What The Food Cafe (已結業)

話說有時無聊我會開個 openrice map 篤吓有乜地方食嘢，早前篤到呢間，由於地點不太方便所以要揾機會先幫襯。哈哈到我生日終於大個理由揀我想食嘅餐廳，一於就嚟 what the food，由於係平日我諗應該唔駛訂位，就膽粗粗放工等柴可夫車我去，去到餐廳有幾張檯坐咗人，又有幾張訂檯，睇嚟就算咁隔涉都幾多人嚟幫襯喎。我哋叫咗個豬仔骨，佢有燒烤醬、蜜糖芥末同冬蔭公味揀，比我就好傳統會揀燒烤醬，但柴可夫超鍾意芥末味，而其他地方又少見咁整，所以就揀咗蜜糖芥末啦，其實真係好香同好 juicy，但芥末我真係唔太好，所以主力係柴可夫食 🤣🤣另外叫咗個蟹膏蟹肉蟹子燉飯，一上檯啲香味係咁攻出嚟，入口都好香，最鍾意佢啲飯唔會半生熟咁。其實落完 order 佢哋就送上 2 碗羅宋湯，我唔食牛但佢啲湯有牛，而佢哋又無其他湯，所以比咗個沙律我，抵讚。我哋另外叫咗 2 杯飲品，原本叫個牛油果奶昔，但後來話牛油果未熟，建議我哋叫其他，就叫咗芒果同菠蘿益力多沙冰，芒果香口，菠蘿清香各有各好味 👍👍👍啲食物咁啱口味，下次唔駛揾藉口都可以再嚟囉 🤭🤭

真係要多謝女朋友成日幫我手搵好野食，連今次咁偏僻的地方都俾佢搵到。星期日的工廠區四周圍都好靜，唯獨係呢度仲有唔少人氣。 餐廳名玩食字用左接近粗口，擺設都有唔少二次創作的元素，環境闊落。本來想叫佢「頹飯」入面果堆野食，因為平d，但係星期日唔供應，似係俾平日返工人士點的。 最後自己揀左蒲燒鰻魚蛋包飯，因為見多人揀。鰻魚有兩條。汁比較多同偏甜，蛋比較滑，似滑蛋飯多過蛋包飯，不過好味的。 女友要左份香煎帶子黑松露燉飯，帶子有三粒，都幾大下，係咬落有少少韌，似意大利飯，帶有好香的黑松露味。 最後叫左份「非工業用小食拼盤」，亦都係最gag果樣，因為佢真係用左工具箱黎上，入面裝左四款唔同的炸物：炸薯角、蝦、炸魷魚同炸芝麻雞翼，伴泰式辣醬。最好食就炸芝麻雞翼，因為上到黎係最熱，炸到唔太淋又唔太乾。蝦就唔算好大隻，炒到個穀好淋可以一齊食埋，椒鹽味好香。炸魷魚有少少失色，可能係炸得太多或者擺得耐左少少，外面果層炸皮幾硬下。 整體黎講野食水準ok，不過因為地方太遠要搵到呢間野都唔易。

黎到粉嶺工廈搵呢個隱世蛋包飯 想食十世因為係蛋包飯控 所以真係想食好耐好耐蒲燒饅魚蛋包飯 ($76)蛋包飯包住係入面既豉油飯底好味到傻個滑蛋再加埋個饅魚汁真係可以添多十碗飯個蛋滑到我差d跣親 絕對無誇張btw個跟餐既羅宋湯好足料入面好多菜好濃味 唔係hea貨個包都係高質包推介另外媽咪就嗌左紐西蘭肉眼牛扒配薯菜 ($108)個牛扒唔算特別好食 唔太值過百蚊爸爸嗌左廚師沙律($96)好足料 有成4款主要既菜(西冷牛片、青蘋果、煙鴨胸同煙三文魚)配埋一齊 絕對唔洗擔心齋食沙律唔飽同埋d材料都幾fresh幾好味西冷牛切左薄片仲好味左環境幾舒服 只係離火車站太遠都可以再黎

之前睇雜誌介紹嚟食過一次，見佢環境舒適，食品性價比高，單拖再萬聖節就到~好有氣氛，連waiter都有相應裝扮。雖然服務員遞上餐牌時有介紹較多人點嘅菜色，餐牌係黑板式設計，但都有D字較明顯，看似推介食品已經向我招手。餐湯一款羅宋湯，香草味好濃，酸酸甜甜好開胃。餐飲叫咗青蘋果梳打，貪佢有燈得意D，主食叫咗個意大利飯，帶子煎得表面金黃，仲有4粒咁多就仲正今次係較乾身嘅意大利飯，配濃郁黑松露味，飯間有珍珠菇，西蘭花同洋蔥粒，味雖濃但唔覺好漏，食到最後有D唔夠喉添

粉嶺★What The Food Cafe大熱天時由粉嶺站行成15分鐘去工廠區搵找隱世美食，行到大汗搭細汗，真係＂為左食，你可以去到幾盡？＂黎到工廠區花足眼力搵下依棟多利工業大廈啦～～搭上１樓就有清晰指示帶領大家去間cafe，走廊既牆上有ｄ好似打遊戲機既圖案，神秘得黎又幾玩味。不過講到玩味，都唔夠佢個名咁爆！縮寫擺明係想引導人地諗其他野啦WTF喎..哈哈，絕對會成功引人注目室內環境又幾型格～水泥牆充滿工業風，牆上面既裝飾雜亂而各有特色好似被化身為潛水氧氣筒既滅火桶啦，又好似門口既蝙蝠俠與羅賓(?!)既漫畫圖啦仲有廚房位掛係鐵絲網上面既型仔黑底白字menu，隱約帶點點日本拉麵店既形象搵食時間羅宋湯·麵包（跟餐）：★★★★★ ★★★☆☆Menu無寫所以當落完單waiter送餐湯餐包黎有surprise個午餐即刻變到好豐富咁…仲要d餐盆咁有特色💕餐湯酸酸甜甜幾醒胃，如果辣少少仲正薯仔紅蘿蔔蕃茄，餐湯黎講都好足料下～嘩嘩嘩，餐包係估你唔到咁好食熱辣辣，表面有d甜甜地既粉（個人喜好加分位），入面軟熟又香甜，可唔可以追加？蒲燒鰻魚蛋包飯（$76）：★★★★★ ★★★★★嘩嘩嘩，皇牌真係皇牌，一見傾

係北區呢d遠離市區嘅地方，食物種類都較少但偏偏係安樂村呢個公業區就有間北區較少有嘅cafe為左預祝我嘅生日，今日專程行過黎呢間舖頭食餐生日飯，順便試試呢間對我地黎講仲算新嘅新野餐廳menu今日4個人叫左咁多野環境唔錯，幾舒適我自己叫左個西冷扒，味道可以，重牛味但有部分係筋，幾痴牙，薯角同菜都好味呢個朋友食，我食左一啖，有wasabi味但唔攻鼻，正食左一啖，普通卡邦尼味呢個冇食，因為我唔鍾意食幔魚，但賣相幾好睇

工廈有出色的食店吸引食客到訪, 對於食店來說實在是非常鼓舞, 就像開業不久的WTF, 憑其食物質素讓食客慕名而去, 把 ‘粉嶺’ 這個似乎與美食一詞欠點緣份的地方重新放入 '美食地區搜尋'一項. What the …. 應該是香港人經常掛在口邊的啦, 無辦法啦~ ~ 世上太多不合理、不如意的事, 除了自己在口中說句What the ….呻一呻之外, 還有甚麼可做?Menu 是手寫的, 這種可愛的圓型字體, 很適合餐廳的路線. 意粉/飯/漢堡, 以工廈來說, 定價稍高.飲品有碎冰、咖啡、梳打及茶, 好多選擇.此外, 晚餐選擇亦有這樣掛在鐵網上, 很日式風格.餐廳的燈光很昏暗, 不知是否要跟上別緻的擺設而作.點餐後, 羅宋湯及麵包就出現在眼前.非常足料啊~ ~ 而且蕃茄味與肉味濃郁, 喜歡喝湯喝料的我, 當然一整碗渴光. 而麵包又夠鬆軟夠熱, 單是湯和麵包已讓我們thumb-up.大蝦青蘋果沙律, 蝦的size不算大, 但蝦肉都實淨的. 新鮮沙律菜及青蘋果十分清新, 醬料沒有太多, 十分健康!媽媽喜歡吃豬肋骨, 剛巧WTF有醬燒豬肋骨, 還可從三款醬汁(原味BBQ, 冬蔭公, 蜜糖芥末)中

早就想試試呢間工廈餐廳, 可惜未有時間經過個頭...今日去同D粉嶺友特登放工走去試試...餐廳的佈置好有格調, 一D都唔似工廈的餐廳而環境都好闊落, 坐得幾舒服~而佢既MENU係手寫的, 好特別我點左一個豬肋骨餐, 佢可以選兩款汁, 我選了BBQ同蜜糖芥末汁而飲品我就叫左杯山楂玫瑰花茶而甜品佢地每日都唔同, 今日我就叫左個雪糕馬卡龍試一試原來入坐都有每人有一碗薯仔蘿宋湯, 同自家製的麵包麵包好鬆軟, 而且唔會太膩, 帶微甜, 唔搽牛油食都好好味, 而且仲熱熱地, 岩岩好羅宋湯入面食到啖啖的薯蓉, 湯濃得黎唔會飲完好口渴, 而家飲得出落足料的好啦, 主菜黎啦, 豬肋骨一個人的份量都唔野少, 而且佢係薯角黎豬肋骨的肉好嫩, 而且好淋, 一切就已經甩肉, 煮既時間岩岩好, 而好入味, 而且有好多沙律菜就伴碟, 令到食完唔會好濟! 另外杯山楂玫瑰茶睇到好多玫瑰花同山楂係入面, 唔係出面即沖既沖包黎架而加左少少糖, 令到食完野之後可以幫助消化....到最後馬卡龍雪糕終於登場雪糕球可以任意配搭自己鍾意的口味, 而我就選左芒果味而佢既馬卡龍外皮唔太甜, 再配埋個雪糕就岩岩好, 而且仲附上新鮮既士多啤

睇完相，覺得幾吸引，就同班朋友去呢間cafe試下，各人叫的餐都不同，賣相都不錯，羅宋湯幾好飲，辣辣地，味道不錯，就著小弟叫的餐，牛扒跟意粉，黑椒汁味道充滿黑椒，沒有一種難聞味道，牛扒5成熟剛剛好，有牛肉味道，意粉通常白烚就算，而這間用黑椒汁和磨菇煮意粉，味道幾好。不過最可惜份量太少，未能滿足我的食慾。