台灣郎

营业中

休息中

香港有好多台灣料理，但大部份都唔好食，起碼掛住台灣牛肉麵做招牌菜係比較吸引，今次來到西營盤一間台灣料理，菜式都好多樣選擇，晚上都有飯或麵套餐，其實有好多小菜選擇，但得2個人試下套餐先，叫左個紅燒台灣牛肉麵，三杯雞飯，食物質素： 紅燒台灣牛肉麵，牛肉係牛展，好淋，湯底以為係辣，原來帶甜味，有肉味冇藥材味，份量比較大，三杯雞，雞件係雞胸和雞鎚，麻油味唔夠香，九層塔味道好淡，總括來說，可以一試台灣牛肉麵，份量夠大！！

呢間台式餐廳身邊有人讚有人彈，我泥驗證下，一試便知龍與鳳👆🏻台灣我去過十次左右，雖然近呢3年冇再去，但台北台中台南都玩過食過。呢度裝修方面係較為台式，有少少九份feel，懷舊復古。午市有兩種套餐，我見牛肉麵既推介次數較多，就試試。餐飲點左凍檸茶，蜂蜜金桔，中規中矩。牛肉麵好大碗，份量好似好多。紅白蘿蔔各兩舊，牛肉約4-5件。唔知係咪個樣好似好，大家又推介，一食係完全談不上好食，牛肉唔冧，配菜麵條各樣都冇特別。就算唔同台北某出名林X芳牛肉麵店去比，連香港某連鎖台式餐廳都好味過呢碗麵，實在令我太失望了怎麼會這樣子的朋友話某學校既飯堂食到既三杯雞仲好食，我覺得係重口味，但唔惹味。你想像下$91既台式午餐應該要有咩質素，就知我係咩心情

今日完咗教會就約男朋友食午餐。到了西營盤，品嚐一下這間古早味台灣菜（朋友介紹話好出色又地道）好耐無去台灣，都好懷念台灣美食。這間餐廳設計得好靚，有好多五光十色的燈籠（估是放天燈的台灣民眾特色）仲有好多台灣不同地區的相片，有火車、九份、台南等，好懷念哦服務都幾好，黎到就立刻安排位置及送上餐牌，出餸的速度好快！地方寬敞又乾淨，光亮又好靚的特色台灣設計、座位舒適！播放著台式台灣背景音樂，好輕鬆又休閑食物方面，都好多選擇，有飯有麵有小食有煲仔，星期一至日都有套餐$66（主菜+小食+飲品），好抵又適合喜歡嚐多一點的客人；我們叫了1. 酥炸五香雞卷好特別又脆口，即叫即做，熱辣辣又香口，切得薄片，中間都有不同材料！口感更豐富2. 避風塘炒時菜油墨菜好香好清綠、微微辣辣的避風塘及炸蒜蓉香脆口感3. 72小時慢煮豬軟骨飯好軟腍好香好入味的豬軟骨，好正好美味，紅蘿蔔都煮得好腍、好正特口感！醬汁配上大大碗飯，好美味可口我超推薦喔！4. 紅燒牛肉麵牛肉好香口好厚但又好腍，筋及牛肉部分一層層的，好好食好香口台灣麵出名好味，這個有口感又不會太硬，好彈牙！這個麵都好推薦！湯汁又唔咸又香！5. 珍珠奶茶珍珠奶茶好香滑

早前晌葵湧嘅「大公雞」食到碗高質嘅台灣牛肉麵，講開講開，就讀港大嘅表姨甥女亦有好介紹，就喺西營盤嘅「台灣郎」，一聽個名就知喺賣台灣菜啦。今晚，就喺如佢嚟試試呢度嘅牛肉麵。唔單門面做到好台灣夜市樣，就算入到餐廳裡面，一樣喺好有台灣風情。原木木枱、大燈籠、牆上小盆栽，都令到環境、氣氛輕鬆。最特別喺水吧位，就好似夜市啲賣飲品檔，一條條五顏六色嘅菜名牌，可講喺台灣夜市嘅特色。而且，就算閒人，亦有唔少人幫襯，有份熱鬧感。隨著港島西延線開通，西環真喺越嚟越多特色食肆。翻一轉餐牌，原來有幾好選擇，除慣見嘅牛肉麵、鹵肉飯，仲有私房菜菜式（需預訂）、台式小菜、粉面飯、小食、湯水，以及各種台式飲品、啤酒。另外，仲有兩版「主廚推介」及「寶島懷舊套餐」餐牌，唔想諗太多，晌度揀就快靚正。兩款套餐喺包熱飲，亦可加錢轉其他飲品。經典台灣香腸 $58小弟對台灣香腸仲喺停留于「黑橋牌」，此外，都唔喺有太多認識。上枱時已切成薄片，較地道嘅食法喺可以伴以蒜片一齊食，當然，襯台灣嘅果啤就風味更佳，而香腸入口帶甜，肉質唔會太肥膏，感覺唔錯，喺定價似乎有少許貴。香炸花枝丸 $28一客共有3粒，粒粒都成個乒乓球咁大，炸得黃金，不過

西營盤愈來愈開好多特色小食，一入門口已經見到滿天花都係天燈咁，好靚🏮完成有置身於台灣既感覺紅燒牛肉麵🍜$88 升級特飲＋$8珍珠奶茶🥤台菜必叫牛肉麵啦～未食已經聞到好香，滿滿既紅+白蘿蔔增加成碗湯既清甜，牛展除左夠厚仲要係超彈牙，有４塊都幾大塊，麵能夠做到掛湯效果好爽口Lunch set$66有齊前菜＋主菜＋飯/麵，仲送多杯熱飲，但只有11:30-17:00供應上湯浸時蔬＋鳳梨糖醋魚塊＋廟口肉燥飯＋薑母茶(熱)  想食魯肉飯又唔想食咁肥咁油，所以叫左肉燥飯無咁多肥肉，依個餐幾抵食有菜，有飯，有野飲

呢間叫台灣郎嘅餐廳，係我咁啱去探住西營盤朋友時發現的。本身我哋仲頭痕緊食乜嘢晚餐的時候，突然間眼前一亮，見到呢間新開嘅台式餐廳！好掛住台灣嘅美食，所以就入去試吓！入邊嘅環境都幾闊落，而且好似台灣地道懷舊嘅餐廳一樣，再睇佢嘅Menu勁多台式嘢食，樣樣野都好想食，點算！奈何我哋得兩個人，點唔到好多嘢食😢不過我哋最後都點左一碗紅燒牛肉麵，台南滷肉飯，蚵仔煎同埋台式滷水拼盤😋再點左兩杯爆珠乳酸飲品首先上咗兩杯爆珠乳酸飲品，我地點左荔枝味同埋芒果味，其中一杯配餐加$8就OK，另叫一杯都係$20，佢d爆珠都幾特別，一咬就爆汁😂，加埋乳酸酸酸甜甜咁，我個人覺得荔枝味幾先夾啲好味啲👍跟住佢就上紅燒牛肉麵($88連飲品), 嘩！係見到個碗會覺得誇張果種好大碗，當然唔係淨係碗大，連份量都十分之多，首先試佢個湯底係好似超濃超多牛骨熬製嗰種牛湯，入邊有六七舊非常之大嚿連根和肉相隔嘅牛肉，而且非常之靚而且大大舊，真係好正👍每舊牛肉炆得亦都相當入味，加上一啲都唔會費工夫去咬，重點係稔身得來仍然有口感，呢個真係相當難做到！食牛肉麵就係要配呢啲大舊得來又香又諗嘅牛肉先過癮！而佢麵身是比上海麵幼身少少果d，煙韌得來又有