登慕名而黎食佢哋嘅煲仔飯！中意食飯焦嘅朋友絕對要黎試試佢👍🏻不過小編睇唔少食評先知，原來佢地唔單止出名煲仔飯，佢地嘅腸粉都好出名🤤下次一定要試吓！［窩蛋牛肉煲仔飯 $53］佢地嘅牛肉撈飯食簡直一流👍🏻撈埋蛋撈埋飯一齊食簡直就係出色！手剁牛肉口感帶啲嚼勁，肉味都好鮮濃～［蒜蓉黃鱔煲仔飯 $67］每次黎親我地都會嗌佢地呢個黃鱔煲仔飯！佢地嘅黃鱔好滑好好食，唔會好多骨🤣好新鮮好有咬口👍🏻［滑雞臘味煲仔飯 $67］佢地嘅雞幾滑，不過可能有對比，所以就顯得呢個煲仔飯普通咗啲齋咗啲🤣總結嚟講呢一間煲仔飯真係相當唔錯，飯身粒粒分明，軟硬岩岩好，一出到嚟熱辣辣👍🏻🤣如果冬天黎食一定好正～

趁天口未有咁熱，嘆返個煲仔飯! 以前煲仔飯通常都想係大排檔食，例如油麻地附近都仲有地方食到。 不過想入鋪食得舒舒服服，非大埔陳漢記的煲仔飯莫屬! 煲仔飯最重要係飯煲得靚，飯底絕對係唔濕， 飯焦底香脆唔硬，咁先係正! 陳漢記食咁多次，幾乎次次水準都KEEP到必食窩蛋牛肉煲仔飯習慣一上台面等多一分鐘先揭蓋淋煲仔飯豉油淋完再蓋蓋等多2-3分鐘先開動!! 咁樣D飯先唔濕同埋飯焦會索到豉油味牛肉好滑，鮮甜的似味滲係D飯到! 就算好熱都好快一啖一啖咁食完!! 其實一煲的份量幾多，通常二人一齊食就會叫一個煲仔飯+一個粉麵 咁就剛剛好!!

「冬至」就到，近日天氣都好應節，變得越來越凍！要即刻令身體暖笠笠，首選當然係食返啲熱辣辣嘅嘢，補充下熱量🤤今次，我地就一於食碗香港地獨家禦寒秘方——煲仔飯！——————————🔷窩蛋牛肉煲仔飯$48📍8.5/10呢度嘅煲仔飯非常唔錯，分量啱晒兩個人食。熱辣辣嘅飯，面上蓋著大量嘅牛肉和生雞蛋，真係視覺的盛宴！我習慣一黎到先等一陣，之後落一圈豉油再焗，咁樣就可以食到飯焦，也可令豉油味更出～牛肉鮮嫩，加上滑蛋令口感滑順；白飯粒粒分明，煲邊偶有飯焦，與超香的甜豉油撈埋一齊食，真係暖到入心❤️🔶炸両腸粉 $20📍6/10本身好鍾意食炸両，呢間嘅腸粉皮真係薄得黎唔會易爛，食落都有少少米香。可惜入面嘅油炸鬼唔夠香脆又唔夠熱😑雖然可以自己加麻醬甜醬，但呢間嘅甜醬超級稠，食落好甜，唔啱我口味。🔷艇仔粥 $30📍8/10艇仔粥有好多料，有豬膶、魷魚、粉腸、瘦肉和花生，加上少少蔥花，香氣更佳！其中最好食嘅係豬潤，爽口又滑，不會有異味，非常不錯👍🏼粥底好綿好滑，唔似出邊會越食越稀，不過感覺加咗唔少味精，食完有啲口渴😵