小漁港海鮮舫 鮮蒸‧鮮味火鍋

营业中

休息中

蒸海鮮就食得多，呢一間小漁港都係第一次試。出地鐵行大約五分鐘就到，都成九點半，但樓面都幾多人，未至於坐滿，係呢個位置呢個鐘數都有咁嘅人流都算好好。一行入餐廳已經聞到好香嘅味，睇真啲應該係蒸籠罩加埋啲海鮮味。樓面裝修正常，屬於舊香港嘅情懷咁，不過啲侍應姐姐服務態度真係好好，有禮貌又主動拎啲鹽焗花生同酸喬頭上台。見到我哋舉手又快速行埋嚟落單，又會主動留意客人有咩需要，加茶加水都唔駛叫自動波做埋。我哋就叫咗由廚師發板嘅粥底海鮮火鍋，免茶芥、免加一，樣樣海鮮都有，唔駛諗食乜，對於有選擇困難嘅人就最好，同埋嗰日食乜可以當日喺餐廳個facebook　page睇到。開始蒸啲海鮮時，見到個罩都幾搞笑，成頂尖草帽咁，不過都感受到餐廳老闆都好有Heart，因為真係好少餐廳咁做，多數都係用玻璃煲蓋。首先食嘅就係刺身冷盤，北寄貝爽口，蝦挑走腸係基本，重點係佢好彈牙！另外仲叫咗個脆皮豆腐，外脆內軟，好好食！而第一層嘅馬友蒸嘅時間剛剛好，入口即溶，無腥味，有魚味！對於啲唔食牛羊唔食腥嘅我真係覺得好好食！仲有大連鮑魚，一個字：鮮！食食吓老闆話有個配料區，如果嫌味道清就可以重口味返。其實呢間餐廳嘅嘢味道都係清淡嘅，但

難得約左朋友聚會就選擇去食蒸海鮮，就簡左$298個套餐，共有4層食物左右，每次蒸5-10分鐘左右，一開始就會食刺身先，跟住就續層續層蒸海鮮，愈食愈驚喜，食材新鮮，可帶出海鮮既鮮甜味特別系個蟹，有好多蟹膏同大件，最滿意的地方，同最後集合所在精華的南瓜粥底，呢個系必食，其他就得過且過，份量對女仔黎講系好足夠，食到大家都好飽，有好多都食不完。職員系好用心幫我們處理每一層的食物和調教蒸的時間，所以都值得去。

【海鮮都係蒸嘅好】上星期喉嚨唔舒服，但係又約咗朋友食飯，靈機一觸，揀左呢間小漁港「蒸海鮮」，海鮮都係蒸嘅好，除咗可以保留海鮮原本嘅鮮味，仲可以約一層層嘅精華留底，整返碗【鮮味粥】或者【鮮味烏冬】一入座，就望到座位隔離有個小漁船嘅模型，而且牆上好多海港嘅牆紙，睇得出想制造出漁港嘅環境同感覺。未點食物，店員已經非常快手上咗花生同喬頭，我唔係好食喬頭，但係脆卜卜嘅花生就比我食曬。我哋兩個人，每人都叫咗＄268嘅套餐，唔需要加一，非常均真。個餐包咗一盤刺身拼盤，有三文魚刺身同埋蟶子刺身，三文魚普普通通，但係蟶子就好爽口，認真唔錯。每個蒸爐係有電子計時器，一開著就會即刻霧上蒸氣，呢到同其他店嘅最大分別係其他店會一次過幾層一齊蒸，雖然精華會一層一層咁滴下，但係好容易會蒸過頭變老，所以我都幾欣賞佢逐層分開，而且海鮮精華都係會儲到最底嘅大盤中，唔會浪費。主角終於到了，第一層係生蠔、北寄貝同馬刀貝等等，非常鮮嫩！一啲都唔會腥。第二層係蒜蓉蝦、元貝及鮑魚等等，蝦同元貝我都非常滿意，但係鮑魚相比之下有啲腥，呢到有少少扣分。值得一提嘅係粟米好甜好爽口！第三層係大羔蟹同埋我覺得最正嘅「蟲草花蒸雞烏冬」，羔蟹係非